قصه يتزوج والتي تنجب يطلقها

1. يتزوج والتي تنجب يطلقها

السلام عليكم ورحمة الله وبركاته
بقولكم هذي القصه للفائده

يتزوج والتي تنجب يطلقها

كان فيه رجال في الزمن القديم ......... ميسور الحال وعنده تجاره وبيوت ..... المهم الرجال يبي يتزوج
راح للخطابه وقالها ابي مراه جميله وصغيره ومتربيه ..... المهم الخطابه راحت تدور له بين هاالبنات ولقت وحده على طلبه وقالتله وانبسط منها واعطاها الحلاوه (طبعا الحلاوه قروش (فلوس)) راح لاهل البنت وخطبهاوقدم المهر
تزوج الرجال وعاش معها حياه سعيده في يوم من الايام داخت زوجته وتعبت خاف عليها وجاب لها الدايه(المراة التي تولد النساء)وكشفت عليها وبشرته انها حامل الرجال يوم عرف تخربط وانصدم وتضايق المهم سكت الرجال ما قال اي شي واعطى الدايه المقسوم
مرت اشهر الحمل وزوجته لاحظت انه تغير عليها ماصاريجلس معها ولا يكلمها ولا يبي يشوفها للرجال
جى وقت الولاده راح جاب الدايه وولدت زوجته وبشرته ببنت
ودى زوجته لبيت اهلها علشان تقضي فترة النفاس عندهم
ويوم الاربعين ارسلها ورقة طلاقها مع باقي اغراضها وذهبها وفلوس لبنته
استغربوا اهلها وسالو بنتهم عن السبب وراح ابوها له وساله ليش طلقتها؟
سكت !!!!قال مافيه نصيب
بعد فتره راح للخطابه وطلب منها تدور له على بنت حلوه .راحت الخطابه تدور بين هاالبنات ولقت وحده حلوه وبنت حلال خطبها وتزوجها ومبسوطه معه مره
مع الايام اكتشف انها حامل وضاق صدره واستنى لوقت الولاده
وولدت وجابت له ولد قام ارسل زوجته لبيت ابوها علشان تتنفس عندهم وبعد الاربعين ارسل ورقة طلاقها من غير ذكر لاسباب
ومضت الايام وهو من غير زواج جاته الخطابه وقالتله ماتبي تتزوج قال:من يبي واحد مطلق مرتين
قالت :ولايهمك انا اجيب لك الي تسعدك اكيد الوليات ما اسعدوك / بعد اقناع الخطابه وافق يتزوج
خطبتله وحده حلوه مره وصغيره ....................الخ
المهم تزوجها وقال لها انا مابي عيال عندي ولد وبنت والحمد لله نعمه مابي اكثر
اتستغربت وحاولت تقنعه ولو بولد واحد رفض ....... المهم سكتت واقنعها غصب عنها
وانبسط معها ومع الايام اكتشف انها حامل زعل عليها وقالت انا ماادري والله كاتب لا تحرمني منه
استنى وقت الولاده وجاب لها الدايه تولدها وبشرته بولد وضاق صدره ولا اعطى الدايه وجه (اهتمام)
وودى زوجته لبيت اهلها استغربت الدايه من الرجال وتصرفاته الغريبه راحت له وشافته شايل هموم الدنيا وهم عياله الي فرقهم عنه ........
قالت :ويش سالفتك رجال مثلك بصحه وعافيه والله مغنيك واعطاك زوجه والنعم فيها وطلقتها قلنا يمكن علشانه جابت لك بنت تزوجت ثانيه وجاك ولد وبعد طلقت ام ولدك والحين ماتفرح بولدك الثاني ولا تحمد ربك وترسل امه لبيت ابوها وهي الغاليه عليك وكلنا نعرف انك تحبها ولاترخصها
سكت ونزل راسه وقال مافي نصيب
الدايه العجوز انقهرت وقالت لازم اعرف ويش سالفت هاالرجال الغريب
بعد ايام جات الدايه للرجال ومعها علبه مليانه عسل وقالت :ياوليدي كل الي تفكر فيه مهب صحيح
وكبت العسل على الارض(سكبت العسل) ومررت اصبعها على العسل قالت ترى الحريم مثل العسل تولد وترجع مثل اول (تقصد انها لما مررت اصبعها في العسل طلع مكان اصبعهافاضي ورجع على طول واختفى اثر اصبعها )
ضحك الرجال وقام وحب راسها(قبل راسها)
وقال بروح لام ولدي وارجعها /ورجعها وعاش معها مبسوط وخلفوا صبيان وبنات والبنات خلفوا صبيان وبنات..........ههه ههه
اتمنى تكون الفكره واضحه (الي تبي توضيح ماعندي مشكله اشرحلها ههه ههه)
ابي اشوف ردودكم وارائكم في القصه واذا عجبتكم عندي بعض القصص المفيده بس على حسب تفاعلكم مع القصه ههه
امزح تستاهلون يافراشات الغاليات وتقبلوا تحياتي طفشانه 5