فساتين المصمم أحمد البدوي المبهره

السلام عليكم ورحمة الله ...
أخواتي الفراشات .. لي مده طويله ماكتبت شي في المنتدى لكن
اليوم كتبت هذا الموضوع بالذات على شان أنبهكم وأحذركم
لا تطيحون في اللي انا طحت فيه
كذبه أسمها المصمم أحمد البدوي
صار عندي مناسبه مهمه قلت لازم أسوي لي فستان عليه الكلام
خطر في بالي محل أحمد البدوي اللي في السويكت في الخبر
رحت لهم وصمموا لي فستان على ذوقي .. الى هنا حلو الكلام!
قيمة الفستان 4500 ر.س. قلت معليش بس أطلع بشي حلو
لا وقالوا المحل له ميزه أي تعديل في الفستان على حسابنا لو بعد 10 سنوات
لما أستلمت الفستان تفاجأت بل أنصدمت
كل شغل الفستان تلزيق صمغ مسدس ( فستان ولا مزهريه!)
من أول لبسه طاح نصه
المهم لبسته مره وحده بس وهالحين صار له سنتين مركون
جات مناسبه قلت أعدله وألبسه حرام مالبسه الا مره وحده
رحت لهم عشان يعدلونه على كلامهم ولقيت المفاجأه الاعظم
أول مادخلت وقلت بسوي تعديل للفستان .قال الموظف : ايوه بس بفلوس
قلت له هذا مهو كلامكم قبل . قال : من قال ان أحنا نعدل مجاني قلت
أنتوا . قال لي بالحرف ( الكلام ببلاش ) أقسم بالله هذا كلامه ماكذبت
قلت له طيب الفستان شغله وكرستاله نصه طاح . قال : التعديل بفلوس . قلت ماقصرتوا
ماخذين 4500 على تلزيق في تلزيق والله العالم كم بتاخذون على التعديل
قال مش مشكلتنا . قلت حسبي الله ونعم الوكيل
هذي تجربتي مهم واللي تحب تتأكد تروح وتشوف المعروضات عندهم
حتى حاطين عليها ممنوع اللمس عشان محد يكتشف غشهم