قصتي مع زوجي الذي سافر بدون علمي

1. لكن!!!!


2. هنأ المفاجأه

صباح/مساء الخير لكل فراشه اعتبرها اختي وحبيبتي وصديقتي وملجأي وقت الشده
كيفكم يا فراشات؟؟ ان شاء الله تمام..
مالكم بالطويله سؤال محيرني وانا الحين لي فتره كاتمه موضوعي ما قلته حتى لاهلي..
اتمنى من اخواتي وكل من يقرا الموضوع ما يبخل علي برأيه الذي ربما اصلح لي شأني او على الأقل تترك لي دعوة ولك بإذن الله مثلها وحرصا مني على الموضوع يا اخواتي المشرفات استوفيت جميع الشروط..
حبيباتي اللواتي لا اراهم ولكن يعلم الله اني احبكم من كل قلبي واعلم انكن ستنصحوني بما ترونه مناسبا..
بسم الله: بتكلم بالعاميه عشان اخذ راحتي وتخبرون حابستها في قلبي ابي افضفض.
زوجي لازم كل سنه يروح مع اخوياه يسافرون احد الدول العرييه المشهوره بالترزز (احتفظ بالإسم لان ادارة المنتدى تمنع ذلك)
المهم كل سنه اسوي هليله مره ازعل مره العن خيره مره اروح لاهلي مره اناقشه قبل ما يسافر واذا جا اسكت واجلس شهور وانا صامته واادي واجباتي بصمت بدون اي تعليق ع السفره كنه ما سافر ومره جيته بالذوق والدعاء يعني كل شي حاولت فيه معليش كل شي سويته وكل حيله لعبتها

لكن!!!!

هالمره غير سافر للعمل في بريطانيا مدة 4 ايام قال لي بمدد هناك واخوياي بيلحقوني وبجي بعدها بأسبوع عادة انا اذا كانت رحلة عمل اجهز له الشنطه وادلعه واودعه واكلمه وهو هناك وارسل له عشان يحس بالفرق ويعرف انه اذا كانت رحلة عمل انه ما عندي مشكله بس تتسيح وتفلها انت واخوياك لا
طبعا يوم قال لي عفطت وجهي وقلت ليه تمدد المهم مشيت الموضوع وانا ضايقه وما رضيت ع السالفه بس ما كبرتها وكنت اكلمه وهو هناك على خفيف..
عرفت متى بيرجع ورحت للبيت بعد ما رتبته قبلها بيومين طبعا هو ما توقعني موجوده يحسب اني زي العاده عند اهلي استقبلنه عادي وكان تعبان <<تعبان من الترزز عاد يوم نام

هنأ المفاجأه

فتحت جوازه وانا انتفض قلبي حاس ان السالفه فيها ان ولقيت ختم السفاره ال!!!! وقعدت اصيح لحالي وابكي بقهر وحرقه جلس اربع ايام في بريطانيا بعدين طلع وراح للدوله العربيه 9ايام انا قايله الله اكبر على اخوياه اللي بيروحون بريطانيا عيت تدخل مخي لا والمشكله اذا كلمني اسمع اصوات هيصه وازعاج واقوله وينك يقول انا مع اخوياي حقين العمل نتكلم في الشغل في القهوه!!!كذووب
عاد سبحان اللي نزل على قلبي السكينه واجي قلت يابنت اسكتي هالمره وفكري زين وش تسوين
والحين لي اسبوع ساكته وعادي كني مشتاقه له ومبسوطه بجيته واطبخ وارتب واتزين وعادي واقوله هاه كيف جو برا يقول زين ودي اجلده وبين فتره وفتره احس ودي اصيح واطيح كم دمعه اروح للحمام واصيح شوي وارجع ياناس مدري وش اسوي طبعا انا ناويه اني كأني اتفاجأ واني كنت مصدقه انه مسافر بريطانيا (((( ياربيه ما تتخيلون شلون الاستغفال والخديعه تقهر)) انا عندي صديقه يشتغل زوجها في المطار وودي اني مثلا اقول ان صاحبتي كانت عارفه بس انها مخبيه علي راحمتي وكأنها ارسلت لي رساله تعلمني تقول:اني ما حبيت ابلغك انه كان راجع من هذي الرحله عشان ما اضيق صدرك وانتي في البيت راجعه تستقبلينه.. وش رايكم؟؟ طبعا هي مو من الباب راحت تسأل عن رحلته بخلي كني انا هذالك اليوم اللي بيرجع فيه كاني سألتها وقلت اسالي زوجك بيرجع اي ساعه طبعا لان زوجي ما علمني..؟؟
ياربي والله مدري وش الصح ووش الغلط هل انا اسكت وبس واقعد على غبائي !!! هل هذا صح!!والا بيصير يعيدها وياسلام والا وش اسوي؟؟ ابي حل مناسب يخلي يحسب حسابي ابي حكمه..يارب توفق وتسعد وتفرج على كال وحده ترد علي بدعيلها من كل قلبي...
احبكم.