قروؤوب ختم القرآن الكريم

●[تــٍـرفٌ]●

16-12-2022 - 03:33 am

بسم الله الرحمن الرحيم
مسآ~ صباح الخير
لكل الفراشات ...
قروب ختم القرآن
هنآ ستكون زاويتنا اللتي نتفق من خلالها على التعاون من اجل التقرب من الله
وارضائه سبحانه...
هنآ سيكون ملجأنا اذا ضاقت دنيانا لاي سبب كان....
فراشاتي...
انا من خلال تجربتي بهالحياه...
سمعت كثير....وشفت كثير..
ومافي احلى من التقرب من الله والأتكال عليه... والثقه فيه سبحانه...
هنا سنتعاون من اجل ختم القرآن بنية
الزواج... الطلاق<<تقصد نفسها....الذريه...تيسير الامور...الاستخاره...الرزق...او من اجل اي شي يتعلق بالحياه وماذكرته...
انا ماكتبت هالموضوع الا بعد ماجربت هالشي بنفسي...
انا تزوجت من اقرب شخص وكنت اعرف تقريبا كل شي عنه
لكن اكتشفت اني مابعرف الا القشور
ذقت الضيم سبع سنوات ... الحمد لله على كل حال
ولما قررت اني اتطلق منه رفض
وماكان لي طريق الا الخلع
وتخيلو يابنات 3 سنوات وانا رايحه راده ع المحاكم ولا في اي شي تيسر
دايم تتقفل بسبب
المهم .... قبل شهر بس
قابلت وحده من بنات خالي
هي كانت من مدينه بعيد عننا
لدرجة اني ماعاد اعرف اخبارها
المهم... البنت كانت متزوجه من واحد نفس زوجي ومايتخير عنه وكان يضربها الين تدخل بغيبوبه
المهم البنت هربت لاهلها
وطلبت خلع وصار لها نفس قصتي من مماطلة المحاكم والدوائر الحكوميه وغيره
المهم تقول صديقتي ملتزمه قالت لي اختمي القرآن طبعا قراءه مو حفظ...<< للتوضيح
تقول فعلا بديت اقرا كل يوم جزء
واراجع خلال هالشهر
وتقول والله والله والله مع نهاية اخر جزء الا ورقتي جاتني...
بعدها قررت اختمه بنية الزوج الصالح...
وفعلا قرأته وجاها ولد خالتي وخطبها وهي الحين زوجته وببيته ومهنيها
عاد انا مالي اقرى الحين الا 15 جزء
والله يابنات ان اموري اللي كانت مستعصيه تيسرت وبدون جهد بعد
والحمد لله يوم السبت اخر جلسه واخذ الصك ...
لا والحين كثير يتكلمون علي وينتظرون طلاقي...
يابنات انا ابي افيدكم
بس قبل كل شي ثقي بالله.
,,,,,,,,,,,,,,,,,,,,,,,,,,,,,,,,,,,,,,,,
وبعد يافراشاتي....
هنا اللي تبي تنظم لنا تاخذ الشعار وتحطه بتوقيعها
والله يسمعنا الاخبار الحلوه
وهنا نبي نكون اخوات سرنا واحد وهمنا واحد وحزننا واحد وفرحنا واحد...
والله يعيننا على رضاه
وامانه اي وحده يتغير بحياتها شي تجي تبشرنا هون
تقبلو حبي
اختكم ترف....

التعليقات (9)

●[تــٍـرفٌ]●

16-12-2022 - 06:14 am

هذا هو الشعار حبيباتي
وربنا يعيننا على ارضائه وحسن عبادته

يقيني بالله كبير

16-12-2022 - 07:15 am

جزاك الله الجنه
واعانا الله واياكم على فعل الخيرات ووارضى الله
وان شاءالله في ميزان حسناتك
وربي يوفقك ويسعدك
واكيد انا معاكم باذن الله
والصورة ما ظهرت
شكرالك

●[تــٍـرفٌ]●

16-12-2022 - 08:16 am

يقيني بالله كبير
هلابك يالغلا
والله يسعدك يارب
واذا الصوره ماطلعت احفظيها من توقيعي وحمليها ....

حلمي أسافر فرنسا

16-12-2022 - 09:17 am

ابغى اشترك معاكم
بس متى نبتدي ؟ وكم جزء في اليوم؟
والسؤال الاهم شلون احط التوقيع ماعرف؟؟

✿جوّد الـ وَرد •

16-12-2022 - 10:18 am

معكم بإذن الله

●[تــٍـرفٌ]●

16-12-2022 - 11:19 am

حلمي أسافر فرنسا
راح نبدأ من بكره لو تحبو
والتوقيع احفظي الصوره
وروحي لاي مركز تحميل وارفعي الصوره
واخذي الرابط وروحي لم تعديل التوقيع
وااختاري ايقونه فوق شكل صوره واضغطي عليها وحطي الرابط بالمربع اللي يطلع لك
وان شاء الله يطلع لك بالتوقيع بعد ماتسوي حفظ
والله يحيك يالغلا معانا

●[تــٍـرفٌ]●

16-12-2022 - 12:20 pm

جوّد ال وَرد •
هلابك منوره
وكل يوم راح نقرى جزء كامل بس بأمعان وتركيز للأيات
مو قرائه بصوت بدون قلب...

✿جوّد الـ وَرد •

16-12-2022 - 01:21 pm

هذه طريقة سهلة جداً لختم القرآن كاملاً في شهر :
عدد صفحات القرآن = تقريباً 600 صفحة
600 صفحة ÷ 30 يوم = 20 صفحة يومياً
20 صفحة يومياً ÷ 5 صلوات = 4 صفحات بعد كل صلاة
فقط أربع صفحات بعد كل صلاة والنتيجة : ختم القرآن الكريم..!!

●[تــٍـرفٌ]●

16-12-2022 - 02:22 pm

^^^
الله يسعدك يالغلا على تعاونك
انا كل يوم اقرى جزء وما افصلها
اقراه بجلسه وحده واتمعن بالايات...

الدنيا للحين فيها خير ادخلوا اقروا هالبشارة←
نات دعواتكم مستجابه وانا جربتها→