قصة زواجي المهببه

خواتي الفراشات انا جديده عندكم اول مره اكتب مووضوع وعلى اساس انه اول مره ابكتب قصة زواجي المهببه او المضحكه او الغريبه او الي ودكم تقولون -- ابعطيكم نبذه عن حياتي قبل الزواج == انا اكبر خواتي البنات والعيال اكبر مني وهم اثنين وعمري انذاك 16سنه وابوي له زوجه ثانيه ولها بنات وعيال ولها اخوان وخوات ولها اخت كبيره وهالاخت لها عيال وزوج اختها هاذي يصير خال امي اخو امها الي هي جدتي بس حنا مانعرفهم ابد ولاعمري شفتهم بس اسمع عنهم معني صغيره ذاك الوقت وعلشان امي دايم تذكر خالها === المهم ابوي له مزرعه ودايم وقت العطل نروح لها والمزرعه هاذي مابها الابيت صغير شعبي بس غرفتين وحمام وصاله وحوش كبير وذاك العطله رحنا لها وكان سنة ل 15 وانا صغير ه مره يعني بزر تعرفون العطله شهرين وبعد ماراح شهر منها كانت زوجة ابوي تستعد لزواج ولد اختها الي ذكرت سابقا وكان الوقت صيف وحر ولا كان عندنا مكيفات اصلا القريه الي بها المزرعه مابها كهرب خلقه بس على المكاين شايفين كيف ابوي معذبنا بس هو الله يطول بعمره الي براسه يسويه ان عجب الواحد والا ماعليه والمهم كنت اتكلم انا وزجة ابوي واقولها يحضكم تبون تروحون لم العرس وتغيرون جو وانا ذاك الوقت مادري ون الله حاطني صغيره بس مجرد كلام وزوجة ابوي تضحك علي وتقول ان كان ودك تروحين معاي وايه نسيت اقول لكم ان ولد اختها هاذا بياخذ بنت خاله يعني زوجة ابوي ولد اختها وبنت اخوها المهم كان هكالوقت مافيه لا تلفون ولا وسيلة اتصال وبعد باسبوع من كلامي لزوجة ابوي الا يجينا خال امي الي ذكرت سابقا ومعه ولده الي بيتزوج وجو تغدوا عندنا بعدين راحوا ولاحنا مستغربين الي يجون دايم ابوي مايفضي مجلسه بس امي استغربة من جيت خاله لانه ماعمره جانا وعلى فكره قرية خال امي قريبه من القريه الي بها مزرعة ابوي المهم بعد يمكن اربع ايام جانا خال امي مره ثانيه ومعه زوجته الي اخت زوجة ابوي وانا يغافلين لكم الله صغيره جيت وسلمت وهي بس تطالع فيني واستغربت منها المهم واروح والعب مع خواتي وبعد ماراحوا امي وجهها الوان واشكال وماتكلم وتقولي امشي بسك لعب وانا مادري وش السالفه ========= تعبت اكمل بعدين