الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
28-02-2022 - 09:48 am
السلام عليكم كيفكم ياعروسات 2008 الف مبروك مقدما بالرفاهية والبنين يارب من فترة كتبت موضوع بخصوص زفة بنتي ولاقت اقبال رائع وتقبل من العروسات زيكم وطبعا دحين تقولي ايشبك دوبك افتكر تي تكتبي هذا الموضوع اقلك ليه زواج بنتي كان 24 شعبان اللي فات يعني برضو 2008 وطبعا مافي فرح من غير مصورة وهذا هو موضوعي المصورة اعطتني موعد اخد الصور في رمضان ومع دوشة الشوربة والسمبوسة انشغلت ما اروح اخد الصور لكن بعد العيد بصراحو اخدتها اكيد بتقولي ياقلبك البارد تاخرتي على الصور.................... مش مهم المهم اني اخدتها وشفت الصور وربي جنان طبعا بنتي هي اللي حلت الصور
التعليقات (8)
بصراحة والله التصوير كانروعة والسعر اروع واروع طبعا اتفقت معاها تسويلي البوم صور ديجيتال وتصوير فيديو وهيا قالتلي انه عندهم عرض البوم ديجيتال كبير + البوم ديجيتال صغير + مجلة + صورة كبيرة للعروسين تتعلق في بيتهم + عشرة صور لاهل العروسين مع العروسة مجان + سي دي للصور تحتفظي بيه عندك لو حابة تسوي حركات يعني لوعندك هواية تصميم المهم سي دي للصور وتصوير فيديو طلبت منها يكون في دي في دي وكمان نسخة منه في شريط فيديو كاسيت وكمان طلبت تسوي لها شاشة عرض بصورها القديمة وهي صغيرة وهي كبيرة وصور التخرج وصور المكلة عارفين طبعا قصدي وجهزت كل شي انا قبل كدا طبعا دورت على مصورات اخذ اسعارهمواشوف ايش اللي يناسبني وربي دوخت من الاسعار اللي تقول تصوير فوتو بس 2000 ريال بعد المراعاة واللي تقول 2800 ولما طلبت كل هذي الطلبات وصلت 4000 ريال والله جاتني حالة نفسية لا ويوقلوا مافي حجز محجوزين فل وربي تمنين اني عندي هدي الهواية كنت رح اصير مليونيرة خما اطول عليكم تعرفت على الاخت هدي عند الصالون اللي اتفقت معاهم للعروسة وشرحت كل طلبي ومن هنا ومن هناك اتفقنا على تعرفي بكم
معليش انقطع الخط طلبت 2500 ريال وربي ماصدقت وقلت الله يستر لا تخبص الصور وتجرب على بنتي توكلت على الله واعطيتها العربون والصور حق بنتي اللي ابغاها في العرض وبعد ما شفت الصور حمدت ربنا الف مرة الصور طلعت مرة جنان و حركات وخلفيات روعة ويكفيكي الاخلاق واللسان العسل يعني تعترض على شي او حابة تغيري شي ماتسمعي غير كلمة ابشري ولا تخرجي من عندي زعلانة عيوني لك وربي يابنات مالي اي فايدةمن اني انزل هذا الموضوع كل فايدتي اني ارد لها الجميل عشان كلمتها الحلوة واخلاقها وطبعا شكر مني لها على شغلها الروعة على فكرة هي صاحبة صالون في جدة شغلهم مرة خطير انا مجربتهم في التسريحات والمكياج 100%لكن صبغة وقص وبشرة وغيره وربي ماجرتهم وما اقدر اشهد في شي ما اعرفه اللي حابة ارسلها رقمها تراسلني ويابنات اسألكم بالله الجادة هيا اللي تراسلني على فكرة هي تروح خارج جدة والتصوير مو للافراح بس ممكن تسوي تصوير عائلي او مناسبات تانية تخرج مثلا ربي يهنيكم ويسعدكم ويفرحكم في ليلتكم وكل وحدة ماجاها نصيبها ادعي الله انه يرزقها بولد الحلال خلاص تعبت بايات
مبروك على بنتك والله يسعدك يا أختي سماسم حاسة انو نيتك مره طيبة ونفسك تفيدينا ممكن الرقم بأقصى سرعة لو سمحتي
ماشاءالله الله يوفق بنتك يارب...
ان شاءالله بنات المنطقه الغربيه يستفيدو من موضوعك..
ان شاءالله بنات المنطقه الغربيه يستفيدو من موضوعك..
الله يوفقها دنيا واحرة الي ترد وتفيدني→