قصة تنحط ع الجرح يبرى قصه روعه لاتفوتكم

"مــــــلاك الليـــــــ?

24-10-2022 - 02:46 pm

ريم:هذا اخوي يناديني اقعدي هنا بروح اشوفه وراجعه

امل:اوكي

رنا:طيب

وطلع خالد.....

قصة روعة منقولة...
الأبطال راح تعرفونهم خلال القصة..
اذا لقيت ردود راح اكملها..
الجزء الأول (الفصل الاول):
خالد (بصرااخ): ري م ري م
ريم:جاك الموت ياتارك الصلاة
امل:يمه من ذا الي يصارخ

ريم:هذا اخوي يناديني اقعدي هنا بروح اشوفه وراجعه

امل:اوكي

ونزلت ريم ....... نتكلم عن ريم شوي ..... ريم شخصيه حبوبه وامورة وغير كذا اّيه من الجمال شعر اسود لنص الظهرمسدول وعيون كأنها مسويه بأحسن مسكرة ولا دقة خشمها وفمها الصغير ولابشرتها الصافيه ولونها وجسمها كأن جسم عارضات الازياء وغير اخلاقها وخفة دمها............
خالد (معصب): سنه لاتنزلين
ريم (خايفه): هاه.. لابس
خالد:شفيك تكلمي زين
ريم:عندي صديقتي فوق
خالد:اها طيب
ريم:بغيت شي
خالد:ايه روحي جيبي لي اوراق من مكتبي تلقينها فوق المكتب داخل ملف اخضر
ريم:انشالله
وراحت تركض......
خالد:ههه مصرقعه ذي البنت
نتكلم شوي عن خالد ....... خالد عمره 28 وشايل مسؤوولية امه وخواته ال3 بعد وفاة ابوه وهو صارم وعصبي وخواته يخافون منه بس مع كذا قلبه طيب وماحرمهم من شي او حسسهم بنقص الحنان وعنده شركة كبيرة يدير
فيها املاك ابوه من بعد وفاته وهو معروف بالسوق والكل يحترمه ويهابه وغير جاذبيته
وجماله وعيونه وجسمه الرياضي مفتول العضلات.......
جت ريم ومعها الاوراق وهي تلهث من الركض ......
ريم:خذ... هذي ... الاوراق
خالد:شفيك تلهثين كأن لاحقك احد
ريم:لابس لان كنت اركض
خالد:انتبهي على عمرك لاتصيرين مرجوجه وروحي لصديقتك انا طالع
ريم:اوكي
وجت تروح بس وقفت يوم سمعت خالد يناديها...
ريم:هلا
خالد:انتبهي في عمال يشتغلون قريب من المطبخ مو تتطلعين لان مافي احد بالبيت
ريم:وين امي
خالد:طلعت وخذت هديل ورنا يلا انا طالع
ريم:انشالله سلام
وراحت.....
خالد وهو يطالع بالاوراق يووه نسيت اقولها تجيب الملف الثاني من الدرج خل اروح اجيبه والله يعيني على فيصل اكيد الحين ينتظرني
ريم من اول ماطلعت راحت للمطبخ وفتحت باب بقوه لين صقع بالجدار >>>> مرجوجه ههه
والي كان داخل المطبخ اخترع وهي ماتدري ان في احد داخل ومانتبهت للعيون الي تلاحقها وتراقبها لانها
كانت معطيته ظهرها وتشرب ماي هو من شافها انبهر من جمالها هذي حوريه ولاانسانه مو معقول
دقت عليها امل لانها تأخرت رفعت الجوال وردت وللحين ماتدري بالي يطالعها ريم:خير
امل:بسم الله كليتيني قولي هلا مرحبا او الو
ريم:انشالله عمتي ياهلا وغلا ومرحبا والله نور جوالي ارتحتي
امل:أي كذا
ريم:امل اخلصي
امل:تعالي زهقت وانتي شفيك معصبه
ريم:لان كل ماابي اشرب ماي يجي شي ويعطلني
(وللحين مو داريه عن الي ذاب من رقة صوتها)
امل:مولازم تشربين ماي وعادي تعطلي
ريم:انا ريم اخت خالد الي مافي شي يعطلني اتعطل عن شرب ماي
(ومانتبهت بعد للي ابتسم من خفة دمها)
امل:الناس تقول انا بنت فلان مو اخت فلان
ريم:خ انا بقول اخت فلان مو بنت فلان عناد فيك ويلا بااي
وسكرت بدون ماتسمع ردها
ريم (وهي تكلم نفسها بصوت مسموع): ياحبي لها بس مدري ليه تتصل الغبيه وهي فوق عندي خ مهبوله
والتفت عشان تطلع والا تنصدم اول مرة تقابل شخص بهالجاذبيه ولاالعيون الذباحه والعضلات المفتوله دمعت عيونها
وراحت تركض اما فيصل ظل واقف بمكانه شهالعيون المرسومه رسم ولافمها الصغير وشعرها الحرير
صراحه هذي اّيه من الجمال والاحلى اسمها ريم >>> كل ذا قزخ
بعدين طلع يوم سمع صوت خالد وشاف خالد وسوا نفسه معصب فيصل:لابدري تاركني بهالحر >> عليك كذب
خالد:والله اسف يابو الشباب بس نسيت ملف رحت اجيبه
فيصل:ماعلينا يلا نمشي
خالد:يلا
ريم:طلعت تركض دخلت الغرفه وقفلت الباب وخذت المفتاح >>> حشى تقول بيجيها
امل (مرتعبه ):ريم شبتسوين فيني
طالعت ريم فيها وكأنها تقول شوف الغباء ريم:شبسوي فيك ولاشي بس
امل:شفيك
ريم:امل الحقيني
امل:بسم الله شفيك لايكون في مصيبه في بيتكم وجايه الشرطه اقول بطلع لايحسبوني من اهل البيت
ريم:تبين كف انتي ووجهك وين قاعدين بفلم
امل:طيب شفيك
امل:هندي ياامل
امل:ايش مافهمت
ريم (تنهدت): ولابتفهمين
امل:اقول تكلمي لاتسوينلي سعاد حسني
ريم:شدخلها
امل:طريقتك بالكلام وتنهيداتك وذي يدك الي ماسكه قلبك تقولين بفلم مصري
ريم:اف شهالتعبير
امل:ريم تكلمي لاازنطك
ريم (باستهبال): لالاشلون تزنطيني بعدين من بقولك
امل (بصراخ): ري م
ريم:وجع شهالصراخ تقول قنبله ذريه
امل:طيب خلصيني وقول
ريم:اعدل طبلتي
امل:أي طبله
ريم:طبلة اذني الي فقعتيها
امل:انا رايحه
ريم:لالا خلاص بقولك
امل:قولي لااتوطى ببطنك
ريم:خلاص بقول ..... اسمعي يوم ناداني خالد قالي اجيب له اوراق
امل:طيب
ريم:اصبري خل اكمل
امل:كملي
ريم:رحت جبت له الاوراق وهو حذرني من عمال يشتغلون قريب من المطبخ بعدين راح انا رحت بشرب ماي
امل:شافوك العمال وجايين يذبحونك لانك جيتي لهم بالمطبخ وانتي ركضتي فوق وعشان كذا قفلتي الباب بالمفتاح
ريم:لا
امل:هاه اجل
ريم:وجعاه خليني اكمل
امل:ليه غير كذا
ريم:ايه اسكتي بكمل
امل:اوكي
ريم:رحت للمطبخ بشرب ماي وانا مادريت انه فيه احد ويوم جيت بطلع التفت شفت احلا الخلق شفت
اجمل العيون عيونه ذباحه وروعه بس انه هندي
امل:يعني هذا الي شفتيه هندي
ريم:ايه بس يهبل روعه ماتوقعت في هندي كذا يجن
امل:من جدك حبيتي هندي
ريم:انا ماحبيته اعجبت بشكله
امل:ولو يظل هندي سكتت شوي بعدين انفجرت من الضحك
ريم:وجع شفيك تضحكين
امل:ههه اتخيل شكلك متزوجه هندي ههه
ريم (عصبت): لا والله مالت على الي يقولك شي
امل:افا زعلت امزح معك خلاص سحبت كلمتي
ريم:بس لو تشوفينه روعه ولاعضلاته المفتوله شي رهيب >>> حشى مسرع ماسرقت ملامح الولد
امل:لاحبيبتي اكيد (شاروخان) احلا >>>>>> ممثل هندي
ريم:لا ذا احلا وانا شدراني عن شاروخان انا مو متابعه افلام هنديه مثلك
امل:على الاقل مو الاجانب وع
ريم:كل واحد وذوقه
امل:قلتيها كلن وذوقه
ريم:لاماقلت كذا
امل:الا قلتي كل واحد وذوقه
ريم:أي قلت كل واحد وذوقه بس ماقلت كلن وذوقه
امل:الصراحه ودي اقوم اتوطى ببطنك
ريم:هذاني قدامك
امل:لابرستيجي مايسمح وعشان خالد اخوك يذبحني
ريم:لا مو للدرجه يذبحك ومدري ليه تخافين منه ترى هو طيب وحبوب
امل:مدري اخاف منه احسه عصبي وصارم مررعب
قطع كلامهم الجرس الي دق....
ريم:جت امي
امل:انا بروح
ريم:تو بدري
امل:لاامي ماتبيني اتاخر
ريم:طيب
امل:ريم بقولك شلون عرفتي انه هندي
ريم:لان اخوي قال في عمال يشتغلون عند المطبخ وهو كان عند المطبخ وماسك كيس يمكن فيه العده
وانتبهت لعمال جايين للمطبخ فاكيد منهم ولا شمدخله بيتنا بس تصديقين جماله سعودي ولالبسه لابس بلوزة
ماسكه على الجسم وبنطلون جينز روعه
امل:يمكن يطلع سعودي
ريم:يارب
امل:ليه
ريم:عشان يجي ويخطبني
امل:ههه مرجوجه يلا بروح باي
ريم:بايات
نتكلم عن امل.... امل بنت ماتختلف عن ريم طيوبه وحبوبه وتموت على متابعة الافلام الهنديه وجمالها
جمال ناعم وهادي وعيونها الناعسه وجمالها جمال اسباني حلو وجسمها بعد روعه مناسب لها....بعد ماطلعت امل من عند ريم راحت ريم لامها وباست راسها وقالت:شخبارك ياالغاليه
ام خالد:الحمدالله يابنيتي
ريم:دوم يمه ..... يمه شنو جبتولي معاكم
ام خالد:والله مدري يمه بس الي شرو لك خواتك على ذوقهم روحي شوفيهم
ريم:اها خلاص يمه بروح اشوف
وراحت ريم فوق ودخلت غرفة هديل وقالت:هدييلوه شنو جبتولي
هديل:بسم الله الواحد يسلم يطق الباب مو كذا
ريم:طيب طيب الحين وريني شنو جبتولي بسرعه
هديل:ماجبنا لك شي اطلعي بره
ريم:بلاتشليخ امي تقول خواتك جابو لك
هديل:مسرع مااطلع كذابه وانتي محد يقدر عليك
ريم:افا عليك انا ريم
هديل:لاعلى بالي بنت الجيران
ريم (باستهبال): أي وحده
هديل:شنو أي وحده
ريم:من بنت الجيران
هديل رمتها بالمخده وقالت:سخيفه ماعندك سالفه
ريم:بلا قرقرة ووريني الاشياء الي جبتوها لي
هديل:ولو انك ماتستاهلين بس شوفي ذول..... واشرت على بلايز روعه
ريم:أي وحده ذي
هديل:أي كلهم شرايك
ريم:روعه
هديل:اختاري لك ثنتين
ريم:باخذ الحمرة والسودا
هديل:اوكي وانا باخذ ذول
ريم:حلو
هديل:تعالي نروح لرنا
ريم:امشي
وراحو..........
نتكلم عن هديل...... هديل اخر العنقود واصغر من ريم بسنه ومرة حلوة
وماختلفت عن جمال ريم بس ريم كانت احلا وهديل الي محليها زياده لون بشرتها البرونزيه الروعه .... ....
دخلو غرفة رنا وبرجتهم فتحو الباب وارعبوها لانها كانت سرحانه
رنا:بسم الله خرعتوني
ريم:الي ماخذ عقلك يتهنى به
هديل:من ماخذ عقلها غير عبودي
رنا:وجع لاتدلعينه
ريم:اموت على الي يغارون
رنا (انحرجت): مالك دخل
ريم:اقوول رنو شفيك ماتعرفين تتكلمين احنا اصغر منك نعرف نتكلم
هديل:صح كلا ماتدافعين عن نفسك
رنا:لا والله قالولكم طويلة لسان مثلكم
ريم:هذي مو طوالة لسان
رنا:الي تكوون المهم تعالي شوفي شنو شريت
ريم:وريني
رنا:شرايك بذول
ريم:واو روعه ذوقك يجنن
رنا:ادري
ريم:لاوالله
هديل:رنو
رنا:هم
هديل:متى ملكتك قالو
رنا:مدري مابعد يقولي خالد
دخل عليهم خالد وقال:شفيه خالد
البنات بصوت واحد:بسم الله
خالد:ماقلتو شفيه
ريم:لا ولاشي نسولف عن بطل في قصه
ناظرها بنص عين وقال:اها طيب ياام لسانين واطلعو بكلم رنا
طلعو البنات وهو راح لرنا وقال:الملكه الخميس الجاي
رنا(شهقت):بعد ثلاث ايام
خالد:ايه شفيك
رنا:لابس مايمدي
خالد:انتي شريتي الفستان
رنا:ايه بس الكوفيرة
خالد:محلوله وبغيت اقولك ان الملكه بتصير بمزرعة عمي لانه اصر
رنا:انشالله
خالد:ويلا انزلي تعشي

رنا:طيب

وطلع خالد.....

نتكلم عن رنا.... رنا بنت هاديه وطيوبه لابعد حدود وتسامح بسرعه عكس خواتها الي لازم انتقام وخرابيط وهي مخطوبه لولد عمها عبدالله وملكتها عليه الخميس وهو مغصوب عليها من ابوه لان ابوه يحب رنا وشايف اخلاقها وادبها فخطبها له وهي عادي لاتحبه ولاتكرهه لانها ولامرة تقابلت معاه او شافته غير بالصور ووافقت عليه عشان عمها وعشان اخوها قال ماعليه كلام وعبدالله مايبيها مو لان شايف عليها شي لالان رافض فكرة الزواج وتو راجع من امريكا مخلص دراسه يتفاجئ بان ابوه خاطب له بنت عمه مفاجاءة وهي على قولته مصيبه مو مفاجاءة ورضى وماحب يفشل ابوه وطبعا محد يدري بعدم رغبة عبدالله ببنت عمه او بالاصح بفكرة الزواج........................ ...
نرجع لرنا ......رنا بسرعه تندمج مع الناس ويحبونها لاخلاقها يعني اجتماعيه نوعا ما وغير كذا جمالها مايفرق عن خواتها واحلاشي فيها بياضها الحلو....
نزلت رنا وشافتهم قاعدين على العشا وريم وهديل يتناجرون ضحكت بقلبها عليهم وقالت ياحبي لهم بشتاقلهم اذا تزوجت مدري شبسوي اذا رحت عنهم باست راس امها وقعدت وسالتها هديل الملقوفه:شكان يبي خالد
رنا:كان يقول.... قاطعتها ريم وقالت:رنا حبيبتي مو كل شي تقولينه خلي لنفسك اسرار وشخصيه لك
رنا:اقول يالحكيمه لي شخصيه واسرار بس الموضوع مو سر الموضوع ان ملكتي الخميس
شهقو البنات............
هديل:ماجبت اكسسوارات
ريم:مقدور عليها بس انا ماجبت فستان
ام خالد:بكرة نروح نجيب الاغراض الناقصه الحين تعشو وفكونا من هالمناجرة
البنات:انشاللهشوفو حبايبي إذا عجبتكم الروايم وتبوني اكملها حطو ردود
مو بعدين تطلعلي وحده وتقولي انا من خلف الكواليس انا
ما احب هذي الحركه <سوري الي يقرا يقول اكيد اني
معصبه بس احب الصراحه من البدايه
انتظر ردودكم

التعليقات (9)

HeeOL$$heart

24-10-2022 - 05:18 pm

روعه اختي كملي ننتظرك

"مــــــلاك الليـــــــ?

24-10-2022 - 06:19 pm

بنات حبايبي بحط لكم جزء ثاني لأني حس هالجزء ما بخليكم تقررو كان الروايه حلوه وتكملوها ولا لا
الجزء الثاني
بيت (عم خالد).........
ابو عبدالله:يبه عبدالله خلصت تجهيزات المزرعه للملكه
عبدالله (بدون نفس): ايه يبه
ابو عبدالله:شفيك تقولها بدون نفس
عبدالله:لاابد يبه بس تعبان من الشغل
ام عبدالله:خلاص يمه روح ارتاح يابو عبدالله خل الولد يرتاح من الصبح شغل
عبدالله:خلاص انا بروح عن اذنكم
ابو عبدالله:اذنك معك
وطلع عبدالله ...... ودخلت اخته بسمه....
بسمه:هاي
ابو عبدالله:شنو هاي قولي السلام عدل
ام عبدالله:خلاص يابو عبدالله البنت الحين ماقالت شي تعصب عليها
بسمه:الحين شقلت يبه تعصب علي
ابو عبدالله:سلامتك ماسويتي شي
ام عبدالله:خلاص يابو عبدالله نويتو وجهزتو المزرعه للملكه
ابو عبدالله:ايه وانا وعبدالله من الصبح نتكلم عن شنو
بسمه:اف يعني رنا بتصير مرة اخوي وبتقعد هنا عندنا
ابو عبدالله:احترمي نفسك لاتكلمين عن بنت عمك كذا
ام عبدالله:البنت ماتحبها يابوعبدالله غصب تحبها
ابو عبدالله:وليه انشالله
ام عبدالله:الصراحه حتى انا مااطيقها
ابو عبدالله:اصلا كله من تحت راسك ولاليه بسمه تكره رنا ورنا جمال وادب واخلاق ويكفي انها بنت المرحوم سالم واخت خالد و ماتكرهها الامنك ومن سوالفك الشينه عنها
ام عبدالله:الحين انا صارت سوالفي شينه انا ماابيها لان كنت ابي بنت اختي مها لعبدالله
ابو عبدالله:صار الي صار والملكه يوم الخميس ومابغيرها شي وسكري هالموضوع
بسمه:بس قاطعتها امها وغمزت لها انها تسكت وقالت:خلاص يابو عبدالله الي تشوفه احنا تحت امرك
ابو عبدالله:أي هذا الكلام السنع ويلا انا بروح ارتاح بداري
وطلع ابو عبالله.......
واول ماطلع تكلمت بسمه:ليه انهيتي الموضوع مو انتي تبين له مها
ام عبدالله:انا ماانهيته بس ابوك يضايقه هالموضوع ويعصب علينا بس اول ماتتم الملكه وبعدها الزواج وتدخل رنا هالبيت رح اخليها تندم
بسمه (بحماس): شلون
ام عبدالله:كل شي بوقته حلو
بسمه:ليه ماتقولين الحين
ام عبدالله:قلت سكري على الموضوع لين ماتدخل رنا هالبيت
بسمه:انشالله بس ليه ماتحبين يمه رنا
ام عبدالله (بحقد): مو بس رنا الاكل عايلتها بداية بامها لين خواتها حريقه تحرقهم
بسمه:بس ليه
ام عبدالله:مالك دخل بس لان مابي ازوج ولدي الوحيد لها وابيه لمها
بسمه شكت هالحقد كله مو معقول يكون بس لان ماتزوج مها اكيد في سر وسر كبير بعد
بسمه:بس خلاص ملكتهم الخميس وبتزوجها
ام عبدالله:بتزوجها بس مها بتكون له
بسمه:لاتكلمين بالالغاز
ام عبدالله (ابتسمت): لان قلتلك كل شي بوقته حلو
وقعدت ام عبدالله تفكر بفكرة شينه تمحي رنا من حياتهم وحياة ولدها وترد لام خالد الصاع صاعين
اكيد تتسائلون سبب كره ام عبدالله لرنا او بالاصح لعايلتها كلها انا اقولكم لان اخت ام خالد مريم كانت صديقه لام عبدالله الي هي وضحه وكانت وضحه تكرها وتحقد عليها لانها احلى منها بمليون مرة والكل يمدح جمالها واخلاقها والكل يشبه رنا لها طالعه عليها بكل شي وكانت وضحه تمثل دور الطيبه قدام مريم وتمثل انها تحبها وانها تبي مصلحتها ووضحه تحب ولد عمها وحاطه عينها عليه بس هو مايطيقها وتزوج مريم
فزاد كره وحقد وضحه عليها وواجهتها
وضحه:ليه تخونيني يامريم
مريم:انا شلون
وضحه:ليه توافقين على عبدالرحمن ماتدرين اني احبه
مريم:لو كنت ادري كان ماوافقت عليه وخليته لك بس انتي ماقلتيلي
وضحه (بصراخ): كذابه انا اكرهك ولابيوم حبيتك احقد عليك من قلبي وبتندمين
وطلعت ولا عطت مجال مريم تتكلم بعد كذا تزوجت مريم عبدالرحمن وعرفت انه وضحه تكرها وكانت تمثل دور الصداقه معها وصارحها عبدالرحمن ان ماحب غيرها ولافكر بوضحه ابد ومن بعدها بفترة ماتت مريم وعبدالرحمن بحادث والكل حزن عليهم ماعدا وضحه الي كل يوم الحقد والكره يكبر بقلبها والكل حسب ان وضحه مرح تفكر تنتقم ونست بس الي مايدرون عنه ان وضحه كانت تفكر وتفكر دووم ولاعمرها بتنسى و قررت تنتقم من رنا لانها شبيهة مريم ولانها ماقدرت تنتقم من مريم لانها ماتت ولان رنا قريب بتصير بيتهم وبتقدر وضحه تاخذ حقها وبتخليهم يندمون وتخلي حسرة بقلب ام خالد على بنتها
اما بسمه زهقت من سكوت امها وافكارها الي مدري وين بتوصلها وطلعت غرفتها وقعدت تفكر وتقول ان امها مو معقول هالحقد بس لان عبدالله ماتزوج مها وقطع تفكيرها صوت الجوال وردت بسرعه
بسمه:ياهلا وغلا
محمد:هلا فيك كل هالترحيب لي
بسمه:اكيد تستاهل
محمد:اخبارك يالحلوة
بسمه:منيحه
محمد:ههه حلوة منيحه
بسمه:وانت
محمد:كويس
بسمه:ههه عجبتني خطيرة
محمد:اكثرلك منها
بسمه:ههه اقول خالي
محمد:تخلخلت عظامك
بسمه:بسم الله علي ليه
محمد:الحين توني عمري 25 بعز شبابي عمري من عمر اخوك تقولين لي خالي
بسمه:ههه طيب حموي
محمد:ههه الله يقطع شرك
بسمه:طيب شتبيني اقول
محمد:استاذ محمد
بسمه:نعم الصراحه ماخذ بنفسك مقلب ههه
محمد:اصغر عيالك تكلميني كذا
بسمه:لااكبرهم لاتخاف
محمد:بسيمه احترمي نفسك
بسمه:يمه شهالدلع كني عجوز
محمد:ههه حلوة
بسمه:عجبتك (وهي وتقلد صوته) :اكثرلك منها
محمد:بسم الله على صوتي
بسمه:ههه طيب خالي امي تناديني توصي على شي
محمد:لاسلامتك وسلمي على الاهل
بسمه:اوكي سلام
محمد:مع السلامه
وسكرت بسمه وهي تقول اه ياخالي اموت فيك انت الوحيد الي تشيل الضيق عني خل اروح لامي لاتجي تتوطى ببطني ههه
وراحت.................
...............................................
بيت(خالد)...........
ام خالد:يمه ماودك تتزوج
خالد:يايمه هالموضوع مايئستي منه
ام خالد (دمعت عيونها): ياوليدي ابي اشوف عيالك
خالد:خلاص يمه اوعدك اذا تزوجن خواتي اخليك تخطبين لي البنت الي تبين
ام خالد:بس يمه العمر يركض وانا مااضمن عمري
خالد:لك طولة العمر يمه بسم الله عليك
ام خالد:يمه ولد عمك تزوج وهو اصغر منك
خالد:يمه انا قلتلك اذا تطمنت على خواتي مايصير خاطرك الاطيب اتزوج البنت الي تاشرين عليها
ام خالد (يئست): خلاص يمه الي تشوفه
خالد:خلاص روقي يالغاليه
ام خالد (ابتسمت ): الي تشوفه انا مابي الاراحتك
خالد:ادري يمه
ودق جوال خالد وطلع صديقه فيصل.....
خالد:هلا
فيصل:هلا فيك شخبارك
خالد:تمام وانت
فيصل:بخير الحمدالله اقول يابو فيصل
خالد:ههه بعد سميت ولدي فيصل
فيصل:أي انت ولدك لازم يكون فيصل
خالد:زين يابو خالد
فيصل:ههه تردها لي
خالد:أي افا عليك (ويقلد صوته): لازم يكون ولد اسمه خالد
فيصل:ههه زين انت مداوم اليوم
خالد:اي بعدالعصر
فيصل:اها زين خلاص انا بطلع بعد العصر وانت خذ مكاني
خالد:وين انشالله
فيصل:اقول لاتسويلي مدير شرير على موظف برئ
خالد:ههه الله يرجك خلاص ماطلبت شي
فيصل:مشكور يابو الوليد
خالد:من هذا بعد تو ولدي فيصل
فيصل:لاهذا ولدك الثاني
خالد:ههه
فيصل:يالله تامر بشي
خالد:لاتسلم يلا سلام
فيصل: سلام
وسكر خالد وكمل سوالف مع امه ونزلو ريم وهديل وقاعدين يتخانقون على الدرج ومايدرون بخالد
هديل:وخري عني
ريم:لا وليه مو انتي
هديل:انتي الي جيتي قبل
ريم:لاصدق مادري اقول تراني اكبر منك يلا ولي
هديل:لاكلها سنه يلا بعدي
ريم (صرخت): يمه شوفيها
جاهم خالد:شتشوف
ريم:هاه لاا
هديل:من وين طلعت
خالد:من الصاله وشفيكم كنكم بزران مو كن انتي عمرك 19 والثانيه 18 كنكم 4 او 5 سنين
طاحت وجيهم لانها تهزيئه محترمه ههه
ريم:اسفين
خالد (مسك نفسه لايضحك على اشكالهم المأساويه): خلاص بس مابي هالحركات مرة ثانيه وروحوا الصاله عند امي لان انا طالع
ريم وهديل:انشالله
ويوم راح خالد............
هديل:شفتي كله منك
ريم:لا وانتي
صارخ عليهم خالد:وبعدين
راحوا اركضوا للصاله ضحك عليهم وراح........
.........................................
(غرفة رنا)..............
رنا تكلم نفسها ياربي خايفه مابي اطلع من بيت اهلي وانا مو مرتاحه لهالزواج في شي بقلبي ينغزني كل ماجت سيرة هالزواج بس انا وافقت خلاص لا بس اقدر بكلمه ارفض وتتكنسل الملكه بس لا مايصير افشل عمي وارد ولد عمي شيقولون الناس بس ليه انا خايفه من هالزواج عبدالله ولد عمي واذا بسويلي شي اكيد عمي مرح يسكت وعبدالله مابسويلي شي لان انا بنت عمه خلاص كل شي تم ماينفع الكلام اف ذبحتني الافكار مو قادرة اتخذ قرار خل انام احسن شي
وبعد الصراع بالافكار نامت..........
............................................
(غرفة عبدالله)........
ياربي الله يهداك يايبه شهالورطه انا مابي اتزوج ياعالم ياناس مابي اتزوج تو ماكونت نفسي ولا شي والبنت الي بتزوجها ابيها تكون من اختياري مو من اختيار ابوي او امي بس رنا ماعليها كلام بس ابي انا اختار اف
شلون انا اختار احسب نفسي بامريكا انا يوه ماينفع هالكلام الحين
كل شي تم مايفيد كلامي.......

عـمـه الـنـوري

24-10-2022 - 07:20 pm

يسلمو و بس باقي لي الجزء الثاني

"مــــــلاك الليـــــــ?

24-10-2022 - 08:21 pm

(يوم الملكه)...............
رنا بغرفتها مرتبشه وخايفه
رنا:شذى ميته خوف
شذى:حبيبتي من شنو تخافين عبدالله ماهو بماكلك
رنا:ادري بس في شي بقلبي مخرعني مدري شنوو
شذى:ياقلبي هذي وساوس الشيطان وتجهزي الحين اخوك يناديك توقعين
رنا:أي صح نسيت
شذى:رنا ياعمري اهدي والله كلها وساوس شيطان بعدين عبدالله ماعليه كلام (وعشان تخفف عليها )ويقولون حلو ووسيم
رنا:اقول لاتتغزلين برجلي
شذى:تو الي تقول (وتقلد صوتها): خايفه
رنا:ههه يا قلبي مدري من دونك شبصير بحالي
شذى:عشان تحمدين ربك ان عندك شذى
رنا:واحلى شذى
شذى:ادري ههه
رنا:اقول لاتاخذين بنفسك مقلب
شذى:تحت امرك خ
رنا:ههه
شذى صديقة رنا الروح بالروح وكل اسرار رنا عندها وشذى تموت فيها وتحبها
رنا:شهالكشخه شذاوي
وقعدت تتاملها من فستانها الموف وشعرها البني بلون الكاكاو وعيونها العسليه طالعه مسكته روعه وخصوصا جسمها وبياضها
شذى:ههه من زوقك
رنا:حركات لبنانيه
وقطع سوالفهم دخول ريم وهديل....
ريم:هلا والله شذى
شذى:هلا فيك
وسلمو على بعض وبعد كذا سلمت على هديل
دخلت امل عليهم..
امل:هاي
ريم:الواحد يسلم
امل:لازم اتفشل منك
الكل:ههه
وسلمت عليهم وفكو هالتوتر الي على رنا وبعدين ناداها خالد عشان توقع
ونزلت بيد مرتجفه وقعت وسلم عليها خالد وباسها وعمها وبعدها امها سلمت عليها بدموعها
خالد:خلاص يالغاليه كلها ملكه شلون لاتزوجت
ام خالد:هذي الغاليه رنا
خالد (يبي يخفف هالجو الحزين): وانا يمه
ام خالد:وانت بعد وكلكم
وبعدها طلعت رنا فوق وقعدت صياح بحضن شذى وشذى تهدي فيها لين ماهدتها وخلتها تلبس الفستان وسوولها شعرها والساعه تسع الكل تجهز
ونزلت رنا وبعد كذا ناداها خالد عشان عبدالله يبي يشوفها
(طبعا اوامر ابوه) ولا هو عادي راحت رنا وهي مرتجفه
والبنات حطوا اغنية (هلي) لراشد الماجد وقعدوا يرقصون...
هلي لاتحرموني منه..هلي لاتبعدوني عنه
مثل ماهو قطعه مني..انا تراني قطعه منه
احبه اموت اذوب انا ادوخ والله وميت فيه
احبه وعقلي وقلبي وروحي يعلني مابكيه
هلي لاتحرموني منه..هلي لاتبعدوني عنه
هلي الله لايسامحكم اذا ماكان عاجبكم
هلي تكفون طالبكم احس بشوفه الجنه
احبه اموت اذوب انا ادوخ والله ميت فيه
احبه وعقلي وقلبي وروحي يعلني ماابكيه
هلي لاتحرموني منه..هلي لاتبعدوني عنه
ال خ
.................................................. ..............
دخلت رنا المجلس مع خالد ........
وعبدالله من اول ماشافها انضرب كهرب 220 فولت (ههه)
وقعد يتاملها من شعرها الي مسويته تسريحه ناعمه وعيونها
الروعه وكانت لابسه فستان عنابي ومسويه مكياج خليجي عنابي
لايق لبياضها وطالعه مسكته من جمالها
خالد:خلاص لاتقز اختي
رنا استحت.....
عبدالله:ههه ترى هي حرمتي الحين
خالد:أي بس بعد خف عليها
عبدالله:انشاالله بس متى بتطلع
خالد:طرده هي
عبدالله:أي ويالله عطيتك وجه
خالد:ههه افاا خلاص بطلع
وطلع خالد ورنا واقفه مكانها وعبدالله يتامل الملاك البرئ الي قدامه ونسى نفسه بعدين استوعب وقام لها وهي خافت ومد يده لها وقال:تعالي اقعدي
ومسك يدها البارده والمرتجفه من الخوف
عبدالله:انتي بردانه
رنا ( موقادرة ترد).......
عبدالله:طيب ردي علي
رنا (بالموت طلع صوتها): لا
ذاب وش هالرقه......
عبدالله:طيب مبروك شفتي نسيتيني اقولها
رنا:الله يبارك فيك
وجاب كيس وعطاه رنا وقال:تفضلي هذي هديه بسيطه لك
رنا:مايحتاج تعبت نفسك
عبدالله:لا تعب ولاشي تعبك راحه
رنا( استحت): تسلم
عبدالله:تدرين انك طالعه قمر
رنا (ولعت من الحيا)............
عبدالله:اتركك الحين سلام
رنا:مع السلامه
وطلع وظلت رنا جامده بمكانها دخلت عليها شذى........
شذى:رنا شفيك
رنا:هاه لا ولاشي
شذى:مسرع ماخذا عقلك
رنا:ههه الله يرجك
شذى:طيب شصار
رنا:الصراحه ماشفت منه شي طيب وحبوب
شذى:شسولفتي معاه
رنا:ماسولفت معاه
شذى:اجل
رنا:ظليت ساكته
شذى:ليه
رنا:مستحيه منه مو قادرة انطق حرف احس لساني نبلع
شذى:ههه حلو التعبير
ودخلو عليهم البنات ريم وهديل وامل وقامو يسولفون
امل:ريم روحي جيبي لي كاس مويه
ريم:نعم
امل:خلاص فهمت التلميح انتي قومي جيبي بتقولين صح
ريم:ماشالله فطينه
الكل:ههه
رنا:حرام عليك جيبي للبنت
ريم:لايكون ماعندها يد ولاالرجول
امل:خلاص انا بروح ماصارت ماي
الكل:ههه
وطلعت امل للمطبخ وشافت الخدامات ولقت حلا وقهوه على الطاوله
خذت فنجال وصبت لها وخذت من الحلا بعدين قالت للخدامات:من مسوي هالقهوه
الخدامه:انا
امل:ياحظي فيك
وخالد كان داخل المطبخ وهي طالعه وفستانها علق وجت بتطيح الا يمسكها خالد وراسها صار على صدره وهي متمسكه بثوبه نست نفسها من الخوف
بعدين استوعبت وبعدت بسرعه وهي متفشله لكن اسوارتها علقت بثوبه وهي تبي تروح ماقدرت تسحبها حاولت وحاولت مو بقادرة يدها ترتجف
على صدره و هو منصدم شهالجمال شهالنعومه ماقد مرت عليه بنت كذا قالها (برقه): وخري يدك خل اشيلها
وخرت يدها وشالها بسهوله وهي متفشله خصوصا لابسه لبس عاري تنورة قصيرة فوق الركبه وبلوزة بدون اكمام واول مافكها طارت لداخل طبعا الخدامات ماشافو شي لان هالموقف صار برة بعيد شوي عن المطبخ
بعد ماراحت قعدت ترجف بس قبل ماتدخل عند البنات هدت نفسها بعدين دخلت وخالد ظل منصدم وواقف مكانه من هالبنت عليها جمال يدوخ
انا لازم اعرفها اكيد صديقه من صديقات خواتي......
............................................
عند البنات.............
ريم:امل شفيك مو طبيعيه
امل:لا مافيني شي
ريم:امل ترى اعرفك شفيك
امل:خلاص بعدين اقولك
ريم:خلاص
رنا:هدول
هديل:هلا
رنا:قومي ارقصي مصري
البنات:ايه يلا
هديل:اخجلتوني خ
ريم:اقول قومي يلا
هديل:خلاص حطوا ام (واحشني ايه) لميريام فارس
البنات:حلو
وقامت هديل وحطوا اغنية (واحشني ايه).......
واحشني ايه من دا الي دايبه فيه انا حموت عليه والله روحي فيه
وما بشوف عينيه يدق قلبي وخبي ليه والنبي فيها ايه انا الي
حاسه بيه بتقول كلام عينيه يكون علقني بيه يانا ياقلبي ياقلبي
فيها ايه خايف يقول وانا مش هقول كل الي انا حاسه بيه
على ايه كل الغرام حتى الكلام باين اهو في عينيه دا حنيني
وشوقي ليه دايما يزيد من ادي ايه بداريه
واحشني ايه من دا الي دايبه فيه انا حموت عليه والله روحي فيه
وما بشوف عينيه بيدق قلبي وخبي ليه والنبي فيها ايه انا الي
حاسه بيه بتقول كلام عينيه يكون علقني بيه يانا ياقلبي ياقلبي
ياغرام انا لو حكيت عن شوقي ليه مايكفينيش ايام وسنين
عمري في هواه فاتت هواه عدت ولاالاحلام ياحرام باين
عليه دمعة عينيه بيداري احلى غرام
الخ
وخلصت هديل رقص والكل نجن ليها وصفرو لها البنات لان هي الوحيده تظبط مصري وترقصه حلو وانقهرت وضحه من جمال بنات ام خالد وكشختهم وفرحتهم باختهم الي على قولتها مابتم زهقت بسمه من قعدت بنت خالتها مها الي ماتسولف الاعن الموضه والدلع والخرابيط
راحت بسمه لبنات عمها وهي خايفه من نظرات امها بس مااهتمت وراحت سلمت على رنا وعلى الباقيين.........
ريم:حيالله بسوم
بسمه:هلا فيك
هديل:اخبارك ياحلوة
بسمه:ههه
هديل:ليه تضحكين
بسمه:لان خالي محمد كل ماكلمته يقول كذا واخباري زينه تمام وانتم اخباركم
البنات:الحمدالله
بسمه:دوم
ريم:مويوم
البنات:ههه
رنا:بسمه ورى بنت خالتك ماتجي تقعد معنا
ابتسمت بسمه وقالت مسكينه يارنا لو تدرين بخطط امي
بسمه:مدري عنها تبي تظل قاعده هناك
هديل (بزلة لسان): تعجبها سوالف العجز
طالعوها البنات بنظرة وهي طاح وجها
وقالت بسمه:لاعادي والصراحه هي ماتندمج مع احد بسرعه وسوالفها زهقتني كلها عن الموضه والاغاني والطلعات والمجمعات
ريم:شهالسوالف
رنا:غيروا الموضوع البنت يمكن تحب هالاشياء بكيفها
بسمه بقلبها ياطيبك يارنا وياحظ اخوي فيك
رنا:بسمه وين سرحتي
بسمه:لابس مااقول الاياحظ اخوي فيك
رنا (استحت): تسلمين
شذى:بنات خل نرقص
البنات:يلاا
وقومواا رنا بالغصب وقوموا بعد بسمه وخلوهم يرقصون وبعد كذا كلن رجع بيته رجعوا على الفجر وصلوا الفجر وناموا.....
الى هنا انتهى (الجزء الثاني) بس قصتنا ماخلصت ويمكن من هنا ابتدت .........

"مــــــلاك الليـــــــ?

24-10-2022 - 09:22 pm

إنشاء الله تعجبكم الروايه بس هالله هالله باردود إذا شفت تفاعل بالردود راح اكملها لكم بسرعه
( HeeOL$$heart ) مشكوره ع الرد واتمنى إنك تتابعي معي الروايه
(عمة النوري) وانتي كمان مشكوره وابي تفاعل معي منكم انتو وباقي البنات
حبايبي انتظروني بكره في الليل ولا بعد بكره

مجروحه 11

24-10-2022 - 10:23 pm

روعه .>>>>. عاجبتها شخصية خالد
روايتك يا ليت تكملينها .......

عكس قانونة

24-10-2022 - 11:24 pm

واو روعه القصة والاحلى شخصيه خالد وريم
الله يعين رنا ع ام عبدالله
ننتتظر يالغلا البارت الجاي

ღ غـــــيـــمْ ღ

25-10-2022 - 12:25 am

وأنا بعد بأنضم معكم لأن الروايه بجد خوقاق
ننتظرك حبوبه لا تطولين علينا

ولهااااااان

25-10-2022 - 01:26 am

روعه اختي كملي ننتظرك

•• آوع ــــدگ .. تــشــوف مـــوتــيـےٍ بـ ع ـيــونــگ .. ~ + 18←
زوج يترك زوجته في ماليزيا وجع في قلبه خ→