قصة حقيقية مؤثرة لكاتبها عماني

هذي قصة حقيقية لكاتبها عماني بس ماعرف اسمه واتمنى تنال اعجابكم؛
ثلاث سنين وانا اخطط لهذا اليوم يا بو سعود
تيسر حالي وجاهز اوفي وعدي بوقته
وفجأة جتني تتعذر تقولي تاخرت لوعود
وانا مستغرب واسمع كاني وعدها خنته
حسبت انها تمازحني وتتصنع جفى وصدود
ضحكت في وجهها من قلب مع انها بايخة النكته
وقالت ارضى بالواقع وقلبي ماهو المعهود
تغير كل شي صوبك نصيبي ما اظن انت
كنت بيوم محبوبي ولكن مااظن نعود
وصل من قبل توصل وانا ذاك الصبر عفته
ولكن تكفى صدقني ويشهد ربي المعبود ترى ماخنتك بغفلة ولا كلمته وجفته
صراحة اهلي قالو لي انه ولد اصل وجود
وجتني امه بالصورة وبكلمات المدح اخته
سكت وقلت هي فرصة دام الجود في الموجود
وقالو كل من حولي علامات الرضا سكته
وانا فكرت دام امه واخته ماعليهم زود اكيد اني براضيهم اذا وافقت واخترته
واراضي اهلي وخواني مدام ان الفرح مقصود
عطيت الناس انا كلمه ومعاهم وقتي حددته
ولا اقدر اغيرها ترى عند العرب منبوذ اوافق واعتذر باجر واقول الراي غيرته
تبي تشرح المنقود تصدق عاد يا بو سعود
تبيني اقتنع وارضى بحال عمري ما عشته
انا ماني قايل لها عسى يفرش لها ثراها ورود
بعد ما حطمت قلبي وطعم الموت جربته
عسى بفستانها اشواك وفي ثوبه عقارب سود
ونار تحرق الكوشة وتحرق بيتهم حتى
وموت بليلة الدخلة تبرد حرتي يا كود
ولا احس انها بحضنه يلامس خد لامسته
علي اهون...علي اهون اذا ماتو ولا بنفس السرير رقود
ترى صعبا" علي اتخيل اللي ماتخيلته
عسى قاعةالثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنة عذيل الذات تلوع حتى جبد الدود
ومن خان العهود ومات تعافه حتى مقبرته
عسى ربي يجازيهم من حبل من مسد ممدود
يعلقهم من اطرافه وفوقهم نار وتحته
انا ماني حقود وشين ولاني من نسل نمرود
ومن حط نفسه بوضعي بيقول اللي انا قلته
مدام الفعل له ردة فعل والله ابشري بردود
بدعي دامني حي وبغرس للدعاء نبته
وبسقيها من نزيف القلب ودمعا" مارحم لخدود
تكبر والثمر ثاري من اللي خانني وصنته
انا نذرا" علي اكتب وافجر هالقصيد رعود
وسمع كل بشر صوتي عجبته والله زعلته
واردد للي يسمعني اذا حبيت حط حدود
انا حبيت دون حدود وجوف اللي تكبدته
ثلاث سنين وانا ابني
جت صورة وبكل برود خذت مني شقى عمري وحلم قلت حققته
ثلاث سنين وانا اخطط يا بو سعود وتوافق من كلام اخته وصورة اربعة في سته
وسلامتكم...