قصتي مع الشغالة

قبل أسبوع وكل عادة أي وحده تروح تزور أهلها يوم الأربعاء و الخميس وأنا أخذ معي الشغالة علشان تعاوني على بنتي وهي متعودة تغير ملابسها أو حفاضها في غرفة الضيوف وفي ذاك اليوم كان عندهم عمال يعدلون في غرفة الوالد والوالدة علشان كذا رفعت أغراضهم كلها في غرفة الضيوف ومن ضمن الأغراض مبلغ 3400 ريال حطتهم الوالدة في شنطتها ونست تدخلهم بالخزنة وكانت الشنطة على التسريحة في اليوم ذاك فتحت الوالدة الغرفة لشغالة تغير ملابس بنتي هذا يوم الأربعاء ويوم الخميس نفس الحالة بس نشغلنا بعزيمة رجال يعني محد دخل الغرفة غيرها ................بعد يومين أتصلت الوالدة علي وتقول أنها ما لقت الفلوس وهي متأكدة أنها بالشنطة بعدها سألتها انتي فتحتي الغرفة لشغالاتك ردت لا على طول تجت في بالي شغالتي وجلست التذكر مع الوالدة أني شغالتي يوم الأربعاء ما معها أي غرض ويوم الخميس جابت معها كيس تقول أن فيها أغراض لها يعني أنتبهت للفلوس يوم الأربعاء وجابت الكيس يوم الخميس .....كلمت زوجي وقالي صعبه نتهمها غرم أننا متأكدين انها هي ألي أخذتها وقعدنا نفكر أنا وهو وقال وش رايك بكرة الصباح تكلمين الشغالة وتقولين لها أن أمك فقدت فلوس وهي زعلانه ولا تذكر وين حطتها نبي نروح العصر أنا وأنتي هناك ونساعدهم في التفتيش عليها بعدها سألت زوجي وش معنى الصباح أقولها قال علشان تعطينها فرصة تفكر أو أذا كانت مخبيتها تقدر طلعها من غرفتها من دون محد يشوفها لأن معها شغالات أهل زوجي وشغالة أخته
وفعلايوم الأحد كلمتها وهي ولا كأنها مسويه شي ورحنا العصر وقلت للوالدة شوفي أحنا كلنا نشتغل بالبحث علشان ما تحس بشي وهي خليها تدور لحالها في غرفة الضيوف يمكن ترجعها وخلينها تقريب نص ساعة لأن الغرفه فيها أغراض كثير وجينها وقالت ما في شي ردتي على الوالدة وبحسس الشغالة وقلت لها اكيد أحد أخذهم يعني سويت شويت تخويف وطلعنا وقلت خلي الغرفة فتوحه وكل شي يرجع طبيعي وأذا رجعت لبيتي فتشوا وأعطوني خبر وفعلا أتصلت الوالدة تقول أنها لقت الفلوس في داخل الدولاب بين الملابس يعني رجعت الشغالة الفلوس من دون أي أزعاج ونجحت الفكرة وكان البطل فيها زوجي