قصه زواج بنت مضحكه حقيقيه

1. قالت: إنس قال إنتي وش جابك أهنا ؟؟

((قرأتها في أحد المواقع وكتبتها كما ذكرها كاتبها))
يقول,,,,,,,,,,,,,,,,,,,,,,,,,
قريت هالقصه.. وبصراحه ضحكت عليها واعجبتني وحبيت أنقلها لكم قصه حقيقيه عن
زواج بنت وبقول لكم عن قصه زواجها الغريب المضحكه هذي البنت سلمك الله عندها خوات أكبر منها وأصغر منها وهي توها
متخرجه من الثانوي المهم بالبيت ماعندهم خدامه كل يوم الدور على وحدة من البنات تطبخ وبعدين ترمي الزبالة عند الباب المهم جا دورهالبنت اللي أتكلم عنها كانت سهرانه مع اخواتها الين الساعة 2الصبح وبعدها خواتها طلعوا ينامون فوق.. وهي قعدت تنظف المطبخ وتشطب عليه.. وقامت وطلعت الزبالة عند الباب..المهم البنت قالت ليش أحطها عند الباب خليني أتشجع وأرميها بالزبالة أحسن..** وطلعت بره بالشارع وكان الشارع فاضي مرة وكانت الساعة حوالي 30_ 3المهم
يوم جت تطلع ترمي الزبالة قفل باب بيتهم . وقعدت المسكينه بالشارع...فكرت ترن الجرس خافت أبوها يوبخها. ويسوي ليها شي ( لأن أبوها محافظ) ... وهي بالشارع ماعليها إلا! بثياب البيت ..
سمعت أن فيه صوت يقرب منها .. صوت سيارة !! قامت مسكت الزبالة وقلبتها ودخلت جواتها المهم كان اللي جاي ولد الجيران .. كان توه جاي من استراحة..المهم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزبالة !!
وأستغرب إن الزبالة مقلوبة قام وقرب من عندها... وجا بيرفع الزبالة ويا زينها
إلا صرخت وقالت : لالالالا.قال : بسم الله الرحمن الرحيم..أنتي إنس ولا جن

قالت: إنس قال إنتي وش جابك أهنا ؟؟

وقالت له القصة وهي متغطيه بالزبالة وترجت ولد الجيران يساعدها قال خلاص لاتخافين قام قرب سيارته من باب البيت وركب فوق السيارة ونقز وفتح للبنت الباب.. وقالها:ادخلي بسرعة لاحد يشوفك قامت مسكينة ماصدقت رمت الزبالة.. وطلعت كذا قدام ولد جيرانهم المهم
دخلت وقفلت الباب على طول...وولد الجيران واقف ماتحرك
يناظر فيها... المهم. مامر على هالسالفة يومين إلا جا وخطبها
من أبوها وتزوجها . والله قصة زواج غريبة وعلى فكرة
ترى هذي القصه. حقيقية وحصلت بالفعل