لو كان الزواج بكيفك متى ودك تتزوجين

مساء الخير يافراشات المنتدى الرائع
كيف حالكم يالغالين؟؟
إنشالله ماتخلص هالسنة الا وكل وحده فينا في بيت زوجها يارب
بصراحة
ماشاء الله تبارك الله
انا اشوف فيه شباب كثير
بعز الشباب وموظفين و وضعهم المادي لا بأس فيه
هذا الظاهر لي طبعا
ومع كذا ما تزوجوا
وفيه بنات كثير مخلصين دراسة وبعضهم توظفوا وبعضهم لا
ولسه ماتزوجوا>>>> استنتاج عظيم
أستغرب من بعض الشباب يكون في نعمة وربي أنعم عليه
ولا يطري العرس ولا يقول ابتزوج
مع انه فيه شباب من جماعتنا تعدوا عمر الثلاثين
واستغرب ان حتى امهاتهم مايدورون لهم عرايس
يعني ماوده يتزوج ويستقل ويستقر ويصير عنده اولاد
ليش احنا اللي نفكر بالمستقبل وبالأمومة وهم ولا على بالهم
مع اني سمعت قبل فترة
انه بعض الشباب يخطب مره والا مرتين واذا رفضوه اهل البنت
يتحطم ومايرجع يخطب من جديد <<< حلوه ذي
يعني يشيل موضوع الزواج من باله <<< مو على كيفه<< (اجل على كيفك!!)
او يقول خطبت وماوافقوا<< (احلف )
عاد جاء على بالي من كثر التفكير
لو الزواج بيدينا واحنا اللي نطلب ونتمنى
بأي عمر البنت ودها تتزوج وتستقر
بشوف رأيكم ياحلوين؟؟
وابدأ بنفسي
أنا لو بكيفي ارتبط
كان انخطبت بآخر سنة في الكلية << تخطيط!!
وأتزوج بعد التخرج
هذيك الفترة كنت اتمنى من كل قلبي أنخطب وأتزوج
ولو ربي قدر لي وانخطبت وقتها كنت راح أفرح واستانس مره
بس الخيرة فيما اختاره الله
والحمدلله على كل حال
ربي إني لما أنزلت إلي من خير فقير
انتظر مشاركاتكم يالغلا