قصة يدمى لها افؤاد

1. كنت متزوجه من زوج ونعم الازواج يحبني ويحترمني ويعزني


2. سافروا وخلو الولد عندي وكان الوقت شتا وكنت شابه الدوه(فحم)


3. والولد عمره تقريبا بين السنه وكم شهر واهو يلعب ويطامر

ياجماعة الخير هذي قصة حقيقيه
في وحده راحت للعمره واهي تصلي بالحرم اللي بذيك المراة اللي تصلي وتبكي
تصلي وتبكي وتدعي وتبكي
المراة استغربت منها وقالت اكيد لها سالفه وكان كل مابين فتره يجيها ولد شاب يكلمها ويروح ويشوف طلباتها
المراه اخذها الفضول واجلست بجانبها واسالتها ليش تبكين عسى ماشر
فردت وقالت لها والله من العذاب اللي فيني
وليش؟ شنو سالفتك؟؟!!
قالتلها اقولك قصتي وبعدين احكمي

كنت متزوجه من زوج ونعم الازواج يحبني ويحترمني ويعزني

بس كان فيني عيب اني ما اجيب اعيال وانا حاولت بس الله مارزقني فشرت عليه انه يتزوج ثانيه اهو مارضى بس انا ظليت احن واحن الين وافق
فدورتله على المرة وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها وماتمينا فتره الا والمراه حامل زادت غيرتي المهم جابت له ولد الزوج استانس وفرح وظليت انا افكر بروحي كيف انا اللي شرت عليه
في يوم جاني زوجي وقالي بسافر مع مرتي الثانيه وبنخلي الولد عندك
ووافقت طبعا لانه مافي احد يمسك الولد غيري

سافروا وخلو الولد عندي وكان الوقت شتا وكنت شابه الدوه(فحم)

والولد عمره تقريبا بين السنه وكم شهر واهو يلعب ويطامر

وانا بقلبي نار تشتعل مثل جمر الدوه كييف ياخذها ويسافر ولا !!ويخلي الولد عندي ........الخ من هالكلام وفجاه الا الولد يمد ايده بيلعب بالفحم اللي بالدوة ومن ناري وغيرتي مسكت ايديه وحطيتها اكثر بالفحم اللين ذابت ايده واهني شلتها بعدها مايحتاج اقولك كيف صارت ايد الولد
هنا حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث
وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
واهو اللي يشوف طلباتي وطلبات البيت ومو مقصر معاي بشي
بس انا كل ماشفته ايده يتقطع قلبي على اللي سويته فيه واهو ينادي بيمه بس لحد الان ماقلتله اني انا اللي شوهت ايده
ولازلت اعاني من العذاب وتانيب الضمير وادعي ربي يغفرلي ذنبي
سبحان الله اشلون حكمة ربك انه صار هالولد خير لي لولا هالولد كان انا حالتي حاله
ويرد اييها الولد واهو خاش ايده ويحب راسها ويسالها ها يمة نروح الحين؟؟؟
وعسى ان تكرهوا شيئا وهو خير لكم
منقول __________________