قصة على عشير بالوفا قد وعدته روعه

تسلمين حياتي
أبشري بالخير

يسلموا
ياليت تنزلين الأجزاء على فترات قريبة
لأن أحداثها ممكن ننساها
جزاك الله خير

شكرا عزيزتي على مرورج العطر
ان شاء الله احاول أنزلها قريب

مساء الخير
السموحه ياحبيباتي على التأخيربس والله اني كنت منومه في المستشفى وتوني طلعت حتى ما أرتحت قلت على طول بانزل جزئين تعويض على هالتأخير اللي خارج عن إرادتي
الجزء الثاني ..
.. احمد سكت وبعد فكر في ميرة .. شو بتكون قالت حق ريم ؟؟ اكيد سبتني .. ههه حليلها .. لا وريم اونه شو .. والله ميروه خشمها سيف .. شدراني في خشمها سيف والا عمر ؟؟ حد يروح يمزح مع هالبنات الي مايقهرن ؟؟ الله يهديني انا بعد مالقيت غير خشمها اطنز عليه ؟؟ جان قلت عيونها براطمها أي شي .. الخشم منطقة حساسه ومحظورة والا ماكانوا الخلق لعبوا بخشومهم .. حتى احمد عمره مادقق في ميرة .. هالكم مره الي يلسهم في الدولة واجتمعوا العايله فيها كان يشوفها بس ما كان يدقق في ملامحها لأنه كان يستحي يتم موحر عيونه ولو بنت عمه، بس هو يعرف أنها مزيونة ومرات ما كان يتلاقى معاها لأنه .. ياعليها امتحانات .. يامريضة .. عاد يالله ياميرة يوم تمرض .. تغدي خبزة فلبن ..
.. ردوا البيت نزلت ميرة ويت بتسير بس زقرتها ريم عشان تفازعها .. ردتلها ميرة ومسكتها .. اول ماوقفت ريم على حيلها طاح تلفونها الي كانت مطلعتنه من شنطتها وحاطتنه على ريولها جان تصرخ عقب ماتبطل وغدى ثلاث قطع .. سارت تلقط الي كان اسمه تلفون .. من رقعت ميرة باب الموتر عرف احمد انها مطنقرة .. ماحفلها وسار الميلس .. لقطت ريم تليفونها وسارت حجرتها حصلت ميرة يالسه على الشبرية عقب مافرت عباتها وشيلتها وغشاتها على الكرسي ..
ريم .. ooooh my god .. ميروه تعرفين تركبينه .. والله انه انخشع فوادي معاه بعده يديد ..
ميرة .. مافيني .. عقب ..
ريم .. why ؟؟come on .. دخيلج ركبيلي اياه ..
ميرة .. اف ريموه خوزي عن ويهي هالدقيقة ..
ريم .. oooooh dear .. what's going on ??
ميرة .. nothing
ريم .. اف ياكرهج وانتي معصبة .. خلاص عادي زهلي السالفه .. والله انها ماتسوى ..
ميرة .. اصلا انا هالسالفه ماشليتها من ترابها .. بس اسلوبه يقهر .. كريه ..
ريم .. انزين دخيلج ركبيلي التلفون .. please please
.. شلت ميرة التلفون وركبته .. اول مافجته صاح ..
ميرة .. منو الشيووخ بعد ؟؟ والله انتي ينخاف منج ..
ريم .. ويا ويهج ... الو .. وات ؟؟ لحظه شوي شوي شعندك ؟؟
احمد .. اقولج سيري حجرتيه بطلي الكبت بتحصلين وين الغتر كرتون بيج .. فجيه وهاتي العقال الي فيه .. فهمتي ؟؟
ريم .. وين اييبه بعد ؟؟ تعال شله الشيخ .. ووين تباني انزلك اياه ؟؟
احمد .. اماية محد تحت روحوا الشباب .. انا بروحي تحت هاتيه اباه ..
ريم .. اول خبرني شو عندك ؟؟ انته ماتقول عقال الا اذا عندك شي ..
احمد .. عن اللقافه ريموه يالله انقفظي ..
ريم .. ورفجه يدي قولي شو عندكم ؟؟
احمد .. اف اليوم ملجة واحد من الشباب .. خلاص ؟؟
ريم تشققت .. يوله ؟؟
احمد .. انتي شلج ؟؟ بلعي لسانج يالله ..
ريم .. لا حمادي ورفجه سووها هنيه .. دخيلك دخيلك .. please please
احمد .. وين هنيه ؟؟ تبين الشواب يفضحونا .. لا يبويه ..
ريم .. الشيمه .. يابو سعيد دخيلك .. ماعليك من الشواب يموتون على هالسوالف ..
احمد .. ههه خلاص عاد قدهم وصلوا الشباب وزهبوا .. مره ثانيه انشالله .. بس وين كيمرتج ؟؟
ريم .. افا عليك بس .. بدون ماتقول ..
احمد .. ههه سمعي .. من دريشة حجرتيه سيري شوفي صوب ارض يمعة بن محمد ..
.. طلعت ريم صاروخ من الحجره وهي تصارخ .. صار .. ميرة فاجة عيونها وتتحمد ربها على نعمة العقل .. واحمد يسمعها ويضحك .. وصلت حجرته وفجت الدريشة.. دريشة احمد امره مجابلتنها ارض واحد من ربع ابوه .. ومساحة الارض كبيرة لانه يبا يبني حقه وحق عياله المعرسين .. حصلت حول العشر سياير وزود .. الي مرقي على الرصيف والي على الرملة والشباب كلهم يتزهبون حق اليوله ..
ريم .. واو .. الصراحة .. منظر عالمي .. يباله طخة صوره ..
احمد .. يعني وايد واضح ؟؟
ريم .. وايد وايد .. ثواني وانا عندك .. see you ..
.. سكرت ريم عن احمد وسارت اتنبش في الكبت الين حصلت العقال شلته وطارت تحت .. حصلته يترياها في الخيمة وينظف الكلاشن .. تخبلت ريم يوم شافته .. يالس وكاشخ بكندوره رماديه وغتره رماديه .. يوم صفرت ريم رفع راسه وابتسم ..
احمد .. ها ؟؟ شرايج بكشخة اخووج ؟؟
ريم .. مايبالها رمسه .. والله انك تعق الطير من السما ويا هالحمدانية .. امره من عقبك .. ايخسي حد يلبسها ..
احمد .. ههه اركضيني انتي ..
ريم .. بس ليش رماديه ؟؟ جان كشخت بكندورة بيضة وانته سايرلهم بالابيض ..
احمد .. يالطمة .. عشان اكون مميز ..
ريم .. مميز بليا شي فديت زولك .. يكفي حسنك وزينك ..
احمد .. ههه .. هاتي العقال .. عنلاتج دهان سيرج في مخباج ..
.. شله وحطه فوق الحمدانية ..
احمد .. والحين .. شرايج ؟؟
ريم .. بطران .. بطران يابوسعيد ..
احمد .. ههه حياكم الكريم ..
ريم .. يحييك ..
.. ضحك احمد على رمسه اخته وسار .. ركضت ريم ودورت الكيمرا الفيديو وبطلت فلم يديد .. ويرت ميرة من ايدها الين حجرة احمد .. اول مره ميرة تدخلها هالحجرة .. كل شي فيها غامض .. مرتبة بطريقة غريبة .. لفتت انتباها صورة على مكتبه .. سارت صوبها والفضول ذابحنها تبا تعرف منو في الصورة .. ابتسمت .. الصورة كان مصورنها احمد في طلعة من طلعاته البر ايام المطر والوديان .. كانت الصوره صوره سمره وسط غدير ..
.. اول ماانتبه على المنظر صورها .. درست ميرة الصوره بكل شي فيها .. شكل السمر و الغدير اللي جدامها .. ماتت على الصورة .. وسرحت فيها .. .. يلست اطالع الكتب .. جواهر الادب .. تاريخ .. ثقافة الشعوب .. الحرب العالمية .. الحضارات .. عالم النبات .. التعذيب عبر العصور .. خيبه يالاجرام .. كتاب شكله بعده يقراه لانه عداله بوك ماركر ومجلوب .. يوم رفعته تحته نظاره طبيه .. شاعرات في عصر النبوّة .. غريب هالانسان .. شكله مش من النوع الي يقرا وايد .. مايبين عليه انه مثقف ابدا .. لفت انتباها كتاب بالانجليزي .. الكنوز الموجودة والضائعة والغير مكتشفة .. تعرفه هالكتاب .. قراتنه اكثر من مره .. وايد حلو .. البروجكت مالها كان عن هالموضوع .. اخ راسي عورني .. خاطريه اعرف في شو يفكر .. كيف حياته .. شو طموحه .. صعب اعرف هالاشياء من أي حد لانه مابيعطيني الجواب الي اريده .. مابيعطيني اياه الا شخص واحد .. أحمد .. بنفسه .. وهذا من عاشر المستحيلات .. ردت الكتاب محله .. يرت الكرسي ويلست وحطت ايدها على راسها وشخص واحد يدور في بالها .. أحمد .. تبا تدخل حياة هالانسان باي طريقة .. تسال ريم .. بس اروحها ريم شكلها ماتعرف شي عن اخوها .. غامض .. صدق غامض هالانسان .. قليل مايتكلم .. قليل ماقعد في البلاد .. وقليل مايلست معاه .. خاطريه افج معاه موضوع نقاش .. ابا اعرف كيف يفكر .. قطع حبل افكارها صوت ريم ..
ميرة .. ها ؟؟ ماسمعتج ..
ريم .. اقولج تعالي بدت اليوله ..
ميرة .. أي يوله ؟؟
ريم فزت .. وصل وصل .. يالله فديت الثلجي وراعيه ..
.. نشت ميرة وسارت صوب ريم ووقفت حذاها .. احمد توه واصل صوبهم ..ريم ما حبت تصور لأنها تب تشوف اليولة بعيونها ع الطبيعة مش بالكيمرة فعطت ميرة تصور شلت ميرة الكيمرا عن ريم وسارت وقفت عند الدريشة الثانية اللي اطل بعد على الأرض الفاضية وقربت على الكلوزر .. هيه هذا كلوزر احمد .. الثلجي .. نفس البيت عليه .. شويه نزل احمد من الموتر وهو رافع ايده حق الشباب ومبتسم ابتسامه .. الصراحة لاتوصف .. قرب منهم وسلم عليهم .. شويه تحركوا الشباب بشكل عشوائي ..
ريم .. صوري صوري ..
.. صورت ميرة وهي بعدها مستغربه .. شو بيسوون ؟؟ شوي شوي بانت ملامح اليوله .. اربع شباب بكلاشناتهم .. ميرة كانت ادور بعيونها عن شخص اختفى .. أحمد .. وينه ؟؟ شغلوا المسجل وطوّلوا على الصوت .. اشتلوا الشباب .. يلسوا ايولون والي بكلاشناتهم والي بعصيهم .. بس أحمد وينه ؟؟ على نص الاغنيه ياهم احمد ويلس ايول وبكل معنى الكلمة سرق الاضواء .. انيول من فرح ومسرات .. نقطف من زهور الهوى نوع .. الحر يفهم بالاشارات .. درب الخطى ع الشهم ممنوع .. على هالمقطع أحمد يغني ويسوي حركات رهيبة .. خصوصا على .. درب الخطى ع الشهم ممنوع .. يبّس بطريقة .. في ذمتيه محد يسويها .. كل الشباب يلسوا يطالعونه ويطالعون يولته وحركاته .. احمد كل عرس يسير يسرق الاضواء من زود مايولته طر .. ماشي عرس صار ماخذ فيه الشاره ..
ريم .. واي فديت روحك يالغالي .. ميرووه سوي zoom in على حمادي فديته .. فديت يولتك ..
.. ميرة ساكته وسرحانه فيه و في حركاته .. احمد كان ايول من خاطره ويغني مع الاغنيه .. نرسل من اليوله التحيات .. اول مايه هالمقطع فجت ميرة عيونها .. تعرف هالبيت .. واحمد بدّع عليه وهو ينقل ربعه وايبس جدامهم .. خلصوا الشباب وتفارقوا .. ميرة بعدها تحس عمرها مخدره من الي شافته .. يولته غرام .. تمت ميرة تصور لانه احمد بعده واقف مع واحد من ربعه كان ياي مع ولده ويلس احمد يعلمه شقايل ايول .. تقرب من الولد بس في خاطرها والله ماحفلته .. هي تسوي زوم عشان احمد .. يازين ابتسامته ويازين حركاته .. ذابت عليه يوم لوى على الصبي .. لهدرجه يحب العيال !! هاي كانت أول مرة ميرة ادقق فيها في ملامح أحد الله ايخلي الكيمرة والزووم وإلا هي ما تقدر اطالعه وجها لوجه اصلا ما تتجرأ وكانت تكلم نفسها واتقول صدقها ريموه يوم سمته سيد المزايين. يلس احمد ينظف الكلاشن وهو ميتهد وهي بعدها اتصور جنها اول مرة في حياتها كلها اتشوفه ، وكانت تقول في خاطرها أي نوع من الناس إنت يا أحمد جنه كل التناقضات متجمعة فيك! هني قاطعتها ريموه
ريم .. ها ميروه .. شرايج في حمادي؟
ميرة .. ها .. اوكي ..
ريم .. ههه لاصدق شرايج ؟؟
ميرة بصوت واطي .. ياحظ الكلاشن ..
ريم .. شو تقولين؟ ما أسمعج !
.. حطت ميرة الكميرا على المكتب وسارت عنها بدون حاسية حجرة ريم .. دخلت ويلست على الشبرية شوية ونقزتلها ريم ..
ريم .. ميروه .. شو بلاج ؟؟
ميرة .. لا ما شي .. بس تظايقت فجأة . ما اعرف. ليش..
ريم.. حد يتظايق عقب ها اليولة ؟؟ أسميج ما تعرفين .. اسمعي أن بنزل عند حمادي خاطرية أحبه ع راسه.. أحس يتني طاقة مرة وحدة... إلحقيني تحت OK ..
ميرة .. بدون حاسية OK OK ..
.. الصدق أنه ميرة ذابت ع يولة أحمد وهي ما كانت متظايجة .. كانت تحس بإحساس مب عارفة تفسره .. بس ما حبت تقول حق ريم .. شو سوابها أحمد وشو ها الإحساس وليش تحس به ؟؟ كان قلبها يدق بسرعة وتحس بحرارة غريبة .. تمت على ها الحالة فترة .. خطف هاليوم ورقدوا كل اهل البيت .. باستثناء شخصين .. أحمد .. وميرة .. أحمد لانه بعده مارد من برع .. وميرة .. الصراحة ماعرف ليش مارقدت .. بس يمكن يمكن .. تكون تفكر في أحمد .. صح .. تفكر في أحمد الي شل تفكيرها وشغله بطريقة جنونية .. تبا ترقد بس مب رايمة .. كل ماتغمض عيونها تشوفه .. تخلي عيونها مبطلات بس تغطي ويها باللحاف بس بعدها تشوفه .. تشوف يولته .. ابتسامته .. موتره .. كل شي .. فكرة مينونه .. ابا اشوفه .. ابا اشوفه الحين .. نشت من على الشبرية ويلست ادوّر الكيمرا .. وين حطتها ريموه ؟؟ اف .. تذكرت انها حطتها على مكتب احمد .. استحي ادخل حجرته .. بس اريد اشوفه بموت اذا ماشفته اليوم .. ياربي شو بلاني ؟؟ تخبلت .. ميروه اذكري ربج وتعوذي من بليس .. هذا بليس يلعب بمخج ميروه .. تعوذت من بليس ويلست على الكراسي .. تحاول تسيطر على عمرها .. تحاول .. تحاول .. تحاول .. نشت مره وحده وسارت صوب الدريشه تشوف اذا موتره موجود والا لا .. بعده مارد .. اشوا .. لحظه .. شو يسوي الين الحين هايت في الشوارع ؟؟ الساعة 2 ونص .. شعليه منه .. بعد احسن عشان اسير اييب الكيمرا .. وطلعت على اطراف صبوعها وهي بس حاطة الشيلة عادي يعني مش متحجبة زين .. ليتات الصالة مبندة .. اشوا كلهم رقود .. تخرطف وهي تتنافض الين حجرة أحمد .. اول مادشت شافتها على المكتب .. تشققت من الخاطر .. شلتها ويلست تعيد الفلم .. بطا الفلم الين عاد .. واقفه ومتحرقصة وحاطة الكيمرا على اذنها وكل شويه تشغل وتشوف وين وصل .. اطالع شويه وتتبسم وعقب ترد تعيده .. وقف الفلم سيده شغلته .. بدون حاسيه شلت عمرها ويلست على الشبرية .. يوم طلع احمد عادت .. وتمت كل شويه تعيد يوم تعيبها حركة .. في هاللحظات حد دش البيت وبركن موتره ودش البيت وقفل الباب وبخطوات متثاقلة كلها تعب .. ومن يره ريوله شكله امره خاطره يفر عمره على الشبرية ويرقد .. طبعا هالشخص هو .. أحمد .. لانه الوحيد الي برع البيت .. ومن الصوب الثاني شخص ثاني كان يالس وهيمان وناسي عمره في حجرة مب حجرته .. طبعا هالشخص هو .. ميرة .. وصل أحمد صوب حجرته وشاف الباب مبطل .. سيده حقد على ريم .. حط في باله اكيد عقب ماشبعت من اليوله طلعت وخلت الباب مبطل .. احمد مايحب حجرته اتم مبطله عشان العيال ماينبشون في سامانه .. بس اخر شي كان يتوقعة انه يدخل الحجرة .. وينصدم .. ويتم واقف .. وواقف .. ومنبهر لأنه أول مرة يشوفها بها المنظر .. كانت خصل شعرها الأسود طايحة على ويها وكانن امسويات شغل من الخاطر.. كان يحاول أنه ما ايطالع ويكسر عينه عنها .. بس هو من الصدمة بوجودها فحجرته اتيبس محله .. والشخص الموجود مب منتبه عليه .. هي تعيد وتعيد .. تبتسم .. شو تسوي هاي هنيه ؟؟ ميرة مستانسة .. وهي تعيد رفعت راسها وهي مبتسمة .. جان توقف عقارب الساعة وغابت الابتسامة .. وحست انه الزمن مر بسرعة .. وعوامل التعرية والتجوية ساعدت على جفاف وتقشر وتساقط بشرتها .. احترق ويها من الخاطر وحست بقفطة عمرها مابتحس بشراتها ..
أحمد بصدمة .. انتي شو تسوين هنيه ؟؟
.. من رمس أحمد انتفظت ميرة وفرت الكيمرا على الشبريه .. شلت عمرها وطلعت من الحجره .. وهي طالعه دزته بدون قصد لانه كان وايد قريب من الباب وماشي مكان تخطف منه .. التفت احمد وماشاف الا اغبره ريولها .. شفيها هاي ؟؟ في ذمتيه مب صاحيه .. بس شو كانت تسوي هنيه ؟؟ الساعه 3 الا .. خيبه شو موعنها الين الحينه ؟؟ التفت وشاف الكيمرا .. نقز صوبها وشغل .. اليوله .. مصورين اليوله .. لحظه .. يعني هيه كانت تشوف اليوله ؟؟ عاد الفلم وشافه كله .. وقف قلبه اخر شي .. ماصدق الكلام .. عاد .. وعاد .. وورد عاد .. بند احمد الكيمرا غصبا عنه لانه الجرج خلص .. بدل ثيابه وانسدح على الشبريه وجمله وحده تدور في باله .. ياحظ الكلاشن ..
.. دشت ميرة حجرة ريم وهي تحس حرارتها 1000 درجة سيليزية .. دخان يطلع من اذنيها .. ياويلي .. انا شو سويت ؟؟ الحين شو بيقول عني ؟؟ يافشلتج ياميرووه جدام الخلق .. أي خلق ؟؟ الا احمدوه .. حو .. شو احمدووه انتي بعد ؟؟ ريال طول وعرض تسمينه احمدووه .. في ذمتيه انه شيخ شويه عليه .. اخ ياقلبي .. عقت ميرة عمرها ع الشبرية وكل شوي تنجلب ع صوب .. كل ما تلتفت أي صوب تشوف صورة أحمد .. حاولت اتشل الصورة من بالها .. يرت اللحاف على ويها بس ماشي فايدة .. يالله يالقفطة كيف بجابلة عقب ها الموقف ؟؟ ليش أنا دوم أتفشل ودووم جدامه تكون الفشله .. بس هو .. هو شو يقول عني أحينه .. وتمت على ها الحال و يمكن كل اللي رقدته ساعة وحدة .. وبظرابة بعد .. نشت على أذان الفير .. وقفت عند الدريشة وشوي تسمع صوت سيارة .. هو محد غيره .. الثلجي .. انصدمت معقولة أحمد ياي متأخر البارحة .. ونش حق صلاة الفير ؟!! مسكين حالج يا ميرة ما تدرين أن الريال ما بات .. الناس كلها مرتاحة وهو كان فعالم غير عن العالم .. هو وأصلا ما غمض له جفن من الي شافه .. شل احمد يده وأبوه وساروا يصلون رباعة في سيارتين عقب ما وعاهم أحمد .. قد شو حلوة ها الخصلة .. الصلاة في المسيد .. ومب أي صلاه .. صلاه الفير .. هذا الشي وايد حرص الشيبة مهير أنه يغرسه في عيالة وفي أحفادة بعد .. جان زين لو كل أب في الدنيا يحرص على أنه ما يطوف أي صلاة في المسيد .. خصوصا الفجر .. معقولة يكون في ناس ممكن تفكر بها الطريقة ؟؟ يمكن ليش لا .. ميرة تمت اطالعهم لين ما طلعوا وهي مستانسة أنها اكتشفت أنه أحمد حريص على صلاة الجماعة .. شوي قامت ووعت ريم اللي نشت بظرابة .. عقب الصلاة ميرة مسكت ورقة وقلم وريم عقت عمرها ع الشبرية .. بس نقع فضولها تبا تعرف شو اللي تكتبه ميرة .. ميرة كانت تفكر في كل شي صار وتمت تكتب أغنية شبيه الريح .. لأنه أحمد احينه فعيونها .. شبيه الريح .. وتكمل .. غير اني .. الاقي في هجيرك في .. والاقي في ظلامك ظي .. وأوقد شمعتي في الريح!! ابي اعرف متى تسكن رياحك ؟؟ وابي اعرف غرورك هو متى يطلق سراحك ؟؟ وابي اعرف اذا باقي في بحرك موج اكسر فيه مجدافي ؟؟ وابي اعرف اذا باقي في همك هم ماشالته اكتافي ؟؟ وابي اعرف اذا باقي في هالدنيا حزن مامرني واستوطن اطرافي .. وابي اعرف متى تعصف ؟؟ ومتى تعطف ؟؟ متى تنزف جراحك ؟؟ شافت ريم الكلام المكتوب ونقزت حق ميرة الا تخبرها شو يعني ..
ميرة.. تعرفين تجاوبين ع ها الأسئلة ؟؟
ريم عقب تفكير .. لا .. كله من محمد عبدو .. لازم يصعب الاغنيه جيه ؟؟ حليله هو مايخصه .. كله من بن مساعد هو الي كاتب الكلمات .. لو سال اساله اسهل كنت جاوبت عليهن وعرفت شله كاتبتنهن .. بس ..
ميرة .. بس شو؟
ريم .. لا أخاف أقولج وتعصبين عليه..
ميرة .. لا قولي عليج الأمان ..
ريم .. يمكن أنا أعرف اللي ممكن يجاوب ع ها الأسئلة ..
ميرو.. منوه؟
ريم ..محد غير أحمد بيجاوب .. أعرفه خطير ف هالسوالف ..
ميرة أول ما سمعت ها الاسم اعتفست .. بس على طول رفضت .. ريم تتمنى أنه ميرة تكون من نصيب أحمد لأنها تعرف أن ميرة مميزة واايد بشخصيتها الفنانة..
ريم .. ميرووه ما يخصج .. انتي سألتي ولازم أجاوبج ما يخصج كيف .. بعدين لا تحشريني أبا أرقد ..
ميرة .. لا ريم .. بعديني عن اخووج .. مافيه ع الحشرة ..
ريم .. اقولج لاتحشريني وخليني ارقد ..
ميرة ما ردت وتمت ساكتة .. بس فخاطرها .. هي كانت تدري ومتاكده انه هالاسئلة هي اصلا حقه .. حق أحمد .. بس أنه يجاوبني عليها .. وايد .. هذا أكثر مما تخيلت!! ميرة تمت منسدحة ع الشبرية وهي تفكر وتتخيل .. وطلع الصبح و نش البيت كله من وقت عشان اذا بييهم حد يسلم والا شي .. تعرفون ايام العيد .. ريم بعدها راقده وتشاخر من التعب .. عوشه ام راشد محتشره ليش رقود اللين الحين .. وتسير وترد ع احمد اللي ما رقد إلا عقب محايل ويا الرقاد .. وبعد نش وهو تعبان عقب ما نقعت مرارته من التوعي .. احمد .. ماياه الرقاد ذيج الليله والسبه .. جمله تمت ادور في باله طول الليل .. وطبعا .. ماننسى راعيه الجمله .. ميرة تلبست ونزلت .. يلست في الصاله وياه امها وعماتها يسولفون ..
ام راشد .. ريمووه بتذبحني .. ليش مانشت لين الحيين ؟؟
ميره .. سهرنا البارحة واايد ورقدنا متاخر ..
ام راشد .. عيل ماشالله عليج واعيه من الفير .. ماعطيتيها شويه يابنت حارب ..
.. ميره في خاطرها .. اخ ياخالتيه.. والله الود ودي مااغمض عيوني ثواني .. واتم عايشه في عالم اتمنى اعيش فيه طول عمري ..
ام راشد .. بسير اوعيها ..
ميره .. برايج خالتية .. انا بسيرلها .. اعرف الها زين..
ام مهيّر .. وودوم بعدها راقده .. امس طول الليل مساهره .. مادري شو تسوي مجابله هالجهاز ..
ميره .. ودوم مسويه موقع علمي .. وتتابعه باستمرار ..اوعيها ؟؟
ام مهيّر .. لا لا برايها .. فديتها دامه علمي برايها راقده ..
ميره .. عيل بوعي ريموه ..
ام راشد تصارخ .. جانها مانشت .. جبي عليها ما ..
ميره من على الدري .. ههه انشاله .. مع انها ماتهون عليه ..
ام راشد .. الا تهون .. بسها خاست .. بعدها تشاخر .. وعيها ..
ميره .. ههه انشالله ..
.. ميره كانت تركب وهي عاطيه ويها ام راشد .. اول ماخلصت كلامها معاها ولفت وييها ويت بتحط ريلها على الطابق الثاني .. طول وعرض واقف جدامها .. كانت بتدعم فيه بس تقبظت .. رفعت راسها وطاحت عينها في عين احمد .. تمت اطالعه وهي تحس دمها يغلي في عروقها ..
أحمد .. سلمتي ..
.. تمت ميره اطالعه وهي مب مستوعبه الوضع .. شوي وردت للواقع .. خيبه شو استوى ؟؟ تحركت بطريقة سريعه خلت احمد يظك عنها .. اول ماظك شردت ..
أحمد بابتسامة .. فديت روحج ..
.. دشت ميره الحجرة وهي خلاص .. متخبلة .. شويه شويه تردلها حاسيتها .. شويه ونشت توعي ريم .. نشت ريم عقب جهد جهيد من ميره وتهديد .. تلبست ونزلت تحت .. ميره حمدت الله في خاطرها انه الشباب ظهروا حق الصلاه تصوروا نا س ترقد لين الظهر وناس أأأأأه ما رقدوا مثل باقي الأوادم.. يلست ريم اتريق وميره تشرب عصير .. شويه ودش عليهم أحمد ومبارك .. ميره رفعت وييها تشوف منو هبط .. حست انه عينها طاحت في عين أحمد مع انه كان لابس نظارته الشمسيه .. احمد يطالعها من هبط الصاله تمنت الارض تنشق وتبلعها ولاتنحط في هالموقف .. ودرت الريوق ونشت عنه .. ريم تمت يالسه تاكل .. بطن هالبنيه .. يلست ميره على الكرسي الي وراها على طول .. بالعاني يلس أحمد مجابلنها وتم يطالعها وكل شوي يسرق نظرة من عينها.. كانه اول مره يشوفها .. دقق في كل شي فيها .. عيونها .. خشمها الي اطنز عليه .. حواجبها .. شفايفها الي تنشف وتبلهن بلسانها .. كل شي كل شي .. يحس قلبه بيظهر من محله .. وهي تحس انه يالس يطالعها وتحاول تغطي ويها بشيلتها .. تموا يسولفون الشباب مع بعض وضحك وسوالف .. سأل حارب أحمد متى ناوي يسافر .. دار أحمد بعيونه يطالع ميرة .. ميرة من سمعت هالسؤال لفت ويها بلا حاسية صوب أحمد وعيونها تتريا الاجابة .. انتبهت على عمرها ونزلت راسها ..
أحمد .. والله ياعمي ماعرف شو اقولك .. يمكن باجر ..
.. رفعت ميرة راسها على أحمد .. تمت اطالعه .. في هالدقيقه نشت ريم من على الريوق ..
ريم .. الحمدلله .. امايه .. هاي اخر مره تسوين فيها هالريوق .. انتي ليش تكرهيني ؟؟ انا شو سويتلج ؟؟
ام راشد .. عوذ بالله .. شفيج ؟؟
ريم .. يعني انتي تبيني امتن ؟؟ كله تسويلنا اكل حلوو .. وانتي تعرفيني ماروم اقاوم العيشة ..
أحمد .. والله مشكلتج .. لازم نحن نموت من اليوع عشان خاطر عيونج ؟؟
ريم .. اوه بليز .. سمعوا منو الي يرمس بس ؟؟ انته اخر واحد ترمس ..
مبارك .. صح .. انته بطنك خلاص تعود على البرجر كنج والهارديز .. واخوانه ..
ريم .. صح لسانك يا مبارك..
أحمد .. الحمدلله .. انته الي قلت .. المفروض ترحموني من اكل المطاعم شويه يوم ارد الدوله وتسويلي طبيخ .. مجابيس .. برياني .. مندي .. خبيص .. هريس .. ياسلام .. كله في صوب والخبيص والهريس ..
ريم .. هيه والله .. mam .. سويلنا خبيص .. خاطريه فيه ..
أم راشد.. أصلا إنت من كمن يوم مب عايبني ..أشوفك امره ما تاكل شوي وإلا نشيت
أحمد.. يالله جاني ما آكل!
لا تكابر يا أحمد إنت صدق مثل ما قالت أمك ما تاكل ..
.تموا الشباب يسولفون وميرة في عالم ثاني .. باجر .. باجر بيسافر .. ليش ؟؟ ليش ؟؟
شويه نشوا الشواب عنهم ساروا يتسمعون الأخبار.. وتموا بس الشباب ..
ريم .. اقول ميروه .. قومي نسوي حق الشباب عصير كوكتيل شرات الي سويتيه البارحة ..
مبارك .. قومي نسوي .. والا قومي سوي ؟؟
ريم .. مبارك شفيك عليه ؟؟ هي بتسوي وانا بحط السكر و باخذ الطريقة ..
مب

.. الجزء الثالث ..
أحمد رد ع الاسئلة اللي اختارتهن ميرة من أغنية شبيه الريح .. لمحمد عبده .. بأجوبة من أغنية بعد لمحمد عبده..عشان تكون الأجوبة شافية للأسئلة..أجوبة أبدا ما توقعتهن ميرة ..أجوبة تسكت.. أنا ..مجموعة إنسان ..من كل ضد وضد تلقين فيني..فيني نهار وليل وافراح واحزان.. اضحك ودمعي حاير وسط عيني ..وفيني بداية وقت ونهاية أزمان ..اشتاق باكر واعطي امسي حنيني.. واسقي قلوب الناس عشق وظميان ..واهدي حيارى الدرب واحتار ويني ..واحاوم صقور الهوا حوم نشوان واسيل الوديان دمع حزيني..في عيني اليمنى من الورد بستان وفي عيني اليسرى عجاج السنيني ..تهزمني النجلا وانا ند فرسان.. واخفي طعوني والمحبة تبيني .. ان ما عرفتيني فلاني بزعلان.. حتى أنا تراني احترت فيني..
.. سافر احمد وصله مبارك اخوه .. طول الدرب واحمد يسمع اغنيه ميحد .. اسافر عنك وتسافر معايه .. ترافقني في حلي وارتحالي .. اغيب واترك العالم ورايه .. ولا احمل غير طيفك في خيالي .. عادها احمد للمره الالف.. وهو يشوف طيف ميرة جدامه
مبارك .. يابويه عيفتنا حياتنا خلاص ..
أحمد وعيونه تبتسم من ورى نظارته قبل شفايفه .. والله انها غ رام ..
مبارك .. منو ها الي تسافر عنه ويسافر معاك ؟؟
احمد .. ههه مايخصك ..
.. مبارك في خاطره .. اوكي ماعليه بتحملك لانك ساير المطار .. شويه ورد عادها احمد .. جان يظرب مبارك راسه على السكان .. واحمد .. ههه .. خلصوا الاجراءات وهالسوالف وسلم مبارك على بو شهاب وسار عنه .. ركب طايرته ويلس .. احمد متعود يحجز طيران الامارات درجه بزنس .. او بالاحرى مبارك الي يحجزله لانه هو يشتغل في المطار .. اول مايلس حط السماعات وشغل اف ام .. طارت الطايره .. اسافر عنك وتسافر معايه .. في باله وفي نفس الوقت على امارات اف ام .. ابتسم وتم يطالع الدوله وهو صدق يترك العالم وراه ومايحمل غير طيف شخص واحد .. بس هالشخص يسوى عنده طيوف كل الخلق .. ردوا اهل العين .. وبدت الدوامات .. .. وديمة قبل ماكانت تنشاف .. بسبه النت والمواضيع الي تزهبهن حق السنه اليايه .. اما الحين صدق ماتنشاف .. ميره كانت ترمس ريم بالتلفون ..
ميره .. ها ريموه شو قررتي ؟؟
ريم .. ماعرف .. صليت استخاره بس ماعرف ..
ميره .. والله ماعرف شو اقولج .. بس تمي صلي استخاره ..
ريم .. خلاص بوافق ..
ميره .. عن اليهاله .. لاتتسرعين .. برمسج عقب مهيّر على الباب ..
ريم .. في الحالتين انا مابرد الحيين ابا افكر اكثر .. ردي السلام ..
ميره .. يبلغ .. مع السلامه ..
.. نشت ميره وفتحت حق مهيّر .. دش ويلس يسولف معاها .. ميره يالسه ساكته وتفكيرها مع ريم ..
مهيّر .. انقوح .. ارمسج ..
ميره .. سوري .. شو كنت تقول ؟؟
مهيّر .. ميروه شفيج ؟؟
ميره .. شرايك بناصر ولد خاله ريمووه ؟؟
مهيّر .. ليش اتخبرين ؟؟
ميره .. قولي وبخبرك ..
مهيّر .. قولي اول ..
ميره .. بخبرك بس هالرمسه ماتطلع برع ..
مهيّر .. ميروه .. لايكون خطبج وانا مادري ؟؟
ميره .. مب انا .. ريموه بنت عميه ..
مهيّر .. شو ؟؟ نصور يبا الريم ؟؟
ميره .. هيه ..
مهيّر .. لا لا ماياخذها ..
ميره .. ليش انزين ؟؟
مهيّر .. بدون ليش .. انا اباها ..
ميره .. بعدك تبا ريموه ؟؟
مهيّر وقف .. هيه .. اباها .. ولين اخر نصخ بتم اباها ..
.. طلع مهير من عند ميره .. ماتبا تقول حق ريم انه مهيّر يباها .. لانها مره قالتلها وهي ردته .. بس ميره ماخبرت مهيّر .. بس هالمره قررت تفاتحها مره ثانيه بالموضوع .. الساعه 1ونص اتصلت ميره حق ريم تخبرها انه اخوها يباها بس ريم تلفونها مغلق .. حاولت اكثر من مره بس بعده مغلق .. رقدت ميره لانها عليها جامعه .. بالباجر نشت ميره متاخره لانها تمت تحاتي ريم .. سيده تلبست وسارت الجامعه .. حتى سجلها الاستاذ ليت .. تمت طول الكلاس تفكر بريم .. اول مخلص كلاسها طلعت واتصلت فيها .. بس بعده مغلق .. ميره يالسه تراجع في حجرتها شويه وصاح تلفونها .. بنت العم ..
ميره .. هلا ريموه .. وينج انتي من يومين اتصلبج ماتردين ؟؟
ريم .. وافقت على ناصر ..
ميره .. شو ؟؟
ريم .. فكرت زين .. محد بيقدرني كثر ولد خالتيه ..
ميره .. ريموه بقولج شي ..
ريم .. شو ؟؟
ميره تغير السالفه .. بتعرسين قبلي يالدبه ؟؟ اسميج نذله ونحن الي متفقات نعرس رباعه ..
ريم .. ههه والله لو بترياج مابروح ريحه العرس ..
ميره .. شو ؟؟
.. سكرت ميره عن ريم وهي فيها صيحه على اخوها الي يبا ريم .. ميره اتحرى مهيّر بس يبا ريم .. بس هو يحبها ويموت عليها .. شو بيستوي اذا خبروه ؟؟ بيروح فيها .. اتصلت ام راشد في ام مهيّر وخبرتها .. انتشر الخبر في بيت حارب .. ووصلت الخباير عند مهيّر .. سيده سار عند ميره .. قالتله انها مارامت تخبرها لانه تلفونها كله كان مغلق .. ويوم رمستها خبرتها انها وافقت عليه ..
ميره .. اسفه والله اسفه بس مارمت اسوي شي ..
مهيّر بعبره .. كيف مارمتي تسوين شي ؟؟ سالفه تلفونها مغلق مب حجه .. كنتي ترومين تتصلين بيتهم .. الي يبا الصلاه ماتفوته ياميره ..
ميره .. حرام عليك يامهيّر حرام عليك ..
مهيّر .. انتي حرام عليج .. والله حرام ..
ميره .. مهير دخيلك ارحمني .. مارمت اسوي شي ..
مهير .. انتي الي ارحميني .. حياتي كانت بايدج .. جتلتيني ياميروه والله جتلتيني .. انا اذا ماخذتها ماباخذ غيرها .. اذا ماخذتها بمووت والله العظيم بموت ..
.. ودرها وظهر وميره ناعرت لين ماقالت بس .. شويه اتصلت بريم في نص السوالف .. سكتت ميره وعقب ..
ميره .. ريموه .. بقولج شي ..
ريم .. شوو ؟؟
ميره .. لو دريتي انه في حد يحبج ويموت فيج .. واذا ماخذج مابياخذ غيرج .. شو بتكون رده فعلج ؟؟
ريم عقب صخة .. منو ها ؟
ميره .. مابقولج .. بس شو بتكون رده فعلج ؟؟
ريم .. واله تقولين ..
ميره .. مهيّر اخويه ..
ريم .. هاا ؟؟
ميره .. ها .. شو الراي ؟؟ اقول مبروك ؟؟
ريم .. ميروه يالماصخه ..
ميره .. ههه بعدج تبين نصور العاشق ؟؟
ريم .. ميره عن السخافه ..
ميره .. يعني هيه ؟؟ صح ؟؟ هيه هيه هيه ..
ريم بقفطه .. ميروه .. جلبي ويهج زين ..
.. صخت ريم وسكرت عن ميره .. ماكانت تدري انه مهيّر يحبها .. عبالها يباها بس لانها بنت عمه .. بس مهيّر كان يشوفها كل شي في حياته .. بس الحين اكتشفت انه يحبها .. اتصل احمد بمبارك يتخبره عن علومه .. تموا يسولفون عن أحمد ودراسته .. بالباجر ردت ريم خبر حق اهلها انها ماتبا ناصر .. احتشرت امها .. بس ريم زهلت السالفه .. لانها عشان خاطر مهيّر بتسوي أي شي وكل شي .. حددوا موعد عشان اييون الرياييل ويخطبون رسمي .. يو الرياييل وخطبوا .. ومهيّر شاق الحلج والدنيا مب شاله فرحته .. خلاص الريم غدت مساميه باسمه .. يوم السبت داومت ميره وحصلت ربيعاتها في الرباعيه .. سارتلهن ويلست وياهن ..
موزه .. اقول ميرروه .. شو هالحركات ؟؟
ميره .. أي حركات ؟؟
.. اشرتلها موزه على ملف ميره .. ميره كانت معدله الملف الي تحط فيه اوراقها وكاتبه عليه .. نرسل من اليوله التحيات .. هذا الي مكتوب على الثلجي من ورى .. تبا تحسه دوم معاها .. حتى في دراستها .. ابتسمت ميره ولفت عن ربيعاتها بس ماردت عليها بشي .. ميرة عقب كل اللي صار تلقونها في الجامعة تبتسم .. تمشي والا قاعدة والا حتى في كلاساتها .. لأنها يتراوالها أحمد وين ما تلتفت .. مرة كانت تبا تروح المكتبة الزجاجية عشان تصور اوراق .. طلعت من مبنى 66 وتمت تمشي صوب المكتبة لأنها قريبة من ها المبنى .. كانت تفكر في الموقف اللي صار في حجرة أحمد .. وتمت تمشي تمشي .. وهي تمشي فجأة وقفت واكتشفت أنها وصلت لين المكتبة الأكاديمية وهي وايد بعيد .. التفتت حولها وضحكت بصوت عالي ورمست عمرها ..
ميرة .. ههه دامج دقيتي خط صوري هنيه ..
.. كان دوام ميرة كل سبت واثنين يخلص 6:20 لأنها ماحصلت شعبة أساليب بحث(Method of Research) مفتوحة إلا هاي .. المهم كانت عقب المحاضرة دايما تقعد على دري 66 اللي يطل على مخج (مركز خدمات الجامعة).. هناك تتسنتر وهي مجابلة الشمس وهي تغرب .. الصراحة المنظر يكون طر ووايد رومانسي .. تقعد ميرة هناك وتسرح بخيالها واتفكر في كل شي تحب اتفكر فيه .. حتى من كثر ما اتكون تتخيل يخطفون عدالها ربايعها وايسلمون عليها وهي ماترد لأنها تكون فعالم ثاني .. فيضطرون أنهم يوقفون جدامها عشان تنتبهلهم.. وهي تتلوم عقب فيهم ..بس شو تسوي ما تقدر ما تتخيل.. مرت الأيام بسرعة و وخلال ها الفترة أحمد ما رد الإمارات و بدت امتحانات الثانويه العامه .. وديمة ماكله الكتب اكل لدرجه انه عودها ذوى .. امره مايطيح شي بطنها وكله زايغه ومتروعه من الامتحانات .. تنش الفير على الساعه 4 تصلي وتيلس تدرس الين الساعه 9 ترقد الين الساعه 12 وعقب تنش تصلي ووتيلس تدرس .. وجان عندها درس في المعهد تسير .. على الساعه 5 تطلع وتيلس مع اهلها شويه وياذن المغرب .. تسير تصلي وترد تدرس الين الساعه 11 وعقب ترقد .. هذا حالها .. الله يوفقها ان شاء لله .. الساعه 10 فليل اتصلتبها ربيعتها تخبرها انه النتايج ظهرت .. تخبلت وديمة .. تربع منيه ومناك .. ماتعرف وين تدق براسها .. ميره يالسه على النت .. ومهيّر يرمس ربيعه لانه يشتغل في الوزاره .. ووديمة تصيح .. الين الساعه 3 وهم على هالحاله .. رقدت وديمة من الصياح .. نشت الساعه 6 الصبح .. حصلت ميره على النت .. الموقع معلق من الضغط الي عليه .. يلست عدالها .. تمت بعد على هالحاله الين الساعه 10 .. شويه مهيّر متصل ..
ميره .. هلا مهير .. ها بشر ..
مهير .. وينها ودوم ؟؟
ميره بخوف .. هكي عدالي .. قول يالله ..
مهير .. عطيني ودوم ..
ميره تحط سبيكر .. ارمس تسمعك ..
وديمة بعبره .. كم ؟؟
مهير .. شحالج ودوم ؟؟
وديمة .. زفت .. خلصني قول ..
مهير .. ماسكه اعصابج ؟؟
وديمة .. حرام عليك قول .. كم قول ؟؟
مهير .. انزين طمنيني عن اعصابج ؟؟
ميره بعصبيه .. مهيروه عن السخافه يالله قول ..
مهيّر .. ههه
وديمة صاحت .. مافيني اعصاب خلاص .. مهير دخيلك فديت روحك قول .. كم ؟؟
مهير .. ههه بقول بس اول كم تدفعين ؟؟
.. صاح التلفون وسارت ميرة ترد .. ظهرت ريم الي متصله ..
ميره .. هلا ريموه ..
ريم بفرحة .. مبروك .. 96 %
ميره بصراخ .. شو ؟؟ حلفي ..
ريم .. والله العظيم .. قريت اسمها في النت ..
ميره بصراخ .. ودوم يبتي 96 .. ودوم ..
.. سمعت وديمة الصريخ جان تفر السماعه من ايدها وربعت صوب ميره .. وتمت تصارخ وتناقز وميره وياها .. عصب مهير .. حرام راحت عليه .. منو هالسبال الي خرب عليه ؟؟ مسكين مايدري انها ريم والا كان قص لسانه قبل مايرمس .. سوى حارب حق بنته عزيمة وذبحلها .. وعزموا العايله كلها .. ووديمة مب شالتنها الارض من فرحتها .. تستاهل مسكينه على تعبها .. خلصت السنه بسرعه ويه الصيف .. أحمد مابيرخصونه عشان جيه بيسافروله اهله .. وعزموا على اهل ميره يسيرون وياهم .. ومنها يسوي الشيبه فحوصات ويتكشتون العيال .. ميره بغت تموت من الوناسه .. اخيرا بشوفه .. اسميني ولهانه عليه .. فديت روحك والله .. سافروا العوايل .. وفي الطايره .. ميره وريم يالسات عدال بعض .. ميره مستانسه بروحها .. تتخيل كيف بيكون لقائها باحمد عقب هالفتره كلها ؟؟ اكيد شكله تغير .. بس بيتم في عيونها أحلى واحد في الدنيا كلها .. ريم .. ياويلي على ريم .. الي غدت من تشوف مهيّر تنتفظ .. ماتعرف شو استوابها .. تبا تشوفه .. بس يوم يجابلها تحس عمرها حرانه ودرجه حرارتها الف .. تحسه طول الوقت يطالعها .. يوم ترفع عينها صوبه يكسر عينه .. تمووت على حركاته .. ريم او الريم .. استوت تموت على مهيّر .. وصلت الطايره ونزلوا العوايل .. ميره تدور فرصه عشان تجمع مهيّر بريم .. بس مهيّر يطالعها بطريقة تحرقلها وييها .. وريم تتهرب بطريقة ملفته للانتباه .. اونه مستحى .. حركات .. وريم بعد ماتنلام .. كيف تجابل شخص استوت متعلقة فيه .. خلصوا سالفه الجوازات والحجوزات وكانت الامور سهاله .. لانهم تقريبا يايين اول الصيف .. يعني قبل ماتمتزر لندن مدينه الضباب بالعرب والسياح .. هم طالعين ياخذون تكاسي .. عند باب المطار كان عالم ثاني بالنسبه لميره .. وقفت كل شعره في ينبها .. عرفته من بعيد .. من طوله وعرضه .. من سماره ونظارته الي مداريه عن عيون الناس .. عيون تسوى عيون كل الناس .. قرب منهم ووخى على راس ابوه العود يحبه .. وعقب سلم على عمه وابوه وامه واخوانه ومهيّر وعلى الحريم .. قرب من ريم وحبها على راسها .. بس ريم لوت عليه بقوه .. احمد الوحيد الي ريم تحس معاه بمعنى كلمه .. العضيد .. لوى عليها احمد بس عيونه اخ ياعيونه .. عيون احمد كانت كلها شوق .. عيونه كانت تراقب تصرفات شخص واقف بعيد ومبين عليه الارتباك .. من رجفه ايديه ..
أحمد .. حيالله ميره .. شحالج ؟؟
ميره انتفظت .. يس يسرك الحال .. ومن صوبكم ؟؟
أحمد .. ههه والله تمام الحمدلله .. رقيص بشوفتكم ..
ميره بابتسامة .. دوم ان شاء الله هب يوم ..
أحمد .. تدوم دقات قلبج غناتي .. شحالج الودم ؟؟
وديمة .. والله علومي رقيص ..
احمد .. ههه هيه شعليج .. 96 % .. مبروك ان شاء لله ..
وديمة متشققه .. يبارك في حياتك ..
.. ميره صاخه تتسمع رمسته ويا وديمة .. ياحظج ياميروه .. شوتبين زود بعد ؟؟ دام سيد المزايين يدعيلج .. امره بسج من الدنيا والي فيها .. تحركوا صوب الباب وظهروا صوب بنايه احمد شاري شقه فيها لانه اقامته في لندن شبه دائمه .. واجر حق اهله حذاه .. استقروا الاهل وعينوا من الله خير .. وديمة ترقد في الصاله لانها تسهر على التلفزيون .. وريم ميره زبنن في حجره وحده .. وكل وحده مجابله الثانيه وهيمان يالمحبوب هيمان ..
ريم .. ميروه ..
ميره .. ام ..
ريم .. احبه ..
ميره فاجه عيونها .. منوو ؟؟
ريم .. مهيّر ..
ميره .. شو ؟؟ من متى ؟؟
ريم .. من يوم قلتيلي انه يحبني ومايبى يعيش بلايه .. وانا اشوفه شي كبير .. وكبير وايد بعد .. اشوف الخلق .. بس ماشوف غيره ..
ميره .. وينج من زمان ؟؟ يوم اقولج مهيّر يباج يلستي تتعنترين عليه .. تذكرين والا اذكرج ؟؟
ريم .. اذكر .. ميره انا ماكنت ادري انه يحبني .. لانه مابينلي شعوره صوبي .. كان كله يغايظني ..
ميره .. تعرفين شو ؟؟
ريم .. شو ؟؟
ميره .. حتى هو يحبج ..
ريم بقفطة .. حبته العافيه ..
.. نشت ميره وطلعت كتاب لمحات من الفكر وقعدت تقراه .. عقب ساعة نشت وظهرت كيمره الفيديو وشغلتها ..
ميره .. احم احم .. ولكمو .. اهلا بكم في ربوع ونصوص وثلوث مدينه الضباب .. هاي حجرتنا انا وريمووه .. توها اعترفت بشي خطير مره .. ههه ادري تبون تعرفون .. بس مابخبركم انا فاهمه وهي فاهمه صح ريموه ؟؟ ادريبها مابترمس ..
.. حطت الكيمره على ريم بس ريم حطت المخده على ويهاا ..
ريم .. حو يالدبه .. ماريد اتصور ..
ميره .. مب على كيفج .. يالله ريمووه خلينا نستانس ..
.. نزلت ريموه المخده ونشت تربع ورا ميره بس ميره تمت تصورها وعقب شغلوا اغاني وتمت ريم تيول .. اونها احمد وميره مطنقره عليها .. ههه اسميهن مخرّش .. عقب تعبوا ويلسوا يضحكون .. ريم تبا تضحك لانها مستانسة .. ميره مستانسه لسبب هي تعرفه.. على الغدى تولفوا كلهم وطلبوا غدى ويلسوا ياكلوون .. الحريم في صوب والشباب في صوب .. عقب الغدى سوالف وضحك مع احمد الي الكل متوله عليه .. وهو يسولف بطريقه غريبه .. ماينلام .. مشتاق .. ميره تضحك لضحكه احمد ..
ميره .. ابويه ..
حارب .. عوونج ابويه ..
ميره .. عانك الرحمن ع طاعته فديتك .. بغينا انا وريمووه نحدر الحديقه المجابله .. عادي ؟؟
حارب .. بروحكن ؟؟ لا بويه لاتتحدرن بروحكن ..
أحمد يقاطعه .. افا عليك ياعميه .. شقايل بروحهن ؟؟ انا بحدر وياهن .. نشن ازهبن جانه عميه رخصكن ..
مبارك .. عاشو .. وين تبن .. لابويه ماشي سيره ..
حارب .. خلهن .. يايات يستانسن .. وتراه احمد بيحدر وياهن ..
ريم بنغزه .. مبارك .. ابي اعرف متى تسكن رياحك ؟؟
مبارك .. عاشت .. اقول احدري وعن التفلسف .. بتيلسلي رياحك وعواصفك ..
حارب .. ودوم نشي سيري وياهن ..
وديمة .. لاماريد .. بيلس ع النت ..
.. تذكر احمد سالفه الرساله وابتسم .. شو كانت ردة الفعل ؟؟ طاروا يزهبون وريموه يالسه حق ميره .. ايوه ياعم ماشيه معاك اخر حلاوه .. وميره بتمووت من الوناسه .. نزلوا وطبعا مانست ميره الكيمرا الديجيتال .. وريمووه الي تمووت وترسم شلت شنطه الرسم مالتها .. طلعوا وحصلوا احمد واقف خاري يترياهم .. كاشخ الحبيب اسود في اسود .. كاب ونظارته الي ماتفارجه .. طلعوا رباعه.. ميره مستانسه وتتمنى الساعه توقف في هالدقيقه .. شقتهم دون الهايد بارك بشويه .. راحولها مشي والجو جنان .. وصلوا واول مادخلوا العيون عليهم .. باختصار .. على احمد .. تمشوا وضحك ووناسه وسوالف .. واحمد وميره اول مره ييلسون مع بعض ويسولفون بدون ضرابه ولا مغايظ .. يلسواا على كرسي مجابل النافوره بطلب من ريم عشان ترسم .. فتحت دفترها ويلست ترسم ..
ميره .. ريمووه بتمين مجابله هالمياها وترسمين ؟؟ طفرت ..
ريم .. والله كل واحد يمارس هوايته .. روحي مارسي هوايتج ..
أحمد .. تبن شي ؟؟ بسير اخذلي كوفي ..
ريم .. سلامه راسك ..
ميره .. ابا اسكريم كاكاو ..
.. ظهرت ميره الديجيتال ويلست تصور .. الشير .. عربه التذكارات .. السما وشكل الغيوم .. قعدت ميرة تتأمل فجمال الطبيعة وتشوف السناجب وهي مستانسة وايد وتحس أنها قاعدة اتعيش حياة الرسوم.. واحد من العيال يالس يلعب بالسكوتر .. ماتت عليه .. شعره طويل الين اذنيه واشقراني وعيونه تجنن .. شكله لعبه .. تمت ميره اطالعه .. شويه وطاح .. فزت ميره من مكانها وسارتله .. تمت تلعب بشعره وتحاول تسكته .. بس ماطاع يسكت شلته ويلسته تحوطبه .. تدور امه بعيونها وهي تتخبره .. بس مالقتها .. تمت تسولف معاه .. عقب يلست وياه على كرسي عدال النافوره ويلسته على ريولها ويلست تتصور وياه وترواويه الصور .. تمت تسوي حركات بويها .. واطلع لسانها .. يلست الصبي ع الكرسي وتم هو بعد يسوي حركات .. يمط عيونه واذنيه ويحوّل وميره تضحك .. كل هذا وريم ترسمهم وناقعه عليهم من الضحك .. شويه رد احمد بس مالقاها .. يلست عند ريم وشافها ترسمها .. اشرتله ريم على مكانها .. رفع راسه يطالعها وابتسم .. ميره كانت تغني مع الولد اغنيه بارني .. نش وسارلها يوم قرب منهم وشافته عقلت شويه .. يلس عدالهم .. شلت ميره الاسكريم من ايده .. وعطته الولد .. حبها على خذها ويلس ياكل .. شويه يت ام الولد صوبهم ..
الام .. ooooh mike .. you are going to kill me son
ميره .. hi maim .. how are you??
الام .. hi dear .. thank you very much
ميره .. you welcom
الام .. I know my son .. he is noty
ميره .. ooooh no .. he is very cute .. I like him very much
الام .. ههه you don't know him yet
ميره .. ههه probably
الام .. I'm Helary
ميره .. I'm Meera .. nice to meet you maim
الام .. are you from Kuwait??
ميره .. no .. from U.A.E
الام .. ooooh lovely .. your hasband is really handsome ??
ميره تخزبقت .. what ?? aaaaa
أحمد .. yes .. she is my wife .. nise to meet you maim
الام .. oooooh sweet couple .. thank you again
احمد .. with pleasure
الام .. lets go son
الولد .. bye
ميره .. good bay mikey .. take care
.. حب الولد ميره على خدها وسار مع امه .. شويه مد احمد ايده صوب ويه ميره .. جان تصد الصوب الثاني بخوف ..
ميره .. شو ؟؟
أحمد .. شفيج ؟؟ والله ماباكلج ..
ميره .. شو تباا ؟؟
أحمد بابتسامه .. ويهج خايس حلاوه ..
.. الولد يوم حبها خيسها كافي .. عطاها احمد كلينكسه ومشت وييها .. تحسه مليّز من الكافي .. تمت ساكته ..
أحمد .. بلاج ؟؟
ميره .. ماشي ..
احمد .. عيبتج الرمسه ؟؟
ميره بصدمة .. شو ؟؟
أحمد بخبث .. عيبتج سالفه انج حرمتيه ؟؟
.. ودرته وسارت عند ريم وهي معصبة ..
ريم .. بسم الله .. شفيج ؟؟
ميره .. هذا اخووج ال .. ال .. ماعرف شو ..
ريم .. ههه ..
ميره بعصبية .. لاتضحكين ..
.. ياهم احمد وسكتوا عن الموضوع .. واحمد ويا ريم سوالف وضحك .. وميره متقفطه من الحركه الي صارت .. oooooh sweet couple ..يا ويل حالي انا .. اشهد اني رحت في خرايطها .. شويه نشت ميره صوب النافوره عشان تحط ع الكلينكسه ماي وتمش ويها .. وقفت عند العربه ويلست تجلب في السامان واطالع ..
أحمد .. ريمووه اباج في سالفه ..
ريم .. شو ؟؟
أحمد .. قريتي الرد ؟؟
ريم .. ههه هيه ..
أحمد .. ليش تضحكين ؟؟
ريم .. لاني مب انا بس قريته ..
أحمد .. ليش منو بعد قراه ؟؟
ريم تأشر على ميره .. حتى هي قرته ..
أحمد بابتسامة .. وشو كانت ردة الفعل ؟؟
ريم .. no comment
أحمد .. هي راعيه الاساله ؟؟
ريم .. no comment
أحمد .. سخيفة .. تدرين انج سخيفة ..
ريم .. ههه no comment
أحمد .. جلبي ويهج زين ..
ريم .. أي صفحة ؟؟
أحمد .. اكرهج ..
ريم .. مب مشكلة ..
أحمد .. ميرة يالله بنرد ..
.. ابتسم احمد وسكتت .. يتهم ميره وهي مستانسه .. عطت ريم خاتم حلو .. عليه حجر غامج وايد .. وخذت حق عمرها واحد شراته .. المهم ردوا وماحصلوا حد في شقه اهل احمد .. ساروا ودقوا على حارب بعد محد يرد .. وديمة كانت في البيت بس تتسبح .. نزلوا الرسبشن .. سار احمد ياخذ المفتاح والبنات يلسن على الكراسي .. مجموعه شباب واقفه واطالعهم .. عنبوه حتى ماكسروا عينهم ..
ميره .. ريموه يالله نتغشى ..
ريم .. والله ماتغشى .. بعدين يالعنز مب حلوه ..
ميره .. حلوه والا حامضه مايخصني .. عنبوه شقايل يطالعون .. انزين حشموا ..
ريم بابتسامه .. يبويه خلي الحشمه لهلها .. فديت الحشيم ياربي ..
ميره .. شو تقولين انتي حوه ؟؟
.. اشرت ريم صوب احمد يوم لفت ميره اطالع .. واقف بعيد لانه حرمتين واقفات .. اجانب بعد مب عرب .. وكاسر عينه ومنزل راسه ابتسمت ميره .. يوم خلصن الحرمات سار ورمس راعيه الرسبشن وشل المفتاح وياهن .. ساروا فوق وهالشله عيونهم عليهم ..
مصبح .. ويل قلبي من غراشيب الدوله ..
سالم .. شدراك انهم من الامارات ؟؟ يمكن من وحده من هالدول الخليجيه ..
مصبح .. اعرف الي وياهن .. يدرس في جامعتنا ..
شاهين .. حوه .. دامك تعرفه حشم .. لاتقعد اطالع هله ..
مصبح .. غصب عني يالشاهين .. اصلا حرام اشوف هالزين واكسر عيني عنه ..
شاهين .. مالت عليك .. عنبوه ربيعك ..
مصبح .. عاد انا ماقلتلك انه ربيعي .. يدرس معايه وخلاص ..
شاهين .. صبوح .. اجلب ويهك ..
مصبح .. اوب اوب عصبوا المزايين ..
شاهين .. بوغنيم .. سكت ربيعك لا افنقره الحين ..
سالم .. ههه ياريال ماعليك منه .. هذا عيونه يبالهن تخبّق ..
شاهين .. ههه هيه والله .. ربك نسوي فيه خير ونوسعله عويناته ..
مصبح .. شعليك يبويه .. ماشالله العين ها .. هالوسع ..
شاهين .. اذكر ربك ..
مصبح .. ههه مابا ..
سالم .. ياخي رد الشهاده ع ويهك ..
مصبح .. ههه .. لا اله الا الله محمد رسول الله .. ماقلت شي ..
.. هالشله كلهم عيال عرب وحشام .. حتى مصبح بس عينه زايغه شويه وايد .. شاهين كبر احمد ماشالله عليه مزيون .. عليه بياض عج