فرصة خيالية أحلى وأغرب فستان زفاف للبيع وللايجار لبنات مكة وجدة

1. >>>> يعني الفستان جديد


2. مواصفاته....


3. الفستان بصراحه احلى من كل الفساتين المعروضه في النت

صباح/مساء الخير
على الفراشات الحلوات
كل عام والحلوات بألف خير..
حبيت اقوللكم اني ارغب ببيع فستان زواجي كان زواجي في نهاية شهر ثمانية

>>>> يعني الفستان جديد

مواصفاته....

الفستان خيالي بكل ماتعنيه الكلمة ومرة غريب وفكرته جديدة طبعا هدا كلامي وكلام كل من شافه وما اتوقع ان في احد لبس فستان بنفس افكاره او مواصفاته يعني بالمعنى الفستان ملكي ووقت مالبسته حسيت كأني من الملكات الرومانيات والله ماأبالغ لكن بتكلم عن احساسي
الفستان خياطته خارجية تخيط في ثلاث دول واشرف عليه مصمم عالمي
الفستان لونه ليموني على كموني لونه مرة غريب مطرز بسوار فسكي فضي وعسلي والأفصاص فيها لمعة زراق

الفستان بصراحه احلى من كل الفساتين المعروضه في النت

موديل الفستان التنوره تصميم زياد نكاد والطرحه تصميم جان فارس (ترى الطرحه كلها دانتيل فرنسي مع سوارفسكي وموديلها تنلبس كأنها اكمام وتتثبت على الراس والطرحه تكون منفوخه من فوق(وخصوصا الحين موضه النفخات ) وبعدين تنمسك من ورا بفيونكه بعدين تنفرش على الفستان من ورا (مثل الطرحات العاديه ) الطرحة مرة غريبه وفكرتها جديدة و الكورسيه (المشد اللي فوق ) حلو موديله فرنسي وعلى جنب فيه بروش لولو صغار مع سوارفسكي و واضح البروش
ومعاه المسكه بعد بصراحه موديل جديد وحلو ومش ورد طبيعي اهي موديل ورد بس بقماش تكسير وكأنها فيونكه ونازله فيونكات صغار وكبار وفيها ريش كبار (نفس الموديلات الفكتوريه)
و التنوره منفصله عن الجيبون يعني اذا شفتيه نافش تقدرين تخففين من الجيبون مع انه مو نافش بزياده والمقاس ميديم
اللي جادة وحابه تشوفه تعطيني خبر وانا راح ارسل الصور
على فكرة الفستان مرة مكلفني بس صرحة يستاهل
والله اني اتمنى ماابيعه ونفسي احتفظ فيه بس خفت عليه ينعدم مع مرور الوقت
وللأمانة كذا وحدة من خارج السعودية طلبته بس قلت>>>( بنات بلدي اولى ) <<<<<< تبغى تسويله سمعه
انتظر ردودكم ........
الله يكتب اللي فيه الخير