فستان وربطة

باربي الشرقية

25-09-2022 - 07:58 pm

بليز ابي مساعدتكم انا عندي بنت عمرها 5شهور وشعرها قليل كأنها قحطه وحست ابي لها ربطات اخفي الفراغات اللي براسها وماحصلت الا الساده انا ابي اللي فيها حركات وردات شغلات وين احصلها بالشرقيه ....
وابي بعد محل حلو لفساتين البنوتات اللي بعمر بنتي 5 شهور حق زواجات ابي فستان نعوم لها ..
بليز لاتبخلون علي بالرد انتظر ردودكم والا
واللي بترد راح اعطيها و

التعليقات (6)

حلم وسط السراب

26-09-2022 - 01:28 am

حبيتي بالنسبه لربطات الشعر تلقينها في محلات اكسسواريز او مون سون او نوران
وهذي بالمارينا مول وعندك محل اسمه عالم الاحلام فيه شغلات حلوه
بالنسبه للفساتين تلقينها بمذركير او نكست وتوبا الوياو فيه محلات بالمارينا والشاطئ ناسيه
اسمها عندهم فساتين باغراضها كامله
من بكلات وشرابات ووالجزم حتى السنطه مره صغنونه
واذا على شعر بنتك دهني شعرها بالخروع واستمري عليه
وبتشوفين النتيجه
اتمنى اني افدتك
ودمت بود

باربي الشرقية

26-09-2022 - 02:29 am

يعطيك الف عافيه وجعلها بميزان حسناتك

laidy moon

26-09-2022 - 03:30 am

صحيح في فيمحل في الشاطئ مول فيه اللي تبين من فستان وتركبي عليه قبعه او تاج يجننو اظن في الدور الاول على اليمين اذ مش غلطانه انا

دانة من الدانات

26-09-2022 - 04:31 am

اختي اذا انتي بالخبر فاغلب المحلات اللي قالوها الأخوات موجوده في الظهران والراشد والفيينيسيا مول
بس زياده عليهم في الظهران في m&mيهبل للأطفال اللي بسن بنتك لهم قسم خاص فيهم في آخر المحل وفي كثير كثير محلات بالظهران بس بصراحه انا من النوع اللي ما يثبت اسماء المحلات خاصة انها كثيره وكبير
وطبعا كل هاذي المحلات اللي انذكرت فيها فساتين للأعراس لبنتك وتهبل بعد
موفقه

باربي الشرقية

26-09-2022 - 05:32 am

الله يجزاكم جنات النعيم

سلساله

26-09-2022 - 06:33 am

بالنسبه لربطه الشعر انت صلحيها احسن اما الفستان تلاقين كتير

ليه العطر ويآسمين أنفآسهآ دخون عطور أطفآل←
000تخفيضات في سيتي بلازا وسيتي مااكس00→