في وحده طلبت طلب من زوجها وكانت يائسه ان يوافق ووافق

1. اشلونكم يا حلوات

اشلونكم يا حلوات

امانه بنات تكفون حمسوني انا بخاطري اسافر اوربا او امريكا من بدايه 2008 وانا احن على زوجي ومو راضي وامس كلمته عشان نيمع وقلت له انا مستعده اشيل تكاليف السفره وقال لي يصير خير
انا بصيف 2007 رحت ماليزيا واستانست مع انه كان بخاطري اوربا ورضيت بماليزيا عشان خاطره وعقب ما رجعت قمت ادعي واصلي الليل وبرمضان اصلي القيام وادعي بسفره حق اوربا حق صيف 2008 ودعيت انها تكون سنه خير وفرح وكنت متفاءله حيل بس سبحان الله صار العكس سنه من بدايتها هموم ومصايب ومشاكل وهموم استمرت لي شهر 4 من هالسنه 2009
عساكم ما تشوفون السي شفته والله ما اتمناه حتى لعدوي
والله الحين قاعد اصلي صلاه الليل وصلاه الحاجه وادعي واستغفر بنيه ان يهدي زوجي ويسفرني بعطله نص السنه او صيف 2010 والله كريم
لا تقولون انتي تافهه وماعندج سالفه بس الي ايده بالنار مو مثل االي ايده بالماي وركبه الطياره متعه بخاطري بدوله بارده وخضار وبحيرات وطبيعه
بخاطري لندن او فرنسا او المانيا والنمسا او امريكا خصوصا عقب الهموم والمصايب ودي بسفره اغير جو فيها
والله اشوف هالي سافروا يسولفون وانا اتحسر على عمري عليهم بالف عافيه الله يهنيهم بس مو عيب ان الواحد يتمنى الشي الزين لنفسه
عند اهلي ما شفت سفر ولا شي والحين اتمنى اسافر تكفون ادعوا لي
تكفون فيه وحده مرت بنفس مشكلتي طلبت سفره من زوجها وكان رافض وعقب وافق ؟
ورجاءا ما ابي هجوم