قصتي كاملة انا الزوجة المعلقة

[ في البداية احب اعرف عن نفسي انا عمري 28 وعندي بنتين وحدة خمس سنوات والثانية سنة وحدة انا متخرجة من قسم الاحياء ولا حصلت وظيفة الا باهلي والراتب الحمدلله حلو والحين انا طالبة ماجستير .نبدا بقصتي انا تزوجت بعد ماتخرجت من الكلية عمري 22 وكان خاطبني واحد اخلاق وكان معلم وكان وحيد امه لان ابوة مطلق امه المهم وافقت بس ماعطيناه كلمه امي الله يحفضها كان لها صديقة الحين ماتت الله يرحمها ويسامحها كانت امي تقولها كل شي وقالت لها امي عن خطبتي وبعد يومين كلمت بنت صديقة امي تبغى تخطبني لولدها مع العلم ان ولدها كان خاطب بنت عمة بس على قولتها البنت هونت استخارت وومارتاحت المهم اهلي وافقوا على الثاني واسمه فهد لانه من نفس ديرتنا القصيم والاول كان من الشمال على قولتهم العادات وانا فرحت طبعا وكنت مبسوطة مع ان الاول كان افضل بكثير كان راعي دين بس القدر وكان من اسباب رفضي للاول انه جميل جدا وهذا غباء لان كان عندي اعتقاد ان الرجال اذا كان جميل بيشوف نفسه على زوجتة ووسبحان الله يوم رفضته حلمت فيه حلم انه مثل الذيب يلاحقني وانا اتخبى منه بالاخير ذبحته ويوم فسرته عند شيخ قال انه فيه واحد بيخطبك ويتعلق فيك بس انتي بترفضينه وهذا الي صار المهم هو تزوج والله يوفقه المهم تزوجنا فهد والزواج كان بسيط وكان بقاعة بسيطة ورحنا لبيتنا وكنت ساكنه فوق اهله وهذي المشكلة الكبيرة فهد كان عندة خمس خوات وحدة فيهم كانت مطلقة واكبر مني بسنه والثانية تزوجت بعدي باسبوع اخذت صديق اخوها والحين عندها بنتين ومبسوطه المهم تزوجت فهد واليوم الثاني سافرنا الدمام والمصيبة الكبرى بدال مايجلس يسولف بكلام حلو راح فهد يقص لي قصته مع بنت عمة وان علاقتهم كانت مدتها 13 سنه حب كانوا يكلمون بعض ويتقابلون والي عرفته انه يحبها مرره بس مدري ليش رفضته انا انصدمت الي عرفته انه خطبها ورفضت عادي ماكنت ادري انها قصة حب المهم جلسنا بالدمام اسبوع ورجعنا على شان زواج اخته بعدين جلسنا اسبوع بالرياض بعدين سافرنا الجنوب نتمشى بس عرفت انه عصبي وملقوف اذا جلست اسولف مع اهلي بالجوال يجلس يعلق على كل كلمة ورجعنا الرياض كان فهد عصبي بس انا كنت مسالمة جدا وخوافة حتى اهلة كانوا ملاقيف تخيلو كل شوي امه تتصل تسال نام فهد اكل فهد وش سوى فهد كني ماخذه واحد عمرة سنه هذا من غير انزلي يافلانه انزلي وكل يوم ماصار اي خصوصية واذا جو اهلي يدقون من عندك المهم بعد مررو 6 شهور حملت ببنتي الاول وبعدها تغير كل شي صار فهد يمد ايدينه علي وكان يعصب اكثر من اول وانا كنت مسالمة ولا اشكي المهم كان يهبل فيني حتى يوم ولدت بنتي مازارني بالمستشفي وبالاربعين بهذل فيني ويوم طلعت من الاربعين اخذني وخلاني ابكي من القهر قام يهاوش ليش مادتدقين علي وليش وليش المهم بعد الفتره هذي اكتشفت ان فهد كان يستخدم ممنوعات مع الدخان وحاولت معه واهله كانوا عارفين حسبي الله ومره يتركة ومره يرجع له وكانت حياتنا مشاكل كان يلعن ويقول الفاظ قذرة كنت ازعل وارجع له من حبي له ومدري على ايش بعدين ارادا الله اني احمل ببنتي الثانيه وانا كنت مسويه مانع بس ارادة الله فوق كل شي وكنت زعلانه مره وكنت اقول يارب يموت ماكنت ابد مستعدة لحمل من المشاكل مع اني دخلت اهلة بالموضوع بس يتعدل شهر ويرجع بعد شهر نفس الحالة ولا بعد اكتشفت انه يكلم بنات وصارت مشاكل المهم بعد ماجبت بنتي الثانيه تغير كل شي طبعا انا نسيت اقولكم انه كان فيه مشاكل مع اهلة بس كنت خوافة وكانوا البنات يحرشون امهم المشكله اشياء تافهه امه تهاوش ليش ماتكلمين ليش ماتنزلين ليش ماتدخلين المطبخ تخيلو يابنات يبوني اترك بناتي واساعدهم مع اني ماقصر بالعزايم انا اسوي اغلب الاصناف بس مادري وش يبون حتى القهوة انا اصبها طيب عندها 5 بنات وش تبي مني الحين مايكفي اني مستحملة ولدها وبعد هي وبناتها والله فيه اشياء كثيرة ومواقف تشيب الراس بس موب وقته اقوله ايه نسيت اقولكم اخته المطلقة تزوجت مرتين بنفس السنه وتطلقت والحين هي متزوجه مره ثالثه من واحد مطلق بس مره مبسوطه وعندها ولد وحامل مرره مدلعها نرجع لقصتي بعد ماجبت نوري تخيلو حتى اهلة مازاروني وخواته كان يطلعون كلام عني اني اقول وافعل حسبي الله ونعم الوكيل مادري ليش يكرهوني مع العلم ان خواته اذا كرهوا الواحد صارت امهم مثلهم مع اني ماسويت لهم شي حتى ملابسي واغراضي اعطيهم ولا عمري قلت لهم لا ويمكن هذا الي خلاهم يكرهوني المهم فهد بعد ماجبت نوره تغير زيادة خصوصا بعد مادرست ماجستير صار يكرهني ولا كان يوديني ولا يجيب كتب المهم وحده من خواته دقت وكان جوالي مقطوع الي قلت انه توها متزوجة وعندها ولد ولا رديت قامت ارسلت لي رساله تقول انتي قليلة ادب انا سفهتها ولا رديت وقلت له ماراح انزل لهلك الا اذا اعتذرت بس هو قالي تحلمين اختي تعذرلك انتي المهم انا انقطعت عنهم صرت انزل اسلم وارقى الام زعلت وقامت تهاوش وتقول فلان طلق زوجته علشان امه ومن سواليف الحريم