فرحانه وخايفه

البناات مرآح يقصروو
اب لعيونك

انتي بأي سنه
وبعدين عادي الزوج مو بيبي يبي يتعبك يعنى انا مثلا
تزوجت اولى كلية جبت بنت السنة الثانية وبعدين جبت ولد لما كنت بثالث واللحين انا بالبيت تخرجت
وتصدقين احس بطعم الانجاز
توكلى على الله وبلا خرابيط

لاتحطين ... اشياء صعبة بوجهك ...
انا تزوجت وانا ادرس حولت وكافحت ونجحت بمعدل .... والحمدد لله توكلي على الله ...
انا زوجي بعيد عني والله تعبانه .... فرحي بس بجيته ...

يمه كانك تكلمين عني انا متزوجه لي 7 شهور<<شوفي التوقيع خ
وزوجي بعيد عني وادرس وودي احس بالمسؤوليه
بس الفرق زوجي مانقل بس قريب ان شاءالله<<يارب
ياحبي لك الله يوفقك ويسعدك يارب

لاتحطين ... اشياء صعبة بوجهك

شوفي قليبي لاتفكرين ترى الموضوع سهل
شوفي اكيد زوجك مقدر ماراح يضغط عليك..
اولا مادامه نقل لك سوي له حفله صغيره حسسيه انك فرحانه وانه اهم من الدراسه ومن هالكلام
من ناحية الطبخ شوفي اوقاتك انتي وزوجك تحتاجون غدا والا مو لازم واذا لازم سوي شئ خفيف واذا زوجك سعودي اصلي لازم رز خ جيبي قدر الضغط ربع ساعه مخلصه كل شئ
بعدين نامي الظهر<<ماتقصد شئ خ
قومي العصريه الا انتي مجهزه حلا خفيف من البارح والا اطلبي والا جيبي من الكليه سنكرس وخرابيط
مع قهوه واجلسي انتي واياه سولفوا عاد ثم يقوم كل واحد يشوف اموره
انتي شوفي دروسك تصفحي الفراشه<<لازم مو تقطعينا خ
بعدين جهزي عشاء نوعي مرا صواني مرا فول وعدس وتميس خ ومرا معلبات ومرا مافيه خ
ثم نامي وقومي للكليه وبس شفتي الامور سهله خ
وحددي مثلا الاربعاء لغسل الملابس ومثلا الاثنين لغسل الحوش<<اذا عندك مثلا
والاربعاء او الخميس اللي يريحك نظفي البيت كله من سيراميك والمطبخ
اهم شئ لاتراكمين المطبخ عليك<<مجربه خ
واهم شئ اهم شئ لاتحسييه ان الدراسه اهم منه عطيه من الكلام القوي<<تراهم حبيبين لاعطيتهم كلام حلو ههه
واذا مره بالدراسه ماعليكم شئ مهم غيبي واستمتعي انتي واياه
اهم شئ لاتضغطين ع نفسك ذاكري بتركيز والله يوفقك يارب
ولاتنسين الدعاء والاستغفار تراه يسهل الامور
واي شئ بخاطرك لايردك الا رسايل الزوار حقي من عيوني<<لاياشيخه ههه يامهمه خ
والله يسعدك

لاتصعبينها وعوديه يساعدك بالبيت علشان ماتتأثر دراستك\

عادي حبيبتي انا كنت زيك ما اتحمل مسؤلية ابدا ولا اعرف اسوي شي
حتى امي تقوول شكلك بترجعين من ثاني يووم ههه
وكنت ادرس بس الحمدلله تحملت المسؤلية وكبرت في عيون الكل يعني لا تقصرين مع زوجك ابداا انا كنت متفوقة واهم شي دراستي بس برضو ما انسى زوجي انه له حق كبير علي والحمدلله اتخرجت هالسنه ومعدلي حلو
يعني لا تشيلين هم وربي يوفقك ان شاء الله
تحياتي:
لبونه

الصراحه مفروض تفرحين فيه حريم لهم سنين ازواجهم مانقلوو
وبالنسبه للمعدل الصراحه انا كان معدلي حلو لدرجه اني ماخذه
مكافأتين تفوق والحمدلله <ماشاء الله >
بس اللحين بعد الزواج معدلي نزل مره لاني قسمي صعب وانا مابي
اقصر على زوجي عشان الدراسه وصرت اغيب كثير لاني اسهر مع زوجي
واذا جيت اسوي غداء حتى لو قال ماابي غداء احسه وده اسوي له يعني هو
مو متزوج عشان كل يوم مطعم لانه خالتي معودتهم دايم على الدسم مايحب الخفايف
الصراحه انا نفسيتي تعبت وكنت افكر اترك الدراسه بس متحسفه على اللي درسته
باقي لي سنتين ان شاء الله واتخرج وهذا اللي مصبرني مع ان اللحين حامل والدكتوره
تقول لازم ترتاحين بس وش اسوي الدراسه سلاح
اهم شئ انك ماتتركين الدراسه ورتبي وقتك