فرجولي الله يفرج عليكم دنيا واخره

ro00oz

16-10-2022 - 04:16 am

مرحبا بنات انا ابغى حلى قهوه سهل الله يخليكم ساعدوني بحيث ان مقاديره تكون موجوده عندي مو صعبه تكفون لاتخلوني انا بكره عندي عزيمه ومو عارفه شسوي النجده النجده

التعليقات (9)

توتي الصغيره

16-10-2022 - 07:32 am

شي اقطع كيك سويسرول الحبه 6قطع مثل مانتم شايفين
وبعدين اوزعه في ورق البلاسيه والحين اسيح ربع اصبع زبده مع 3جالكسي ساده وملعقتين كبار زبدة
فول سوداني خشن واخلطها لما تتجانس زي ماتشوفون اصبها على الكيك وازينه بدموع الشيكولاته نحطه في الثلاجه ربع ساعه
للامانة ماجربته
بس منقول
دعواتك لي اني احمل

دمووع الشمووع

16-10-2022 - 08:33 am

كيك سوسرول صغير اقطعه حلقات
احمس جوز هند وسميد
اخلط نستله مع علبة قشطه
اغمس حبات الكيك فيه
ثم بالجوز والسميد
ثم احطه بورق بلاسيه وانقط عليه هرشي ( اختياريي)

ro00oz

16-10-2022 - 09:34 am

مشكوره ياتوتي الصغيره الله يرزقج انشالله بالذريه الصالحه يارب واسمع عن قريب انج حامل

(( نجديه ))

16-10-2022 - 10:35 am

السلام عليكم اختي
هذا حلا سهل جدا
المقادير
2ك ملعقه زبدة
2ك ملعقه طحين ابيض
4ملاعق كبيرة سكر مطحون
3 ملاعق كبيرة شوكلاته بودرة
رشة فانيلا
كاس حليب
الطريقه ضعي الزبدة على النار اذا ذابت ضعي عليها الطحين ثم ابعديها عن النار وضعي السكر والشوكلاته والفانيلا واخلطيها جيدا رجعيها على النار وحطي كاس الحليب حتي يكون الخليط زي الباشميلبعدين رصي طبقه من البسكويت وحط من الخليط وهكذا لين تنتهي الخلطهوبالهناء والعافيه

باشا

16-10-2022 - 11:36 am

ما ادري اذا حصلتي طلبك او لسه بس عندي مقادير بسبوسه تطير العقل و الكل يموت عليها ..
برفع لك موضوعي وانتي شوفي

*( أم جمانــــة )*

16-10-2022 - 12:37 pm

حياتي جربي الحلى اللي بكتب طريقتها وباذن الله راح تدعيلي
المقادير كاسه حليب بودره وثلاث ارباع سكر مطحون وبيضه ولزبادي وفانليا حطيها بالخلاط وعادك مجهزه بسكوت مطحون وفاركته بالزبده لين يتشبع بعدين حطيها بالصينيه وحطي عليه الخلطه وضعيه فالفرن من فوق لين تجمد وبعدين سوي كريمه عاديه حليب ونص ضرف كريمه وحطي شوي من السكر حق الكريمه وحركيه وبعدين حطي الكريمه على الصينيه ودخليها الثلاجه وان شاء الله تذكرين بخير

--صمت المشاعر--

16-10-2022 - 01:38 pm

غاليتي اعطيك وصفه حلى سهله
بسكوت شاي
ملعقتان كاكاو 2 كريم كرميل 1 قشطه تاج
اخلطيه مع بعض واغمري حبات البسكاويت ورصييه على شكل طبقات مع بعض على هيه عمائر اسكان
صحتين

مخاويه دلووووخ

16-10-2022 - 02:39 pm

... حبيت ارفع الموضوع ..
يعطيكم العافيه صباياا

فراشةمنحاشه

16-10-2022 - 03:40 pm

عندي حلا مره سهل ولذيذ
ثلاث ملاعق فول سوداني
علبه قشطه
علبه بسكوت مطحون
اخلطيهم وكوريه وحطي بورق بس يكونو صغار احلا وبعدين على كل حبه حط براس الملعقه شكولاته نوتلا بس تسوينها ونتي واقفه ما تحتاج جهد ومقاديرها مره سهله وذا حبه ممكن تحطين بدل القشطه حليب مركز

حلى رايق ورمانسي بالصور←
حلا قهوه سهل ولذيذ جدا الكل سألني عنه خطوات مصوره بالكامل→