قاعات لبنات جده

1. قاعة رمانس


2. قاعة السليمانية


3. قاعة نفرتيتي (استراحه)

يابنات حبيت انزل هذا الموضوع عشان بنات جده يستفيدو من القاعات من كتر ماالف عشان القى قاعه لفرحي بس مادري اذا طرا اي تغيير في الاسعار مع انه اخر مره كنت اتفرج كان قبل شهر وملاحظة لكل البنات ترا القاعات ايام الصيف ن ار ضعف السعر في الايام العادية
اول شي حبدا في القاعات الصغيرة والي تصلح لملك وتصلح لفرح كمان

قاعة رمانس

هذي القاعة في حي الصفا بعد لفة مستشفى الجدعاني, والمشرفة يابنات زي العسل في التعامل وقمة في الذوق
القاعة تشيل من 150 شخص -500 شخص(شامله البوفيه-المصورة-الكوشة-تنسيق الطاولات-الدي جي-الزفه-دفتر الاتوجراف) يعني بالعربي ماعليكي الا تجيبي مطربة, والقاعه من جوا حلوه بس فيها مسبح طبعا مو جوا القاعه لافي جهة ثانيه تنزف العروس بعدة حركات منها تدخل جوا شجره صناعيه مره كبيره ويدور عليها عريسها ويتتزفوا من فوق الجسر الي فوق المسبح وهذا كل الناس يشوفوه من البروجكتر وزي كذا روحوا وشوفوها فيها حركات, والبوفيه حقهم تختاري واحد من دول(الجونه-الدلفين-الدار البيضا هو الاغلب الي يجيبوه بس انصحكم اكلهم مو تمام مو ي لما يسوه في فندقهم.
الاسعاره حسب عددضيوفك يعني مثلا لو كانوا 200 شخص واخذتي مينيو رقم 2 يطلع معاك كل هذا ب27الف ريال تقريبا ومعاه افتكر 50 كرسي مجانا.

قاعة السليمانية

عاد هذول عاملين عرض دحين 100 شخص ب9 الاف ريال وشي يعني 10 الاف ويشمل كل شي ماعدا المطربه, تختاري الكوشة الي تعجبك والبوفيه حقهم من Elitte افتكر اسم المطعم كداترا الاقاعه من جوا يغلب عليها اللون الاحمروهذي افتكر في الشرفيه يا بنات دقوا وخذوا العنوان. ترا قاعة الرجال بلاش بس العشا عليكم.

قاعة نفرتيتي (استراحه)

هذي القاعه في ابحر وهي حريم ورجال مره قسم الرجال كبير وهذي بالذات تصلح ملكه حق الحريم البوفيه يطل على مسبح بس ترا هم ياجروا القاعه مع المضيفات والقهوة والشاي بس العشا من برا على اهل الفرح ايجار القاعه افتكر كان ب2000 ريال وامكن وشوي
شويه وراجعتلكم بالقاعات الكبيرة لاني تعبت