فطاير الصاج وصلت طازة يافراشات وطبعآ بالصور

السلام عليكم ورحمة الله وبركاته ..
هلا وغلا بحبيباتي الغاليات اتمنى تكونون بصحة وبعافية
جايبة لكم مخصوص فطاير على الصاج حلوة ولذيذة وان شاء الله تعجبكم ..
المقادير:
4 كاسات دقيق ويفضل دقيق الكويت - 2 ملعقة كبيرة خميرة فورية
1 ملعقة باكنج بودر - 5 بيالات ونصف موية - 3 ملاعق حليب بودرة
رشة ملح - فنجال سكر بيالة ونصف زيت .. ( تقدرين تسوين نص المقدار اذا تبغين )
الحشوة:
اي حشوة تبينها لحم او دجاج بس انا هنا حشيتها ببرجر دجاج مقلي - مخلل خيار
شرايح خس - صوص ( مايونيز-كتشب- خردل )
الطريقة تعجن المقادير مع بعض وتترك لتختمر لمدة ساعة تقريبآ ..
تفرد وتقطع على شكل دواير بحيث تكون سماكتها عرض الاصبع
وتوضع على صينية مرشوش عليها دقيق
تحطينهم على الصاجة اللي تكون محتمية وتقلبينها حتى تتحمر وتحطينها على طول في
قدر مغطى او زبدية مغطية حتى ماتيبس
وتحشينها الحشوة اللي تعجبك
وبالعافية ان شاء تنال على اعجابكم