قصتي مع زوجي اقريها يمكن تفيدك

اهلين بالفراشات الحلوين
ببدأ على طول وبدون مقدمات
القصه ومافيها كنا في الأجازه الصيفيه ومعروف اجازه يعني كثرة زواجات وافراح
في ليله كان زواج عيال عم زوجي ثنين مع بعض
طبعا في يوم الزواج كان زوجي معهم وهم يتجهزون للحفله ويترتبون تقريبا من الصبح
ومارجع الاالعصر ---عشان يتسبح ويتجهز للحفله
المهم حسيته من يوم رجع وهو باله مشغول ويفكر----سألته وانكر وقال مافيني شئ
جا المغرب وبدأ يلبس ويتجهز وهو يلبس قال تصدقين ان اصدقائي وربعي اليوم وحنا عند العرسان
قالوا لنا ياالمتزوجين لو ان المعرسين انتم ----- حسيت بصدمه يعني ابو الشباب وده انه العريس
ولبس وطلع قعدت افكر---قلت دامه يفكر انه يصير عريس ليه ماأحسسه بجو العرس انا
طبعا على طول اخذت عيالي ووديتهم عند امي ورحت السوق مع اخوي واشتريت اغراض بسرعه
للعرس الصغير الي يسويه --خ
بخرت البيت وعدت ترتيبه وحطيت كنبين جنب بعض ولفيت عليهم شراشف بلون احمر
ورميت تحتهم خديدات حمرا وجهزت كاسين عصير مع الثلج ولبست قميص نوم ابيض كأنه فستان
زفاف وحطيت على جسمي انواع العطوروكنت مسويه مكياج خفيف
وحطيت سي دي لزفه حلو وجهزته وحطيت شمع صفين من اول مايدخل من يمين ويسار
طبعا ماجهزت عشا لأنه بيتعشى برى --واتصلت عليه وقلت امانه اذا زفيتوا المعرسين
ارسل لي رساله ----خطه عشان اقوله يجي خ
الهم جهزت الشمع والمباخر ثنتين عند الكوشه خ الي سويتها ورميت الورود على الأرض
ولمى ارسل رساله لي --------قال زفوهم
رديت عليه برساله كتبت فيها
وانت ياقلبي ماودك تنزف لعروسك-----تراي انتظرك --جا طيران خ
وبديت استعد وشعلت البخور لمى سمعت صوت الباب شغلت الزفه وشعلت الشموع وفكيت شعري
بدون تسريحه وجلست في الكوشه
دخل وانبهر وكان ماهو مصدق والله يابنات باين الرضا والسعاده بوجهه
كنت حاطه البشت على الكنب فهم قصدي ولبس البشت على طول وجا وجلس وقال كيف خطرت على
بالك والله اني احس كأني عريس الليله واتوقع عرسان الليله ماهم بكثر سعادتي ولاأحد بيسوي لهم
مثلك يااحلى عروس --جلسنا وسولفنا وشربنا العصير ومشينا ويدي بيده لغرفتنا وكنت مجهزتها
ومبخرتها ومجهزه له بجامه جديده و كاتبه على السرير احبك يااحلى عريس بالورد المجفف ومشعله
شمع بصورت قلب ودخلنا غرفتنا -------هاه وين يافراشات عيب تدخلون خ
ماهو نسيته العرس الأنسيته اسمه --------خ
وسلامتكم وقولولي وش رايكم والله الله بالردود