قصتي من خطبتي الى

السلام عليكم ورحمته الله وبركاته
صباح/مساء الخير
كل عام وانتم بخير
تقبل الله منا ومنكم صالح الاعمال
من فتره كنت ابغى انزل قصتي بس ما تشجعت الا يوم شفت قصة رمش وأهداب شجعتني اني انزل سالفتي
المهم ما ابي اطول عليكم
ابدا قصتي بتعريف نفس عليكم انا بنت ادرس بالجامعه محبوبه عند الناس تقدم لخطبتي اثين كلهم نفس العمر وكلهم عندهم خير بس انا بنت حالتنا الماديه جيده جدا
ومعيشتنا باحساسي انها افضل من غيري كل شي عندي بس ابن ادم طماع ما يملي عينه غير التراب
المهم الاول اللي تقدم لي شاب يدرس بالجامعه ومؤذن والثاني ولد ناس اغنياء ويدرس وانسان عادي
الاول سال الوالد عنه في كل مكان بالجامعه والمسجد والجيران والكل يمدحه اما الثاني ما سال الوالد عنه وقالوله الناس اللي مرسلينه انها منخطبه
المهم جت امي وقالتي السالفه وانا على طول ردت فعلي رفضت بدون ما اعرف منهو او وش اخلاقه حاولت امي تقنعني اني اسمعها المهم شوي شوي لين امي اقنعتي بان هذي سنه الحياء
وابوي تحمس وقالي بينفعك دنيا واخره قلت خالص اوكيه بس عندي شرط قال ابوي وشو الشرط
قلت تعلمه باني بنت عاديه احب البس اللي ابغى البس قصير والبس بنطلون ببلوزه طويله واشوف دش
قال ابوي خلاص تم وانا قصدي من هالشرط عشان ما ابدا حياتي بمشاكل مالها اول ولا تالي ولاني ما احب اواجه المشاكل
من اليوم الثاني راح له ابوي بالمسجد وفهمه وقال الولد انا موافق عليها بكل شي
جاء الوالد وقالي بس انا ما ارتحت واصريت انه يجيبه عندنا ويكلمه عشان انا اسع موافقته
المهم جاء الولد عندنا بالبيت قاله ابوي وانا عند الشباك هو وافق قلت خلاص اذا هو موافق علي انا بعد موافقه عليه.
كلمت امي امه من بكره وجو وشافوني واعجبتهم من بكره جاء هو عشان الشوفه الشرعيه واعجبته
تمت الخطبه والملكه ودقت امه على امي <<<مع العلم انهم ما يقربون لنا ولاهم من نفس العائله<<<
وطلبت رقم جوالي عشان العريس يدق علي وكنت اكلمه وهو يكلمني في الاسبوع مره وكانت مكالمته لي من نص ساعه الى ساعه وكلها عن الجامعه
واذا سالته عن نفسه او عن اهله يغير الموضوع وفي يوم من الايام دق على وقال وين تبغين نروح شهر العسل
المهم انا قلت له انت اختار لانك لو تبي تروح للمريخ رحت معك مهب مشكله المهم هو اختار خارجي (ماليزيا)
قلت له اوكيه حلو وبدا يحجز تذاكر وياله لقى حجز ويكلمني وهو ميت من الفرحه انه لقى حجز انا استانست من وناسته
وحسيت انه متحمس يوم جاء من بكره دق ابوه على ابوي وقاله اني ماودي يسافرون لمايزيا قال ابوي وش السبب او المانع
من سفرهم قال ابوه:انه توه صغير واني خايف على بنتكم وانا ابغاك تكلمه وتمنعه انه مايروح خارجي
ناداه ابوي عنده بالدوام وقاله الولد كانت ردت فعله قال اخاف زوجتي تزعل قصده انا قال له ابوي لا انا افهمها الموضوع كله
وانا اصلا ما عندي مانع في اي مكان(عسى ان تكرهو شيئاً وهو خير لكم)المهم ما جاب لي طاري عن اي شي صار ولا قالي اننا غيرنا
وجهتنا انا داريه من ابوي بس ما قلت له هو المفروض اللي يقولي راحت الايام وبدات الامتحانات ولهيت بالمذاكره وامتحنت ويوم جت
الاجازه جاء ابوي انتداب لمصر ورحنا معه وبعد اسبوعين رجعنا من السفر كلمني وقال ترا الحجز في 21_6 يعني بعد اسبوع من رجعتنا
سوينا زواج عائلي في استراحه (وبدات من هنا المشاكل) وكان فستان الزواج شاريته من مصر وكان عاري نوعا ما هو انبهر من
الفستان المهم طلعنا من الاستراحه
ورحنا لفندق وكان الفندق هو فندق الفيصليه اول ما جينا للفندق قال خلينا ننزل نتمشى شوي نزلنا وطلعنا للغرفه وتعشينا وقالي بطلع
وتركني بالفندق رحت ولبست قميص نوم اول ليله وكان لونه اوف وايت يجنن القميص المهم استناه يجي ما جاء اذن الفجر صليت ونمت على
الاريكه وشوي ما حسيت نفسي الا واسمع احد يصارخ علي ويهاوش انا ما استوعبت الامر قلت له وش السالفه .
قالي من اليوم وانا اطق الباب ليه ما فتحتي لي قلت له والله ما حسيت ولا سمعت المهم قالي قومي نومي في السرير قمت ونمت ما حسيت
الا وهو يقومني الظهر قمت وتروشت ولبست ورحنا تغدينا بالمطعم ورحت اسلم على اهلي لاني العصر بروح اسفر لاماكن انا ما ادري وين وجهتي له
بالضبط المهم كانت تصرفاته تقهر نوعا ما يوم ركبنا الطياره سالته وين بروح المهم كانت اول وجهه لنا هي المدينه المنوره وصلنا للفندق
قبل صلاه المغرب نزلنا الاغراض ورحنا نصلي المغرب والعشاء وجته نزله معويه من اكل المطعم وجلس بفراشه كل اليوم ومن بكره الظهر رحنا لمكه
وياليتنا مارحنا اولا ما اخذنا عمره <<<طبعا كل هذيك الايام ماصاربيني وبينه ولا شي نزلنا للحرم ومسك يدي للمسكه الاولى في حياته جلسنا شوي في
الحرم ورجعنا للفندق قالي ماودك تنامين قلت له الا وكنت تعبانه مره المهم انه قالي تعبانه قلت له ايه اليوم كان تعب مره انا طبعا ما فهمت
قصده نمت ويوم قمت مت بكره الا والرجال زعلان صار يطلع ويخليني بالفندق المهم جاء بعد صلاه المغرب وقال لي بنطلع بنروح للسوق نتمشى قلت له اوكيه
رحنا لسوق اللي فيه اسواق الدانوب وشوي الا وهو داخل محل عبايات قلت له ما ابي عبايه قالي طيب انا ابيك تغيرين عبايتك المهم انه فشلني عند راعي
المحل يمني وقلتله اوعدك اذا رجعت لرياض اني اغير عباتي انا زعلت على حركته الاكثر من بايخه وقلت له لو انك قايلي بالفندق ترا احسن من انك
تفشلني وكان بعد العشاء رحنا لجده لانو رحلتنا الفجر بنروح لابها وسافرنا لابها ووصلنا الصبح ورحنا للفندق ونمنا الى العصر وطلعنا نتمشى الى المغرب
وجاء وحطني بالفندق وطلع وخلاني الى الساعه 9 يوم جاء نام على طول وانا اجلس الى الفجر لحالي ويوم جاء اليوم الثاني قمت الظهر وما لقيته موجود كان طالع
دقيت عليه اشوف وينه وجاء وطلعنا ويوم جاء نص العصر حطني بالفندق وراح وخلاني الى الساعه 10وانا اجلس الى الفجر لحالي طفشت حسيت اني مو متزوجه حسيت اني مسجونه
وقررت اتفاهم معه وقلت له اني طفشت من هالحاله المهم طلعني اليوم كامل ومن بكره عكس طلعت حول العصر ورجهنا المغرب وخلاني الفندق ورجع بعد العشاء قالي ما ودك
تنامين قلت له اذا بتنام انا بنام <<<فهمت قصده ههه المهم حاول انه يجيني وانا مستسلمه له وقلبي بيطلع من مكانه وجهي الوانه تتغير المهم الطامه
الكبرى اللي انا ما اعرف عنها شي كان يبغاني اتعرى له قلت له اسمحلي انا انسانه استحي المهم هو زعل وقام تروش وخلاني وطلع المهم جاني متاخر وهو زعلان ونام
من بكره كلمت امي الا وهي تعبانه ومسويه عمليه بدون ما اعرف وكانو كلهم يدرون ودريت من خالتي وقعدت اصيح وبدا هو يهديني وقالي اللي تبين قولي لي واسويه
قلت له ابي ارجع هو راح للمطار عشان يقدم الحجز وخلاني يوم كامل في الفندق وزعل ابوي علي عشاني برجع وهو ما لقى حجز وكل يوم عن الثاني هو يروح ويخليني في الفندق
وكان ذاك اليوم بيطلع قالي تبين شي هذا الكلام كان المغرب قلت ايه ابغى مويه قال خلاص اذا جيت جبت معي قلت اوكيه جلست الين الليل وما جاب مويه نمت وانت لا اكلت
ولا شربت مويه يوم جاء الظهر قالي:تخيلي قمت الصبح ادور مويه بالثلاجه مالقيت نزلت لسياره وشربت مويه حاره انا ضحكت قال وش يضحكك قلت كما تدين تدان هوتغير وجهه
جا من بكره وكان موعد الرحله الساعه 5 العصر جاني الظهر وانا مجهزه اغراضي وجاهزه دق علي قالي خلصتي قلت له ايه عشان بنطلع من الفندق جاء وانا لابسه عباتي
قالي تعالي جبت لك هديه انا استانست لانه فيه شوي امل يذكرني بشي جيت وجلست جنبه وصارت الهديه عبايه طبعا ضحتك قلت هذي الهديه حسبالي ذهي ولا الماس
قالي البسيها انا رقضت وتهاوشنا على هالشي و قالي كنك عار علي مقدر ارفع راسي وانت معي وبدا يهزا قلت له بلبسها بشرط الين نوصل لرياض بس هو وافق وبدا كل يوم
يجرحني بكلامه رجعت لرياض تقريبا 11 الليل حطني بالشقه وراح لبيت اهله قمت دقيت على امي وقلت لها الحين تجون تاخذوني انا ما ابغاه خلاص طفشت
منه وكل يوم عن الثاني يكبر كرهي له من اسلوبه وتعامله معي المهم امي هدتني وقالت الصبح اخلي ابوك يجي وياخذك ويوم جت الساعه 1 ونص جاء هو للبيت قلت له
تعال لازم نتفاهم على كل شي صار قمت لفيت عبايته وعطيته اياه وقلت له مره ثانيه لاتلزمني بشي ولا تقشلني(دققو في الكلام)وقلت له ترى باسلوبك هذا بتكرهني فيك
وكل ما جيت اتفاهم معه يقوم وانا اعيي عليه لين اكمل كلامي وقلت له بكره ابوي بيجي لك يكلمك سفهني وراح لغرفة النوم وانا بالصاله وتقريبا نص ساعه طلع من البيت
حتى نام برا راح له ابوي يكلمه وصار يتكلم كلام لابوي كنه شاعر وهو من جنبها وقال لابوي انها ترفع صوتها على جاء ابوي واخذني ونمت عند اهلي 4 ايام ولا دق ولا شي
وموهم اهلي انه يحبني وان الغلط مني في هالاربع ايام اقنعني ابوي اني ارجع له قمت ودقيت عليه انا وعزمته على العشاء ورفض عزيمتي وقال اجلسي يومين عند اهلك انا
تفشلت من اهلي ورده لي جلست يومين
جاء اخذني ورحت معه للبيت حطني وراح لبست وتزينت لاني بروح لاهله وهذي اول روحه لي وكنت لابسه تنوره جنز طويله روعه وبلوزه مشجره حول الكت واهبلو على شكلي
رجعنا وتركني وراح يسهر ويوم جاء لقاني نايمه مع العلم بعد الفجر يوم قمت الظهر ما لقيته وما جاني الا بعد العصر تعودت على هالحاله
يوم جاء تغدينا وجاء بيطلع قلت له على وين قال بروح مع عيال خالتي واصدقائي قلت له متى تجي عشان نروح نتمشى وعازمتك على العشاء قالي بجي الساعه1 تخيلو من العصر
الى الساعه وحده بيخليني في الشقه قلت له ما على توديني لاهلي وافق يوم جاء فالليل دق على وانا عند اهلي وقال نومي عندم وهذي حالتنا انا مليت من الوضع
واليوم الثاني جاء واخذني من بيت اهلي وقال ان امي مسويه لك عزيمه والعزيمه في استراحه ومافيها الا خلاته وبناتهم رحت للبيت ولبست وفي هذا اليوم جتني الدوره
رحنا للاستراحه ودرت امه ان علي الدوره وقالت له خالاته استانسو على وكانت السهره حلوه ومادرينا الا واذن الفجر رجعنا لليت حول الساعه 6 الصبح وحنا تعبانين حتى
هو كان يقول لي اني تعبان يوم جيت انزل من السياره قالي فيك الدوره انا الصراحه استغربت من سؤاله قلت له ايه المهم خلاني بالبيت وراح وخلاني نمت وخليته مدري متى
جاءيوم قمت العصر ما لقيته جاء وجاب معه غداء قالي اني بروح للشرقيه اليوم وبودك لاهلك انا استغربت قال بروح احجز شاليهات عشان بنروح قلت له اوكيه وعمته ساكنه بالشرقيه
وجت هي وزوجها للرياض كلمته من بكرى قلت وينك قال اني عند زوج عمتي وزوج عمته بالرياض وشلون <<<<صار يلعب علي قفلت الجوال وقعت اصيح قالت امي وش فيك فلت يكذب علي
قالت ووش لون واعلمها السالفه دقت عليه امي تتفاهم معه قال لها حرام الواحد يروح يتنفه قال ابوي لامي لازم نوديها دكتور نفسي لانه الله يجزاه خير مطلع علي كلام
اني اتكلم من غير ما احس واتكلم بخرابيط يعني خلاني كني مجنونه ورحت ل4 دكاتره وكلهم يقولون ما فيها شي ورحت قريت عند الشيخ بعد ما فيني شي قلت له رح اقرا عند
الشيخ عيا وقال انا مهب زيك تعبان المهم من ذاك اليوم حقدت عليه كلمه ابوي وقال له خلها عندنا يومين وافق هو
بس اذا جا بيجي اعيي لاني حاقده وبعد كم يوم دق على ابوي وقال انها ما تنفع لي وابي اطلقها قال له ابوي سوي اللي تشوفه
وكان هذا الكلام اول رمضان الماضي ويوم جاء 7رمضان دق علي واول مارديت سلم وسألني سؤال ومن نبرة صوته انه معصب وبيحط الحره فيني
سالني بالله اذا انا مرتاحه معه ولا لا وكان جوابي قلت له مادام انك سالتني بالله باجوابك بالصراحه انا والله ما ارتحت معك هو عصب
وجن جنونه من الجواب وبدا يهزا سكر الجوال اذا مادقيت عليه انا هو مايدق علي ويوم جاء27من رمضان دقيت عليه واعلمه ان اهلي عازمينه يوم العيد
وسالته وين بيتعيد وقلت له تعال خذني باتعيد معكم وكان رده اليمه بالنسبه وحده متحمسه تبدا حيات سعيده قالي تعيدي عن اهلك قلت له اوكيه بتعيد
عند اهلي بس ابي ملابس العيد من البيت وترا ليلة العيد بجي لبيت ما امداني اكمل كلامي الا قالي:لالالالالالالالالالالالا قلت وش لا قال لاتروحين للبيت
قلت له ليه منصرق البيت ولا محترق قال لي لا بس غيرت الكوالين اذا بتجون دقي علي وقوليلي عشان افتح لكم الباب قلت اوكيه
وصكرت الجوال وحسيت اني زاد الهم فيني من اسلوبه ايه جاء ليله العيد دقيت على جوال ولا يرد وابوي واخوي وامي كلنا ندق عليه
ولا مجيب وقت امي للمره الاخيره يرداخوه الصغير وقال انه معتكف المفروض الاعتكاف يخلص بس الحمدلله على كل حال رضيت بقضاء الله
وقدره ومن اول المشكله كان ابوي وامي واقفين معه وانا الغلطانه واخوي هو اللي واقف معي وبعد ما سوا هالحركه بدو يعرفون انه هو الغلطان مهب انا
بعد العيد بكم يوم جاء اخوي مسافر برا يدرس وراح هو وابوي بيكلمونه مالقوه راحوبعدها مره ثانيه بعد مالقوه قالو ما لنا الا نكلم ابوه
كلمو ابوه وقال ماعلي انا بالمشكله كلموه هو وناداه ابوه وقعدو يتفاهمون معه بدا يطلع كلام وحركات انا ماسويتها ومن هالحركات اني ذبيت العبايه في
وجهه واني انا قايله اكرهك وانا قايله له باسلوبك هذا بتكرهني فيك واني ارفع صوتي عليه وغير كذاك قال ابوي لابوه المفروض انك تتدخل بالموضوع قال ابوه
انا رافع يدي من الموضوع هويحل موضوعه بنفسه جلست شهر شهرين ثلاث ما صار ولا شي راح ابوي للمحكمه ورفع قضيه بدات الجلسات وكلت ابوي بالنيابه عني
رحت الجلسه الاولي بس ما كان لي داعي لان ابوي بدالي والجلسه الثانيه ابوي بالحاله واصلا هو ما جا فيها والثالثه رحت بس تهاوش ابوي معه ومع الشيخ وعيا ابوي
يدخلني عليهم وكانت الجلسات كلها يبغى يرجعني كان ابوي موافق بس كان ابوي يبغاه يحلف انه بيرجعني معاشره وليست ضرار ويعيي يحلف اما الجلسه الرابعه
حكم من اهلها وحكماًمن اهله راح ابوي وجاء هو وابوه قررو اصلاح لانه هويبي اصلاح وحلفه ابوي وحلف ووجهه اسود ما وده يحلف بس ما يبي يخسر القضيه قال ابوي للشيخ
عندي شروط قال له الشيخ انا مالي دخل تتفلهمون انتم مع بعض طلع ابوي وسلم على ابوه قال ابوه شكلك عندك شي قال ابوي الله اعلم وهذا الكلام في رمضان اللي راح
بعد ما صلينا المغرب ارسل ابوي له رساله وقال له الله يحييك بعد صلاة التراويح جت الساعه10ونص ويدق على ابوي قال انا في الطريق قاله ابوي الله يحييك وبعد نص ساعه دق
على ابوي وقاله انا في نص الطريق وقاله ابوي الله يحييك وبعد ماجت الساعه 11وربع دق وقال انا عند البيت طلع له ابوي وسلم عليه وقاله تفضل عيا يدخل خايف انو ابوي
يسويله شي قاله ابوي براحتك لاتدخل بس في شروط لازم نتفاهم عليها هي مهب خروف نطلعها وبس ويوم سمع هالكلام مشى وخلا ابوي واللي الحين ما صار شي.
مع العلم ان امه تدق على امي وتقول لها بنتكم قليله ادب وما تستحي .
ايه
الله يخلصني منه ويعوضني بابرك منه معليش يابنات طولت عليكم والسالفه هذي رؤوس اقلام مهب بالتفصيل بس الله يعين على هالدنيا
هذا المكتوب الله يعوضني وبنات المسلمين يارب
تقبلو تحياتي واكرر اسفي على الاطاله
واتمنى من الكل يرفع الموضوع ولو بدعوه لي ولبنات المسلمين والله كلنا محاجين للدعى
وبنات ابغى رايكم هل انا ظلمته ولا لا ؟