فكره وطبخه فطاير لاتفوتك روعه والفكره بالداخل

السلام عليكم ورحمة الله وبركاته
اليوم فاضيه وعندي زواره لبنت عمتي والده
والصراحه الاكل انا لما اروح لاحد احاول قد ماقدر اسويه بنفسي ماحب اخذ للناس شي من برا الا الشوكلاتات طبعا
وبما اني رايحه لوحده والد لازم ازين وازبرق والمع تخبرون الوالد ناس طالعه وناس داخله المهم مالكم بالطويله
سويت فطاير شي محشي جبنه وشي لحم
الفطاير
المقادير
تحطي في الزبديه
2 ونص ملعقه صغيره خميره
2ونص ملقعه صغيره بكنج بودر
فنجان صغير مو مليان مره سكر << فنجان قهوه
كاسة شاي زيت
ملقعه ونص صغيره ملح
كاسة كبيره تحطي فيها ملعقتين كبار حليب بودره وتعبيه مويه دافيه وتحريه وتحطيه معهم واضربيه بالمضرب الى ان يختلط
بعدين 2ونص كاسة طحين طبعا اذا احتاج اكثر تزيدي
بس ماتحطيه دفعه وحده كل شوي حطي نص واعجني الى ان ينتهي
اخر شي حطي بيدك شوية زيت واعجني العجنه الاخيره
وخليها ترتاح الخلطه
شي سويته بجبنه كيري
وشي سويته بلحمه : بصلتين لحمه انا اسويه بامريكانا المثلجه مره حلوه ومكعب ماجي وفلفل اسود وكمون يعني تقريبا ثلاث ارباع الملعقه الصغيره .. ونص ملعقه صغيره كزبره ونص بهارات مشكله
احط البصل وعلى طول احط معاه اللحمه لاني مابي البصل يذوب فردتها على رقم 3 بالفراده تبع العجين
وحشيت العجينه
و استخدمت هالقطعتين
وهينا قبل ماحطها بالفرن
وهينا وهي بالفرن بعد ربع ساعه شوفي كيف انتفخت ومن تحت حمرت
وهينا بعد ماستوت
هاه كيف التعذيب
وشوفيها من قريب الحين نجي للفكره
عندي سله ماني بحاجتها ولو جلست بعد عندي زياده يوم بكبها وقلت يابنت ليش ماتحطي فيها الفطاير وتزينيها وبعدين اكيسها واسكرها عن اي محل
وهذي السله
قصقصت كرتون على مقاسها وحطيته جواتها عشان ماتبين السله فاضيه << غش محلات يعني خ
وهينا بعد ماعبيتها
تتغلف زين ماعندي ورق الهدايا وتحطين لها شرايط سويها باقرب مكتبه عندكم
ملاحظه
ابد مادهنتها ولا بأي شي من فوق خليها كيذا احلى الصراحه
وتجي هشه يمي يمي
وسلامتكم ياحلوات