قصة رائعة جدا تضحك حيل منقولة تفضلن حياكن

1. وشوية شوية<< وينك ياسيبويه!! بدأت هيله تتحدث مع السيدة


2. التي كانت قابعة في القرب منها..


3. بشوف شغلي بالحافظات ويعني هيك شي ?


4. طبيعيه..!!

===============
===============
(قصه قصيميات في لبنان)
حصه وهيله ومنيره .. ثلاثي بنوتي في
بيت واحد.,, هذولي خوات ساكنين ببيت ابوهم بعد ماتوفى ومالهم
في الدنيا غير هالبيت وراتب ابوهم التقاعدي..,, ومقطوعين من
شجره!!
حصه: الاخت الكبيره..يلقبونها وزارة الداخليه..موظفه في احد
البنوك..راتبه على قد وظيفته..عمرها في حدود الاربعين..تعتبر
اعقلهم..سنعه..شخصيته قويه..
هيله: الاخت الوسطى
( الوسطى ولا الشرقيه؟!) _<< بدا التميلح خ .. متخرجه من
معهد كمبيوتر وجالسه في البيت..تلقب بأم لسانين.. عربجيه
بقوه..تكره التنانير وتمووت على سراويل السنه وفنايل
العلاقي..عادي تستهبل مع جيرانهم وتنسم كفرات سيارتهم..كانت
تلبس مريوله وتلبس تحته ترنق ابو خطين على جنب غير
الزبيريه(وانتم بكرامه)..تموت على شي اسمه مقالب..ماتصدق
تلقى خنفسان او صوارير تاخذهم وتحطهم بدرج اخته.. باختصار
كانت ولد الا حبتين!!
منيره: الاخت الصغرى ..(اجل وين العظمى صاروا درجات حراره!!)<< خلصينا وهاتي السالفه!!..تدرس في الثانوي..شايفه عمره على
خواته لانه الصغيره..تلقب نفسه ب : ميمي << ياي!!
منيره وحصه وهيله..جالسين بالصاله عند التليفزيون..يشربون
شاهي مع كراث وفصفص والجلسه عسل.. وسواليف على كيف
كيفكم..,,
حصه: منااير..وش بتس ياقلبي..؟! وراتس تقل ببضايقن صدرتس اليوم؟!
منيره: الحين ورانا حنا كذا..؟! كل زميلاتي يسافرون بالصيف
برا وينبسطون وانا ماعمري تعديت حدود بيتنا .. ودي اسافر
مثلهم..لاتحسونن بالنقص!! << تستعطف خواته
حصه: وين تبينا نروح طيب؟ ومع مين؟ من بيسنعنا .. ومن وين لنا
مصروف يكفي!! انتي تحسبين المسأله سهله!!
هيله: هع هع جيبي مدرس رياضيات يحل لك المسأله!!
منيره: بدل ماتستخفين دمتس دوري لنا حل!! الله يخليكم ودي
اسافر!!
حصه..هيله..متى تتطورون؟! الناس وصلوا المريخ وحنا سوريا
ماوصلناه!!
حصه: حنا ماعلينا من غيرنا..السفر ماهووب سهل!!
هيله: اذا على الفلوس راتب ابوي مع راتبتس يكفون..واذا على
المحرم ماعليتس ارقدي :وامني انا عن ألف محرم!! صدزز ليش
حارمين انفسنا مادام اننا نقدر.؟!
منيره: ايه خلاص ياحبيلتس خلينا نروح!!
حصه: طيب وين..؟!
هيله: قوه لألمانيا تكفون..عشان اتابع كاس العالم!!
منيره: اقول اووص انتي..انا اقوول قوه للبنان..عشان مانتعب
انفسنا انجليزي ولاشي..اخواننا عرب..ومنه نروح نلعب بأشكالنا
شووي انا اصير زي إليسا وحصه زي باسكال وانتي مثل نانسي!!
هيله: وع مالقيتي الا ذولي من زينهن..انا ازين منهن!
حصه: اقوول اهجدي انتي وياه..فرضا بنروح للبنان..من بيحجز لنا
ومن بيستقبلنا ووش عرفنا بالاماكن والسكن و
منيره: خلوا كل شي علي .. انا بسأل زميلاتي ..بس انتم قرروا!!
حصه: والله اني خايفه...خلون افكر!!
منيره: ياحبيلتس الحصي تكفين ودي لو مره بحياتي
استانس(وكان لهذه الكلمه وقع شديد في نفس الحصي)..!!
بعد اسبوع..نزلت الحصي على البنات بالصاله.....
حصه ومعها ورقه تقرا منها:
بسم الله الرحمن الرحيم..اما بعد..بعد مناوشات ونقاشات
وتكتيكات وتفكيرات متلازمه..قررنا نحن(حصه العلي)..السفر خارج
المملكه ولكن بشروط سنسردها كالتالي:
1/ الميزانيه تكون بيدي..وسوق لاتفكروون تروحون,,
2/ مسألة الكشف شيلوها من راسكم,, لو تعضين الارض ماخليتس
تطلعين خشتس لأحد,,
3/ السفر لمدة اسبوع فقط,,
4/ الاقتصاد بالاكل والشرب,,
5/ ان هيله تترك عنه اللقافه وطولة اللسان,,
6/ ان كلمتي هي اللي تمشي..واي قرار اتخذه هناك ينفذ بلا
نقاش,,
هذا ولو تم تجديد في الشروط السابقه فيلزم الاطراف التقيد
بها..والا:
اقعدوا هنا وانثبروا ..,,
هيله ومنيره بصوت واحد: لالالا خلاص اللي تبينه بيصير!!
وبدأت هيله ومنيره والحصي بتجهيز أغراض السفر..
هيله: اقول مناير,,وش رايتس اخذ لبس كشخه..ولا كله ترنقات
وقمصان؟!
منيره(بغت تجيه سكته قلبيه)وش قمصانه انتي ووش
ترنقاته..تبينهم ينزلوننا من الطياره!!
الله يفشل العدوو خوذي احسن لبس نبي نروح نكشخ هناك حنا مووب
اقل من غيرنا..!!
هيله: اندري..انا اقول محد يعرفنا..يعني احس اني باخذ راحتي
هناك,,
حصه: وش دعوه عاد انتي مقصره هنا..اقوول تراي شارطه عليكم ولا
ترى بهوون!!
هيله: لالاخلاص وه بس وانتي حبحرمحد يقولتس شي ..كنت
امززح معتس يااخيتي,,
حصه:خلي مزحتس ذا بوقت ثاني..وخلصي ترى بكره الساعه8 لازم
نصير بالمطار,,
منيره: اقول هلو..تكفين عطين الكاميرا حقتس ودي اخذه معي..!!
هيله: اقول طسي بذااك مابقى الا هي..ماعندي غيره من ريحة
المرحوم!!
منيره: من زينه الحين..ابيض واسود..لا وبعد متكسره مابقى به
سنتيمتر الا ملصق بشطرطون,,
هيله: ماعليتس .. يكفي انه من ابوي,,
حصه: وبعدين انتي وياه..يالله خلصوا واخمدوا بفرشكم بروح اكمل
المطبخ..,,
:
الساعه..2 بالليل..
هيله: يماه..,,
منيره: بسم الله الرحمن الرحيم..وش بتس وجع هبلتين!!
هيله: ماادري يممااه حلمت حلم يخووف!!
منيره: خير اللهم اجعله خير..وشو؟!
هيله: حلمت ان معنا بالطياره انترتيكر..واني تهاوشت معه وجدعن
من الطياره!!
حصه: يوه وانتم ماتخلون احد ينام براحه!!
منيره: هيله..اغديتس نايمه بس. وه ياشين الشهابه من كثر
ماتهوجسين بالطياره تحلمين _به خ وهذا اللي يشوف مصارعه
قبل ينام!!
هيله: وه _بس تووبه,,
(ورجع الهدوء يعم ارجااء المكان)
الساعه..8 a.m
حصه جايه من المطبخ تنافخ وبيده مغرفه: وقسم بالله ان
ماقمتوا اني لااهون عن السفر..انتم كفوكم تروحون لخرخير
وترجعون بنفس اليوم بعد..قومي انتي وياه يالله!!!
تقوم هلوو وميمي بشين نفس ويتسحبون للحمام(وانتم
بكرامه)..بعد اقل من نص ساعه الكل كان واقف عند باب البيت..
منيره: الحين بنروح للبنان وتبيني اروح للمطار
بليموزين؟!!! انا منااير اخر عمري اركب ليموزين؟!
هيله: أي والله صادقه مناير..المفروض استاجرنا دينّا2005 عشان
تودينا..
منيره: تطنزين انتي ووجهتس..اصلا هذا مستواكم..حدكم بيجو 82..
حصه: اقول رجعوا الشناط خلاص..سفر ومانيب مسافره!!
هيله ومنيره: خلاص خلاص أي والله نسكت,,
ركبوا الليموزين وراحوا للمطار..,,
عند البوابه..
الهندي: هدا كمسين ريال عطي..
حصه:وشو خمسين..لاكثير..نزل شويه الله يعافيك!!
هيله: لا احسن حبي راسه..وخري وخري افتح بوجهه خط سريع واحط
به نخل بعد!!
حصه: اقوول طسي ادخلي وخلين اتفاهم معه,,
هيله ومنيره في صالة الانتظار..
منيره: ياي شوفي الاشكال الصح .. واو واو شوفي
شنطة هذي اللي قدامنا هذي فندي..
هيله: منهو الافندي؟!
منيره: وش افنديه..اقول اسكتي تكفين لاتحومين تسبدي!!
وهيله ومنيره استلموا الناس ضحك
وتطنز.........................
حصه خلصت التذاكر وحملت الشناط وضبطت كل شي..
حصه: يالله خلونا نركب خلاص نادى علينا,,
منيره: شلون نادى؟ ماسمعت اسمي!!
هيله:هههاي ياربي يالمتطوره تبينه يقول
يالله يامنير تعالي اركبي..
حصه ميته من الضحك ومناير تمشي قدامهم من الفشيله.....
وعند البوابه وقبل مايركبون..
نادى المنادي: الرجاء من الاخت حصه العلي التوجه الى ادارة
المطار للضروره وشكرا..
حصه: يماه وش السالفه؟!
هيله: اقول اعترفي وش انتي مسويه؟!
منيره: ياربيه فشلتوني...روحوا لاتاقفون جنبي مااعرفكم..,,
هيله: انطمي اويلاه حنا وين وانتي وين!!
حصه: الله يستر..,,
مدير الامن: من فيكم حصه؟
هيله: اختار انت وش رايك من اللي تصلح تصير حصه؟!
المدير: تستهبلين انتي؟! ولا مانتب صاحيه؟!
هيله: الا اصحى من امك بعد!!
حصه وبعد قبصه محترمه لهيله: لا انا حصه..سم اخووي وش
السالفه؟!
المدير: ممكن اعرف ميولك السياسيه؟!
حصه بعد ان طاحت خشته من هول الصدمه: وشو؟؟ وشلون يعني؟!
هيله: يعني وش تشجعين؟! هلاليه ياحضرة الزاابط
المدير: ترى لو مااسكتي انتي..عيونك ماراح تشوف النور..!!
هيله: صدزز؟ ههه احسب مير عندك سالفه..
منيره تسحب هيله برا الغرفه بأمر من حصه....
حصه: والله اخوي مدري وش تقول..ومافهمت قصدك!!
المدير: ممكن تفمينن عن سبب وجود سكاكين بمختلف الاحجام
حاطتها بشنطتك؟!
حصه: هاو .. وش فيها يعني..انا خفت ناخذ شقه مابه
مواعين..قلت اخذ احتياطاتي من هنا
المدير: شايفتن بالروضه تلعبين علي؟! اعترفي وش وراك؟!
حصه: والله العظيم هذا السبب حتى شف الاغراض ماخليت شي
بالمطبخ ماجبته!!
وبعد تمطيع حلوف وايمان..
المدير: شوفي سكاكينك بتتصادر..وبتوقعين على تعهد..والله
يساعدكم ولاتعودين له مره ثانيه!!
حصه: سم وابشر..
..حصه وهيله ومنيره..ركبوا الطياره,,
المضيفه: مرحبا اهلين وسهلين..شرفتووا..ممكن تعطيني تزكرتك
بليز؟! ايه اختي هوون الكرسي تبعك..تفضلي..
حصه ومنيره صاروا جنب بعض..اما هيله طلع مكانها جنب رجال..
هيله: وش تبين انتي!!! وربي مااقعد هنا لو اتعلق بالجناح!!
الرجال: ههه
هيله: وش تضحك عليه انت ووجهك استح على دمك وجع!!
الرجال: انا اسف!!
هيله: اقول اووص بس! << اسلوب خ
المضيفه: ماعليه اختي هيدا هو محلك..مو بإيدي انت اجلسي هوون
وبعد ماياخدوا الركاب اماكنهوون فيكي تغيريه!!
هيله: اقوول لو يجي ابوي اللي بقبره يقول اقعدي ماقعدت..ماعلي
دبري عمرتس!
الرجال: ههه
ههه
هيله: ضحكت من سرك بلا...خير خير وش تناظر؟! تبين اسوي
بوجهك عزيمه؟!
الرجال طاح من الكرسي من الضحك!!
هيله: وتبينن اقعد بعد!! اقول والله لو اركب مكان الطيار
ماقعدت هنا!!
والرجال مازال مستمرا في الضحك المتواصل
حصه ومنيره لاهين بتقليب القنوات..,,
سمع المضيف صوت هيله الرناان وجاء يشوف المشكله..
المضيف: خلاص اختي تفضلي اجلسي هناك فيه بالدرجه الاولى مقعد
فاضي
هيله(تقل وده تستحي): شكرا الله يعافيك..,,
وجلس كل واحد بمكانه..بانتظار اقلاع الطائره الى بيروت..,,
بدأت الطائره بالاقلاع..,,
استقر كل من حصه ومنيره بأماكنهن .. أما هيله فقد أخذت لها
مقعداً في الدرجة الأولى..,,

وشوية شوية<< وينك ياسيبويه!! بدأت هيله تتحدث مع السيدة

التي كانت قابعة في القرب منها..

• مرحبا ياام الشباب..,, << ماهيب عربجيه ابدن ابدن
• اهليين وسهليين ..
• وش اسمتس انتي؟!
• انا السيده كارول..
• كارول سماحه؟؟ خ
• لأ شو كارول سماحه!! انا وحده تانيه!!
• ايه ادري.. انتي لبنانيه؟
• أي لبنانيه اصل وفصل
• فصل ولا مقصف خ
• باردوون ؟!
• لا حرون هههاي
• عفوا ماعم بفهم عليكي..
• لا ولاشي المهم .. انتي موظفه ولا مثلي حاطزه بالدار..؟!
• شو يعني حاطزه؟؟ لا انا سيدة أعمال ,,
• أحلى ياسيدة الآعمال..!!
• (تبتسم ماتدري وش السالفه )
• وش تشتغلين؟؟ تبيعين غنم ودبش وحركات؟! << هذا حده

المسيكينه ههه

• والله ماعم بفهم شو أصدك .. لكن انا بشتغل بالاسهم وهيك

بشوف شغلي بالحافظات ويعني هيك شي ?

• حافظات؟؟ ايه يعني تطبخين وتبيعين؟!
• إطبخ شو؟! لا حبيبتي انا عم بشتغل بالاسهم..!
• يعني وشو انا مااعرف,,
• انا بفهمك .. لكن شو اسمك؟
• انا اسمي هيله .. تقدرين تنادينن الهلّي << ام العربجه!!
• لأ مابدي إلك الهلي .. بدي ناديك هلوو ممكن؟!
• ايه ميخالف.. ان بغيتي نادين سحيله ام الخلاقين..
• ايه حلوو نادين .. خلاص اسمك نادين؟!
• لا والله انتس تنكه!!
• شو تنكه؟!
• ماتعرفين التنكه؟! << بريئه ياعالم ,,
• لا مابعرف,
• انا اعلمتس بس انتي علمين وشو شغلتس..
• - - - - - - - - - - - - - - - - - - - - - - - - - - - - -
• -

حصه ومنيره لاهين مع الشاشه اللي قدامهم .. وكل وحده
حاطه السماعه بإذنه ومطوله عالاخر..
حصه: منيره .. شووفي المحطه هذي ازين!!
منيره: وشو؟؟؟ مااسمع!!
حصه: اقول اليووم حر
منيره: وشو نطلع للبر؟؟
والناس يضحكون عليهم لآن أصواتهم واصله للكابتن..

• - - - - - - - - - - - - - - - - - - - - - -

المضيفه بدت تدور بالقهوه تضيّف ركاب الدرجة الأولى..
هيله: تكرم النعمه وش ذا القهوه وع!!
المضيفه: شو فيها..؟؟ ماحلوه؟!
هيله: وخري وخري بس انا اوريتس القهوه الصح!!
وطلعت هيله من شنطتها الصغيره<<لاحظوا انها الصغيره غلايه
صغيره قالت: وين والمطبخ؟!
ودخلت العمه وصلحت قهوه وبدت هي تصب للركاب.. والجميع يشيدُ
بمهارتها في تصليح القهوه..
وعينتها كارول : سفيرة الكليجا الحسنه
هبطت الطياره في مطار بيروت الدولي.........,,

• - - - - - - - - - - - -

حصه: هاو هيله منهي ذي اللي متعنقطه بيدتس..؟!
هيله: هذي صديقتي اللولي .. تعرفت عليها بالدرجة الاولى..
منيره: هاو ماشاء الله ووش موديتس هناك بالدرجة الاولى؟!
هيله: اوف لاتحتكين يالله انزلي وانتي ساكنه..
نزلوا البنات ومعهم كارول..,,
كارول: لأ مابيصير هيك تروحوا من غير ماضيفكوون عندي!!
هيله: معليش خليه مره ثانيه رقمتس وعندي اذا بغينا دقينا ..
كارول: اوكي حبيبتي بس هااه لاتنسى بدي تنكتين كليجا منك!! <<
خرّبت الحرمه ههه
حصه ومنيره:
ههه
ههه والله ياانتي ماقصرتي مع الحرمه!!

• - - - - - - - - - - -- - - - - - - - - - - -

وصلوا للأوتيل وكل وحده اخذت لها سرير وناموا وكل وحده
تحلم ببكره وين بتروح ووش راح تسوي...,,
في أول صبااح بيروتي ... قامت حصه كالعاده وصحت الاميرتين
الصغيرتين ..,,
ودقت هيله على الريسبشن Reception:

• الو ... لو سمحت نبي فطور الله لايهينك ..
• ايه من عيوني مدام .. شو مابدك أولي ..
• لا مهوب من عيونك .. من المطبخ هههاي

(( حصه تناظر هيله بنص عين ))

• ههه والله دمك عسل ..
• ادري .. المهم نبي فطور ..
• شو بدك تفطري..؟!
• وش عندكم؟!
• عنا American breakfast…Italian breakfast.. Eastern

breakfast.. انتي اختاري مابدا لك ونحنا نضمن لك الجوده
والطعم الحلوو ..

• والله مدري وش تقول مير نبي ان تسان عندك فوول وخبز حار

وشاهي ..

• باردوون..؟!
• ههه لا حرون .. حتى انت!!
• سووري مس هيله بس انا مابقدر افهم شو أصدك..؟!!
• مس...؟! مس ولا مغرفه!! اقول مسّك جني عطنا احد يعرف

عربي..!!

• ي انا عم بحكي عربي بس انتي اللي عم تحكي برتغالي!!
• برتغالي يلون جلدك قل امين ..
• سوري مس .. ازا بدك انزلي واختاري لك فطورك.. عنا بوفيه

مفتوح ..,,

• ومتى يصك ؟! خ
• Thanks for calling

طراخ << طبعا ماارتفع ضغطه المسيكين ..,,

• - - - - - - - - - - - - - - - -

منيره: هاه هيله وش صار على الفطور..؟!
هيله: يقول انزلوا تحت واختاروا اللي تبون فطور..,,
حصه: ازين بعد عشان ناكل اللي نبي..,,
ونزلت السندريلا هيله وخواته للوبي تحت ..,,
هيله بعد ان فغرت فاها: طاعوشته شوفي الاكل اذا
قالوا اكل ... اجل حنا فوول وخبز حار .. لا وبصحون بلاستك
بعد!!
حصه: ايه هذا العز... يالله بس خلونا نفطر وناخذ لنا
طاوله..,,
منيره: وه بس كلن يناظرنا .. لو مخليتنا نشيل عباياتنا كان
احسن..
حصه: اقول انثبري..من زين وجيهكن الحين عشان تكشفون!!
هيله: اقوول اوص ابختار انا هذيك الطاوله تهبل .. على
الشارع ..,, ناكل ونقزقز هع هع هع
وراحت مناير واخذت لها فطور محترم ونعوم .. وهيله بيده
صحنين وماخلت شي ماحطت منه!!
منيره: هيه انتي وش ذا..؟! بتاكلين كل هذا..؟!
هيله: لا موب لازم اكله كله.. يختي دافعين فيه فلوس..لو
احطه بالزباله ماخليتهم يتهنون به!!
منيره: الحصي..وش بلاتس؟! وراه مااخذتي فطور..؟!
حصه: ماابي شي..بي مرّ بتسبدي..مدري وش انا ماكله!!
هيله: لاوالله حنيتي للكراث ههه

• - - - - - - - - - - - - - - - -

بعد الفطور...,,
هيله: وعمى .. الحين عجوز قاضيه .. وجهه لاعبن به الزمن
بلنتيات ومفحطن به لين قال بس..لابستن برموودا وبودي..!!!!
حصه: ايه تشبب!!
منيره: لا وشوفي هاللي متعلق بيده هذولا الرجال تقولين
شنطه!!
هيله: ايه هذا الوفاء والاخلاص والتضحيه من اجل الوطن!!
منيره: أي وطن انتي!!
هيله : المرأه وطن .. المرأه دوله .. المرأه عالم ..!!
حصه:ههه وينك يانزار قبااني تجي تشوف هلوو وش تقول!!
هيله: على طاري نزار تدرين انه كتب نص قصائده بي..!!
منيره: ان شاء الله..
هيله : انا كنت ملهمته .. بس هو عجز يلقان هع هع هع
حصه: قوموا نطلع نتمشى .. طفشت!!
منيره: لا انا ماودي.. بروح اكمل نومتي..,,

• - - - - - - - - - - - - - - - - - - -

حصه وهيله يتمشوون ..,,
حصه: سبحان الله ماكأنهم عرب..ناس مختلفين تماماً....!!
هيله : هاه .. ايه يمكن,,
حصه: وشو اللي يمكن وش بتس انتي..؟!
هيله: مابي شي... بس تشوفين اللي انا اشوفه..؟!
حصه: وشو؟..؟!!
هيله: شوفي .. شعوور شقراء .. وعيون زرقاء ..
وتأبريني وتسلملي عويناتك .. وجسم وطول ورزه و وه
بس!!!
حصه: من تقصدين انتي..؟!
هيله تعالي ناخذ ايسكريم من هنا ونجلس على هذيك الطاوله وانا
اعلمتس..,,
( بعد ماجلسوا)
بهيله: شووفي هذاك اللي واقف عالكشك اللي يبيع ورد .. وه
ياربيه شو مهضوم بالحيل مره!!
حصه: اللي لابس تي شيرت احمر..؟!
هيله: احمر موولع زي قلبي اللي محترق ..,,
حصه: هاو هاو وش ذا الهرج..؟!
هيله: اوص انا خلاص مش حقدر اعيش من غيره..!!
حصه: استغفرالله العظيم..هيه انتي..وش جاتس وجع!! اصحي وش ذا
الخرابيط..؟!
هيله: اووص .. صه صه ولا كلمه..,,
وقامت هيله للرجال..وحصه تلحقه:
الشاب: ورد لأحلى ورد.. جوري لأحلى صبيّه .. جمال الدنيا كلوو
في الورد.. اشتري ورد ياورد ..,,
هيله: اموت على الورد..قسم بالله احبه!!
الشاب: ههه مرحبا .. بدك ورده..؟!
هيله: لا بدي اياك ..,,
الشاب: شو..؟!
هيله: ههه امزح وراك خفت..؟!
الشاب: بدك ورده..؟! << يصرف
هيله ( بعد مالقطت) : يؤ..لاخلاص ماابي.. وراحت تركض ودموعه
4×4 على خدوده ,,
حصه:هلو تعالي!!!
هيله: لأ لأ ... وش اسوي بعمري عشان يحبن؟!
ودخلت هيله للأوتيل..وإلى الناس متجمعه وحالتهم حاله
وصراخ وكن فيه احد طايح بالارض..!!
هيله: وش بكم..؟! وش صار..؟!
وتدفدف العالم لين دخلت...
هيله: مناير...اختي وش
بتس..؟!!!!!
واحد من الموجودين: مافيا شي .. ماتخاافي.. اتصلنا عا حكيم هو
بالطريق.. اتطمني..
هيله: حكيم..؟! وش نبي به..؟! يجي يغني على اختي آه ياألبي؟!<< حتى في اللحظات الصعبه تنكت!! خ
مناير .. قوومي تكفين.. يارربيه اختي
وش سويتوا به؟؟؟؟

• يااختي مافيا شي.. انا بعتئد انّو خيتك عنداا انخفاض

بالضغط ..
هيله: واع .. << تصيح,,
حصه: يابنت الحلال خلاص ان شاء الله خير وشوله تصيحين
فضحتينا..!!
هيله: واع .. بلاتس
ماتدرين..قومي مناير تكفين!!
حصه: وشوو اللي مااعرفه...؟!!
هيله: مناير قومي تكفين عشان اكسر راستس وانظف
بوجهتس ارض المطعم!!!
يابنت الذينا مالقيتي تدوخين الا وانتي تشربين
عصير!!
واع
حصه: وش تقولين انتي...؟!
هيله: واع لابستن
بلوزتي!! << الله يرجه خ
حصه: احسب الصياح على اختس مير...,,
هيله: اكبر همي عااد انا..!!
شيليه بس خلينا نرقيه فوق!!

• - - - - - - - - - - - - - - - - - - - - - - - - - - - - -

الدكتور: ماتخافوا .. مافيا شي .. مجرد انخفاض بالسكر..,,
هيله: ايه دكتور انا ماخذه الحلا من خواتي هع هع هع ..,,
الدكتوره: ؟؟؟
حصه: شكرا دكتور..,,

• - - - - - - - - - - - - -

وراحت كل وحده ترتاح بسريره..,,
هيله تتسحب لباب الغرفه ..
هيله: اش اسمع شفت راعي الورد اللي تحت .. اللي يبيع ورد..
روح لعندو واديه دي الورأه !! << يقالها بتتكلم لبناني!!
السيرفنت : يامزموزيل بس شو بدي إلوو ..؟!
هيله: لاتقول له شي.. عطه الورقه وهو بدوو يفهم .. اوكي؟!
السيرفنت: اووكي..,,

• - - - - - - - - - - -
• شو هيدي..؟!
• مابعرف .. هاي الورأه من مزموزيل ساكنه عنا بالاوتيل ..

آلتلي اوصلها إلك ..,,

• اها .. اوكي ثانكسس ..

فتح الورقه .. وعرف انها من هيله.. اللي كانت كاتبه:
بسم الله وعلى بركة الله << بتقص شريط الافتتاح
ههه
امابعد/
عرفت ان اسمك جوزيف .. لاتقولي كيف .. عرفت وبس..,,
بصراحه ياجوجو انا حبيتك من أول نظره .. حسيت انك مكعت قلبي
مكع..!! << وش دعووه بيفهم!!
وانا مدري وش ازين .. انت وش رايك؟ شو بدنا نساوي؟!
عاد الحب وحبيتك .. يعني لاتوون ولاتشكّه ..العشق مامنه فكّه
..!!
يااخي عساي اتحرول ان تساني مااحبك!!
عسااي للحوله اللي اشوف الواحد سبعه ان تساني ماغرقت ببحر
حبك..,,
وه بس يااخي والله احبك !! << ياعمري عالاسلوب!!
تصدق..صرت اشوفك بكل مكان .. حتى احيانا اشوف وجهك باختي
الحصي..مدري شلوون!!
وه بس ياجعل يومي قبل يومك .. ياشيخ عساي تحت التريله ان
تساني اتسذب عليك!!
اهديلك هالابيات:
الحب عذاب .. ياورد من علمك تجرح .. << يابعد قلبي هي
ههه
وشكرا .. <<خطاب لمدير مدرسه!!
حبيبتك غصبن عليك/ هلو ..,,
جوا الاوتيل..,,

• حصه: أنتي وش فيك..؟! هيله .. ألو ... من صحيتي وانتي اوب

طبيعيه..!!

• هيله: هاه .. مافيني شي..!!
• منيره: وه بس لايكون بس وقعتي في شباك الحب..؟!
• هيله: شبّكوتس مع غنم قولي آمين..!!
• حصه: ايه هذا وهي ماتدري عن راعي الورد..!!
• هيله: من تقصدين جوزيف..؟!
• منيره: وشو...؟! وشو جوزيف ذا..؟!
• هيله: ماعليتس..,,
• حصه:ههه هذا رجال يبيع ورد .. بياع..!!
• هيله: مااسمح لتس تقولين بياع ... هذا اسمه Business man

..!!

• مناير: ههه ياحليلتس ياهلو والله وبدا

قلبتس يحس..!!

• هيله: وجع وجع .. وانا وش ناقصه عنكم؟! كلي انوثه ماتشوفينه

طافحه من كثره..!! << واضح!!

• حصه: ههه ايه طيب.,,
• مناير: هلو قولي لي وشلون شكله .. حلوو..؟!
• هيله: حلو وبس..!! إلا شق يشق القلب!! << قالت ايش قالت كلي

انوثه ههه

• حصه: اقوو