قصتي للعظه والعبره

اخواتي هذي مو دايم اكتب في المنتدي بس حبيت أقولكم قصتي للعظه والعبره . وأرجو من الله انه يسامحني ويغفر لي.
أنا بأخواتي قبل سنه تقريبا خطبني واحد وكان أخلاق ويصلي لكن وظيفه ضعيفه وانا وظيفتي احسن وتعليمي أقوي . بعد السؤال عنه وافقت وتحمست وكنت فرحانه ولكني بعدين تأثرت بكلام
الناس الي قالو مو من مستواك وانتي تاخذين احس منه. ترددت وبعدين استخرت ورفضته. طبعا ماصارت ملكه ولاشي مجرد كلام كان بين الاهل.
لكن بعد مارفضت بفتره تندمت وكنت بس ابكي وأقول اني ضيعت فرصه وانتي كنت غبيه يوم رفضت وانا كبيره وممكن محد يجيني بعده. ونفسيتي صارت زفت.
بعدها قررت اتغير وألجا الي الله . لأني كنت ابغا ارتاح.
كنت مدمنه أغاني بمعني الكلمه. لازم كل يوم ع الأقل ساعه اسمع فيها اغنيه. كنت أصلي كل الفروض لكن كنت انام عن صلاه الفجر.
بعد ذا الموقف تركت الأغاني تماماً. وصرت اقرأ سوره البقره كل يوم كل يوم. وصوت أصلي كل الفروض في وقتها حتي الفجر. والله بأخواتي حياتي صارت احلا وارتحت كثير ونسيت موضوع العريس.
وبعد 6 شهور من التغير. رجع نفس العريس الي رفضته و خطبني مره ثانيه.
مره فرحت كنت بطير من الفرح. احس كأني في حلم . ماكنت مصدقه انه يرجع بعد كارفضناه.
صارت الشوفه واتفقنا ع كل شي . وجددنا انه موعد الملكه بعد كم شهر.
في خلال ذي الفتره رجعت زي اول .
رجعت للأغاني صح مو زي زمان. بس رجعت أسمعها. تركت سوره البقره. صرت اقرأها يوم وافوت 3 ايام وصرت انام عن الفجر. وكنت احس يقهر وتانيب ضمير. لكن الشيطان كان اقًوا
واستمريت ع ذا الحال. وكنت كل يوم انا وامي نقول اش بتسوي في الملكه واش البس و و و و و.
وقبل موعد الملكه بشهر اتصلو اهل العريس وقالو
أنهم يبغون ينهون الموضوع واعتذرو من أهلي
انا انصدمت صدمه مره قويه.
عجزت اتكلم حسيت كأني بحلم
لكني عرفت انه عقاب لي من الله
وانا الآن اتمني من الله يسامحني ويغفرلي . وانا ندمانه ع الي سويته مو عشان طار العريس لا. لأني مستحيه من الله . أكرمني وانا عصيته
وانا أنصحكم بأخواتي خليكم مع الله في السرا والضرا
والاتغلطون غلطتي
ولاتنسوني من الدعا