قدر الله وماشاء فعل اللهم اجرني في مصيبتي واخلف لي خيرا منها

1. ابقول لكم قصتي اللي حصلت لي قبل شهر ونصف تقريبا


2. وانا والله هدفي من الموضوع النصيحه لكم يابنات..

بسم الله الرحمن الرحيم
والصلاة والسلام على رسول الله الكريم..

ابقول لكم قصتي اللي حصلت لي قبل شهر ونصف تقريبا

وانا والله هدفي من الموضوع النصيحه لكم يابنات..

قبل شهر ونصف اتصلو ناس على امي يخطبوني..طبعا امي فرحت كثير لاني انا نادر مايجيني خطاب والحمدلله على كل حال..قالت لي امي وقالت لي اهم شي استخيري..قلت له انا مبدأين موافقه تدرون ليه تسرعت لاني الصراحه فرحت ..وقلت بنفسي انا ادعي ربي من سنين وخلاص ان شاء الله هذا الزوج الصالح اللي دعيت ربي وان شاء الله انه استجابه لدعائي.
طبعا اهلي سالو عنه ..وماشاء الله اخلاقه زينه واعجبو فيه اخواني..ومن الفرحه بالخبر كل الناس عرفو بخطوبتي .. اخواتي كلهم وأولادهم وازواجهم وزوجات اخواني وحتى بعض صديقاتي..
وزارونا اهل الولد وشافوني وعجبتهم ..وقالو لامي متى الولد يجي يشوفها .. طبعا وجا الولد يشوفني ..كل هذا يابنات وانا مااستخرت الا مرتين بس..ووحده من خواتي قالت لي ياشذا لازم تستخيرين كم مره احسن..وانا اقول له ايوه ايوه خلاص استخرت ..وانا بالكثير استخرت مرتين
المهم وجا الولد وشافني وانا مرتاحه له كثير .. دخلت وكان اخوي قدامي يمشي ولمى دخلت رفعت عيوني عليه بدون شعور وشفته وشافني..وكل دخلتي يمكن 5 ثواني
المهم وطبعا طلع الولد ماقال لاخواني شي ..وبعد يومين جاني الرد اللي صدمني صراحه..كلمت امه وقالت الولد استخار وترانا فصخنا الخطوبه ..
تصورو يابنات بعد كل هذا الامل اني اتزوج اخرتها ماعجبته..
وقتها صح بكيت كثير وجلست تقريبا اسبوع نفسيتي تعبانه..لكن اقول الحمدلله على كل حال قدر الله وماشاء فعل..اللهم اجرني في مصيبتي واخلف لي خيرا منها يارب..
::
::
والحين يابنات ابقدم لكم نصيحه ..
دائما ادعي ربك بالزوج الصالح وان ربي يألف بين قلوبكم ..
واذا ان شاء الله جا نصيبك استخيري استخيري استخيري يابنات الله الله في الاستخاره وتذكرو ((ماخاب من استخار))
واهم شي لاتخبرون احد بالخطوبه حتى يتم كل شي لكم..يابنات هذي وصيه من الرسول ((أقضو حاجاتكم بالكتمان))..اذا ربي سهل امورك وشبكتو بشرو الناس..
واكثرو من الاستغفار..وفي الدعاءاحمدو الله على كل نعمه فسبحانه انعم علينا بنعم كثيره بس احنا غافلين (( ولأن شكرتم لازيدنكم ))
واخيرا :
أسأل الله العلي العظيم بمنه وكرمه واحسانه ان يرزقني ويرزق كل من قرأت موضوعي وجبرت خاطري بدعوه ويرزق جميع بنات المسلمين بالازواج الصالحين ويألف بين قلوبهم
امين امين يارب العالمين
::
دعواتكم لي