قسمآ بالله شيء مهم وحالفه على كل من شافت الموضوع تدخل

1. ماأبغى اطول عليكم بس ابغى انبهكم ياعرايس

السلام عليكم ياسكاكر؟

ماأبغى اطول عليكم بس ابغى انبهكم ياعرايس

أولآ: من الدببه إلا قاعدين بتجهزوها مع دبشكم او بتهدوها مع هداياكم هذه قسمآ بالله بتتمثل فيه الشياطين أعوذ بالله وبتصيروا ثلاثه في البيت مو اتنين
أحسن شيء تأخذي مع دبشك شريط لسورة البقره كامله وكمان شريط للرقيه الشرعيه أنا إشتريتها واحد لي وواحد لزوجي عشان يشغله بالبيت في هذه الفتره كل ماراح يشيك على حاجه فيه بيلاقيه انتههى بيلفه من الاول ويفتحه ويخرج يكفى إنها بتطرد الشياطين وغير كذا قبل تسكينيه كلام الله دخلو قبلك.
تاني شيءأتفقوا انتي وزوجك إن كل يوم لازم يصلي الفجر في المسجد واليوم إلا مايصلي في المسجد وصلى في البيت لا تخلينه يقربك حتى ببوسه واتفقو على كذا وخليه يوافق على الكلام هذا وخليها معاهده بينك وبينه وبتشوفي كيف بيتغير بيصير بعد كذا من نفسه وكمان هو بيصحيك مو انتي وإلا يخاف الله يخاف الله فيك وانتي كمان ساعديه يعني حاولي تصحيه ببوسه أهمسي في أذنه إنو انتي مشتهياه ومره ببلي يدك بالعطر إلا يعشقه ولامسي خدوده إلين يفتح عيونه وقولي له جاوب ربك وأحمده على انه طلع فجر جديد وانت معايا الله لايحرمني منك ويوم بتكونو لساعكم صاحين ويوم بتكونو يادوب لسا نمتو ويوم بيكون تعبان لعذر شرعي مايقدر يطلع المسجد والدين يسر .........يعنى وانتو أكيد عندكم أفكار أحسن من كذا والله والله والله العظيم ربنا يعين الانسان على عبادته وبيسهلكم وبيارك لكم في لياليكم وبإذن الله يجي يوم واليهود يخافو من عدد رجانا بالمسجد في الفجر ويعرفا ان نهايتهم في كثرثنا في المساجد بالفجر
ويوم بعد يوم بتلاقي نفسك بتصلى وتر وقت متأخر وهو جنبك وفي يوم أطلبي منه يصلى معك وتر........ ولاتنسي الصدقات كل يوم اتصدقي بريال وإذا فيه يوم بينك بتحتفلو فيه مع بعض أتصلي عليه وهو في الدوام وقولي له لاتنسى تطلع صدقة الوقت الحلو إلا بنقضيه أنا وانت وإذا فيه يوم زعل كمان طلعى صدقه ولو ريال ووالله العظيم مع نيه ودعوه صادقه ربنا بسرعه ينزل الرضا بينكم
ثالثآ: والله ثم والله ثم والله قراءة سورة الواقعه كل يوم تنزل عليك رزق من الله وماتعرفي كيف جآكي ووالله هذه أنا مجربتها.
وطبعآ كلنا عارفين فضل الاستغفار.
معليش طولت عليكم بس والله لا ابتغى من وراء ذلك سوى الاجر من الله وأن تعم السعاده على المسلمين بنصرهم وعلى الازواج بعيشتهم الهانئه وأسأل الله التوفيق لي ولكم في الدارين ولاتحرموني دعائكم.