قصتي مع الفرد

بسم الله
كيف حالكم يا فروشات
ببدأ لكم في قصتي مع الفرد
فيه وحده من قريباتي راحت لمشغل قريب لنا وشافت عندهم اعلان عن الفرد بالبروتين
سألت صاحبة المشغل عنه قالت ان هذا الفرد عباره عن مواد مفيده للشعر وغير عن أنواع الفرد العادي
وهو يعتمد على استعمال الكوايه وهذا الفرد يخلي شعرك كأنه مستشور وانا من النوع اللي ما احب اوهق
الناس في شي وجربته على نفسي اول والسراحه انه حلو مره بس اطلع من دوره المياه كاني مستشوره
المهم قريبتي هذي اعجبته الفكره لكن يبغالها تفكير وبعد اسبوع قررت انها تفرد شعرها
انا شفت شعرها السراحه يجنن مرره ودخلت في بالي الفكره وقررت اني افرد مثلها كله علشان نبعد عن الاستشوار خصوصا ان الفرد كأنه استشوار متعوب عليه وبعد تفكير فرد شعري
المهم بعد ما فردت شعري كان السراحه روعه خصوصا ان شعري ناعم وخفيف
حتى انه ناسب لي الفرد اكثر من قريبتي واللي يشوفني ويشوفها يقول انه منا سبني اكثر منها مع ان
شعرها نفس الشي ناعم لكن شعرته سميكه
وما تتصورون كيف كانت فرحتي وانا شعري مثل الحرير يطيح على وجهي والبكله والقباصه تطيح منه
من شد ماهو سايح
كل القصه هذي عشان بقولكم
انه بعد 4 شهور ونصف احس ان شعري يطيح بشكل غير طبيعي مو ينصاقط لا يطيح
وانا اخاف بيوم من الايام اكون صلعاء مع العلم انهم قالو لنا المشغل قبل لا افرد انه ما يسبب تساقط
ابدا بلعكس هذا مفيد وعباره عن مواد طبيعيه
قريبتي اللي فردت قبلي بشهر شعرها ما شاء الله الى الان حلو ممكن يكون فيه تساقط بسيط
بس من قبل لا تفرد وانا ما كان شعري يتساقط
انا الان مره متضايقه وابي حل اللي عندها شي ممكن اني استفيد منه
الله يجزاها خير تفيدني المشكله انه اقارب زوجي بعد ما شافو شعري راحو يفردون شعورهم
انا محتاره الان وش اسوي ووش الحل
اللي تعطيني حل الله يوفقها راح ادعي لها
واعذروني على الاطاله