قروب جديد للرابح الاكبر من يبدأ معي

1. 4 مرات بالاسبوع بس راح تكون رياضه شاقه

بسم الله الرحمن الرحيم
السلام عليكم ورحمة الله وبركاته
حبيت ابدأ بقروب جديد لأنقاص الوزن عالاقل كل اسبوع 2 كيلو او 3 لان هذا الطبيعي
وان شاءالله الكل يستفيد وتفيدونني بعد
واهم شي فيه شرووط طبعا مثل اي قروب :
1-العزيمه والاراده التامه
2-الرياضه + الريجيم لان اذا مااجتمعوا ماراح تنحفين
3-ارسال الوزن عالخاص علشان انزلهم كل اسبوع وكذا تتحمسون اكثر
4-الالتزام بالشروط واللي راح تتغيب وماهي جاده لاتتدخل لان هذا قروب حماس للي يبون ينحفون
اولا:
راح يكون فريقين طبعا (فريق الأحمر +فريق الأصفر )
ونبي عدد محدد يعني 10 لكل فريق بس
واللي راح تشترك تكتب اسمها والوزن والطول علشان اطلع لها كتله الجسم واخبرها اذا وزنها طبيعي او سمنه او سمنه زائده او سمنه ممرضه
وهذا الرابط اذا تبي تحسب لنفسها وتتاكد بس هذا كلام طبي ومن حقك تعرفين
قياس كتلة الجسم
واللي ماتعرف تقولي اعلمها او احسب لها
ثانيا :
الريجيم راح يكون نظام تخفيف الاكل لان الريجيم الكيمائي مضر للجسم وراح تفقدين الاشياء المهمه الي يستفيد منها جسمك
وراح يكون الريجيم
الفطور:
2 بيضه مسلوقه
او 4 ملاعق فول
او جبن قريش ملعقتين +زيتون
+2 توست بر
المشروب عصير طازج او شاي اخضر او شاي بالاعشاب
الغداء:
فخذ دجاج مشوي او قطعه لحم مشوي او سمك مشوي او خضار مسلوقه ماعدا البطاطس
او مرتيدلا او 4 ملاعق كورن فليكس
+4 ملاعق رز مسلوق +صحن كبير سلطه خضراء
المشروب بيبسي دايت او شاي اخضر او عصير طازج
العشاء :
كوب لبن او حليب او عصير او علبه زبادي بدون شي بتقولين ليش لان الاكل اخر الوقت مايهضم بسرعه ويسبب مشاكل بالهضم وبالتالي السمنه
شرب الماء عالاقل 8 اكواب يوميا وشرب القهوه مسموح في اليوم مع 3 حبات تمر
والابتعاد عن المشروبات الغازيه والكافيين والشاي الاسود والسكر ومسموح نص ملعقه فقط والنشويات
الرياضه :

4 مرات بالاسبوع بس راح تكون رياضه شاقه

يعني المشي راح يكون ساعه كامله مع النط على الحبل 10 مرات وتمارين البطن 50 مره تمدين رجليك كلها بشكل مستقيم وتحاولين تشدين بطنك تقومين بدون ماترفعين رجليك اتمنى وصلت المعلومه
وتمارين السويديه ادخلي على قوقل وبتحصليها للرجلين واليدين والخصر وحاولي ترقصين مصري يعني تحركين خصرك لان هذا بعد تمرين ينحف الخصر واذا عندك سيكل او ايروربك 10 دقايق بس وكل تمرين مثلا للرجل 20 مره واليد 20 والخصر 20 واهم شي المشي
والفريق الفائز راح يحصل على يله شدوا حيلكم