قصه لبيه لامن قالها من لسانه ماهي مثل لبيهنا العاديه

1. ويآلييت في تفآآعل ..


2. ريناد : 20 حبوبه وآهم شي عندها درستها ومستقبلها


3. رند : 16 : رند تحبونها غصب عنكم كافه شرها خيرها ومره مره ناعمه


4. علي : 10 : نفس شخصية نواف وسعد بس هذا شاطاني شوي عليه

السلام عليكم ..
هآآي أول روآيه لي وحبيت أني احطها عندكم وأخذ رايكم ..

ويآلييت في تفآآعل ..

قمت من النوم وشفت جمبي جدتي وخالتي رشا يصيحون ولافه خالتي شيلتها انا اطالع فيهم وابي اتكلم مب قادره من التعب وهم يطالعون فيني ويزيد صياحهم رفعت يدي وشفت فيها حرق تذكرت : بيت جدي كنت الشغاله تصرخ : بيت بابا خالد في نار واجد عمي عبد العزيزوانا وطلال وندى وطلعنا الحوش بيوتنا بينهم بيبان بيت عمي عبد الرحمن بعدين بيتنا رحنا نبي نفتح الباب كان مقفل راح عمي فيصل وكسر الباب مع طلال وانا اركض كني مجنونه وصلنا بيتنا الأ البيت محترق كله وانا اصيح واصارخ وابي ادخل وعمي عبد العزيز ماسكني باقواء ماعنده طلال دخل وعمي عبد العزيز لحقه قال ياويلك تتحركين بسس أنا دخلت.. وابي اركب ع الدرج بس طلال سحبني وطلنا وانا اصيح وصراخ وشوي الأ نسمع الغاز انفجر وانا هنآ طحت عليهم مادري شنو صار فيني وجلست ثلاث ايام في ضيبوبه .. وجلست اصارخ اول ماشفت الحريق : ويين امي وابوي وين خواتي وصراخ ويجون عندي يهدوني وجت الممرضه وعطتني ابره وانا اصيح مابي.. وهجت شوي وبعد اسبوع طلعت من المستشفى الناس تجي تعزيني وتصيح وانا في عالم ثاني ما اكلم احد والأكل يتعبون وياي صرت انسانه بلا روح اتمنا اني مت قبلهم احس احساس غريب مره احس اني وحيده كني مقطوعه من اشجره مع ا ن الي حولي ماقصرو بس امك ابوك خواتك غير اه بسس هاذي اه حستها صدق تتطلع من قلبي والي يزيدي حزن اكثر من الي فيني بعضهم يتشمتوون ع شكلي مع ان ماحاشني الحريق الا من يدي ورقبتي شوي والمهم ومشت الأيآآم وبعد 8 شهور خوالي رآحو قطر مره تضايقت كنت ابيه عندي وآنآ بدت نفسيتي تتحسن شوي . اليوم عيد ميلادي اليوم بكمل ال17 وأنا بدون امي وابوي مادري شلوون بيعدي هل يوم اتذكر لما يجي عيد ميلادي كنت اعيي اروح اذا جو يرتبون كنت ارتب معاهم ما أعرف شي اسمه مفاجئه وجلست اتذكر ميلادي الي طاف كان ابوي مب موجود وقالي انه ماراح يجي وتعكر مزاجي وماما تضايقت شوي ولما جاء ابوي اتذكر شلوون نقزت برقبته كني ياهل اتذكر كل شي صار لي كنه امس شوي الا طق الباب عمتي نوره من ورا الباب : وداد لبستي ولا تبيني اساعدك بشي حبيبتي وأنا امسح دموعي : لا خلصت .. وأروح ابطل الباب عمتي نوره : الله الله شنو هزين كله وأنا ابتسم ..تذكرني بأمي واجد :والله انتي الزين كله فديتك . . أعرفكم على العايله الكريمه انا وداد ماراح اقوول شخصيتي بتعرفوتها مع القصه حلوه جمالي الماني وهذا الشي الي مزعجي ( الماني كثير يتعبني بتعرفون مع القصه . . جدي : أبراهيم .. حكيم مره مايحب الهذره الي مالها فايده واغلب الوقت ساكت والله ان ابتسامة تسوى الدنيا ومافيها ياعلني مافقده جدتي :ساره لو اقول من اليووم لأخر عمري ماوفي بحقها ياعلني ما فداها عمي عبد الرحمان :
مرته : حوريه : طيبه حييل وتدخل القلب غصب
فيصل : 26 من النوع الهادي مايحب الازعاج
نجلاء :23 متزوجه مبارك ولد عمتي نوره : هذي انسانه حبوبه مره وهاديه ورمنسيه
طلآل : 23 توأم نجلاء بسس فيه فرق بينه بسيط ان طلال من النوع الي تثير اعصابه بسرعه وهو ونجلاء مره متعلقين بعض
سلطان : 19 : مزاجي بقوه
ندى :18 : اكبر زآحفه ع سطح الارض مآعليها من احد واذا شافت شي مايعجبها عادي تقول.. صريحه بزياده والكل يحبها ..واكره ماعندها محمد ولد العمه بدريه
عمتي نوره :
مبآرك : 25 زوج نجلاء .فيه شوي من الغرور
عبد الله :22 : حبوب واذا جلستي معاه مستحيل تملين
ساره: 18 : حبوبه وحضهآ طآيح مسكينه كل شي يصير بوجها أي مشكه يسونها يحطونها فوق راسها
سيف : 17 ماتعرفين له والله يوم هادي ويوم مزعج
غيدا : 15 مره مره مهتمه بنفسها اربع وعشرين ساعه كاشخ يعني ماتستغربين عليها اذا لو بتنام تسوي تسريحه بشعرها وتحط مكياج
نواف : 11 : هذآ حبيبي والله هو وسعد وعلي ناس عايشين اطفال انواع البراءه فيهم واغلى شي عندهم الألعاب الأكترونيه
عمتي بدريه
خالد : 25 أصغر من مبارك بشهر
محمد: 23 : زعآآآطه وشايف عمره وكله ع باله اني انا الي مسدح البنات .. بسس حبوب

ريناد : 20 حبوبه وآهم شي عندها درستها ومستقبلها

رند : 16 : رند تحبونها غصب عنكم كافه شرها خيرها ومره مره ناعمه

سعود : 14 : مستحيل يخلي احد بحاله الكل يعيب عليه ماعنده الا الطنآزه بسس انه يحترم العيال الي اكبر منه ام البنات والله لو عمرها 60 وعنده قاعده ودي اصصحها بس ماتقدرين ا نالي متزوجه احترمها اما الجهال ع قولته يعني من ندى الى امل مايفكر اصلن
سعد : 11 هذا الي قلت لكم عنه مع نواف تقريبا نفس الشخصيه
.
عمتي ناديه ياكرهي :
منيره : 23 مخطوبه واحد من عيال عمها .. مثل امها حقوده وكريهه اعوذ باله
عائشه: 20 .. وهذي بعد مثل امها واختها
هند : 19 هاي البنت مسكينه أبتلشت بعايله كريهه
.
ابوي خآلد : الله يرحمه وخوآتي الله يخمد روحم الجنه
عمي عبد العزيز :
زوجته نوف : يناسي عليها احبها.. تذكري باختي ساره اه من جد مع ان الكل مايقصر بس احسها غير تفهمني اكثر وحده وافهمها مع ان فرق في الاعمار بسس يمكن لأنها حياتها كانت زيي ..
أمل : 13 آآم الصراحه لين الحين مافهمت شخصيتها احس انها غير يعني مآدري شنوا قول تقريبا (غامضة) الي اعرفه ان كل العنآد الي بالعالم براسها

علي : 10 : نفس شخصية نواف وسعد بس هذا شاطاني شوي عليه

.. الشخصيات واجد ان شاء الله تعرفونها اكثر مع القصه .. المهم نرجع السالفتنا نزلت الصاله مالقيت احد الا البنات جاين يركضون ندى تصارخ : ودادوه غمضي عيونك لا تبطلينها وانا اضحك : ههه أنششاء الله اعصابك بسس هند : لا مآيجي كذا لازم نربط عيونك بشي ندوي عاد ماعندها وقت راحت عند الستاره وشالت هذا مالها مادري شنو اسمه وربطته ع عيني انا : ههه الله يهداك ما لقيتي الا مال الستاره رناد : بروح اجيب شال او شي شنو حقت ستاره ندى: حشى والله قضيه صارت امشي بس ودوني غرفه الجلوس وببطلو عيوني .. انا جاتني فرحه ماعمرها جاتني من ماتوا هلي .. استانست لان الكل كان موجود حسسيت اني مادري كششخه كذا الكل : هبي بير تاي تويو سنه حلو سنه حلو ياوداد .. حتى جدي وجدتي وعمي عبد الرحمان .. وجلسنا نضحك لما جدتي كانت تصفق بحماس لما قصيت الكيكه الكل جاء وحط يده انا طبعا يدي مادري شنو صار فيها غريبه طلعت سليمه يعني وزعنا الكيك وانا شلت بيدي صحن وديته لعمتي ناديه وصحن الثاني لمنيره بنتها انا : تفضلي عمتي عمتي ناديه تتطالع فيني بنظرت انا كرتها : ليه تبينا نتسمم منيره : لا بعد حاطين صورتك ع كيكه تبينا نروح العنايه ع طول سلطان كذا خش عرض بس عجبني : صورت منو الي بتودينا العنايه منيره : مادري الي اليوم عيد ميلاده سلطان : والله ههه احسبك تتكلمين عن نفسك يوم قلتي بنروح العنايه والله انا : ههه .. ضحكت بأعلى صوتي سلطان غمز لي ومشى وبعدين جلسنا بالصاله والكبار يسولفون المهم ان ملينا قلت ندى..: ندوي شاريك نطلع ندى : أي والله ملاغه هنا قمت انا وندوي واستاذنا وطلعنا طلعنا بالحوش كان فيه ششجر واجد وكبار مره وحنا كنا نمشي ونسولف ندى : ودادوه انا : ندوي انا كم مره اقولك ما أحب احد يناديني ودادوه قولي وداد ندى : اقول بس فكينا بقول ودادوه بكيفي أنا : خلاص عيل ماراح ارد عليك ندى : ياشين المبزره والله بلا حركات بزارين بس .. والله خاطري اركب ع وحده من ذي الشجر انا : انتي مب صاحيه حتى العيال والجهال ماركبو ع الشجر ندى : انا ابي اركب والله كيفي انا : بكيفك بس سان طحتي ولا ماعرفتي تنزلين بكيفك ندى صفطتني وراحت تعلقت وصلت نصها هم اكثر من وحده من بعض مشبكين مادري شلون يعني كذا يوم ركبت فوق قلت والله لو ماتخاف شوي ووتطيح ع طرف انا : ندووي يالخبله بتطيحين ندى : عادي والله انتي يالله تعالي والله وناسه انا : لا والله .. والله ياوليك اذا طلع احد وشافك ندى : عادي ياه بعد ربع ساعه طلع محمد وهي فوق الشجره انا : ندووي ياويلك محمد طلع الحووش يارب مايلتفت ندى : هاه ماسمعك زين ترى الملهم ان محمد سمع والتفت وشاف ندوي ع الشجره وجاء يبي يتاكد شكله ندى : نعم خير يالله رد مكان ما جيب محمد : حشى كليتيني قبل ما أتكلم والمفروض ان انا الي اهوشك يا القرده ندى : شنو شنوا قوول بسس قال شنو ..وهي تعيب ع كلامه ..المفروض انا الي اهوشك محمد وهو يخزها : ندى نزلي بس احسن لك ندى : مابي عاجبني الجو محمد : انزلي لا أهز الشجره ندى : يما خوفتني تصدق انا : ندوي فديتك خلاص نزلي ندى : لا والله عاجبني الجو هنا انا : ندوي والله ان طحتي وتكسرتي مب فايدك العناد ندى : اول هذا الكان الحي ( وتأشر ع محمد ) الي ما أتشرف انطق اسمه يدخل داخل او يطلع بعدين افكر محمد : ندى احترمي نفسك دام اني محترمك انا : خلاص محمد روح لا تتاوشون شوي اللآأ جواله يرن محمد ..هلآآ والله ..هلا به الصوت ..اخبارك حبيبتي .. ههه ياجعله دوم ..شنو لا شدعوه ..يابعدهم والله ..لا الحين طالع .. اوك من عيوني .. تامرين ع شي ياحياتي ( قال حياتي وهو يطول بالكلمه وهو يطالع بندى ) يالله بآآي .. وانا وندى نطالع فيه خير يكلم قدامنا ولا بعد يتغزل ومسوي فيها اني اني محمد : يالله انا طالع الحين ندى : بالي مايردك محمد أبتسم وغمازاته بانت : يالله باي . بعدين اتفاهم معاك يا قرودي.. هههاي انا وندى نطالع فيه وحنا في حالت خققان لا يوصف انا : ياحلو ضحكته ندى : أي والله .. لا يخسي من زينه انا : ههه ..يالله نزلي بس خلنا ندخل ندى :يماا خايفه شلون انزل أنا : انزلي نفس الطريقه الي ركبتي فيها ندى وشوي وتصيح : لا يما خايفه نادي اخوي طلال انا : زين لا تصيحين بس ندى :كلميه الله يخليك انا : الوو .. هلا والله .. طلال تعال الحوش .. تعال وتعرف بعدين .. والله صج سوداني .. ههه .. يالله باي جآآء طآآل طآآل وهو مبطل عيونه على الأخير : هآآآآآآآ انا : ههه .. شفت شلون ندى وهي ميته خوف : طلاال امانه نزلي والله خايفه طلال : شنوا نزلك انتي بكبرك انا انزلك ندى : امانه انا : خلاص طبي وطلال يمسكك طلال : من صجك انتي كل هذا يطب علي ندى : والله حرام عليك مب دبه \ طلال : محد قال دبه طيب ندى : اقول بسس تجلس تمن علي بطب بروحي .. اصلن مب خايفه طلال : سبحان من مقلب القلووب انا : ههه ندى وهي تنزل شوي شوي بعدين طبت من مسافه عاليه شويانا طلال مبطلين عيونا انا وطلال : هآآآآآ ندى : آآآآآآآآآآآي ارجولي ارجولي رحنا ودينها المستشفى طلع عندها كسر خفيف . وداد بطلتنا شلون ببتعامل مع عمتها ناديه .؟؟ وشنو بسير بندى اول مايشوفونها أهلها مكسوره .؟؟ وسسب كره ندى لمحمد ؟؟ ومحمد ليه يحب يناحيها ؟
ردودكم هي الأهم حبآيب ألبي .. :ق1: :ق1:<< ترآني احب التشج يع ..