فزعتكم يابنات انا واختي محتارين

فهميني وش تبين وانا حاضره تبين زفه عندي زفه جدا رائعه

بغيت مثلا فكرة حلوة اتكون مع دخلتها يعني شي مميز بالعرس يعني نهديه لهاا انا واختي
مشكورة اختي حلا الدنيا على ردج اوكي معليه عطيني الزفة اللي عندج

مبروك اختي على زوج اختك
بس والله ان ما عندي فكره بس الفراشات ما بقصرون

طبعا انا عندي زفتين وانتي اختاري اللي
يناسبك بس لازم يكون عند العروسه خبر مو تفاجؤنها
الزفه الاولى تطلع العروسه وتوقف بالبلكونه اللي بالقاعه وتطلع
معاها بنت صغيره فستانها يكون
لونه قريب ومناسب من فستان العروس او نفس ماسكتها يكون
في فستان الطفله ذيل طويل بنفس طول
الممر اللي بتمر منه العروسه ويكون الذيل مشبك بالفستان يعني
تمشي البنت لين توصل الكوشه ولما توصل
ينفك الذيل منها والذيل مايجي مخيط في نفس الفستان يعني
مثبت بازرار او ماشبها لما توصل البنت على الكوشه يكون
قدامها عربيه هالعربه تباع في محلات تجهيز العرايس مااعرف
اذا هي متوفره عندكم بقطر تكون من دورين قزاز يوضع فيها
ورد طبيعي طبعا البنت الحين تدف العربه اللين توصلها نصف الممر
تكون العروسه جايه تاخذ العربه من البنت والعروسه تسلم الصغيره
الماسكه تمشي البنت قدامها وتنتظرها على الكوشه ويكون بهذي
اللحظه مشغله اغنيه لحسين الجسمي اسمها ياورد ياللي تنثر الورد
حلوه للزفه مناسبه هالاغنيه مره او اميره الورد حقت محمد عبده
وتبداء العروسه تمشي في الممر وتاخذ من العربه ورد وترميه
على المعازيم طبعا الورد لازم يكون مرتب بطريقه حلوه يعني
كانها بتقطف من مزرعه يعني يكون مثبت في فلين ومقصوص
الفلين على حسب مساحه العربه وبعدها توصل للكوشه وتترك
العربه وتاخذ الماسكه من البنت الصغيره
الزفه الثانيه برجع اكتبها لكن ابي رايكم وتعليقكم على الزفه

الف مبروك حبيبتي على زفاف اختك
وانا من رايي اذا تبين تهدينها هديه
سويلها شاشه سنما من هي صغيره الى من كبرت وحطي صورها فيها
وبعدين حطي زفه وجيبي لها عربه اهديها لها ويكون فيها عطورات ياقتين ورد مثلا واي شي تحبين تهدينها وكتبيي على العربه هديه من اخوات العروس لا حلا عروس
وتحياتي لكي وتراى ذا اللي سويته يوم تزوجه اختي ولكي مني ارق التحيات
من اختك دانه 2005

الف الف مبروك على زفاف أختك يالغالية

بس أختي لو سمحتي صحيح حلوة فكرة دانه لكن شفتها أنا في زواج كذا مرة

ألف مبروك والله يتمم ع خير, أحسن حاجة أشتري لها طقم ذهب غالي شو, أحسن من الخرابيط لأن طقم الذهب راح يبقى وكل ما تشوفها تتذكر أنكن أهديتن لها أحلى ذكرى , ما هو رأيكن

احلا حركه انكم اتحطون شبك لونه على لون السقف و في هالشبك حطو بالونات لونها على لون الكوشه او لون ورد العروس مثلا و اتلصقون فالبالونات فلوس او اتحطون القطع المعدنيه داخلها و تنفخوون البالونات و اول ماتوصل العروس في النص تفتحون الشبك و يطيح فوقها و بتكون حركه وايد حلوه..
او مثلا تربطون مجموعه بالونات على شكل قلوب حمره منفوخه بالغاز يعني اتكون طايره و تربطونها بأشرطه و اتثبتونها على الارض عشان ماتطير و مكتوب عليها نتمنى لك السعادة فحياتك يعني على كل بالونه كلمه او هالجمله و بتكون فكره وايد حلوه و اتحطونهم فالممر و لما توصل لهم العروس تيي بنت صغيره و حامله معاها وسادة حمره و فوقها مقص و اتقص العروس الأشرطه اللي رابطين فيها البالونات هذي و اتطير فوق القاعه طبعها الياهل اتكون سابقه العروس و تنتظرها,,,