قرحة الرحم ساعدوني

صمت انثى

23-06-2022 - 01:36 am

السلام عليكم ورحمة الله وبركاته
وبعد
تكفون يا بنات اللي عندي خبرة او تعرف شي ترد علي ... او اي وحدة كانت عندها القرحة تجاوبني ..
انا متزوجة من11شهر وما حملت رحت للدكتورة قالت لي عندك قرحة كبيرة في الرحم ولا زم كي ..
توكلت على الله وسويت الكي مع العلم انها افضل دكتورة عندنا بالمدينة .. شاطرة وممتازة ,,
وبعد الكي نزل علي مويات وافرازات خفيفة اسبوع وخلاص ما عاد نزل شي والحمدلله الافرازات خفت نهائيا ...
وصار لي 3شهور ونص من الكي وما صار حمل وكل التحاليل سليمة وانا نقلت على مدينة جدة ورحت لدكتورة اكشف
قالت لي القرحة لسى كبيرة انتي مأكدة انك كويتيها ..؟؟ والله حطمتني .. وتسألني مين الدكتورة اللي كوت لك ياها
كأنها مو مقتنعة اني كويت القرحة تقول لسى كبيرة وعطتني البوتيل ودش مهبلي .. واستعملت شهر
ولسى ما حملت ...
يا بنات ردوا على مين صار لها كذا كوت القرحة وما راحت ؟؟
ومين كوت القرحة وحملت ... وبعد كم شهر حملت .... وهل اضطرت تكويها مرة ثانية
بالله عليكم لا تطنشوني نفسي احمل ....
اللي ترد والله لادعيلها بكل خير

التعليقات (9)

أم ريان وروين

23-06-2022 - 04:16 am

والله ما عندي فكرة بس حبيت ادعيلك الله يشفيك ويرزقك ياقلبي بالذرية الصالحة وجميع المسلمات يارب

صمت انثى

23-06-2022 - 05:17 am

ام ريان وروين
الله يسعدك يارب على وجودك العذب ..

جنا 5-3

23-06-2022 - 06:18 am

حبيبتي الف سلامة عليكي وانشالله يارب تحملي وتجيبي احلى بيبي بالدنيا انا اختي عملت كي للقرحة وما حملت الا بعد ما عملت تنظير حملت بعد التنظير ب6 شهور تقريبا وهخلا عندها بيبي زي العسل عقبالك

ام علي 333

23-06-2022 - 07:19 am

هلا اختي العزيزه الله يشفيكي يارب
انا كانت عندي قرحه وقالت لي الدكتوره بتسوي لي كي بالبارد وانا جبانه ولا رجعت رحت عندها مره ثانيه من الخوف لكن نفس السنه الله اكرمني وحملت ...

صمت انثى

23-06-2022 - 08:20 am

ام جنا مشكورة على مرورك..
بس ايش هو التنظير ؟؟
ام علي ... الله يسعدك على مرورك ...

ام علي 333

23-06-2022 - 09:21 am

التنظير يعني تسوي منظار ... فتحه تحت الصره وفتحه فوق منطقه العانه الله يعزك ... انا سويته مرتين في المره الاولى ما تعب المره الثانيه كثير تعبت

امرأه من زجاج

23-06-2022 - 10:22 am

الله يشفيك ويرزقك بالحمل السليم والثابت انتي وكل محرومه يارب يكريم يأرحم الراحمين

Katkouta

23-06-2022 - 11:23 am

والله ما عنديش فكرة
ربنا يشفيك ويرزقك وجميع المسلمات بالذرية الصالحة يارب امين

صمت انثى

23-06-2022 - 12:24 pm

مشكورين يالغلا على مروركم

لكل واحده تأخر حملها أكثر من 5 سنوات لا تقنطوا من رحمه الله←
مشكله ضروريه وابي حلها تكفوون→