قد مرت عليك لحظه تتمنين فيها الطلاق

حبيبتي مدري ايش اقولك هو يمكن الي تعيشيه صعب بس يا قلبي الطلاق اصعب وخصوص لو في اطفال هو ما فيه شي ما له حل ومافي رجال ماله مفتاح والله مدري ايش اقولك بس اهم شي الطلاق شيليه من بالك وان شاء الله الفراشات يفيدوكي بحلول اتمنى لك التوفيق

وعليكم السلام ورحمة الله وبركاته
ياهلا فيج اختي والله انا مو عارفه شلون ارد عليج لانج تكلمتي بشكل عام ماقلتي شنو السبل الي
جربتيها فيه بالتفصيل ولا شنو الاشيا الي تبينه يتغير فيه
بس اني حسيت بمعاناتج عمومآ لان اغلبنا اذا مو كلنا نعاني من نفس المشكله
بس ياحبيبتي ترى الحياة الزوجيه يبيلها طولة بال قد ماتقدرين
وخطط واساليب مختلفه ومرات كذب ومبالغه بالوصف والمعامله
وانتوا لسه ثلاث سنين مره قليل انكم تتفاهمون مع بعض
انتي حطي بالج زوجج يصلي؟ بار بوالدينه؟ محترمج ؟
طبعآ على كلامج انه يسب يعني معناته مافي احترام؟ بس انا بسئلج
ليه ماوقفتيه عند حده؟ ليه خليتيه يسب؟
وعلى فكره برضو ترى ماله علاقه السب بعدم احترامه لج( بقاموس الرجال) طبعآ
لانهم اذا عصبوا ينسون الي قدامهم ومايحسون وش يقولون وشنو يتصرفون
بس انتي المفروض بلحظتها صرختي بوجهه ووقفتيه عند حده اذا مو عارف حدوده
لان الا الاحترام هذا واجب عليه مو على مزاجه
ولازم يتعاقب اذا قلل من احترامه مثل الاطفال بالضبط
فأنتي اذا حابته وشاريته وحاسه انه احسن من غيره طولي بالج وربيه على كيفج
اما اذا حابه تنسحبين ومالج خلقه براحتج بس بقولج نصيحه
ترى حياتج ماراح تصير مثل اول ايام العزوبيه انا طبعآ مااقصد كلام الناس ونظرتهم لانهم مايهمونج
بس قصدي بتكوني تعودتي انه لج مكان خاصه سرير خاص
رجال بحياتج ترى كل هذا صعب كثير تستغنين عنه بهالسهوله
الله يسخره لج ويهديه يارب ويصلح باله

ياقلبي حاسه فيك وشوفي هذا الدعاء لعل ربي ينفعك به وينفعنا جميعا
لكل متزوجه ((دعاء)) لتسخير الزوج بأذن الله
بسم الله الرحمن الرحيم
اللهم يامالك الملك ملكني قلب من ملكته امري الهم اصلحه لي
وجعله قرة عيني واجعلني قرة عينه
اللهم استر عني عيوبه واستر عنه عيوبي اللهم واظهر له محاسني واظهر لي محاسنه اللهم رضني بماقسمت لي وبارك لي فيه وراضه بما قسمت له وبارك له فيه
اللهم اجعله سكنآ لي واجعلني سكنآ له واجعل بيننامودا ورحمه يارب العالمين يا جواد ياكريم
اللهم سخرلي زوجي كما سخرت الاجنه في ارحام امهاتها واجعله كما احب واتمنى
اللهم قرب قلوبنا واجمعها على هداك وادم وصلنا وحبنا الى ان نلقاك
اللهم استرني بزوجي بسترك الذي لاتمزقه الرماح ولا تهزه الرياح
اللهم اكفه شر بنات الاحرام وجملني في عينه واجعلني اجمل نساء الدنيا في عينه
اللهم اكفني انا وزوجي شر كل حسد وسحر وعين ومس وحقد الحاقدين واعدائنا واعداء الدين وشماتة
الاضداد وكيد الحساد والشك فيما بيننا

مشكوره بنات لنصائحكم خففتوا عني كثير..
نعم بيننا طفل ومالي رغبه اجيب طفل ثاني وهو كمان مابيغى اطفال ...
ولمن افكر اجلس اقول لو انفصلنا اقلها يشوف الوجه الطيب من ابوه ومني ...
وماهمني نظرات الناس لانوا اكيد العيب منه مو مني انا ..
مع العلم ان اهلي عارفين بمشاكلي معاه وابويه ياما نصحه باسوب ارقى من الرقي وخاصة انه يقربلنا ...
ولكن للأسف ما احسه مهتم..
احترام مافي..
تقدير للمشاعر مافي..
اسلوب للحوار مافي ...(نهر وزجر)..
ومن قال اني اسكت اذا سب بس احيانا ما اتحمل الكلام ذا انجرح واحاول اني ما ابكي قدامه ..
علاقته مع اهله عاديه بس اذا زعل من شي ..........!!!
اذا حسيت اني صلحة شي خطا وشاورته شوفوا السب والكلام اللي ماينقال...حتى لو ما كان ذا الشي يخصة ..
احيانا ابغى احد يوجهني يقولي كذا صح او غلط...
ومره اتصلت بمركز استشارات اسريه وياليتني ما اتصلت ما فادني بشي غير انه سألني المستشار يدخن ؟يسكر؟ يسهر اخر الليل؟
وكلها طبعا لا قالي احمدي ربك (قلتله الحمدلله ) ..
انا ابغى يكون بينناا انسجام في الحياة ماني قادره اوصل للانسجام ذا ...

يمكن زوجج من النوع العنيد مايقبل احد يوجهه ويحسسه بعيوبه
وبعدين اكبر غلط انه علمتي اهلج بمشاكلج
انتي كذا عريتيه قدام اهلج وحتى لو معاهم حق وعندهم اسلوب راح يركبج الغلط
وبيقول انه طلعتي اسرار بيتج ومعاه حق محد راح يلومه
انا احس انه ماعندج طولة بال كفايه علشان تحاولين تتحملين زوجج
او انه كلامج عنه قدام اهلج خلاه ماله اهميه عندج لان رايج وراي اهلج فيه كافي انه تتركينه وخلاص
والله مادري ليه حاسه انج غلطانه بشي او مو عارفه تتعاملين مع زوجج وتبينه بسرعه يتغير
انا اسفه اذا زعلتج او نرفزتج انا ممكن احساسي غلط بس هذا الي حسيته وقلته
الله يعين

ادعي الله ولا تيئسي من الدعاء الي الله وعليك بموالاة سورة البقرة فانها بركة وحاولي ان تستفيدي من اوقات استجابة الدعوة وادعي بدعاء تسخير الزوج كما قالوا لكي الاخوات ...... وكما علمت انك مامت وليد فابنك نعمة اكبر من قسوة زوجك انشغلي به عن هزه الفكرة (فكرة الطلاق) الحياة في بدايته صعبة وخاصتا الخمس سنين الاولي ... ولا تفكري ابدا في الطلاق لانك سوف تعانين اكثر صدقيني_______________ وفقك الله

الله يسخره لك امين ريارب

الله يصبرك ويعينك ويهدي جوزك ويحنن قلبه عليكي

كثري استغفار والله يفرجها