قصة حزينة اتحداكم ماتبكون

محشش يسولف على صديقه قصه حزينه مره!!!!!!!!!!!!!!
المحشش : - كان ياماكان في قديم الزمان .. كان فيه اسد كبير مره
وشرّاني
كان يمشي في الغابه ويأكل من حشائش الارض المزهره ...
صاحبه : - يالحبيب .. تاكد هو اسد ولا حمار .... بعدين وش حشائش مزهره
مسوي فيها مثقف .. شف هي وحد من الثنتين .. يا انك خبل ولا انك خبل .. اختر انت عاد ..!!
المحشش : - المهم .. وبينما الاسد يمشي .. وقف عند سوبر ماركت .. وكان اللي يبيع فيها
الفيل .. فنظر اليه الاسد بكبرياء وقال له: اعطني ميرندا ياهذا ....
فقال الفيل : اتريد ميرندا فراوله ام ميرندا حمضيات ....
فتبسم الاسد وقال : لقد اضحكت بطني ياهذا .. الا تعلم ان الميرندا فراوله هي شراب الملوك
والعظماء وان الغابه تزدهر بالفراوله اللذيذه ..
هيا اعطني ميرندا حمضيات ثكلتك ام جدة اللي جابوك .. لأتوطى في بطنك ياالدب ..
فضحك الفيل ضحكة اهتزت لها جنبات المكان وذهب مهرولا لإحضار السفن اب ......!!!!!!
المهم اخذ الأسد الببسي وغادر المكان على عجل لكي يبحث عن فريسه جميلة
الوجه .. وممشوقة القوام لها عينان تسر الناضرين ..
صاحبه : - شف يالخبل .. الخرابيط الاوله بنمشيها لك ... لكن بالنسبه للفريسه هذي عاد
قويه .. هو يبي الفريسه عشان ياكلها ولا عشان يكشخ فيها ..؟؟!! اقول .. خلك رجال احسن لك .))
المحشش : - المهم .. ان الاسد لقى ارنب صغير يتنطط في ارجاء الغابه .. ويمرح بين
الحقول ..
صاحبه : - حشا ... فار هذا مو ارنب ..
المحشش : - فتقدم اليه الاسد بثقه كأنه سفينه تختال في رمال الصحراءالحارقه
صاحبه : - اقول . تحمدوا الله على نعمة العقل بس ..
المحشش : - فقال الاسد للارنب .. مارأيك ان اشاركك اللعب ياصغيري !!!.؟؟
فرد الارنب بدهاء يفوق الوصف ويدل على ذكاء الثعالب : تريد ان تلعب معي .. عادي لي الشرف العظيم
صاحبه : - اي والله ذكاء .. لكن وش نقوول .. انت شف من يتكلم واعرف ان الموضوع كله
لخبطة !!!
المحشش : - فقال الاسد والشرر يتطاير من عينيه .. مارأيك ياصغيري ان نلعب عروسه
وعريس ...
وآخذ انا دور العسكري وانت تأخذ دور الحرامي
صاحبه : - والله الغابه الزينه .. اذا كان هذا ملكها .. اجل الباقين وش بيصيرون ..؟؟
المحشش : - المهم .. طلب الاسد من الارنب الصغير ان يختبئ في مكان . لكي يبحث الاسد
عنه . وكان الاسد مبيت النيه على التهام الارنب ... المهم .. ذهب الارنب وتخفى وراء احدى السيارات ..
صاحبه : - العن ام النصب .. وش هالغابه .. لكن الشرهه ميب عليك .. الشرهه على اللي جالس
يسمع لك الين اللحين ..
المحشش : - وكان الاسد مغمض عين ومفتح عين .. عشان يشوف وين سوف يختفي هذا الارنب
اللعين ...
وعندما بدأت اللعبه اخذ الاسد يمشي وكانه يبحث عن الارنب المكار ..
وهو يعرف مكانه .. وجاء الاسد من خلف الارنب لكي يلتهمه على عجل دون ان يلحظ الارنب ذلك ... .. وعند هذه
اللحظه ..
قفز الارنب المكار قفزه مدويه .. !!
وباغت الاسد بهجوم مضاد ليس له مثيل .. ولطم الاسد على وجنته .. فأخذ الاسد يهرب مهرولا ..
والارنب حاط رجله وراه .. والاسد يهرول.. وكأن على رأسه الطير..!!!!
والارنب .. وراه ماسح طبلونه ...!!!!
ووثب الارنب على الاسد من الخلف .. حتى ارداه أرضاً .. وعندها التهم الارنب الاسد .. وخلص الغابه من
شروره .. !!!!!
وعاشت الحيوانات .. في فرح وسرور ....