قصه حب حلوه انتم تشاركون فيها

1. وفي يوم من الأيام كان "خالد" توه جاي من شغلة وكان تعبان ويبي ينام...


2. عشان أرتاح واتطمن...


3. وطبعاً خالد يوم شافها بهالجمال كله كان بيغمى عليه,,


4. خالد : حاضرين يا أستاذة ريم وعلى أمرك..


5. ويضحكون ويروحون للصالة ويتقهون ...وبعد ما خلصوا من القهوى ..


6. في المستشفى


7. ريم : بعد الشر عليك .. والله يطول لي في عمرك..


8. وحطت الورقة في جيب الثوب حق خالد ...


9. وفي الصباح قام خالد عشان يروح لدوامه .. وقامت ريم تسويله الفطور,,

لسلام عليكم ورحمة الله وبركاتة
الي كل المتواجدين في أحلى منتدى الفراشه
احب أنزل لكم هذه القصه التي أتمنى من كل قلبي أن تنال اعجابكم وهي أول قصه أقوم بتأليفها وكتابتها بنفسي لذلك أتمنى ان أرى التفعال معي والمشاركات,,,,
أترككم مع القصة,,,,,,,,,,,
تحدت العالم كله وتزوجته,,تحدت أمها وأبوها وأخونها كلهم عشان الحب إلي جمعه ( 4 ) سنوات كاملة...
كان أجمل يوم عاشته في حياتها هو اليوم إلي تزوجت فيه حبيبها " خالد" وصارت "ريم" ملك لخالد ..
عاشت معاه كل لحظة حلوه,,حبته من كل قلبها وضحت علشانه وهو بعد حبها من كل قلبه...
لكن كان في شي مكدر عليهم حياتهم ومضايقهم وهو مسألة <<العيال>>صار لهم ( 4 ) سنوات متزوجين والله لحد الحين ما رزقهم بالذرية....
كانت "ريم" تدعي ربها في كل صلاة انه يرزقها بولد يكمّل سعادتهم ويفرحون فيه ويربونه أحسن تربية...

وفي يوم من الأيام كان "خالد" توه جاي من شغلة وكان تعبان ويبي ينام...

• ريم : خالد
• خالد : عيون خالد
• ريم : أنا حاسة إني تعبانه اليوم ما أدري ايش فيني
• خالد : بأيش تحسين؟؟؟
• ريم : أحس إني منغثه ومالي خلق أكل ولا أشم ريحة الأكل
• خالد : والله إني بديت أخاف عليك ,,,لازم أوديك المستشفى عشان أتطمن عليك...
• ريم : إيه,,,بس انت مواعد واحد بعد المغرب ولازم تقابله **
• خالد : وإذا ما رحت له وش بيصير !! يعني فيك رايك أحسن إني أخلي روحي وحياتي "ريم" تعبانه ولا أروح أقابل واحد من الربع ؟؟؟
• ريم :الله يخليك لي ولا يحرمني منك قول آمين ...لكن أنا ما أبي أعطلك عن شغلك..وبعدين هذا مجرد ألم خفيف وإنشاء الله مع حبة البندول بيروح.........
• خالد : آمين ,,والله لا يحرمني منك يا نظر عيني ,, وبعدين انت كل شغلي وأنا لازم أشوف أيش فيك

عشان أرتاح واتطمن...

• ريم : الي يريحك,,,
• خالد : أقول ريم ,,,
• ريم : هلا,,,,
• خالد ( وهو يطالع للأرض ويشبك أصابعة ببعض ): وش اخبار أهلك ؟؟؟
• ريم (تنرفزت شوي ) : حبيبي لو ماتبيني أتضايق أو أزعل لا تفكر تسألني عن ناس ما فكروا يوم يسألون عني وعن أحوالي,,, ولا يشوفون أنا ميتة ولاّ حية,,,,وما كلفوا على روحهم يشوفون بنتهم الوحيدة وينها ولا أيش صار فيها,,,

( وقامت تصيح )... وبعدين يكون في علمك أنت يا خالد كل دنيتي ,, إيه انت أهلي وناسي,, وتمت تصيح,,

• خالد ( وهو حزين ومنقهر من الي سواه ) : خلاص يا ريم,,والله إني ما كان قصدي أنكد عليك أو أضايقك .. أنا سألت مجرد سؤال..خلاص اعتبري إنك ما سمعتيني وإنسي الي يقلته,, بس عاد لا تصيحين..لأني ما أقدر أشوفك كذا,, ريم حياتي لا تزعلين مني,,,,,
• ريم ( رفعت رأسها وطالعت في خالد ) :

أنا مستحيل أزعل منك لو أيش صار بس الله يخليك لا عاد تعيدها وتسألني عنهم

• خالد: غالية والطلب رخيص,,والله ما راح أجيبلك طاريهم مرة ثانيه..
• ريم : أوكي يا عمري..خلاص أخليك ترتاح الحين .لأني عارفة إنك تعبان من الدوام ..يلا نام وريح أعصابك شوي وأنا بروح أسويلك الحلى الي تحبه,,,

طلعت ريم من عند حبيبها عشان يرتاح له كم ساعة ..وهي راحت للمطبخ تسويله الحلى..وكانت الساعة في هالوقت ( 2 ) الظهر,,,,,,
وعند الساعة ( 6 ) قبل المغرب صحى خالد من النوم..وراح للحمام وغسل وجهه,,وجلس على مكتبه وطلع ورقة وقلم وكتب فيها هالكلام لريم....
لك من صميم القلب ميزة عن الغير
ولك من خفوقي شوق من نوع ثاني
القلب يحمل لك معزة وتقدير
والعين ترجى شوفتك لو ثواني
إن غبت تلقاني مع البعد
وإن جيت تبقى مثل ما غبت
وحط الورقة على مخدة ريم ..ونزل تحت يدورها...

• خالد : ريم...ريم حياتي وينك؟؟
• ريم : هلا خالد أنا هنا في المطبخ

ودخل خالد على ريم ولقاها مثل الملاك,,,لابسة أحلى لبس,,وحاطة أحلى ماكياج,,وأحلى شعر""وكان سايح على كتفها"",,وأحلى ابتسامة مرتسمة على وجهها.....
وكانت قاعدة تقطع الحلى ..عشان هي عارفه إن خالد في هالوقت بيقوم من النوم .. وكالعادة يبي يشرب قهوة..وهي كانت تجهزها له,,

وطبعاً خالد يوم شافها بهالجمال كله كان بيغمى عليه,,

• خالد : ما شاء الله تبارك الله ..عيني عليك باردة.. انت مين؟؟‍ لا تقولين إنت "ريم" حبيبتي وزوجتي,,يمكن تكونين ملاك نازل علي من السماء,,,,
• ريم (تضحك): وليش عاد مو لهدرجة أنا حلوة اليوم..
• خالد ( راح جنبها): إنت كل يوم حلوة بس اليوم حلاك زايد حيل,,,
• ريم : تسلم ,, عيونك الي حلوة...
• خالد : الله يسلمك ويخليك

ويطالع للحلى ويشم ريحته ويمد ايده يبي ياخذ قطعة من الصينية

• ريم(وتضربة على ايده بمزح ) :لا ....مو كذا أصبر شوي

الحين بجيبه مع القهوى ونجلس نتقهوى في الصالة..

خالد : حاضرين يا أستاذة ريم وعلى أمرك..

ويضحكون ويروحون للصالة ويتقهون ...وبعد ما خلصوا من القهوى ..

• خالد : أقول ريم ,, تجهزي عشان بعد المغرب بنروح ..
• ريم : وين؟؟
• خالد : مسرع,,امداك تنسي ...بنروح للمستشفى
• ريم :أها .. ما تقصر بس خلاص الألم بدا يخف وإنشاء الله بيروح
• خالد : مو مشكلة ما فيها شي لو سوينا كشف واتطمنت عليك,,

وبعد عدة محاولات للإقناع رضت ريم تروح للمستشفى.. وراحت فوق لغرفتها وغيرت ملابسها وراحوا على طول للمستشفى....

في المستشفى

• الدكتورة : مبروك ..المدام حامل..
• خالد (بذهول) : نعم..إنت تكلميني أنا؟؟؟؟
• الدكتورة : أيوه بكلمك إنت ... ليه هو إنت شايف حد غيرنا هنا... ؟؟؟
• خالد : لا .. بس معليش يا دكتورة "إناس" ممكن تعيدي الي قلتيه...
• الدكتورة : بأولك المدام حامل...المدام حامل(ورفعت صوتها)......

وطبعاً خالد ما صدق الي يسمعه ,,وجلس على الكرسي بقوة حس إن عظامه تكسرت وقتها من قوة الجلسة,,,وطلعوا من المستشفى والدنيا مهي شايلتهم من الفرحة الي هم فيها,,,
وراحوا يتعشون في أحلى وأفخم المطاعم...
(في المطعم)
على الموسيقى الهادئة والجو الرومانسي الجميل,,,

• خالد( وهو طاير من الفرحة والوناسة) :

الله يا ريم..بعد سنين الصبر كلها بصير أبو..بصير أبو..
وبسمع أحد يناديني بكلمة (بابا)..آه آه يا حلوها من كلمة..

• ريم : الحمد لله..تدري إني كنت أدعي ربي ليل ونهار وفي كل صلواتي إنه يرزقنا ولد يملى علينا البيت..

والصبر مفتاح الفرج ..الحمد لله صبرنا ونلنا الفرج من الله الي ما يضيع حقّ عبادة..

• خالد : إيه .. والله إنك صادقة ما أقول إلا الحمد لله على كل شي ..الحمد لله..
• ريم : تصدق يا خالد؟؟!!
• خالد : أيش أصدق؟؟!!
• ريم : إني إذا شفتك تطالع في الأطفال وتسمعهم يسولفون وأحسن إنك متوله على طفل ,,,,, تدري وقتها أيش يجي على بالي أقولك,,, !!
• خالد(باستغراب): أيش ؟؟ !!
• ريم :بس إلي بقوله لك .. أقصد إلي كنت بقوله لك كان ما ودي أنك تسويه ولا تفكر فيه أبداً يعني مو من جوة قلبي..
• خالد : طيب ايش هو الشي..يلا..تراك حرقتي أعصابي؟
• ريم : إنك ,,, إنك,,,
• خالد :إني أيش؟؟
• ريم : إنك تتزوج غيري
• خالد(زعل وفي نفس الوقت حزن) وقال :

والله يا ريم لو عشت كل حياتي والله ما رزقني بالعيال بتم كل عمري معاك ألين أموت...

ريم : بعد الشر عليك .. والله يطول لي في عمرك..

وطلعوا من المطعم وراحوا للبيت .. ويوم وصلوا للبيت دخل خالد للحمام..وريم تغير ملابسها في الغرفة وجات عينها على الورقة إلي من خالد وفتحتها وقريتها وفرحت فيها مرة..وخلت خالد طلع من الحمام وراح لسريره ونام ..وهي قامت بره الغرفة عشان ما تزعجة وكتبتله هالكلام..
يا علني ما ذوق حزنك ولا أبكيك
يا للي تسليني طرايف علومك
لك خافقي خله معك في مساريك
يسري معك لا ضقت ينقل همومك
تزهر حياته يوم يسمع غناويك
على صدى صوتك يعيش محروم
حبيبتك"ريم"

وحطت الورقة في جيب الثوب حق خالد ...

وفي الصباح قام خالد عشان يروح لدوامه .. وقامت ريم تسويله الفطور,,

وبعد ما افطر راح العمل..وأثناء ما هو في العمل ويراجع بعض المعاملات..دق جواله وكان في جيبه فدخل أيده يبي يطلع الجوال ويشوف مين المتصل ..وجات أيده على ورقة ريم..وأخذها وفتحها وجلس يقراها وقلبة وعقلة مع كل كلمة مكتوبة وفرح بالكلام وحس إن حبه لريم يزيد يوم عن يوم .. ونسي أن الجوال يدق من أول,,,,,,,,
أيش تتوقعون ريم تجيب بنت ولا ولد ؟؟؟؟؟؟؟
وهل يستمر حبهم لبعض أو إن الزمن مخبأ
لهم شي محزن ... أو أنه يوجد حائل سوف يحول فيما بينهم
أبي أشوف رأيكم عشان أستفيد منه في الإكمال
وكمان عشان إذا شفت منك التفاعل والردود بكمل وإذا ما في تفعال
بوقف!!!!!!!
منقول
drawGradient()drawFrame()
من مواضيعي