فكرة راح تعجبك ياعروسة فيها فايدة وتبقى لك ذكرى حلوة

1. الفكرة طبعا للي مهتمه بالطبخ والتفنن فيه لزوجها او اذا جاها ضيوف


2. أو حابة تروح لأي أحد وبيدها طبق حلو من عملها


3. اتمنى ان الفكرة وصلت بوضوح


4. مو من كثر حبي للطبخ والنفخ

من فترة ودي أفيدكم بهالفكرة اللي خطرت في بالي
وبديت تنفيذها صارلي شهور
على حسب وقتي واحيانا والله اسهر عليها وقت طويل
بس الأمر يستاهل
هالموضوع جهد شخصي مني
واتمنى الفكرة توصل
اللي خلاني اتردد فكتابتها ابغاها توصلكم بالأسلوب اللي يليق فيكم
وهذا يحتاج وقت وترتيب وانتو وربي تستاهلون
بس هذا جهدي والعذر منكم لأي خطأ أو غموض أو تقصير
وكمان حابة اقول الفكرة حلال
للي تبي تنقلها لأي منتدى ماعندي مانع ابدا
المهم الفايدة
وما ابي منكم غير الدعوات الصادقة

الفكرة طبعا للي مهتمه بالطبخ والتفنن فيه لزوجها او اذا جاها ضيوف

أو حابة تروح لأي أحد وبيدها طبق حلو من عملها

وحتى اللي ما تحب الطبخ لابد تاخذ احتياطها بدل كتب الطبخ اللي نشتريها بذيك القيمة وما مايعجبنا الا شوي من الموجود فكرت وقلت ليش ما اسوي لنفسي ملزمة اجمع من النت الطبخات اللي تعجبني من كل شكل وكل نوع بالصور وبالخطوات المصورة وصغرت الصور ونسقت الملف والالوان والخط على كيفي وانسخ من هالمنتديات اشياء مرة حلوة وبالذات الحلويات واحيانا ادخل قوقل الصور واشوف وانسخ وجمعت كثير وكلها روعة وتعجبني وطبعتها باقي بوديها المكتبه اسوي لها سلك وغلاف ويصير عندي كتاب طبخ كل اللي فيه عاجبني ومستعدة اطبخ كل شي مابقى طبخة ماحطيتها من الطبخات المعروفه حتى التميس دورت طريقته وخلطات المطاعم والذبيحة والمنتو وكمان وأنا ابحث لقيت طريقة عمل الماجي فالبيت وطريقة عمل بهارات مشكلة وأشياء كثيرة عصيات آيسكريم حلى رومنسي ..
وكل ماخطر فبالي شي اسجله فورقه عشان لما اجلس عالنت ادور
وكانت متعة بس فيها شوية تعب
لما تتخيلي نفسك وانت مسوية طبخة أو عصير أو أي شي من اللي انت جمعتيهم راح تحسي بالمتعة وتتحمسي بقوة لجمع المزيد
يعني فوقت جمع الطبخات كان يشتغل الخيال ههه
كمان كنت ادور فالقوقل لتزيين موضوعات الطبخ واحط صور حلوة
لأنه فايدة وذكرى وإذا شافه ابو الشباب يشوفه شغل مرتب
ههه
طلعت عندي كثير
طبخات
فقسمتها ورتبتها
حطيت
ملزمة أو ملف أو كتاب اللي تحبون
حطيت الحلويات لوحدها
والفطاير لوحدها
لأنها كثيرة
وهكذا
وصغرت الصور
وخليت كلمة المقادير والطريقة بالاحمر
الباقي بالأسود
وبعض الطبخات
يكون لها اكثر من طريقة جمعتها
ما فيه مشكله حلو التنويع
حاولت ما انسى شي
وكمان كنت احاول اعرف من ابو الشباب الاكل اللي
يحبه عشان احطه اول القائمة
وحاولت اني افصل الطبخات عن بعض
يعني كل طبخة ماتشترك مع الثانية
لاني بعد الطباعة
صرت اجمع الحلويات لوحدها والفطاير لوحدها....الخ
وحتى الحلويات حاولت اني احط السهلة ورى بعض
والكشخة ورى بعض وهكذا ..

اتمنى ان الفكرة وصلت بوضوح

مو من كثر حبي للطبخ والنفخ

بس اكيد بحتاجه بعد الزواج تجيني عزيمة او شي الا وانا عارفه وش اسوي وما اخاف .. وبعضها جربتها برمضان ... وش رايكم بالفكرة من اول ماملكت صار لي 7 شهور وانا كل يوم اسوي شي والحمد لله طبعتها خلاص واعتبرت هالشي من الاشياء المهمه في التجهيز مثله مثل الكريمات والعطورات غير انه بيبقى ذكرى عندك لهالايام الحلوة ايام ماقبل الزواج أيام الملكة والتجهيز ..
تخيليه وهو عندك لما يكبروا بناتك توريهم وش كنت تسوي وتجهزي قبل الزواج
ههه هاه وش رايكم؟؟
إذا أعجبتكم الفكرة مره مره
قولوا
ما شاء الله
ولا تنسوني من دعواتكم
أختكم ؛ حزن الحياة
الرجاء عدم أحراجي بسؤالي عن اي طبخة ماصدقت اخلصه
ومافيني ارجع ادور طبخات .. ولكم احترامي