قصة حقيقية غيرت حياة زوجة من الفشل للنجاح فيها فوائد عضيمة ارجوا من الكل الدخول للافا

المهم قربت ولدتي وكنت محتاره من بيهتم بالبيت وولدي وبنتي وزوجي الي يحب فنون الطبخ ...لمحت له بالشغاله اول رد رده علي ليش عند عشر اطفال ومو قادره تشتغلين قلت لا بس اخاف اتعب وخاصه انه كل ولاده اللهم لك الحمد والشكر تجيني حمى لمدة اسبوعين يارب لاتحرمني اجرهم ومن اطلع للمستشفى للشغل والتنظيف يعني مافيه راحه وبيني وبينك يازوجي انا ابي ارتاح ظهري يعورني وابي اهتم فيك اكثر قال انا كذا مرتاح اهتمي ببيتك وعيالك وماعليك مني هالكلمه عورت قلبي كيف مااهتم لك قال افهميها مثل ماتبين وطرت طيران للتيلفون واكلم اختي تصدقين قال هالكلمه شو يقصد بها قالت يقصد وجودك مثل عدمه بقلبه قلت لاتقولين هالكلمه وبكيت قالت نحن اتفقنا من البدايه بدون زعل قلت والحين قالت ماعليك منه انتي صغيره وحلوه وكلها شهر شهرين وهو لازق فيك قلت اتمنى الحين ابيك توفرين عدة اشياء في ولادتك قلت لها مثل شو يعني قالت اشتري ملابس غير الزبايل الي بدولابك عصبت عليها لانها سبت السبابيح الي معي السابيح اسم يطلق على خلاقان العجائز بقاموس اهلنا وسكرت بوجهها وماصار المغرب الا وهي عدي بالبيت جايه تعتذر عن غلطتها الشنيعه في حق خلاقيني الي المفروض اوديها لاقرب متحف ...بس رحمتهم منها وكنت بعطيها للشغاله ولكن اختي قالت بترميهم بوجهك الافضل سويهم فوط ههه....
المهم قالت اختي شو رايك نروح انا وانتي مع اخوي نشتري ملابس للبيبي ومنها تاخذين شئ لنفسك لاني بروح اشتري شوية اشياء ناقصتني تدرين قرب موعد العرس قلت زين قلت لزوجي بروح معهم فرح لاني بفارق وجهه وقال روحي قلت ابي فلوس قال شيلي الي تبينه كان عندي احساس انه عنده شئ ويبي يفتك من وجهي لكن قلت كلمة وانا كنت حالفه اني اسويها اجيب راسه اجيبه حتى لو كلفني هالشئ عمري المهم اعيش مثل اي وحده متزوجه بحب واهتمام لاني استحق هالشئ وانا الاولى...
رحنا معهم وكنت مو متعوده اروح اشتري كان هو الي يشتري لي حتى الملابس الداخليه ماكان يحب ياخذني معه لاي مكان لما شفت الاسواق شو فيها من بلاوي وكيف البنات يلبسون وكان الناس عايشه جلست اقول من كذا مايطالع فيني يشوفني ماانتمى للعالم الانثوي ابدا ...المهم اخذت للبيبي ملابس ورحت اشوف شئ لنفسي واختارت لي اختي ملابس الوانها حلوه وفاتحه وعليها حركات دنتيلات مااشوفها الا بالافلام بس اخذت كم واحد وسيع علشان البسهم والين مااولد والبقيه لبعد الولاده وكل لبس طقمت معه ملابسه الداخليه وقالت قمصان النوم بعد الولاده ان شاء الله ...اشتريت عطر وكريم والي ناقصني ومو موجود معي كله ورحت للبيت فرحانه واول مادخلت لقيته معصب لاني تاخرت قلت كنت في السوق مسك الباب وطلع برا حطيت الاغراض ورحت اغير ملابس ولدي وبنتي وسويت له كلن سندويش وحليب اكلوا وناموا وسويت له العشا ورتبت البيت وبخرته من البخور الي اشتريته دخلت اخذ شور وغيرت السبابيح ههه ولبست واحد من الي اخذتهم مشطت شعري وتعطرت وجلست انتظر الزعلان يوصل رجع للبيت 12.5 بالليل متاخر مو عادته العاده يطلع من بعد اذان المغرب ويرجع 11 الظاهر طلعته تعويض عن الوقت الي انا كنت فيه بالسوق المهم لما دخل شم ريحت البخور قال من وين هالبخور قلت اشتريته قال وينه شافه وكتب اسمه شم العطر فيني قال انتي متعطره قلت ايوه قال رحته حلوه هاتي اشوفه وريته بعد كتب اسمه وانا مستغربه من حركاته ...غير ملابسه قلت تعال تعشا قال مابي ونام وماعلق اي تعليق على ملابسي ابدا ابدا ولا على اي شئ اخذت بخاطري ورحت اتعشا سألت نفسي مقعوله زوجي في حياته غيري ورديت على نفسي لا لا مستحيل زوجي ملتزم ومستحيل يخونني ورحت انام ... المهم جا اليوم الي فيه بعد تبدلت الموازين يوم ولادتي تعسرت الولاده وقدر الرحم الرحيم اولد بعمليه جراحيه المشيمه كانت بتنزل قبل والولد بخطر وصارت العمليه وجلست بالمستفشى 15 يوم عمليه بالاضافه للحمى المعتاده وهنيه صار غصب يجيب خدامه كيف بتحرك وبشتغل والبيت بدون خدامه وانا بعمليه قيصريه ...طلعت من المستشفى جلست اربع ايام وامي معي المسكينه تشتغل وفي اليوم الخامس وصلت الاندونوسيه ... وحمدت ربي قلت رب ضارة نافعه ...جلست شهر وانا التوى من التعب وخاصة انه العمليه التهبت علي وعانيت معاناه وكان عصبي لانه ماكان يقدر يطلع ويخليني وهالحركه جات بحسابه لاني حسيت اني شئ مهم عنده خلصت الشهر وهذيك الايام كان عرس اخواتي ..واخواتي تولن موضوع تفصيل ثوب العرس لاني مااكنت اقدر اتحرك خلال فترة الاربعين كنت مهتمه بصحتي اهتمام خيالي الاشياء اللي تضر العمليه وقفتها وقللت اكل الاشياء الدسمه وظليت على السوائل والسلطات اللحوم فقط لم جا يوم العرس رحت لاخواتي للصالون وهناك لابست فستناني وتمكيجت وسويت تسريحتي ورجعني اخوي للبيت علشان اخذ ولدي الي كان ماسكنه زوجي قلت للخدامه لبسي الاولاد ودخلت عليه لم شافني زوجي كان بيطيح من الكرسي وهذيك الساعه مو هامني يطيح ولا لا ...همني ولدي الي بيده كان همي اكثر قلت انتبه للولد حطه بسرعه على الكنبه وجاني يركض والابتسامه بتشق وجهه قال ثلاث كلمات ورا بعض " وين من كيف " وهو يطالعني وشويه من الفرحه بيطير قلت بسم الله عليك شوفيك قال الظاهر مو اخواتك العرايس شكلك انتي العروس طلعت هذيك الضحكه اللي تقطعت حنجرتي وانا اتمرن عليه وعطيته ظهري ورحت اتمشى لتسريحتي البس الذهب وهو مصمت مكانه قلت له بنروح ولا لا قال لا اقصد ايه قلت بسرعه وراح يلبس وكل مايمر يحط وجهه بيني وبين المرايه يطالع فيني ...الصراحه حسيت بغصه كنت ببكي حسيت اني بالغباء الي كنت عايشته وعدم معرفتي حرمته من اروع الامور واحلى اقلها كحل يشوفه بعيوني ولكني اخذت عهد على نفسي اني اتعلم فنون الماكياج علشان اتعدل ليل نهار له ...المهم رحنا للعرس وكل شويه يرسل يلا بنروح قلت شو فيك حتى العرايس مادخلوا الصاله اصبر قال زين خلاني عشر دقايق وارسل يلا بنروح اخر شئ طنشته واول مازفوا العرايس جيت ادور زوجي علشان اروح مالقيته ...سالت اخوي قال طلع من ثلاث ساعات قلت غريبه وين راح المهم طلبت من اخوي يوصلني ورجعت للبيت كلها ساعه الا وهو داخل طالعته بنظرة عتب قلت وينك قلت كان واحد محتاج لي ورحت له وراح ينام هالحزه مو حسيت الا تأكدت انه احد في الخط وقلت الحين بدأت الحرب ولازم انتصر لو بالحلال مو مشكله بقول نصيب لكن المشكله لو كان الموضوع حرام بحرام ...رحت غير ملابسي مسحت مكياجي وانا اسال نفسي كان مشتاق لي متلهف لي ليش الحين مو مهتم ونام غيرت ولبست ملابس النوم وركض لدفتر اختي الحبيبه اشوف يمكن احصل اجابه لسؤالي ولقيت هالسطر... اذا طلب الزوج من زوجته بشوق عليها ان تلبيه وإلا لو كان في حياته امرأه فانها ستكون السابقه حتى لو كانت عشيقه من عشرين سنه لانه في وضع مايتحمل الانتظار انتبهن اخواتي للنقطه هذي في اي وقت زوجك يطلبك للفرش لاتهمليه روحي ولا باب الحرام موجود ...عدينا ليلتنا على خير ...وكان القلب يحترق من الشك والغيره .. ثاني يوم اختي سافرت لشهر العسل وبكذا عانيت الامرين لاني ماكنت اعرف كيف اتصرف .....
اشتعلت بقلبي نار الغيره ومااقدرت اتحكم بنفسي وكنت اعصب على اتفه الاسباب وفي نفس الوقت كنت اتزين باللي حدود الي اعرفها لكن انا قدام البنات الي برا اساوي صفر على الشمال مهما سويت كنت بدائية جدا جدا ...عشت شهر ونص احترق واكتوي كل ساعه الين اختي رجعت من السفر من شافتني قالت هالوجه مايبشر بخير طالعتها وعيوني من القهر قالت استهدى بالله لكل مشكله ربي حاط لها حل قلت تعبت والله قالت توك ببداية المشوار وصدقني بتشوفين الي يرضيك وعلمتها عن احساسي وعن الي اشوفه على زوجي وطلعاته الي تستمر خمس ساعات يوميا قالت تعتقدين متزوج قلت عندي احساس قالت اوكي فتشي شوفي اكيد بتحصلين دليل الادانه واشتغلت المحقق كونان واول مره اكتشف اني كنت نايمه على وذاني زوجي الحبيب كانت وحده بحياته ومو اي وحده وحده كان عاشقها قبل الزواج ولكن اهله رفضوا يزوجونها اياها لانها ............. مو لازم نذكر دول بنختصر الكلام انه عاداتها مو مثل عاداتنا وعلشان يعقلونه قالوا له بنزوجك وسوت امه المستحيل علشان تفرقه عنها ونجحت بانه زوجته وحده مااقول فيها من ملامحها ولكن كان شكلي قريب لهذي النوعيه من البنات ...صح الشكل قريب لكن الاسلوب بعيد كل البعد وهذا الي خلى زوجي يرجع لها ...ولانه خايف من اهله كان الزواج بالسر ولانها بالليل تشتغل بالكوفي كانت ماتنام معه يعني مسموح الحبيب من الليل ومكتفيه بالخمس ساعات من المغرب الين عشر وهي تداوم من عشر ونص الين ثنتين والغريب انه زوجي كان مطمن لها وعاطها الحريه الي كان حارمني منها بالدخول والخروج من البيت وبعد هذي نقطه ثانيه اظفتها لرصيد حسابه لاني حسيت اني درة غاليه عنده بتقولون كيف عرفت الحبن بعلمكم كيف عرفت هالموضوع وانا افتش بموبايله لقيت ارقام ومنها رقم بيت ورقم محل هذولا مسجلهم باسم ابو هيثم هذا الرقم يوميا له اتصال صادر ولا وارد يوميا وبالساعات والمسجات منه شئ عجيب كتبت الارقام وحطيتهم معي وقلت لاختي ندق لهم قالت اصبري شو فيك نبي يمكن رجال قلت شو اسوي قالت لاحظي بالسياره في شئ بملابسه في اي شئ ام ملابسه كان لما يرجع للبيت مستحيل يرجع يلبسهم ولم يطلع من عندي يلبس جديد ومكوي ومرتب وجلست اترصد ملابسه الين شفت الي حطم قلبي من مكانه روج على طرف الفالينه من ورا الرقبه وانا ماعندي هاللون هنيه احترقت وتهورت ورحت لزوجي بسرعه وانا معصبه وقمت اصارخ كشفتك يالخاين كشفت الاعيبك الحين عرفت ليش انت ماتهتم فيني الحين عرفت ليش ماتطالع فيني وماافي كلمه ماقلتها وهو ساكت يطالع فيني ببرود قال شو فيك قلت شو هالروج قال المطلوب الحين بعد ببرود قلت طلقني ضحك قال اوكي روحي لبيت ابوك وبتجيك ورقتك كلمته سويت رنين باذني وجلست اردد كلامه مثل المهووسه اروح بيت اهلي وورقتي بتجيني اتصلت لاختي اعلمها قالت ليش تهورتي لكنت صبرتي نعرف شو الموضوع قلت ماابي افهم ابي ارجع لبيت اهلي ماعاد لي جلسه هنيه قالت لا تسوينها انصحك قلت مابي ركبت راسي واخذت عيالي ورحت لبيت اهلي سالني ابوي رحمة الله عليه شو الي صار قلت تهاوشنا وولم عصبت طلبت الطلاق قال روحي لبيت ابوك وورقتك بتوصلك قال ابوي اوكيه اجلسي حياك الله الين نشوف حل لموضوعك الله يرحمك يابوي المهم لا زوجي جاني ولا الورقه جات ويحطني ببيت اهلي خمس شهور ...تعبت نفسيا ولكني كنت اكابر واضحك على روحي واقول خليه يولي ...انا مو خسرانه شئ وتبون الصدق كنت خسرانه وخسرانه بعد باسلوبي هذاك فتحت له المجال وخليته ياخذ راحته معها اكثر ...اخوي الكبير لما شاف الموضوع زاد عن حده وهو ماقام يسال لاعني ولا عن عياله اتصل فيه قال فلان وينك نشوفك طولت قال مشغول مشغول وقفل موبايله تضايق اخوي وراح له لبيته قال له اسمع الحرمه ماتنركن وبنفس الوقت ماتنمسك قال شو القصد قال القصد اختي شاع عنها بين الناس انك مطلقها وامس جاني واحد من عيال العم الي ميته زوجته ويبي وحده عاقله وفاهمه ومو مشكله تكون مطلقه يعني يبي يتزوجها ...قال زوجي كيف يتزوجها وانا ماطلقتها من الاساس انتم تبون تخترعون نظام جديد من عندكم تزوجون وتطلقون على كيفكم قال نحن مانخترع شئ بس انت حاطها للكلام الي رايح والي جاي وانت مو حاس قال خير خير بجي بكره اكلم ابوك وبرجعها ...اخوي كان ماسك نفسه بالغصب ويحلف كان ودي اضربه الين مايأدب ولكن قلت مابي اخرب عليك لو فيه امل ترجعين لزوجك ...اخوي ماعلمني انه راح له انتظر اخوي يوم اثنين اسبوع الين وصلنا لثمان شهور وانا ببيت اهلي وهو ولا سائل فيني ولا حتى يمر يشوف عياله قال اخوي انا الي بعلمه الادب وراح اخوي يستكشف مكان عمل هالمخلوقه من الرقم الي عندي ويقول اخوي لما شفتها كان بيغمى عليه قال ليت كل الحرم هذي انوثتها مو طبيعيه هالانسانه قال انتي وين وهذي وين يالعربجيه لو انا مكان زوجك امسح بك البلاط مو اخليك ببيت اهلك ولا احطك مداس لرجولها <<< انقهرت من كلام اخوها ....قال لكن والله لادبه هو واياها زوجي عسكري وطبعا نظام كل بلد مايتزوج الا من بلده وكان زواجه بالسر ...وقام اخوي يشيع بين الضباط عن سالفة زواجه الثاني الين يوم اطلبوه وسالوه عن الموضوع وانكر زوجي قال لا انا متزوج من بلدي بس وحس زوجي انه بيخسر عمله لكنه واصل معاها المهم كملت سنه وانا ببيت اهلي وهو لاسائل فينا انا شو الي سويته بهذي السنه اهتميت بنفسي كثير اكلي شربي غيرت وايد في نظام حياتي حذفت الي ماله داعي وبديت اتعلم حركات الدلع واخذت ثلاث دورات مكثفه بالماكياج تخيلوا وقبل كل هذا رحت لاقرب مستشفى اخذ حبوب مهدئه لانه النفسيه منحطه جدا جدا ... واذكر هذا اليوم الي بعد عمل نقله رائعه بحياتي كان 10 شعبان وكانت في محاضره دينيه في المسجد الي بمنطقتنا ورحت مع اخواتي وبنات الجيران علشان نسمعها لانها كانت تتكلم عن رمضان وجلس الشيخ يتكلم عن اهمية الدعاء والتقرب الي الله وانه الانسان لازم يصفى قلبه وكل الاعمال ترفع لله الا ثلاث ومن ضمنها مشاحن حسيت كلامه كانه موجه لي لكن كان صوت بقلبي يقول انا ماغلطت عليه هو غلط علي هجرني حرمني لكن دست على قلبي وقلت لازم استغر ربي ماابي عملي مايقبل مستحيل احرم هالاجر ومن طلعت من المسجد وانا ابكي رحت لامي قلت لها سامحيني لو غلطت عليك قالت مسموحه مع انك ماغلطتي بشئ رحت لحبيب قلبي الله يغفر له ويرحمه لقيته جالس بحديقة البيت يفكر بمشكلتي قلت له ابوي تدري انه رمضان قرب قال ادري قلت تدري انه المشاحن مايقبل عمله قال ايه قلت شئ بقلبك عليه ابتسم الله يغفر له وبرحمه قال ليت في عيالي اثنين من نفس طينتك لكنت مرتاح ومن يومها توجة لرب العباد بالدعاء انه الله يفرج همي وينصرني على من ظلمني وياخذ بحق طول بعرض ودخل رمضان وبدخوله كملت اكون وصلت للشهر 11 ببيت ابوي وماشفت فيه زوجي ولاني ولدت ولدي الثالث بشوال كملنا سنه وابوه شافه بس لما كان بشهوره الاولانيه ..
. ونكمل ...

..؟؟ لهآ تكلمه صح .. :$
سوري ع المقآطعه .. ههه انا شفتها بمنتدى ثآني بصصرآحه قصه ولا آروع تجنن ..

المهم اقترح علي اخوي اكمل دراستي مادام اني فاضيه لاشغل ولا مشغله وكان احسن اقتراح اقترحه علي اخوي لانه هنيه مشيت اول خطوه في مشوار الخروج للعالم الخارجي الي كنت مااعرف عنه كثير بما اني فقست من البيضه ببيت زوجي ...درست مسائي وهالصفوف للمتزوجات والبنات الشابات كنت بصف ثالث متوسط لما دخلت اول يوم الصف اول كلمه قلتها انا بمدرسه ولا بصالة عرض ازياء كنت افكر نفسي انسانه شيك وقمه بالتمييز باللبس<< فرحانه بكم التنوره اللي عندها لقيت نفسي على عتبه وبعد بيني وبين عتبة البدائيه مترين ونص سلمت وردن السلام كنت ابي اجلس ولكن ماكان فيه مكان فاضي الا اول كرسي وانا ماابي هالكرسي بالذات لانه قدام طاولة المدرسه قالت المدرسه تفضلي اجلسي طالعتها بارتباك وجلست من الخوف الي فيني وكتمت نفسي ولا نفس << تفكر نفسها بصفوف الصباحي ونظام قاسي واوامر ووحركات المهم قالت المدرسه يلا عرفونا على انفسكم وقاموا البنات والحريم يتكلمون وكانت تختم الكلام بسؤالها طالبه عندنا ولا مستجده وكم صار لك فتره تاركه الدراسه وكانوا يجابون سنه سنتين ولا تاركه الدراسه ثلاث الين وصلت عندي عرفتها بنفسي وقلت لها مستجده ولي سبع سنين مادرست بققت عيونها المدرسه سبع سنين ليش مع انك صغيره قلت لها تزوجت قالت انتي متزوجه قلت ايوه وام لثلاث اطفال ابتسمت وقالت ماشاء الله بس الله يعينك وتقدرين تكملين احس الموضوع صعب عليك وانتي مادرستي سبع سنين قلت التوفيق بيد الله ...
وقالت يلا نبدا معكم اول يوم بشوف فيها مقدرتكم الاملائيه كانت مدرسة عربي وانا هالماده لو يخدروني ويخلوني احضر الحصه بقوم من التخدير وبهرب مااحب هالماده خير شر لكن قلت يلا شو ورانا خلينا نكتب هالاملاء والمدرسه تملي علينا وطبعا عيونها على ورقتي بما اني اول كرسي وطاولتي بجنب طاولتها كانت تملي وانا اكتب بارتباك واقول لازم اغير مكاني ماابي هالمكان لما خلصنا وقالت سلموا الاوراق عطيتها ورقتي وسالتني انتي متاكده انه لك سبع سنوات مادرستي قلت ايوه سالتني عن الترتيب لما كنت بنت قلت لها الخامسه قالت يعني من الاوائل قلت لها سابقا قالت مبين بتواصلين مسيرتك بتمييز ...قلت اتمنى والله كلمتها شجعتني كثير على اني امشي للامام ومااطالع الماضي ابدا ...هالمدرسه بالذات مابين كل المدرسات حبيتها كانت تبدا حصتها بالتذكير الدائم بوجود الله وانه الانسان محاسب على كل افعاله وان لازم دائما وابدا نستحضر وجود الله في كل خطوه نخطيها وان الانسان مبتلى بهذه الدنيا وعليه يصبر ويحمد الله في السراء والضراء...وان اساس كل نجاح هو التفاؤل والانسان مايوصل للي يبيه الا بالطموح والاهداف الواضحه والخطط السليمه والثقه في النفس لانها اساس كل ابداع وكانت تقول يابنات انا لي حصه من الاداره يوميا للي تبي استشاره زوجيه او اسريه او جتماعيه الي محتاجه لاي نصيحه تتفضل... المهم حبتها هالمخلوقه حب مو طبيعي درسة نص سنه نسيت فيها كل حزني لو انه قلبي كان ينغزني لم اتذكر حبيب قلبي بس الشكوى لله صابره في هالنص السنه تعلمت اشياء كثيره من البنات منها كيف اختار شنطة اليد الي ماكنت معترفه فيها نهائيا وشو الي احط فيها واذكر كلمة وحده من الدارسات كانت تقول اخوي يقول انه البنت اللي ماتملك شنطة يد مااعتبرها انسانه يطلق عليها انثى شو يقول عني وانا كنت الم كم الغرض الي لي لما اروح لاهلي بكيس نايلون ... كيف اختار لبسي الي يناسب سني وشو الالوان الي تناسبني وتناسب جسمي البنات كانوا خدومات وكل وحده تنصح الثاني لو اكتشفت شئ جدبد كانوا يتكلمون عن الاتكيت وطرق التعامل مع الناس وعن العطور وماركاتها وكانوا يرددون اسم محل مااعرفته الا من اربع سنوات ومادخلته الا من سنه ذى بودي شوب المهم بطلعتي هذي عرفت الكثير واهم شئ عرفته والي اذكر لليوم انه في وحده كانت تربط شعرها بطريقه جذابه وهي كلها جاذبيه كل يوم تجي بلبس وشكل مختلف والصراحه ماشفت في شياكتها احد ولا بنعومتها ولا اخلاقها بعد ماكان ينقصها الا عباية راس وكانت بتكمل والكمال لله اتمنى من الله انها تكون بخير وعافيه وربي مييسر امرها بزوج صالح المهم قربت مني وجلست قدامي وهي مبتسمه قالت شعرك حلو الا يجنن ابتسمت لها وقلت انتي اللي شكل شعرك يجنن ضحكت قال انا شعري خلاص مات من كثر الصبغات والتلوين والسحب والشد والطرق <<< ماده فلزيه لكن انتي شعرك مبين عليه صحي قالت افتحيه اشوفه قلت لها لا لا استحي قالت من من تستحين كلنا حريم وبنات اخذت لفت بعيوني على البنات لقيتهن جالسات عادي اللي شيلتها طايحه على كتوفها واللي شايلتها حاطتها على الكرسي يعني مريحات نفسهن وانا لافه شعري لف بالشيله وكل ماتبان شعره ادخله ههه هذيك الساعه تذكرت اختي لم تقول لي شو فيك زامه هالشيله زم كانك قماشه ريحي فروة راسك شويه ماقدامك الا اخواتك واهلك .. المهم فكيت شعري علشان تشوفه قالت شعرك يهبل بس قصي اطرافه علشان يتساوى وقربت مني ولا اقولك على حركة تغري زوجك وتخليه يركض وراك طالعتها وانا اضحك قلت قوليها قالت روحي اليوم للصالون قولي لها ساوي لي شعري وطرفه قصيه لي على شكل مثلث من نهايته قلت لها اشمعنى مثلث قال مره شغالتي قالت لي هالحركه تغري الزوج وتفتنه وخاصه لو الشعر اسود وناعم وكنت اسويها لزوجي قبل لايطلقني وكان مجنون ومتيم ويقول لاتفتحين شعرك لي الا وقت النوم قلت لها صار اليوم بروح اقصها وبالفعل خبرت اختي على هالحركه ورحنا انا واخواتي الثنتين وقصينا شعرنا بنفس الطريقه وثاني يوم جيت للمدرسه وفي الفسحه سالتي هاه سويتي الي قلته لك قلت ايوه قالت شو قال ابو الشباب قلت لها ملاحظ قالت مستحيل انتي متغنجتي قدامه اكيد قلت ببالي هو موجود اصلن ههه الله يخلف بس ورحنا للصف وجاتنا مدرستنا الحبوبه وطبعا كانت كل يوم تبداء لنا بتوجيه نصائحها الحلوه ومن ثم ندخل الدرس على يدها حبيت الماده الي كان يجيني دوار منها واخر حصه كانت عندنا فراغ وجاتني نفس الحرمه وقالت لي فكي شعرك اشوف كيف قصيتيه وريتها قالت تمام قالت تعالي معي وبيدها كيس قلت لها لوين قالت شو فيك خايفه ماراح اكلك تراني حرمه مثلك رحت معها وانا والله خايفه صدق وصلنا للمرايات الي بدورة المياه الله يعزكم وقالت انا ملاحظه انه مش مبرزه جمال شعرك انتي هذا نظامك بالبيت قلت لها ايوه فتحت شعري ولفته لي بطريقه خياليه وطلعت من كيسها مشبك كبير وثبتت شعري وقالت شو رايك الحين قلت لها روعه قالت يلا جربي قدامي كيف تسوينها مرتين ونحجت بالملطوب ورحت للبيت لكن المشبك بالكيس لاني متحجبه والبس عباية راس وهالمنظر كان مو لايق لي بما اني متدينه المهم رحت للبيت ولفيت شعري بالطريقه الي هي علمتني اياها ونزلت خصل من شعري ورا وقدام وكان شكلي روعه ...
و مثل ماقلت لكم درسة عندهم نص سنه وبنصف العام الدراسي تذكر زوجي انه له زوجه واولاد وجا لابوي يعتذر عن اللي حصل وقال انا ابي زوجتي واولادي قال ابوي مالك عندنا الا اولاد تبيهم خذهم اما بنتي خليها خذ اولادك وبس قال شو القصد ماتبيني اخذ زوجتي قال ايوه مابيك تاخذها اولادك انا احسنت عليهم واعتبر مصروفي عليهم صدقه مني لهم لاني اعتبرتهم ايتام اما البنت ماتطولها لو تموت قال اوكي بنتك خلها لك وهات اولادي وقال ابوي لاخوي هات العيال جاني اخوي وقال اخوي جهزي العيال لابوهم قلت انا شو عندك قال ابوي قال يروحون لابوهم قلت لا عيالي ابيهم قال هذا كلام ابوي قلت ابوي الله يرحمه واعرفه مايحط الكلمه الا بمكانها انا كلي ثقه انه ماراح يضيع لي حق الله يرحمه ...وجهزت اغراض عيالي حبيابي واخذهم ابوهم واخذ الخدامه معه وجلسوا اسبوعين جننوه تجنين نبي امي على الرايحه والجايه وهو يقول امكم بتجي اليوم بكره بعده الين وصل الموضوع اسبوعين اخر شئ جاتني امه <<< من كم سنه ماشفتها حتى بولادتي على ولدي الي بالعمليه ماشفتها وجات تتعذر لابوي عن اللي حصل وطلبت انه يرجعني علشان عيالي على الاقل وانه الاطفال مالهم ذنب يفترقون عن امهم قال ابوي يعتبروا امهم ماتت وانتي قايله من قبل بنات الناس كثار ليش ماتزوجي ولد وحده ثانيه غير الي عنده ...قالت ماراح احصل له وحده مثل بنتك ولدي واعرفه ولا احد قدر يصبر على طبعه الا هي ... قال ابوي انا اسف بنتي مالها رجعه لولدك ...الظاهر الرجال اشتكى لامه وتدخلوا كبار من عائلتنا وعائلتهم لحل الخلاف وكنت انا من يوم مااخذ عيالي اصلي استخاره لو كان لرجوعي له خير لي ولعيالي يارب تعجله كنت بموت من شوقي على عيالي وصار الحل النهائي بعد ماابتدى الفصل الدراسي الثاني كنت اروح للمدرسه بوجه شاحب وذهن شارد ولما صار الحل النهائي برجوعي له وبشروط ابوي وكان اول شرط اكمل دراستي الثاني يخصص لي مصروف شهري وقدره والثالث اتعلم السواقه مو شرط يكون عندي سياره لكن يكون عندي رخصه الرابع يشتري بيت ملك ويكتب باسمي كضمان لمستقبلي والخامس والخطير اني ماالمس حبة رمل ببيته يبي يجيب عشرين خدامه ولكن انا حتى شعري مااربطه بيدي وختم كلمته الله يرحمه انا زوجتك بنت ناس وابوها رجال معروف مو لعبه لك تلعب عليها براحتك الاول ذلتها امك والحين دورك انت عاجبك الشروط اهلن وسهلن مو عاجبك بنات الحلال كثار تزوج قاموا الرجاجيل الموجودين يرددون كلمة عزالله واصل عزالله واصل الظاهر انحرج زوجي يرد كلام الرجاجيل قال عاجبني المهم كان القرار اني ارجع للبيت لكن ابوي الله يرحمه قال اول شئ انقلي اوراقك لاقرب مدرسه لك وهذا الي صار ولما رحت اودع البنات جات المدرسه الي علمتكم عليها وقالت لي اليوم وجهك احسن من امس قلت لها الحمد لله عطتني رقمها وقالت انتظر اتصالك متى تخلصين نقل قلت لها ان شاء الله ...وقبل لا اطلع من بيتي مسكني رحمة الله عليه قال بتروحين قلت ايه قال الله يحفظ ولكن اياني واياك اشوفك راجعه هالبيت مره ثانيه الا وورقتك معك تعليق ماابيك فاهمه قلت فاهمه سكت شويه قال بنتي انتي ببداية حياتك << الله يرحمه تذكرت كلماته وانا اكتب لكم والله فقدته
المهم قال انتي ببداية حياتك بتشوفين كثير وبتسمعين كثير والرجال رجال مثل الشمس تشرق من الشرق وتغرب من الغرب متغير ماله امان لكن انا اقولك زوجك صدقيني فيه الخير واحسن من غيره بيجيك اليوم الي تقولين فيه كلام ابوي صح قد ماتقدري دوسي على نفسك وتذكري انه الانسان خلق في كبد ماتبين اجر الاخره تبين حياة رخاء بدون تعب هذي مو في الدنيا هذي مكانها في الجنه ولكن مايمنع انه تعيشين سعيده ...اخر نصيحه واللي لليوم ارددها قال عيشي حياتك كيف ماتبين ولا تهتمين لاحد محد يعجبه شئ هذي اطباع بشر لكن اذا جيت تغلطين تذكري الله وامك وابوك الي تعبوا عليك وكل همهم برغم جهلهم انك تعيشين سعيده ...انتهى كلام ابوي الله يرحمه ويتغمد روحه الجنه ....
ورحت لبيتي الحبيب بعد عام من الغياب ....
قبل لااروح كنت بتحنى وبتزين وبعدين قلت مابي يحمد ربه اني رجعت له بعد ...المهم اخذت حمام عميق عميق وتنظفت زين ولبست لبس محترم ...كنت ابي اخوي يوصلني لكنه قال الافضل تروحين معه ...طلعت لزوجي وركبت السياره ولا قلت اي كلمه قال هو السلام لله طنشته قال السلام عليكم رديت رد داخلي وماعطيته وجه ...قال تدلع الحرمه قلت ببالي انت عطيتني فرصه اجرب الدلع لكن بفرضه عليك فرض ...من ركبت وانا افكر وين الثانيه وليش رجعني كنت خايفه من الاحداث الي بتصير بعدين ... توكلت على الله وقلت باذن الله بيكون امري كله خير لي والخبر اللي اليوم بفلوس بكرى ببلاش وبينكشف كل شئ ليش استعجل على رزقي ...المهم وقف السياره قدام فندق قال يلا انزلي قلت ليش قال بنجلس اسبوع من قدك حتى باول ايام زواجنا مادخلناك فندق قلت مادام في البدايه ماجاني حتى الحين مابي انصدم من ردة فعلي قال انا حاجز قلت انا ماابي ادخل فنادق ابي اروح البيت قال البيت ماراح يطير قلت عيالي قال عيالك عند امي قلت وديني لعيالي طالع لي وهو مستغرب من اسلوبي بالكلام وللعلم كنت متغطيه ماكشفت وجهي بالسياره قال اذا مانزلتي الحين مارح تشوفين تدخلين معي فنادق مره ثانيه قلت انا لما رجعت لك مو لاني اشتقت لك غيابك عندي كان مثل وجودك يعني انت والغياب تساوي العدم انا رجعت علشان عيالي ماينحرمون من وجود امهم وابوهم مادام خايف على انك حاجز ودافع وخايف تخسر فلوسك هات حبيبتك وتمتع معها اسبوع كامل ومتى تخلص تعال انا موجوده بالبيت ...سكت اصلن عجز يرد اخذ عشر دقائق بذهول ...دخل الفندق جاب الاغراض اللي مجهزها لي هناك والغى الحجز ووداني بيت اهله قال انزلي بتسلمي وبعدين وبناخذ العيال قلت مالي نفس انزل تعبانه ابي انام هات العيال وخلينا نروح نزل جابهم ورحنا للبيت سنه ونص غايبه عنه ليقت الشغاله منظفته ولكن مو بالطريقه الي ابيها وقلت بأجل الموضوع لوقت ثاني جلس هو بالمجلس فاتح التلفزيون ومسوي روحه مش مهتم وانا اشوفه محترق يبيني اجيه اقوله كلمه طنشته عشيت الاولاد ونومة حبيبي الصغيرون للعلم هذا فطمته من الرضاعه لاني كنت استخدم حبوب مهدئه للاعصاب قويه وكان بتاثر عليه والدكتور نصحني افطمه دخلت غرفة نومي غيت ملابسي وكان لهذيك الساعه ماشاف وجهي ولا حط عينه بعيني جاني وانا حاطه راسي ابي انام قال ماتبين عشا قلت مالي نفس سكت وطلع رجع قال اختك على التيلفون تبيك قلت زين قمت من نومي وكانت هذيك اللحظه اول مره يشوف وجهي من بعد سنه ونص طالعته ابتسم لي اخذت الروب وعطيته ظهري كلمت اختي قال كيف شو سويتي قلت ولا شئ حست بحزن بصوتي قالت صار شئ قلت لها احس انه كارهته قالت شعور طبيعي لانه جرحك لكن سامحيه سكتت قالت لازم تسامحيه ابو عيالك زواج صغرك ورفيق الدرب ماراح ترتاحين وانتي حاطه بقلبك شئ قلت اوكي بحاول وسكرت عنها وجاني بالمكان الي كنت فيه قال ادري انك ماخذه بخاطرك علي وزعلانه واني غلطت عليك واني جرحتك واني واني وقال كلام كثير شئ اذكره وشئ مااذكره طالعته ببرود وبنفس النظره الي نظر لي فيها قبل سنه ونص قلت حصل خير قال انتي زعلانه قلت لا قال وليش ماتبين تتعشين معي قلت مالي نفس قال انا لي نفس وابي اتعشا قلت تعشا احد ماسكك قال بعدك بخاطرك شئ ابتسمت له قلت لا ورحت معه اتعشى بعدم ماترجاني اروح معه ...وعدت ليلتنا على خير ...
الحين بخبركم ليش سويت حركة التمنع والرفض زوجي مااقول لكم انه مش انسان محترم بالعكس ولكن قلبه متعلق بوحده غيري يعني انا عنده والعدم واحد ليش رجعني هالموضوع بخبركم عليه بعدين ...لكن زوجي وكل رجل لما يحب ينسى نفسه ومايهمه احد بالدنيا الا نفسه يعيش جوه وهالكلام اكيد مو جديد عليكم هالكلام قالته لي الدكتوره اللي تعالجت معاها نفسيا ...
قالت الرجل مايفكر الا بلذته واذا لقى راحته مستعد يحارب علشان يحافظ عليها .. ولكن انسب علاج مو هجره وتركه لانه ماراح يهتم اصلن شو يبي من النكد اللي مع زوجته وخاصه لو كانت مثل طينتي السابقه الزوج يحب التجديد والتشويق ولا ليش الاسلام حلل له اربع لانه يقدر يعيش مع هذي وهذي وهذي وهذي وهو بنفس الشخصيه ماتتغير نفس الرجل لكن من يحب وحده منهم تكون قلبه وعقله وكل تفكيره تحصلين رجل متزوج من ثنتين وكل الي عند هذي عند الثانيه ولكن حبه مستحيل يعطيه الا لوحده منهم واكيد اللي يحبها تدري وتحس به لانه مريحها ومعيشها ملكه باحساسها ...قالت زوجك انتي يبيك لبيته ويحس انك ركيزه عظيمه ومايبي يخسرك لانك ام عياله ولكن لانك ماوفرتي له الجو المطلوب طالع لغيرك واحسن علاج لزوجك ولكل زوج خائن تحسسيه انه انسان غير مرغوب فيه لانه لما يشوف هيام وعشق زوجته فيه يقول خلاص اهم شئ بيتي وعائلتي بامان عادي اخذ راحتي ولكن لاتتركين له البيت ولا تهملين نفسك ابدا ابدا اهتمي بصحتك بجمالك بكل شئ فيك ودوسي على قلبك ولاتنامين وتناسين افعاله لا شغلي كيد ومكر النساء ولا انتي مو منهن ههه بالفعل كنت مو منهن ولكني صرت منهن الحين ...وهذا اول شئ سويته حسست زوجي انه سبب رجوعي له عيالي بس واني ماابي شئ من هالدنيا الا اني اربي عيال صالحين هالشئ خلاه يحس انه مو مهتمه له ابدا وخلاه يحرص يعرف شو سبب تغيري من مجنونه في حبه لانسانه مو مهتمه ومادام بداء يحرص معناته انا بديت اشغل تفكيره واكيد ماراح يفكر بالثانيه وان فكر تراها ماراح يكون مرتاح لان اساس البيت بدا يغير ركايزه ...
ونكمل

مر شهر على رجوعي لبيتي وانا اشوف زوجي مو نفس الشخص الاولاني صمت مطبق وانسان مجروح ولكن كان يداري جرحه بالصمت وعيونه على الموبايل طنشت كاني مااشوف شئ ... وماكنت اسأله شو فيك متضايق تكلم اهلن بكلامه سكت فر علي علشان مااندمج كثير ...قمت بواجباتي الزوجيه كامله ولكن قللت اللهفه والشوق والكلام ...كان كل يوم مساء يوديني للمدرسه ويرجعني وكنت افكره بهذا الوقت يروح لها لكني انصدمت لما قالت لي خدامتي انه يرجع ينام ...غريبه الظاهر ماتت ههه ....
جاني فضول غريب ابي اعرف السالفه ولكن ماكنت ابي افتح الخط بيني وبينه كثير وللعلم بشخصيتي هذي حبني اكثر حب تجددي حب غروري وتمنعي منه وكنت لو اطلب قلم رصاص يركض ويطيح علشان يوفره ...بهذا الاسلوب سويت لنفسي دولة ذات حدود وقوانين وهذا اكبر غلطه تقع فيها المتزوجات المفروض تتذكرين انك مثل مالك جسم مختلف ويحتوي كل شئ مختلف حتى بينك وبين اختك الي امك جايبتها لازم تتاكدي انك وزوجك شخصيتين مختلفات الاختلاف التام ...علشان تفهمون هالمقطع انصحكم بكتاب النساء من الزهره والرجال من المريخ بلاضافه لكتاب لاتهتم لصغائر الامور للازواج وللمراءه
المهم الزوجه لاتقول انا وزوجي روحين بجسد وكلام الافلام الي ماله داعي غلط
انتي مختلفه عن تمام اختلاف دائما اجعلي لنفسك خصوصيه وتامه لبعض الامور الشخصيه مو لازم كل شئ يعرفه وتصيرين انتي قدامه كتاب مفتوح ومن كذا يمل الرجال ويدور له على كتاب جديد يقراءه عشي مع زوجك امراه بوقت وام بوقت وزوجه بوقت وحبيبه بوقت وصديقه بوقت وانتي ذلك الشخص الذي بداخلك والذي يخصك لوحدك بوقت ...
اجعلي لحياتك نمط يخصك انتي انتي المسؤله عنه ولا تصيرين صوره وكل من هب ودب يحط لها برواز بروزي شخصيتك بالذي يناسبك ويريحك انتي وصدقيني زوجك بيحترمك اكثر لانه هذي ميزتهم هم يحبون النساء ذات الدول والحواجز علشان يقتحمون عالمها وكل فكوني ذات غموض ....
المهم انه وبعد شهرين من رجوعنا لبعض اكتشفت اني حامل الصراحه تضايقت وبكيت كثير وخاصه اني جايبه طفل بقيصريه والغلطه غلطتي مافكرت استخدم موانع <<< تفكر نفسها ترضع الحبيبه وضامنه ماتحمل المهم هو فرح كثير ...لما مر على حملي شهر ونص وكنت راجعه من المدرسه شفت كرتونه كبيره في السياره ورا شافني انتبهت لها انتظر سؤالي لكن الانتظار طال بطلت التدخل والفضول الزايد كاني ماشفت شئ في البيت شفته ماخذ الكرتون وللمجلس رحت للعيال واخذت حمام مضبوط وجيت لزوجي شفته يركب المدعو بالكمبيوتر
هذا نعرفه بالكتب لكن عيني عينك ماشفته الا اليوم قلت زين تطورنا شوي وهو يركبه كان يركبه بسلاسه فتاكدت انه له خبره بهذا الجهاز حطيت العشا وجلس ياكل وقال عندنا بالدوام واحد وقلت باخذ واحد نتسلى فيه بالبيت بما اني فاضي طوال العصر وانتي مشغوله بدراستك << عذر اقبح من ذنب طالعته ببرودي المتعاد قلت له بالبركه الله يعطيك خيره ويكافيك شره ثاني يوم وصل شئ ثاني الانترنت وبعد ماكنت اعرف شو هذا قال هذا الاتصال يخليك تشوفين كل العالم قلت زين كان يجلس على النت بوقت مااكون بمدرستي ولما ارجع يقغله لو ماجا له نوم يجلس عليه شفت انه زوجي شوي شوي بدا يرجع لطبعه قال الظاهر في شئ عند هالمخلوق شئ جديد ماصدقنا نفتك من القديم ...
المهم بيوم من الايام جاني اخوي زياره ودخلته المجلس وشاف الكمبيوتر قال عندكم نت طلع اخوي يعرفه قلت ايه قال من يجلس عليه قلت زوجي قال كيف هو معك الحين قلت رجعت حليمه لعادتها القديمه ولكن شو نسوي صبرنا لله ...
قال اصبري لاتنسين عيالك وانتي حامل يعني اصبري وبس قلت هذا الي بيصير ...
المهم شوي شوي ولا الزوج بدا يسهر للصبح على النت ياسلام شوي شوي حول فرشه معه وينام هناك وردينا لمثل اول واخس وادهى وامر ولكن هالمره بالبيت
لكن الميزه الجديده في الموضوع انه كان يحترمني ويقدرني ويخاف لو تضايقت وهذا كان يحصل نادرا ...جلست افكر الحين هالجهاز بيكون بدال الحبيبه وقلت لانفسي لاتكون حبيبته بالداخل بس << تفكر على قدها ...قلت لو خليته على هالوضع بيرجع مثل قبل وبيبداء يطنشني اكثر مع انه محترم للحين لكن اخاف تتكرر السالفه ...وكان هذيك الايام قربت مناسبة عيد زواجنا ولاول مره اسوي في هذاك اليوم شئ مميز فرح سويت شويت حركات على القد لكن كان لها طابعها واخذت له هديه قلم << تعترف بأهمية المقوله زمان العطاء بلامقابل ولى وراح اخذت له قلم ماركه ولكن ماكلفني كثير لانه هو مايكلف نفسه كثير بهداياه الي شفت منها عطرين بعد رجوعي له ...انبسط معي هذيك الليله ولكن اخر الليل راح للكمبيوتر ...قلت لازم اكتشف شو عنده هناك وهذا الي حصل ....
ثاني يوم لما راح للعمل قلت بدخل اشوف شو حاصل هناك ورحت اتعبث بالجهاز واشتغل لكن اول ماشتغل ولا انا اسمع اصوات تنبيه خفت قلت شو صار قلت بسكره ماعرفت وخفت ارتجفت اخر شئ طفيته من الفيش ولا كانه شئ صار وهديت نفسيا لكن ...مازلت ابي اعرف شو موضوع هالسهر وانا افكر تذكرت مدرستي الحبيبه قلت خليني اتصل فيها يمكن احصل شئ رد شافي معها يريح قلبي ...سلمت عليها قالت انتظرتك وطولتي علي قلت سامحيني تدرين البيت واموره وقالت امري خبرتها بالموضوع قالت اكيد اما انه حبيبته مسافره لبلدها وهو يكلمها عن طريق النت ولا هو يدخل شات قلت شو هذا شات بعد قالت برنامج محادثه الصراحه هالموضوع جديد علي قلت والحين والحل قالت قالت باقي عن الامتحانات اسبوعين ركزي على امتحاناتك وتاكدي انه الله مايضيع عباده كل ماتحسين انك ماتقدرين تتحملين حركاته اتصلي فيني ولا في اي انسانه ترتاحين لها وفضفضي ولا تقربين صوبه لانه ماراح يسمع لك لانه مو محتاج لشكاويك هو يبي يرتاح مايبي شكاوي ونكد خلي جوك يتسم بالضحك والتسلي مثل ماانتي عليه قلت اوكي مرت الايام والامتحانات خلصت واللهم لك الحمد نحجت وبتفوق فرحت كثير ولما ركبت معه في السياره كنت بطير من الفرحه وانا جايبه الشهاده قلت عليك سهره لا لا عليك ومطالب بيومين اغير فيهم جو نفسيتي تعبت من الاختبارات فرح لما طلبت هالطلب قال وين تبين قلت اي مكان المهم نغير جو قال اوكي نروح البيت ونقرر المناسب قلت زين رحنا البيت وكنت فرحانه كثير واضحك واتكلم وهو جالس يسمع لي ويضحك معي قلت شوف بنوم العيال وبنطلع انا واياك نتمشي شويه شو رايك قال صار يلا روحي رحت ارتب امور عيالي ودخلت غيرت ملابسي ورتبت نفسي بهذاك الوقت هو جلس على النت ولما جيت ادق له الباب قال لحظه بجيك قلت زين رحت انتظرت عشر دقايق ماجاني رحت اشوفه مره ثانيه قال جاي جاي قلت الظاهر طار الطير من يدي قلت خلاص خذ راحتك ماابي اطلع بنام وانا رايحه لغرفتي فتح الباب قال لا خلاص بنروح قلت مابي اروح وجلست بغرفتي زعلانه تذكرت تصرفي قبل سنتين نفس الحركه خليته لها بغبائي والحين نفس الحركه سويتها ولمت نفسي على الفعله وانا الوم نفسي جا لي قال يلا بنروح طالعته بهذيك الابتسامه وقلت يلا قال تعجبيني لما ماتتضايقين قلت ماتضايقت بس كنت ابي اشوف غلاتي معك << نصابه كنت اتقطع من العصبيه ولكن تذكرت نصيحة الدكتوره اذا حسيت بزوجك انه في شئ شاغله لا تتهورين وتتركينه لانه ماراح يهتم لك ابدا ابدا لانه عايش جو سعيد ومرتاح فيه لكن هو اهتم لي وجاني هالمره مو لسواد عيوني ولا لاني افضل من الجو الي عنده لاني انا تغيرت ومادامني تغيرت علشانه كثير فصار عنده احساس بالذنب وهذا المطلوب من كل وحده لا لا لا تهملين زوجك ابدا ابدا لو حسيتي انه في وحده بالخط ليش تعطينها فرصه تتغلب عليك اذا جاك لا تصدينه وتقولين له روح للي شاغلك بيروح اكيد لانه هناك مافيه نكد ولا بوز ممدود ...اذا حسيتي انه في وحده بحياته لاتهملين جمالك وقوي ثقتك بكلمه ردديها انا صاحبة السياده انا ملكة قلبه مافيها شئ احسن مني ومن يدخل للبيت ابتسمي له ورحبي به وهلي وساعديه بخلع ملابسه جيبي له عصير ماي اي شئ المهم خليه يحس بالذنب خليه يشوف جمالك الداخلي والخارجي الي فيك من حره وقهر خليه مكانه وابلعي كل شويه معكب ثلج وفوق هذا راقبي وضعه وبكل حذر خربي عليه جوه ...
المهم قال نتعشى برا ولا نتعشى اول وبعدين نطلع قلت له نفسي بكنتاكي ابتسم ابتسامة مقهور قال تستاهلين زوجي سالني تبين عشا برا ولا بالبيت لو قلت بالبيت بيتعشى وبيقول خلاص ننام وخليها بكرة وبيمثل علي دور المشتاق علشان يعجل بدخوله للنت ولكني قلت بطلع احسن طلعت في البدايه حسيته متضايق ولمحت له لو في شئ شاغلك بنرجع للبيت ارتبك قال بصوت مرتبك شو بيشغلني عنك يالغاليه قلت اشوفك ساكت قال افكر وين بنروح اليومين الجايات قلت زين تراني ابي طلعه حلوه نعوض فيها فترة غيابنا عطاني ابتسامه صفراء فهمت مغزها المهم رجعنا البيت متاخر وغيرت ملابسي وجيت له قلت بتنام قال بجلس شويه على النت قلت اوكي دقايق الا وهو جاي الظاهر خربت عليه شئ والله يعين بكره مايطنشني اكثر ههه المهم بدأت اجازة الصيف وانا لهذاك اليوم مااعرف شئ عن زوجته وشو مصيرها طلقها ماتت اختفت مااعرف شو موضوعها الين سمعته مره يتكلم بالموبايل يقول وين حصلتوها اها خلاص اوكي انا جاي لكم قريب بس لاتبنون لها انكم كشفتوها خلوها انا جاي لها خلال هاليومين سكتت ولا كاني سمعت شئ ولارحت جبت له عصير وجيت لقيت يفكر شارد ذهنه قلت تفضل العصير اخذه وقال انا صار عندي ظرف طاري واحد من اصدقائي المقربين صار له حادث ولازم اسافر له كنت متوقعه يقول هالكلام قلت يالله عساه ماتعور قال ماادري بس لازم اسافر اطمن عليه قلت خلاص حبيبي روح الله يحفظك بس انتبه لنفسك فرح بردة فعلي ماكان متوقع اني اقبل سفره بهذي السهوله وبالذات لهذي البلد لانه يدري انا ادري عن زوجته لكني سويت نفسي متاثره جدا وخايفه على صديقه المزعوم واصلن انا كنت ابي اكتشف سر هالكمبيوتر مادام مو هي اللي يسهر معاها الليلي فمن هي الي الجديده ...جهزت شنطة زوجي بثياب مرتبه ومبخره ومعطره حطيت لوازمه بشكل انيق حرصت كل الحرص اني احط لمساتي فيها علشان يتذكرني حتى لو مايبي واهم شئ سويته حطيت صورتي الي صورتها قريب مع عيالي الله يخليهم وهو مايدري عنها كتبت من الخلف لاننا نحبك نريد البقاء بجوارك دائما وابدا وراح زوجي بحفظ الله ورعايته وكلمت مدرستي الحبيبه قالت روحي على الجهاز وانا معها بالتيلفون شرحت لي كيف افتحه وشو الي لازم اعمله اكتشفت انه بالجهاز في برنامج يسمونه الماسنجر اكيد تعرونه مو لازم اشرحه المهم وكانت فيه وحده من نفس طينة الي قبل ومتواجده عندنا في البلاد ولكنها كانت تمثل على زوجي تحفظها فكانت ماخذه راحتها معه بالماسنجر قالت لي مدرستي كلميها على اساس انك انتي زوجك وشوفوا الكلام الي جاني ولا الصور الي ارسلتها وانا استقبلتها لها باوضع مختلفه هذيك الايام الماسنجر ماتتطور وماكان فيه مكان لعرض الصور لكن كان فيه صوتي بس حسيت اني انهرت تماما صج تعبت تعبت نفسي وقلت انا مااصدق افتك من مطب لمطب بنفس اليوم بالليل اتصل لي زوجي قال من فتح الكمبيوتر قلت ولا احد قال كيف اقولك من فتحه قال محد شو فيك قال اوكيه اوكيه مع السلامه ومن يومها ماعادت تدخل الظاهر اتصل فيها وخبرته انه في احد على ماسنجره فمنعها من الدخول علمت اخوي بالسالفه قال جايك اخذ الايميل ومثل عليها اخوي انه واحد يبي يتعرف وانه حصل الايميل بموقع تعارف قالت له انا انسانه محترمه وماحطيت ايميلي بمكان واخوي يمين يسار مسكها زين وتعرف عليها بالماسنجر الين سحب منها كل معلوماتها وعرف كل شئ عنها حتى رقم موبايلها قلت زين هذا الي نبيه بعد تعمق معها نبي صور شهر وجاب اخوي كل شئ عنها حتى صورها وارقامها وارسلهم لايميل زوجي هديه معتبره
لما وصل زوجي من سفره كنت انا مرتبه له كل شئ جا ورحت له اجري من الفرحه علمتني صديقتي عن حركات اسويها علشان استقبله بها وبالفعل كانت الحركه ادت مفعولها بنجاح ...هذا اليوم رتبت بيتي وعدلت امور وسويت عجايب كانه مسافر دهر مو شهر واهم شئ لبست فستان لوني ارجواني هاللون يطير مخ الرجال المهم جلس زوجي وفي اخر الليل قال اسمحي لي بس بشوف الكمبيوتر حتى وهو تعبان ومنهك قلت تفضل ياقلبي تبيني اسوي لك شاي ولا نسكافيه قال لا لا نامي ارتاحي انتي قلت اوكيه تصبح على خير اخذ نص ساعه ودخل الغرفه ومسك الموبايل وطلع قلت اكيد شاف رسالة اخوي له وشاف المحادثات والبلاوي والصور والارقام وانكشفت له حبيبته الخائنه وكانت رقم اثنين تلعب نفس اللعبه ...
ماطلعت اشوف شو قال لاني عارفه شو بيقول جلست بفراشي وجلست انتظره الين مارجع للنوم وشفته مقهور مو قادر ينام وتبون الصدق انا مااقدرت انام بعد طالعة فيه قلت سلامتك فيك شئ قال ابد نامي ....ونمت وصحيت الصبح لقيته طالع قبل لااقوم قلت وين طار هذا لما رحت اشوفه بالمجلس مالقيته قلت مو مشكله برتب شنطته فتحت الشنطه طلع الملابس ولقيت ظرف فكيته قسيمة زواج وطلاق وحكمين صادرين بحقه من المتهمه زوجته الحراميه والمحكمه مصدره امر بلزم دفع له كل مبالغه الي ماادري شو قصتها ...قلنا زين افتكيت من ثنتين بحجر واحد والحمد لله احلى شئ شفته اني لقيت صورتنا مبروزه ببرواز على شكل قلب

رجع زوجي من برا وكان منهك قلت سلامات شوفيك وكان بيده رمل وبملابسه قال جهزي لي شئ اكله وقولي للخدامه تجهز ملابسنا بنروح بيت اهلي قلبي دق شكلي زوجي كان يخوف من التعب والانهاك رحت وراه قلت شوفيك صاير شئ قال خليني في حالي الحين عورتني ركبي من الخوف سويت لي اكل وانا ارتجف ماادري شو الحاصل جهزنا اغراضنا وسمعته لما سكر باب غرفته رحت له لقيته يصلي ويبكي قلت هذا اكيد مسوي مصيبه اليوم خلص صلاته قلت شو صاير شو اللي حصل طمني ماقدر يتكلم وراح للمجلس وحاط وجهه بين كفوفه رحت سحبت يده بقوه شوفيك حرقة اعصابي سوت شئ قتلت احد؟!! احد من اهلنا صار له شئ قال ابوي مات عمي الله يرحمه ابو زوجي اعظم رجل عرفته بحياتي صديق ابوي والسبب الرئيسي الي خلى ابوي يوافق على زواجي من ولده ولا نحن بنات مايطلعونا ابدا خارج القبيله عمي الله يرحم انسان حنون جدا وحكيم ليت زوجي جاب ظفره لكن للاسف ولا طبع اخذه الا طبع الزواج الله يغفر له ويرحمه رحنا لبيت اهل زوجي وجلست شهر مع ام زوجي نسيت كل اللي سوته فيني وقلت الحين ظرف يبان فيه الصديق ولازم اثبت وجودي صح عمي ماكان انسان موذي بالعكس انسان حليم وصبور ومحترم الله يغفر له ويرحمه ويرحم اموات المسلمين ...بعد شهر قالت ام زوجي لزوجي الحين انت تشوف الوضع وكيف حالنا ونحن نبيك تسكن معنا اخوانك صغار ...جاني وقال هذا كلام امي وانا اشوف امي محتاجه لي شو رايك قلت انت تدري انه رجوعنا بيسبب مشاكل نحن بغنا عنها وبعدين اخوانك كبار اصغر واحد عمره 16 سنه واخوانك 2 متزوجين وعندهم بالبيت ...شاف مافي فايده مني راح لابوي الله يرحمه قال بنتي روحي مع زوجك ارضيه نفسيته تعبانه ومايحتاج تكونين قاسيه معه ...قلت امرك ياابوي ورحت اخذت اغراضي ورجعت لبيت اهل زوجي وماكملت اسبوعين الا ام زوجي الله يسامحها كشرت عن انيابها وبدأت تضايقني بالكلام وتلمح اني اخذت ولدها وحرمته منها طنشتها وشوي شوي رجعت المشاكل مره ثانيه لكن الي رحمني اني كنت مضيعه وقتي بالمدرسه المهم بدا العام الدراسي ودخلت اول ثانوي وهنيه صار التحدي الكبير لاثبات وجودي لانه ولدي دخل اول روضه وكنت ابي اتفرغ لتدريسه وثاني الحال انا حامل والثالث ام زوجي الله يسامحها ابدعت باصناف العذاب اول شئ سوته طفشت خدامتي مني قلت عادي انا اقدر اخدم عيالي والبيت اصلن فيه خداماتهم على التنظيف بيساعدوني لكن هذا تمنى وكلام اصدرت مرسومها انه ولا خدامه تدخل قسمي انا بالذات مابين حريم العيال نهائيا طنشت قلت عادي اتصلت بمدرستي الحبيبه واستشرتها قالت حولي لنظام الصباحي احسن لك قالت الصبح تطلعين ولما والعصر تكونين متفرغه لتدريس ولدك قلت لكن انا عندي ولد وبنت مادري من بيهتم فيهم قالت خليهم عند امك وهذا الي صار ورجعت حياتي التهيت بعيالي ودراستي وهم ام زوجي اللي سوت بعد قرار جديد على كل وحده من حريم العيال دور للطبيخ وبما اني ادرس اخذ العشى يوميا وهن يتناوبن الغداء كل يوم وحده شوفوا العدل بس قلت اوكيه المهم افتك من حشرتها ولو تدرون نظامي كيف كان الصبح انزل اسوي الفطور لي ولعيالي ولزوجي وانا طالعه اودي عيالي لامي واروح لمدرستي وارجع اشيلهم والحق ارتب شويه واحط الغداء يرجع زوجي وولدي يتغدون احاول اريح جسمي بس النوم مستحيل وانا عندي طفلين صغار يبون رعايه والعصريه اذاكر لولدي اول شئ وبعدها ارتبهم وانزلهم يلعبون ارتب غرفي واجلس اذاكر للمغرب اخذ عيالي سبوح عشا نوم على عشره يجي زوجي يتعشا وينام زوجي ماكان يطلع لكن كان يروح بغرفة اخوانه يطالع معهم التلفزيون ينزل من العصر مااشوفه الا قبل النوم طبعا هالنظام خلى حليمه ترد لعادتها القديمه شوفوا مع اني كنت اضغط على نفسي البس اتنزين ارتب البيت واتعدل واسوي كل الي يريحه ويفكني من الكلام ولكن زوجي العزيز قرر انه يتزوج هالكلام وصلني عن طريق اخته جاتني تركض الحقي زوجك بيتزوج قلت لها بالبركه ورحت قالت تراني ماامزح قلت بذمتك شو تبيني اسوي له يعني اربطه ولا امنعه انا شفت رجاجيل مثل اخوك ماشفت يعني انا اكرف ليل مع نهار وهو ولا حاس غير كذا مهتمه له ومنظفه بيته وعياله ومتزينه ومتعدله برغم اني بالشهر التاسع وهو يقول بيتزوج يااختي يتزوج خلاص مليت منه مليت ورحت ابكي بفراشي قلت شو اللي بقى وماسويته له
تغيير وتغييرت من انسانه همجيه لنعومه ...
انسانه ماتفهم باللبس صرت البس ...
لوحده مش مكمله تعليمها وكملت ...
وعيالي ومهتمه بهم وبيتي ومهتمه وهو هذا انا اتزين واترتب واسوي كل الي اقدر عليه شو الي باقي ودي افهم ...قلت بعلم ابوي عليه وبعدين قلت لا مابي اضايقه على مشاكل تافهه احسن احلها بروحي ...فكرت اتصل باختي قلت لا اختي هي بعد بشهرها وماابيها تضايق نفسها وتتعب فضلت اني اسكت واسوي نفسي مااعرف عن السالفه واطنش واشوف نهايتها ...المهم حانت ساعة الصفر وعلامات الولاده بينت فيني كان المسا اول علامه شفتها قلت بصبر اخاف اتورط بعمليه ثانيه جلست بالبيت التوى من المسا الين الساعه تسع الصبح ولا حد داري اتصلت فيه قلت انا تعبانه قال انتظريني ساعتين وبرجع عصبت قلت تبيني اولد بالبيت قال انتي ولادتك مرض الله يمرضك وسبني وسكر بوجهي التيلفون جلست نص ساعه مااقدرت اصبر اتصلت فيه رد علي قال جاي جاي وسكر للمره الثانيه قلت الله موجود وماربك بظلام للعبيد وصل الحبيب الا وانا خلاص تعبانه تعب خيالي دخل وهو معصب يلا جهزي نفسك قلت جاهزه اسبقيني للسياره بجيك رحت للسياره وانا ادعي ربي سترك مااولد بالسياره بس قال بتمرين لامك قلت مافي وقت جلس يهز راسه مستهزيء بكلامي قال تصدقين انتي نحيسه حتى بولادتك سكتت عنه وجلس يتكلم ويتكلم وانا التوى من الالم صرخت بوجهه قلت شوف لاتخلي ارفع يدي وادعي عليك ربي وانا بهذا الوضع الي فيني وانا انسانه مظلومه وانظلمت وانت متاكد اني مظلومه وانت تعرف رد ربك على دعوت المظلوم اسكت ووفر كلامك ويصير خير بعد الولاده وصلت للمستشفى ودخلت اسابق الريح نسيت الالم لاني خلاص على وشك وماابي اولد بالشارع اول مادخلت مسكت يد الممرضه قالت فايل مدام قلت لها خلاص تعبانه دخلتني للغرفه علشان تشوف ولاده والمسكينه مالحقت تلبس القفاز الا وانا ولاده والحمد لله بدون عمليه .نص ساعه وحولوني لغرفة بالعنبر جا زوجي وهو مايدري شو يقول مستحي من اسلوبه قال ماكنت ادري انك تعبانه قلت يكفي اني ادري وطلعت بعد مااخذت اسبوعين بالمستشفى ...
طلعت من المستشفى تعبانه وامي طبعا جاتني زياره وراحت ماتقدر تجلس ببيت عمتي فيه ..قلت لزوجي ابي خدامه قال البيت فيه ثلاث خدامات قلت اوكي هات وحده منهن تجلس اربع وعشرين ساعه تحت خدمتي لحد مااقول من فراشي قال متى تحتاجينهم اطلبي الي تبينها من ماسكك قلت امك ...مانعه خدامتها يدخلن قسمي وانت تدري ماله داعي كثرة الكلام واسمع مادامني محترمتك احترمني ...قال احترمتيني بشو بذمتك قال لي مايكفي اني صابر عليك قلت صابر علي ؟!! بشو صابر يالصبور قال خلاص فكينا من الكلام شغاله وبنجيب لك وطلع كلامه رن باذني ولثاني مره اسمع منه كلمه تسوي رنين باذني صابر عليك صوت صدى براسي والله من قوتها ...قلت اكيد في خلل بالموضوع ياأنا مو صاحيه ياهو الي مجنون عشرة ايام وجات الشغاله جابها عندي فوق وقال هذي المدام علمتها على نظامي وكيف تهتم لنتي كملت شهر رجعت لدراستي وقلت مادامني مافلحت مع زوجي خليني اعوض على نفسي بدراستي ابرك لي ورجعنا انا وزوجي نفس الشئ ولنفس الحاله وخطب زوجي بالفعل وحده امه اختارتها له وتمت مراسيم الخطبه وانا مطنشه تبون الصدق امثل اني مطنشه ولا قلبي يحترق ويغلي من النيران الي فيه ... اتصل فيني رحمة الله عليه يطمن على حالي بعد مادرى بالموضوع قال هاه كيف حال القلب قلت الحمد لله على كل حال قدر الله وماشاء فعل قال هذي هي تربية يدي الي ببفتخر فيها كذا ابيك بنات العرب يتعادلون ولو اني ماسويتها لامك ضحكة قلت وليش ماسويتها قال ماتهون علي بنت عمي قلت الحمد لله انت قدرت بنت عمك وانا يعوضني الله بصبري بعيالي قال ويخلي لك ابوهم قلت امين قال اقولك فيه خير صدقيني بس انتي لليوم يابنتي مامسكتي مفتاح قلبه ...قلت والله ماخليت شئ يابوي انت تشوف تغيري الي مسوته له قال هذا الي سويتيه لنفسك وبس تلبسين فهو لك تتزينين بعد لك تتعطرين برضوا لك <<ياعمري على كلمة برضوا لما تطلع منه تشق القلب من حلاتها قلت وهذي الاشياء تجذبه بس الرجال يبي حرمه قلت وانا شو بالله عليك مو حرمه قال اسالي نفسك قلت فهمني قال ماراح افهمك شئ انتي فكري وشوفي شو اقصد ...وسكر عني الله يرحمه ...وقمت وقفت قدام المرايه شككني بنفسي جلست احوس وافكر وابي اوصل لسالفة الرجال يبي حرمه كيف يعني حرمه كيف ...
وماعرفت الاجابه وخليت هالكلمه بقلبي وكنت كل مااقراء شئ ادور معنى كلمة حرمه <<< جالسه تكتب وتضحك على نفسها وتفكيرها المهم ياعزيزاتي خلصنا الاول ثانوي على خير وبتوفيق من الله والحمد لله كانت النتيجه احسن من الي قبلها ...
زوجي في هذيك الفتره ماكان معترف بي نهائيا ولا تسالوني كيف تحملتي تحملت وخلاص واهم سبب اني ماارجع لبيت ابوي الا وانا مطلقه وكيف اطلب الطلاق وانا لي اربع اطقال ولا ابشركم خلصت الاول ثانوي وبنتي عمرها شهرين ونص وحملت بالخامسه يعني ثتبتت مضبوط ومافي فكه من زوجي ...في الاجازه طلبت من زوجي ياخذني للعمره قال خليها الصيف الجاي قلت ليش قال ماتدرين هالصيف وراي عرس قلت اهاا <<< ماكانت كلمه قالها كانه جاب كوايه ومرره على صدري من قوه الكلمه دموعي نزلت من حرارة قلبي رحت توجهت لربي يارب خفف علي نار الغيره مااقدر على اني اتحمل اكثر يارب ....جلست بقسمي وعند عيالي وعندي الكمبيوتر كل مره اقراء موضوع ومن موقع لموقع قريت مواضيع كثيره واستفدت فايده عظيمه من نصائح البنات جزاهم الله الف خير وبينما انا غرقانه اتصفح شويه واسمع دق باب غرفتي قلت تفضل والا اشوف عمتي جايه استغربت دخولها لقسمي والابتسامه شاقه وجهها قلت هلا عمه قالت انزلي تحت ضرتك تحت ...قلت اوكي بلبس وبنزل قالت لاتتزينن كثير علشان ماتغار منك ههه ضحكتني قال حاضر قلت شوفيها عمتي تستهبل علي شو تغار مني المفروض انا الي اغار مو هي المهم نزلت لتحت دخلت لمجلس الحريم سلمت على الحريم قلت اكيد العروس راحت عند اخوات زوجي يمشونها بالبيت جلست قالت عمي هذي زوجة فلان ولدي قالوا كيف حالك قلت طيبه الحمد لله وقامت عمتي تعرفني عليهم وحده وحده الين قالت هذي فلانه طالعة فيها ابتسمت لها سبحان الله شئ مثل الصاروخ دخل بقلبي لما شفتها هالصاروخ كان منظف نظف قلبي من الغيره مادري ليش ارتحت لها قلت لها كيف حالك قالت تمام وشوي جات الخدامه تقول البيبي مدام واستأذنت منهم ورحت لبنتي نص ساعه وجاتني العروس فوق قالت ممكن ادخل قلت تفضلي جات البنت وجلست معي ماتدري شو تقول قلت لها تكلمي ليش محتاره قالت ادري انك حزينه لانه زوجك بيتزوجني قلت لها لا طالعتني قالت لا قلت ايوه قالت بس انا سمعت انك عارضتي زواجنا قلت من قالك ؟! قالت سمعت وخلاص قلت اشاعه انا انسانه مؤمنه والزواج قسمه ونصيب ولو لك نصيب مع زوجي ربي بيتممه عليكم قالت ماتوقعتك انسانه طيبه قلت ليش وصلتك اشاعه بااني شريره قالت سمعت كلام بس فلان يقول مافيه مثلك في هالدنيا حرمه وانا سالته مادام مافي مثلها حرمه ليش تتزوج عليها قال خليني احتفظ بالسبب لنفسي ابتسمت لها وقلت لاتسائلين كثير احسن لك عيشي حياتك ...وراحت المسكينه من عندي ...حسيت انها مجبره على الزواج من نظرتها الحزينه ...
وكان هذاك اليوم اخر يوم اشوف فيه وجهها الين سمعت عن وفاة ابوها رحت عزيتهم مسكتني على طرق قالت بطلبك طلب ممكن قلت امري قالت علمي فلان اني ماابيه طالعتها قلت اسفه لاتحرجيني بالموضوع ورحت لبيتي مادري افرح ولا احزن لكن قلت الحمد لله ...هي ماتكلمت بالموضوغ مع احد وانتظرت امها الين تخلص عدتها كنت انا هذيك الساعه في الشهر السابع بحملي وكان المفروض اكمل دراستي لكن لاالظرف الصحي ولا النفسي ساعدني ففضلت اهتم ببنتي الصغيره وبحملي وبعدها خير ...
المهم ولدت على بنتي وبعد ماخلصت الاربعين سمعت خبر فسخ الملكه من اخت زوجي هي نفسها الي زفت لي الخبر وبنفس الشهر تزوج اخو زوجي على زوجته تبون الصدق انصدمت بزواج اخو زوجي على زوجته واصلن الكل انصدم بزواجه وجاتني زوجته تدق بابي بقوه وتقول الله يخليك سامحيني بس خلاص مااقدر اتحمل اكثر يكفيني اللي صار لي قلت لها سلامات شوفيك يابنت الحلال قالت لي اوعديني تسامحيني اول شئ قلت لها اوعدك ....

قالت انتي وعدتيني انك تسامحيني قلت لها وعدتك قالت احلفي قلت بتتكلمين ولا لا قالت احلفي قلت ماراح احلف بكت وترجتني قلت يابنت الناس حيرتيني معك شو سالفتك بالله عليك ...قالت تعرفين انه سبب مشاكلك مع عمتي انا السبب فيها قلت ادري انصدمة من ردي قالت تدرين قلت ايوه ادري وادري انك كنتي تزنين على راسها علشان تزوج زوجي وانتي الي تخليها تهاوشني وانه منع الخدامات بامر منك وحتى عزومة العروس للبيت كانت من تدبيرك علشان انقهر وقالت ليش ماكنتي تتكلمين قلت ماله داعي ادري انه ربي بينصرني على من ظلمني وليش انا ادافع عن نفسي وعندي ربي ماراح ينساني ...قالت بخبرك شئ ولازم تعرفيه عمتي حاطه براس زوجك انك انسانه مو مريحته قلت ومن مريحه قالت هي كانت يوميا تقول له زوجتك مو بنت ولو تبي تتاكد تزوج بنت وبتكتشف انها كانت مو عذراء ابتسمت لها وقلت جزاء الله الف خير وانتي انا مسامحتك دنيا واخره وماكنت اتمنى ابدا انه زوجك يتزوج عليك ولكن قولي قدر الله وماشاء فعل ...وام زوجي كل افعالها مسموحه فيها الا هذي الكلمه ابيها تتحمل وزرها علشان تعرف ترمي المحصنات الغافلات الحافظات لفروجهن ورحت توضيت وصليت ركعتين استخاره ورحت لزوجي لقيته منسدح بغرفة التلفزيون تحت سكرت التلفزيون وقلت له فلان قال نعم قلت كم جبت لك عيال قال هاتي من الاخر قالت من الاخر هذولا مو عيالك مادري كيف وقف انا شفته طب واقف وسكر الباب بقوه وسحبني من يدي لعنده شو تقولين فكيت يده منه بقوه قلت الي سمعته وقال تقولينها بكل وقاحه قلت ايوه اقولها بكل وقاحه هالعيال عيال امك مو عيالك لاني يوم تزوجة الظاهر والله اعلم انه امك كانت داخله علي مو انت سكت تجمد وجهه من قوة الفشيله قلت الظاهر انك يا اهبل ولا تستهبل انت ماخذ ثنتين مو وحده لو ماكنت انا العذراء فاكيد الثانيه كانت العذراء الشريفه واكيد كنت بتعرف من فينا الطاهر ياطاهر عموما الكلام واقف ولنا وقفه عند ابوي وللاسف راح ابوي قبل لااخبره هالموضوع مات الله يرحمه في نفس اليوم المساء الله يغفر له ويرحمه ورحت لبيت اهلي جلست مع امي فترة الحداد كامله وماكان بيننا اي نوع من انواع الاتصال كان يجي يزور امي وكنت اطلع لما يجي يزورها ...طيلة هذيك الفتره كنت افكر ارجع له ولا اطلب الطلاق واريح نفسي جيت جلست عند امي خبرتها بالموضوع بعد ماخلصت عدتها قالت امي ماعليك منها يابنتي بيتك عيالك لاتنسين عنك خمس عيال ومحتاجينك قلت وانا والاهانه والجرح قالت ربي بيعوض صبرك خير صدقيني قلت امي تعبت صدقيني من كل يوم يبي حرمه وانا لليوم ادور معنى كلمة حرمه ومافهمتها قلت وانتي شو مو حرمه وهي تضحك قلت والله هذا الي اعرفه قالت انتي من قال لك انه زوجك يبي حرمه قلت ابوي الله يرحمه وجهه امي صار بهذا الشكل وقالت وانتي جلستي تدورين المعنى قلت ايوه قلت المعنى الرجال يبي يحس بوجود زوجته بفراشه يبي يحس انه الي عنده حرمه قلت اها قلت زين الحين فهمت ورحت لغرفة اخواتي لقيت اخواتي المتزوجات وقلت لها ممكن سؤال كيف الرجال يبي يحس بزوجته انها عنده بالفراش جلسن يضحكن علي وقالوا اني لليوم ماعرفتي قلت لو كنت اعرف ماكان زوجي كل يوم يركض يبي زواج ...واخذت درس محترم من اخواتي وفهمت المطلوب ...وجا زوجي وقال يلا بنروح للبيت قلت زين ركبت انا وعيالي للسياره وانا اشوف الطريق مو هو طريق بيت اهله قلت لوين رايحين قال للبيت قلت اي بيت قال البيت سكتت عنه قال هذا للحين يستهبل ...وقفت سيارتنا قدام بيت غير بيت اهله قلت بيت من هذا قال بيتك الي ابوك الله يرحمه شرطه علي وهذا انا جبته لك وهنيه اكتفي بهذا القدر عن حياتي واقولكم انا الحمد لله سعيده ومرتاحه اللهم لك الحمد ...
.
.
.
اخواتي الزوج لما يتزوج ماكان يبي ديكور اضافي لبيته ولا شغاله ولا غساله كان يبي انثى بكل ماتحمله هذه الكلمه من معان ...
انا ماكنت اعرف امور كثيره وتعلمتها لانه لازم اتعلمها مااقول امي قصرت لكن امي جعلها مع خوفي كمل الموضوع زين ...
تعلمت فنون كثيره نفعتي بحياتي الزوجيه صح جات متاخره لكن لعل هذه حكمة من ربي علشان نعيش حياتنا اكثر سعاده ...
الحياه الزوجيه بتشوفين فيها كثير واول نصيحه واهم نصيحه لاتتركين بيتك لاي سبب اجلسي واصبري وتحملي مادام زوجك مو مسبب لك اذيه باليد اوشرب المنكرات ...
الثانيه اهتمي بصحتك بتنفعك بصحتك بتكونين حرمه بكل قوتها بصحتك بتنفعين عيالك وبصحتك بتقومين لعبادتك...
الثالثه اقري وتثقفي بامور الحياه الزوجيه ولاتتوانين تستشيرين احد من المختصين لانه هذا زواج ويبي ناس فاهمه تساعد لاتتخبطين يمين يسار...
الرابعه الزوج انسان له احساسه ومشاعره مو تقومين تجيبين لك درزن عيال ولا نص درزن وبعدين تقولين يالله اقوم اربي عيالي الحين وهو براحته انا بفضى له ولا لعياله ...العيال بيكبرون وبيتزوجون وبينسونك مثل مانسينا اهلنا وعشنا ببيوتنا ومانذكرهم الا بالاتصال او الزياره ...اما هو رفيق الدرب وانيس الوحده تقربي منه بالاسلوب اللطيف والكلمات الرائعه لاتدخري اي كلمه تعرفينها اغرقيه بحنان وحبه وبتشوفين كيف بيذوب بين يدينك وان حسيت في احد يبي يخطفه منك كثفي الحنان جرعه زياده وشغلي مكر النساء لاتنسين تفكرين بعقل ولاتخطين اي خطوه الا وانتي دارسه نتائجها...
الخامسه سامحيه سامحيه سامحيه على كل زلاته ولا اتركيه وروحي لبيت اهلك مادام قلبك مملوء بالبغضاء عليه ...
السادسه حبي زوجك بشكله وطباعه ولونه هذا نصيبك وارضي به مادام هو قايم بمايرضي الله ماعليك من الباقي واعتبري الباقي ابتلاء من ربك واصبري...
السابعه وهذي سر قربن بقولها لكن تدرين انه ملامح وجهك تبين له اذا كنتي تحبينه ولا لا من نظرت عيونك واشراقة ابتسامتك وصوتك وحتى بضحكتك
وساذكر لكم بعض ماقرأته واستفدته في تغير حياتي
تابعوني
اكيد الكل قرأ قصتي ,وكيف كان شكلي ولبسي قبل لأطور من نفسي واصبحت اليوم خبيره في الاناقة ...فأنا الحمد لله اليوم افضل بكثير وهذا ليس بعلم تعلمته ولا درست بمعاهد ولكني قرأت وشاهدت وتابعت الكثير الكثير في هذا المجال .
اليوم أعقد مقارنة على شكلي الآن وانا في عمر 33 عاماً وبين شكلي قبل عشر سنوات عندما كان عمري 23 عاما فرق شاسع في كل شئ .
كنت ألبس بيجامات ذات ألوان داكنه والمفروض اللي بعمري يلبسون الفواتح .يلبسون نوعيات من الملابس وانا البس بيجاما رصاصية اللون وشيله خضراء وطوق بني كوكتيل مو انسانه.
أما اليوم فأنا راقيه ولا يعجبني الا ماهو يناسبني "لاني تعلمت كيف اقدر روحي التي تستحق مني ان اجعلها تسمو برقي ملكي وعلمي وثقافي وفكري .
اليوم انا على قناعة بأن الجمال ليس محصورا في علب الماكياج ولا في الماركات العالمية ولا في انواع الاقمشة التي تضج بها دواليب منازلنا فالجمال .
ليس منظر جامد لا روح فيه الجمال فكر وثقافة وابداع وتناغم بين مايحمله الجسد في الداخل والخارج .
لذلك سوف نتعلم كيف نملك جمالا اخاذا ولكن ليس بالمساحيق والالوان .
جمالنا الذي سوف نتعلمه ساميا ساحر لايقاومه .أقوى الازواج .فموضوعنا يهتم للمتزوجه اكثر من غيرها .
لذلك عزيزتي المتزوجه حياك الله معي ومع ماعندي من بعض الكلمات اللتي اتمنى من الله ان تنفعك .
لاأريد منك شيئا سوى ان تفكري بإجابية .وتنظري لنفسك بإجابية وتعملي بإجابية لترسو روحك الراقية على شواطئ راحة نفسك الطاهرة التقية ..
ولتكسبي بطلتك الجميلة الصحية المعافاة ...زوجك بسحر جذاب انيق .
فأهلا بكن معي ...
ذات مرة كنت اقرأكتابا لاحد الفلاسفة وكتب أنه بينما كان يتدارس مع تلاميذه .سأله احدهم بسؤال يريد كسر حدة الجو الملئ بالمعادلات والرموز والطلاسم فقال له: ماذا تعني لك الانوثة .
قال الانوثة هي شئ لايمكن وصفه بالكلام لان الانوثة فعل يصدر من إمرأة يجعلك تعجز عن الكلام .
هو انبهار
هو سحر
هو انحلال من كلمة لا ، لنعم كل ماتطلبينه لك اليوم فقط كل ماأريده ان تعقدي لي حاجبيك بتعجب بدون ان تنطقي ماذا بك ؟!
وبدون كلام .
هو ان تجعلني اتسائل نحن وبهذا الوقت بالليل ام بالنهار .
فتعجب التلميذ من رد الاستاذ .
فسأل نفسه هل امه تنتمي لهذه الفئة ولا لا .
.
الانوثة .نسمع من كل متشدق بالكلام يقول انه الانوثة لاتليق الا بمن ولدت أنثى وهل هناك انثى ولدت رجل بالله عليكم.؟
الانوثة جمال والجمال يريد من يحافظ عليه .ولانريد ترديد كلمة مافي حرمه مو حلوه كل الحريم حلوات وقمورات وشطورات بس مايعرفن يبرزن هذا الجمال اكيد مليتوا من هالكلمه.
كيف يمكننا ان نحافظ على جمالنا لنصبح اناث حقيقيات ؟
سبحان الله خلقنا في احسن تقويم والمفروض نحن نحمد الله على هه النعمه .
فمادمنا لسنا بمعوقات ولا مريضات ولا مقعدات مالذي يمنعنا ان نكون جميلات ؟
اول خطوات للحفاظ على جمالك هو شخصيتك .
وهنا سؤال يطرح نفسه إذا لم تتقبلي شخصيتك من سيقبلها؟
"أن أكثر العلاقات أهمية هي علاقتك بنفسك،وما أجمله من شعور عندما ترين الجميع مبهور بك لا لجمالك وانما لشخصيتك التي تحبينها ،ومن حبك لها أنتي ترفعينها للسمو والكمال "
أنت مثل كل السيدات المتزوجات والغير متزوجات انتي بصفتك أنثى ،لا يشغل بالك الا كيف تجذبين لك الانظار ليرون جمالك الآخاذ ،فكل مرة تقومين بتغيير تسريحة شعرك وتاخذين من المساحيق مايتجاوز الالف ولديك في دولابك العشرات من الملابس الملونة ولك الكثير الكثير من الحاجيات لتتزيني بها لتقولي للكل انظروا كم انا رائعة الجمال ...!
وفوق هذا أحيانا تحسين انك ترهقين نفسك بلا طائل ،وتبذلين الجهد والاجتهاد لتصلي للسعادة ،واحيانا كثيرة تكون النتيجة برغم وجود الماركات والعطور أنتي حزينه . لانك لاترين علامات الاعجاب من زوجك الذي هو اهم شخص يهمك ان ينجذب اليك .
أقول لك الان اولا واخرا إذا كنتي تتفننين بجمالك لزوجك فأنتي سوف تظلين العمر كله تحاولين اقناعه بنفسك .ولكن لو تفننتني بجمالك لشخصك فأنتي تقنعين نفسك بنفسك وهذا مانريده هو ان تقتنعي بنفسك وبجمالك قناعتك بها هي اول رسالة ترسلينها لغيرك .
فعندما تقولين للناس انا انسانه راقية التفكير ولي من المميزات مايؤهلني لان اكون ملكة جمال الكون ،ولكن في قرارة نفسك تحقرين ذاتك كزوجة فاشلة ،او امرأه بدينة لاتملك جسد جذاب ،او زوجه لايمكنك ان تفتن زوجها.
إذا كنت من هذا النوع فتأكدي ياعزيزتي انه امامك من الليالي الكثيرة لتعيشين بشخصية هشة ومهمشة من اقرب الناس اليك وبالذات زوجك.
اللي اقصده من الكلام "عز نفسك الناس تعزك"
انتي لو تشوفين نفسك شخصية ماتستحق الحب وانها مستحيل تكون جميله ومستحيل تكون جذابه وانها بتكون وحيدة وزوجها بيتركها وبيعشق اللي اجمل منها لانها قبيحه من الاساس .وهذا مجرد احساس بينك وبين نفسك وتتظاهرين بالقوة امام زوجك والناس وتمثلين عليهم كذبة الشخصية القويه فتاكدي ياعزيزتي ...
ان هذا الاحساس يشعر به من حولك من خلال تصرفاتك وحتى من خلال دقات قلبك .
.
"اذكر وحده من الاخوات جات تشتكي لي تقول انها تتخيل زوجها لما ينام معها يفكر بغيرها بوحده احلى منها وجسمها جذاب قلت ليش هالتفكير قالت انا متاكده قلت لها لانك بدينه وتحسين بنقص فيك فهذا يخليك تتخيلين هالشئ جربي لما زوجك ينام معك تعيشين معه اروع اللحظات وتقولين لنفسك زوجي يحبني لشخصي ولا ماكان هو معي الحين لو كان يبي وحده احسن مني جسديا لكان بيدور غيري ولكن هو هنا بين احضاني وعندي وشوفي شو النتيجه "
كانت النتيجه بعد ثالث مره تسوي هالحر كة تغيرت كل حياتها وتقول بالفعل الافكار السلبية تدمر اروع اللحظات.زوجها قال انتي الحين تغيرتي قبل كنت مااحس فيك ويقول والله احيانا افكر بغيرك لانك مو معي .شفتوا كيف تفكيرها جاب لها هالهم لو انها حاطه ببالها انها انسانه مغريه لزوجها ماكان تفكير زوجها راح لبعيد .لانه شعر بانها غير مغريه بسبب حركاتها ولانها مش واثقه بنفسها كانت تقول بطني كبير وادري يضايقك وهو كان يقول انا احب كل شئ فيك عادي ولكن هي من خلته يفتح عيونه على عيوبها ...!!!
نرجع لحديثنا عندما يشعرزوجك انك غير واثقه من شخصيتك سينفر منك بكل بساطه وسيقول :
"إنها لاتعرف شخصيتها اكثر من اي شخص اخر ،واذا كانت تعلم انها بلاقيمة وانا غير جذابة ،فمن انا لا ابين لها انها انسانة رائعه "
الافضل اضيع وقتي عند وحده معجبه بشخصيتها مبدعه بجمالها .
عندما تكون حقيقتك سلبية ،ومليئة بالظنون والشكوك والامور المشوشة ،فانت تصيحين لكل من حولك بطرق غير مباشرة احيانا لفظية واحيانا تكون بالافعال
.
كل ماتؤمنين به في شخصيتك يظهر في لغة جسدك ، وتعبير وجهك،وفي افعالك وحركاتك ، فيصبح هناك تضاد بين القول والفعل
الان .مالحل؟
كيف يمكنني ان اثق بشخصيتي ؟
اوقفي مع نفسك وقفة عادله ، امسكي ورقة وقلم واكتبي شعورك عن نفسك اكتبي سلبيتك اللتي لاتحبينها في نفسك تمعني فيها .
هل تستحق هذه الامور اني اعيش تحت وطأتها ؟
مثلا زوجك تركتك وتزوج بغيرك،او خانك او خطيبك انفصل عنك ،او تعرضتي للتحرش الجنسي او الاغتصاب .
من الان قولي هذا ماضي وانتهي امره ،استجمعي قواك وقولي قدر الله وماشاء فعل خلاص هذه امور منتهية .
اعقدي تصالح معك نفسك،سامحيها على اخطأ لم يكن لك ذنب فيها سامحي نفسك اليوم لانك تستحقين ذلك ،وتذكري ان اهم علاقة صادقه يجب ان تكون مع نفسك قبل ان تكون مع غيرك لذلك ابحثي عن اي طريقة تساعدي فيها نفسك لاتثبتي لنفسك انك انسانة تسحق ان تكون ذات شخصية يقبلها الكل وقبل الجميع يجب ان تتقبليها انتي
اجعلي هذه اول خطوة نحو السلام الداخلي بينك وبين نفسك .
اول حل لنا هو عقد مصالحه رضى للنفس .
. الله سبحانه وتعالى اقسم بالنفس اللوامة اللتي تلوم نفسها على المعاصي وفعل المنكرات . ولكنك احيانا تلومين نفسك على كل شئ لذلك ترهقين نفسك كثيرا .
لاترهقين نفسك بالعتاب على شكلك لو هناك مشكلة بالشكل فكل شئ سيتحس المطلوب منك ان تعدلي نفسك والمجال مفتوح لك .
مثلا:
تقولين لنفسك: انا سمراء , وابدو قبيح بلون جلدي الباهت وبشرتي الغير نظيفة
غيري الاسلوب :صحيح ان بشرتي سمراء ، وانا الحمد لله راضيه بخلقتي مادمت صنعة الله، سوف اظهر جمال عيني واكون اجمل او ساضع مساحيق فاتحة اللون لتزيد من اشراقة بشرتي .انا متادكة انني رائعة الجمال
تقولين لنفسك:زوجي غير معجب بي ، يريد فتاة رشيقة وانا ابدو كالعجوز ،لاني اهملت بنفسي كثيرا لذلك اعترف اني قبيحة ومن حقه ان يتزوج بمن اجمل مني .
غيري الاسلوب : وان كنت انجبت اطفالا ،فانا انثى املك مقومات الجمال ،كل النساء تلد زانا مثلهن ،ساعمل على الاهتمام بجسدي وبشعري وبشرتي لافوز بمحبة زوجي انا اعلم انه يحبني لذلك ساكافئه بجمال يسحر لبه
كيف يمكنني ان احب ذاتي ؟
1) اهتمي بنفسك كثيرا "أنا اولا ,وانا ثانيا,وانا ثالثا"لكي تتقبلي نفسك وتحبيها يجب ان تهتمي لها كما تهتمين لاحب الناس لقلبك واكثر ،وكذلك اهتمي بحياتك وبكل مافيها :
ا- استثمري ماضيك واحداثه وتجاربك في تطوير شخصيتك والغير.
ب-قومي بأكثر من نشاط في الحياة الاجتماعية.زوري اقاربك .مدرسة بناتك تعرفيعلى مدرساتهن شاركيهن انشطتهن.ادخلي مراكز تعليميه .كمبيوتر او احفظي القران.
ج-ابحثي لك عن مكان ترتاحين اليه ويكون لك في عدة صديقات تشاوريهن وتستفيدين من خبراتهن .
2)كوني خير صديقة لنفسك .انظري للمرآة وتخيلي اللتي امامك صديقة لك .
وأسالي نفسك ماذا ترى صديقتي الحميمة فيني لكي تحتفظ فيني كصديقه؟
هل انا:
*كثيرة الابتسام والضحك ومرحه!
*منصته جيده ومتعاطفة مع غيري.
*أساعدي غير واسدي لهم النصح بحكمة.
*-متفائلة ومحبة للحياة !
كوني واضحة مع نفسك وانظري مالذي ممكن ان يجذب لك الانظار ويجعلك محبوبه من الاخرين .
3)اهتمي بشئونك فقط ،ولاتقارني نفسك بغيرك .
"فستاني الاحمر يجنن ولكن لو فيه كريستالات مثل فستان زوجة اخوي بطلع احلى "
توقفي عن مقارنة نفسك بالممثلات ،والمغنيات وعارضات الازياء،وبدلا من ذلك احبي نفسك واعجبي بها لاي سبب لانك تملكين ابتسامه ساحرة او لانه بشرتك ناعمه وصافية او لان مظهرك مرتب .
غيري طريقة تفكيرك لتغيري حياتك.
ان الشخصية الجذابة =الحب الذكي =ان تؤمني بنفسك وبقيمتك ،وبتقديرك لذاتك ،وان لاتنتظرين من احد يرفعك او يبدي اعجابه بك .

كيف تعززي الثقة بنفسك؟
هناك عدة عوامل للثقة بالنفس :
اولها :الايمان .
والايمان كلنا نعرفه هو ماوقر بالقلب وصدقه اللسان وعملت به الجوارج .
والانسان المؤمن ليس كالشخص الذي لم يعمر قلبه الايمان .وهناك فرق بين انسان يقول انا مؤمن وهو غير متقبل لاي شئ يحدث له متفف غبر ملتزم باوامر الله وبين الاخر الذي واضع نصب عينية مرضاة الله والرضى بكل ماكتبه له.
عندما تاتي واحد تشتكي لنا انا بمشاكل هموم وحزن وتتأفف ليش الله خلقني مادام اني بعيش بنكد؟!!
والاخرى تقول ليش نتعلم ونكون ناس فاهمه ونحن بنموت في الاخير!
والاخرى تقول ليش اهتم ببشرتي مادام بياكلها الدود في الاخير!
الايمان هو ان تؤمني بالحياة مثلما تؤمني بالموت وان تؤمني بانك خلقت للعيش والاستماع في هذه الدنيا .وان تعملي لاخرتك ولن تعملي لها الا اذا كنت انسانة قوية الايمان وان تتفائلي وتتركي عنك التشاؤم فهل تعلمين مامعنى نظرتك المتشائمه للحياة !!!
التفاؤل =حسن نظك بالله.سبحانه وتعالى
والتشاؤم=سوء ظنك بالله سبحانه وتعالى
وفرق بين الحالتين واكيد هناك فرق بين النتيجتين فرق بين نتيجة ثقتك بالله ونتيجة سوء ظنك بالله سبحانه وتعالى .
فكيف يمكنك ان تكوني مؤمنة بالله؟
ان يتوثق ايمانك بالله وملائكته و......الخ نص الحديث .في قلبك .
وان تصدقي هذا القول بفعل .لكل فعل ردة فعل فعندما تصلين الصلاة المكتوبه تمحى ذنوبك وذلك لما قاله صلى الله عليه وسلم ( ما من امرىء مسلم تحضره صلاة المكتوبة فيحسن وضوءها وخشوعها
وركوعها إلا كانت كفارة لما سبق من الذنوب ما لم يؤت كبيرة وذلك الدهر كل.
فعلك هو صلاة خاشعة وردت الفعل هو كفارة ماقبل هذه الصلاة من الذنوب .
دعينا نرى للشخص المؤمن وصفاته
الشخص المؤمن بالله انسان واثق منه نفسه ، هادئ الطبع ،غير مغرور ،او منعزل عن الناس .وهذا الاحساس بالهدوء النفسى والسكينة نابعة عن رضى هذا الشخص عن ذاته وحياته .وهذه الثقة اعطته قوة وأوحت للكل بأنك أنسانة متميزة.
دعينا نرى كيف تفكر من هي واثقة بشخصيتها ..
*تقارن نفسها بغيرها ، للتزود بالاجمل لنفسها وليس للاحبط
تقول الشخصية الواثقة لنفسها "ربما حظ تلك الفتاة اكثر مني بالجمال ولكني املك عينان جميلتان وروح نقية " .
لاتنظر لنفسه بالدونية ابدا.
*عندما تجلس الشخصية الواثقة من نفسها ، بين مجموعة من الناس تشعر بالراحة لانها تعلم انها مركز الاهتمام بين غيرها ،حتى لو كانت صامته فهي تكون صامته بفخر لانها تعلم انهم يتمنون منها كلمه.
*تتسم الشخصية الواثقة من نفسها بالقوة والهدوء حتة في اشد المحن .ولا تسمح للاحداث بان تتحكم فيها فهي تسير كل حدث لصالحها ولا تسمح بالعكس ابدا.
*تفعل الشخصية الواثقة من نفسها ،اي فعل يعزز ثقتها بنفس كالتقرب من الله اكثر ،بلصلاة والدعاء،والذكر في كل وقت .
كذلك يفعلون اي فعل يعزز من ثقتهم بمظهرهم كممارسة الرياضة او جلسة تدليك او تناول كل مايناسبها.
*تكون الشخصية الواثقة من نفسها في حالة تعلم دائما .تتعلم كل يوم امر جديد وتقرا كثيرا.
*الشخصية الواثقة من نفسها توسع من افاق معرفتها وتتعلم كيف ترسل للناس رسائل ايجابية عن نفسها.
*الشخصية الواثقة من نفسها تضحك تلعب ،لانها تعلم ان الناس تحب الشخص السعيد ولا ماكان للحزين بينهم.
*الشخصة الواثقة من نفسها لاتمانع من القاء اي كلمة وسط الحشد ، تتكلم بكل ثقة وتكون حركات جسدها واثقة ومتميزة .
* تهتم هذه الشخصية برايها اكثر من راي غيرها في شخصيتها لانها تعلم نفسها جيدا.
*ترتدي هذه الشخصية ملابس ذا طابع راقي ومناسب لسنها .لانها تحب ان تكون ذات مظهر جذاب.
* عندما يتكلمون ينظرون لعيون الذي يكلمهم .ولا يخشون من نظرة الاشخاص لهم .
وأذكر في قصة مشابهه ....
سمعتها من أحد التربويين .....
أن هناك أمرأة متزوجة وطيل حياتها تقول في قرارة نفسها "" زوجي سيطلقني ""
وبعد مرور 10 سنوات من العشرة بينها وبين زوجها طلقها !!!
وهذا متوافق تماماً مع ما أسلفت ..
لأن هذه الزوجة أصبحت تتصرف تصرف من ستتطلق من زوجها وهي لا تشعر وربما بدأت تتهاون في أمور هامة وقد يصل الأمر إلى أهمالها لزوجها وبعدها عنه!
كل هذا بسبب التفكير السلبي !!!
ثم طبعاً ::: من وسوسة الشيطان
الذي يفرح بهذه التفرقه وهذه الحياة السيئة ....
فلنتعوذ دائماً منه ...
ولنحسن الظن بالله ثم بأزواجنا ومن حولنا ...
ولنتذكر ماجاء في الحديث القدسي """ أنا عند حسن ظن عبدي بي، فليظن بي ما يشاء، إن خيرًا فله، وإن شرًّا فله.."""
وقال عز وجل : ( ياأيها الذين آمنوا اجتنبوا كثيرا من الظن ان بعض الظن اثم )
ولا ننسى أن الحياة قصيرة ..
فلنسعد بها وفق ما أحله الله لنا ....
ولنبعد عن الخواطر التي تكدرنا وتعكر صفو حياتنا ..
ولنكن مع الله دائماً .. ونطلبه المعونه على طرد الوساوس والأفكار التي تدمر أيامنا ..
ولنرتقي دائماً .. ونسمو .. ونبدع في كل لحظة من لحظاتنا .. حتى نتفوق نحن ويتميز أبنائنا من تفوقنا ونُنجِح أزواجنا برقِينا.... نحو شخصية اخرى
الان وبعد ماتعلمنا كيف احترم شخصيتي واغير من نفسي وان الشخصية القوية والمحترمة المتميزة الراقية هي هدف كل انسان يتمنى لنفسه الخير ،وعرفنا ان قوة الشخصية لاتكون الا بالتقرب من الله سبحانه وتعالى والقلب العامر بذكر الله اقوى القلوب ،وعرفنا طرق وتفكير الشخصيات المحبة والواثقة من نفسها .
لا
لا
لا
لانريد التفكير ولو لدقيقة واحد في شخصيتك الماضيه اللتي لاتفكر الا بالغير على حساب نفسها ،تلك الشخصية التي اعتادت الركض وراء الغير ،حتى تشعر بوجودها تلك التي كانت كل ماتنظر لنفسها للمرآة تقول "لو اني حلوة لكان زوجي يحبني ويموت فيني "تلك الشخصيت من اليوم انتهت
اليوم انتي غير والمفروض تطلعين من هذه الجزء
بشخصية واثقة من نفسها ،عندما تمشي الكل ينظر لها لانها واثقة من نفسها ،ولانها تسير بكل فخر وثبات وهدف محدد ،وتعرف انه كل الامور باذن الله تسير لصالحها ،تتفائل وتتأمل وتتمنى الخير لنفسها واثقة في عطاء الله لها ،محبة لنفسها ولاتبكي وتندب حظها بل تعلم ان مااصابها من خير فمن الله وما اصابها من سوء فمن نفسها فتسارع للتقرب لله سبحانه للتزود بالقوة الجبارة قوة الله سبحانه وتعالى ،
هذه قائمة ببعض الافكار التي اكتبيها وعلقيها امامك بكل مكان بل احفظيها جيدا كااسمك :
انا لدى حب واستحق الحب
زوجي محظوظ لاني زوجته لانني رائعة
انا ساحرة الحمال والفت نظر زوجي
انا مسلية ومرحة
انا مذهلة ورائعه
انا الوحيدة المسؤولة عن تغيير نفسي وحياتي
هناك صفات جميلة في داخلي اجمل من شكلي
انا انسانة متعلمة واحب العلم وساتعلم كل شئ يبرز شخصيتي جمالي وذوقي .
تأملي هذه العبارات جيدا ولاتنظر اليها كانها شئ مستحيل فكري بها على انها صحيحه وسهلة
الان انتي لديك نوع من الثقة بنفسك يدفع علاقتك بالاخرين للامام الان سندهشين من قوة شخصيتك وسوف تتذكرين كيف كنت خائفة وغير واثقة بنفسك وفي حيرة من امرك لماذا زوجي غير معجب بي؟
لماذا عندما ارى فتاة جميلة احس بالالم والاحباط
لما اغار من الكل ؟
الان انتي غير وستفرحين بالتغيير الجميل في سخصيتك لانك اصبحتي واثقة من نفسك .
انتهينا من اول جزء وهو الشخصية وقوتها.وننتقل باذن الله
"الحضور والاسلوب الامثل في حياة كل أنثى "

يقول أحد الحكماء
"من الأفضل أن ينظر الناس إليك بدلا من ان يغضوا ابصارهم عنك"
هذه مايتكلم عنه الجزء الثاني من همسات لتسمو انوثتك
الجزء الثاني ممتع
ممتع
متتع للغاية وجميل وستشعرين فيه بالسمو الذاتي والراحة النفسية والحضور المميز والجميل بين الناس .
الجزء الثاني له شروط وهي واضحة وغير قابلة للتفاوض او التنازل عن أي شرط منها
من الان اقول التي لا توافق عليها ترجع تدرس الجزء الاول جيدا وتبحث وتنغب عن الافضل لها بعيدا عننا
نحن الان نحدث عن الشخصية السامية بنفسها والواثقة من قوتها والراقية بفكرها .
لانتحدث مع بقايا انسان محطم ،يبكي ويندب حظه لان شريك حياته تركه او حبيب قلبة قرر الانفصال او تبكي لانها بدينة او ذراعاها اكتنزت بالشحوم ولها اصابع واظافر متقصفة غير جذابه او عيونها صغيرة غير جميلة ، وليس لديها احساس بالعالم وان الدنيا بجهة وهي بجهة .
ان كنت واثقة من انك تجاوزت هذا التفكير وانتي قوية لتخطي معنا اول خطواتك لتكوني براقة وجميلة مهما كان شكلك ومظهرك فأهلا بك معنا وستستمتعين بالجديد هنا.
.
التمييز النفسي :
هل تعلمين ماهو التمييز النفسي ؟ومن هي نفسك !
نفسك هي انتي هي روحك التي خلقها الله بجمالها وروعتها لانها روح طاهرة نفية شفافة براقة انتي نفس وذكر الله سبحانه وتعالى بكتابه العظيم عن النفس وانواعها ومهما كان نوعك فانتي اروع مخلوق خلقة الله سبحانه وتعالى على هذه الارض.
وميزك بمميزات عن سائر خلقه لذلك منذ ان كنت شيئا لم يكن يذكر وقبل ان يتزوج والداك وينجبانك وقبل ان تخلق البشرية وقبل ان يخلق ادام وقبل كل شئ انتي نفس وروح ميزها الله سبحانه وتعالى بنعم كثيرة وفضلها على سائر خلقه فأنت عند الله سبحانه وتعالى "أمة صالحة تقية وخائفة ومحبه له "قبل ان تولدي وتكوني هنا تقرأين مااكتب .
هل علمتي من انت ؟!
كيف تمييزين نفسك ؟
التمييز معناه :
هو أن اتقبل كل مالدي واحسن استغلاله قدر الامكان .
مثلا لو كنت بدينه فأخر الامر انتي انثى ويكفيك فخرا بهذا الشعور عليك ان تفخري بمظهرك الانثوي الذي يبرز في جسدك الجذاب فمهما كانت بدينة فأكيد انه هناك شئ يميزك كأنثى .
فكري في نفسك انك شئ رائع وجذاب ولاتحقري من شأنك فكل شئ يتغير وان لم يتغير شكلك فأكدي انك مازلت رائعة الجمال .
اذا كنت تبتسمين وتظهر تجعيده بسيطه في وجهك لاتعتبريها ترهل وانك اصبحت عجوز بل اعتبريها خطوط ودليل واضح على انك انسانة ودود مبتسمة دائما وقولي الحمد لله انني ابتسم ابتسامة طبيعية غير جامدة نتيجة ابر البوتكس التي تجعل خدك واقف وجامد كانك قطعة بلاستيك .
لاتفكري بانك لم تستطيعي اثبات وجودك كعارضة الازياء او كالمطربة او كالفنانة ،وتاكدي عزيزتي ان 99./. من الرجال وان اعجبهم شكل هذه العارضة مستحيل ان يقبلوا ان تكون زوجاتهم من نفس طينتهم فهم يحبون الزوجة التي تبرز جمالها له ولاتكون له لغيره وايضا يحبون المرأة التي تهتم بنفسها لنفسها وبيتها وزوجها وابنائها ولايكون اهتمامها حتى تكون حديث الحفل .لذلك لاتشغلي بالك بهذه الفئه من النساء وليكن هدفك راقيا ومميزا .
لكي تركزي على مزاياك كفي عن انتقاد نفسك،وافحصى صفاتك القوية،لتقدرينها حق قدرها وتبرزينها.
مثلا لو كنت تريدين ان تكوني رمزاُ للدلع والنعومة وتتصفين بصفات الغنج والدلال .فتاكدي ان كل ماحولك يجب ان يتغير ابتدأمن غرفتك لحاجيتك لملابسك ولنفسك ستكتسين كل ماهو ناعم الملمس وزاهي اللون وبراق.
.
لنفرض انك تردين ان تكون حديث مجتمعك فكيف ستكونين وكيف ستجعلين الكل يتحدث عنك .
الاكيد ستختارين نهج محدد وهف معين وستمشين عليه لذلك عليك تحديد صفاتك ونحت مكان مميز لك في الساحة الاجتماعية ،.
في كل مجتمع تبرز لكل شخصية صفات هذه الصفات مهمة و يجب ان تبرزينها بشكل دائم تجعلك نوعا متميزا ومحدد من الاشخاص الذين يتنمى الكل التقرب منهم واليهم .
ولتحديد الشخصية معنى :
وهو ان يقدم كل فرد منا نفسه للاخرين بعبارة محددة تلخص الشخصية وسلوكها وتفاعلها مع الاخرين
فعندما اقول انا انسانة لدي طموح وهدف واضح بحياتي كأنسانة وسيدة مجتمع راقية افضل من اقول انا لاعرف ماريده وام اعتقد انني اريد ان اكون حلوه ويكفي .
.
ان الاختيار الواعي والهدف المحدد هو مانريده في هذه المرحلة الذين نريده منك هو تجميع اجمل صفاتك وماتملكين من مواهب جميلة وصقلها .مانريده منك تحديد هويتك من انت؟
هل انتي شخصية متميزة ومطمع الكل وحديث الكل .
ام شخصي لاتكاد ان تذكر ؟
"الحضور والاسلوب الامثل في حياة كل أنثى "
في هذ1 الجزء سنناقش باذن الله الجوانب المختلفة التي تغذي هويتك ،التي تذكرك بصفاتك وسماتك الرائعة ،وسنتيهين لبعض الصفات الجميلة التي تجاهلتيها وما ان ننتهي من هذا الجزء ستخرجين يركيزة وجسر ثابت يوصل كل مالديك من جمال للناس من حولك
فالنبدأ على بركة الله .
"الحضور والاسلوب الامثل في حياة كل أنثى "
أحيانا واغلب الاوقات يكون المظهر هو مايجعل الناس تتعرف على الاشخاص وتجعلهم ملهوفين لمعرفة من هم وماذا يكونون ،ولكن الحضور دائما وابدا هو سيد كل المواقف ،هو مايجعل الاشخاص تتجاوب معك بشكل اسرع .عندما يتلعق الامر بعلاقتك كأنثى وسط مجتمع راقي ،فأكيد ان حضورك لن يكون بالشئ المستهان به على الاقل لك وبن نفسك فتخيلي تكونين شخصية غير ملمة بالذوق والاتيكت وسط جمهور راقي ؟؟ !
لذلك عليك ان تعلمي ان حضورك هو تقديمك لنفسك بكل راقي وممييز وجذاب يجعل منك شئ يتطلع الكل لمعرفة محتوياته .
الان انتي تفكرين كيف يمكنني اختيار حضور مناسب يصدر مني ومن افعالي
عليك ان تتعلمي فنون التواصل مع الاخرين كيف يكون فهناك تواصل بصري وهو ان تركزي بنظرك للشخص المتحدث امامك..
فعندما تنظرين مثلا لعيني زوجك وانتي تتحدثين معه يشعر زوجك بانك مهتمة له وانه ملك الدنيا ومافيها
وكذلك الامر عندما تتحدثين لصديقتك ،امك،جاراتك، ستشعر باهتمامك وتقديرك لها لانك تتواصلين معها بصريا.
ثم تنتقلين لمهارات الاستماع للطرف الاخر ويجب ان تتعلمي فن الاستماع للحديث الموجه اليك وفن الرد وطريقة الكلام بلا مقاطعه او رفع صوتك او او اظهار اشمئزاز من خلال حركات وجهك وتعبيراته .
ثم تنتقلين للمسات فالتلامس احساس ولمستك هي رسال للكل عن شخصيتك فطريقة مسكتك للكوب اثناء شرب الشاي او العصير ،تنقل للكل عن شخصيتك اذا كنت انسانة راقية او عادية ام معدومة الرقي.
ثم تنتقلين لطريقة جلوسك ووقفتك وحركاتك وحتى طريقة كلامك .كل تلك الامور تجعل لحضورك هيبة قوية وجميلة وجذابة
عليك ياعزيزتي الابتعاد عن الحركات القديمة الغير جذابة لتملكين حضور راقي عليك ايضا التصرف بطريقة طبيعيه فانتي انسانة ولست رجل آلي تتصرفين بشكل مبرمج صحيح احيانا تحسين بقلق كيف سابدو وكيف ساتكلم وهل ساكون جذابه .
نعم ستكونين جذابه بهدوئك وبصفاتك الطبيعية الهادئة غير المتصنعة .
هناك صفات ومميزات يجب ان تبرزيها وتتعلمين كيف تحييها
الحدس ، التعاطف ،الاصغاء للغير ,الانتباه للغير ،الرحمة والعطف،
الذوق،التفاهم،الهدوء المرح،عدم اطلاق الاحكام الغير صحيح ،عدم الفضول وكثرة الاسئلة والالحاح .
الاهتمام بالاخرين،التواصل ، مراعاة الاخرين ،معرفة متى تتحدثين ، ومتى تصمتين ،
التواصل البصري ، الحب والرغبة ، الحس الاجتماعي ، اسلوب جذب الناس .
كيف تكونين متحدثة لبقة ؟
1) اعرفي مستويات من تتحدثين لهم :
عندما تعرفين نمط الاشخاص الموجهه لهم الحديث سيكون من السهل عليك التحاور معهم ،لذلك لن تحتارين لماذا انا هنا؟وماذا يقولون ؟
مثلا لو كنت ذاهب لحضور عرض ازياء لشخض او حضور جلسة شعريه لاحدى الاخوات او حضور ندو دينية الافضل ان تسالين عن بعض الامور وتتزودين بعض المعلومات عن الشاعر الي ستحضرين امسيته او عن التي سوف تلقى المحاضرة والمحاضرة عن ماذا ستتحدث بدلا من انك تذهبين "زي الاططرش في الزفة "
هنا انا لااقول ان تتظاهري بما ليس لديك في شخصيتك ، او انك فجأة تدعين بأنك خبرة في مجال ما وتلعبين دوراًلايليق بك ،لست بحاجة لذلك ابدا ولكن هذه الحركة من الامور الهامة لحضورك واثبات وجودك وبالذات لو حصل نقاش في موضوع الامسية على الاقل يكون لك المام قليل بمجريات الحدث الذي انتي فيه .ذلك يجعلك تشعرين بالحس الاجتماعي والاندماج بمن حولك طبعا هذا الحديث موجه لمن لاتعرف شئ اما من تعرفغ ولديها معلومات هعامه فلا داعي للتوتر ابدا .
2) تعلمي فن إدارة حوار :
أصعب جزء في مقابلة ناس غرباء عنك هو إدارة حوار معهم .والحفاظ على استمراره لذلك يجب ان تبذلين جهد لتوصيل اهتمامك بالشخص المقابل وبالحوار معه ومحاولة استمارار الحديث ومن اهم الامور التي يحبها الناس ان يكونوا محور الاهتمام والانتباه كالنجوم ،وانتبهي لا تجعلي كلامك كله عن نفسك كانك تعرضين سلعة للبيع او تروجين عن اسم فلم ذلك الاسلوب يجعل الشخص الذي امامك يشعر بالملل ،اجعلى الحديث مرح حتى يدخل الشخص المقابل معك ومع حديث بحالة مزاجية جيدة وسيشعر بنحوك بمشاعر ايجابية .
ايضا لاتطرحي سؤلا وتصمتي وتنتقلين للسؤال الاخر قبل ان يجيب الطرف الاخر كانك بمقابلة تلفزيونية انتبهي واطرحي سؤالك مع الانتباه للجواب ومتابعة الكلام واظهري انك تريدين معرفة المزيد هذا سيجعلك مستعده ولا تضطري للصمت والتفكير بسؤال اخر والحيرة والضغط .
هناك أسألة يحبها الناس يمكنك ان تسالينها لمن تتعرفين عليهم لاول مرة .
ما أكثر الاشياء التي تحبها في حياتك ؟
هل تحب عملك كثيرا؟ وتطور منه دائما !
ماكتابك المفضل؟
ماهي هواياتك ؟
ماذاتحب ان تفعل في اوقات فراغك ؟
كيف تقضي يومك؟
وهناك الكثير الكثير من الاسئلة التي تجعلك تديرين حوار رائع وجديد
3) كوني نجمة :
فيه فئة من الناس يحبونهم الناس برغم انهم من عامة البشر ولكن له سمه معينه ،وهي كيفية أسعاد من امامي واجعله دائما يتذكرني .
ويكون ذلك في مساهمتي معهم معنويا وماديا ونفسيا واشاركهم افراحهم احزانهم واكون قريبة منهم .
4)عرفي نفسك بايجابية :
احيانا تقابيلين اشخاصا لاول مرة ويكون كل مافيهم جذاب فتسأليهم ماعملك ؟
فيرد عليك ذلك الشخص عملي محبط مؤلم يجلب الهم لي اكرهه كره خيالي
فأول انطباع يكون للشخص المستمع هو ان يقول ماهذا كله ويربط بينك وبين النحس والكآبة
ولكن لنرى الشخص الاخر الذي تسألينه في اي بلد انت مولود؟
وتكون اجابته في اروع بلد على البحر وفيها وتمتاز بجو هادئ ومريح .تلك العبارات التي تختارينها
لنفسك تكون تعرف عن نفسك تجعل من يستمع اليك يعشق كلماتك ولا يمل من سماعها ابدا ويتمنى ان يعرف عن شخصيتك الجذابة اكثر فاكثر .
5)تثقفي ،تثقفي،تثقفي:
تزودي بالمعلومات ،اقري واجعلي من نفسك ملمة بكل ماحوالك
اشتري كتب ،اعملي اشتراك اسبوعي وشهري وسنوي بالمجلات ،استمعي للاحداث واقرئي الجرايد
،اشتري كتاب للالغاز الشعريه والمعلومات واقرئي املكي مكتبة علقيه متجوله بمخلك حتى وان تحدث
باحد يكون حضورك له قيمته .

حبيباتي اكتفي بهادا القدر وبكرة راح اكمل الباقي عن فنون التغيير الجدري للمرأة وارجو ا من الاخوات الاستفادة من الموضوع فانا احببت ان تستفيدو منه لانو رائع قليلة فيه والله يوفق الجميع انتظروني بكرة تكونو خلصتو موضوع اليوم