قصتي الشخصية مع المنشطات الجنسية

السلام عليكم ورحمة الله وبركاته
اللي دفعني لكتابة هذا الموضوع هو اني قريت رد لوحدة من الاخوات اللي اكتشفت ان زوجها يخبي عنها منشطات جنسية / في احد المنتديات / وكانت مرة مصدومة
وانا مريت فهذا الموقف بس انا ادخل من جوالي وياريت كان عندي امكانية اسجل في نفس الموقع بس ماقدرت
وبما اني مسجلة هنا راح اكتب قصتي وياريت اللي تعرف وحدة تعاني من نفس الشي تنقلها قصتي
انا وانا عروس زوجي كان يتعاطى المنشطات ويفهمني انها حبوب علاج عادية
وكملت شهرين لين ما يوم جيت ارتب ولقيت حبوبه والوصفه حقتها واكتشفت انها منشطات
المهم حبيباتي اختبصت وقلت يمكن مغضوب علي يمكن ما يحبني يمكن يحب غيري
اكيد انا ما اعجبه ومن هالكلام
بس من الخوف ماقدرت اصارحه وصرت ادور عالاشياء المثيرة من مشروبات ومأكولات
وصرت اهتم اكثر واكثر اني اغريه بس بدون ما يحس انها مقصودة
وصرت احسسه انه """"" فحل """" بكل ماتعنيه الكلمة وهذا اهم شي
حسسيه انه قوي بدونها ، وانك مستمتعه
تراهم ياخذونها مجرد خوف من انهم يفشلون وتطيح هيبتهم .. لا مرض ولا شي
واحاول افاجئة بوقت ما يمديه يروح ياخذ الحبوب فيه
يعني نكون نتفرج عالتلفزيون واجي اتدلع معاه وانسدح في حضنه وأكله عسل واخلطله اياه مع الحليب
واسويله سلطة جرجير وخس ،
والله والله والله يا بنات مع الوقت تركها في الشهر الخامس تقريباً فتحت الدولاب ارتبه قدامه وطلعت حبوبه قلت هذي باقي تحتاجها ولا خلاص راسك ماعاد يعورك ببراءة
قال لا لا ارميها قد انتهت
وهذي تجربتي الشخصية انا الالياذة .......
الله يخليكم ادعولي بالذرية الصالحة وان الله يسخر زوجي ويكرمني بالوظيفة
انا وكل مسلمة