قصور من طين

":":":":":":":":"
" عندما تكون أنت هي..عندما يشعل الألم ماتبقى من سكون !!"
الجزء الثاني
"
"
فجر يوم جديد بدأ مع شروق الشمس الوهاج بدل العتمة والظلام بنور ملا الكون..
بث الحيوية والنشاط عند نااس ،،وناس الكسل والنوم مالي جفونهم ،،
\
وفي أحد الأماكن اللي يطلق عليها إسم "مدرسة"،،كانت تمشي بخطوات سريعة وجادة ،،
مبين على وجهها الطيبة والحنان بس عيونها تعج بسوالف الألم والحرمان ،،
منظرها كان جداً عادي ،،مافي أدنى اهتمام بالمظهر ،الشعر ملموم ،،والوجه مافيه أي لمسة ماكياج ،،
لكن كانت فارضه على كل زاوية من زوايا المدرسة احترامها وحبها،،
اليوم على حياة المناوبة هي وصديقة عمرها" سميره" ،، كانوا مثل خلية النحل يطلعون من فصل ويدخلون الثاني .. ينزلون بنت وينادون بنات ..وفي أقل من عشر دقايق قدروا إنهم يجمعون البنات في ساحة المدرسة لطابور الصباح ..
تجمعوا المدرسات وصفوا الطالبات والإزعاج مالي جميع النواحي ..
وفلحظه عم الهدوء الأركان ..
طلعت المديرة تجر وصيفاتها وراها ..
كانت تمشي بكل عنجهية وغرور وكن الأرض تعرف من يمشي عليها..
وقفت بكل غطرسة الكون فمكانها المخصص لها ..
ألقت التحيه وأذنت للطالبات يلقون السلام الوطني ..
وباسم البلد ،،وباسم الوعد إنَّا ماننسى الفهد وإنا قد العهد والوعد ،،هتفت الأصوات بكل
فخر واعتزاز :
" سارعي للمجد والعلياء
مجدي لخالق السماء
وارفعي الخفاق أخضر
يحمل النور المسطر
رددي الله أكبر
ياموطني
موطني قد عشت فخر المسلمين
عاش الملك
للعلم والوطن "
وبعدها طلعوا البنات اللي بيلقون الإذاعة الصباحية ..
خلصت الإذاعه وبدت "أبله حسناء" كلامها اللامتناهي ..
أبله حسناء "وهي تمرر نظراتها بين الطالبات بكبر" : أنا لازم كل يوم أعيد الموال من جديد ،، الجاكتات " وتمد الكلمه " ألوانها محدده
بني ،أسود، أبيض أو بيج .. سمعتوا ولالازم نعلق اليافطات بكل جحر عشان تفهمون ،،
حشا لو إني أتكلم على حمير كان قد فهموا .. فلو سمحتوا إلتزموا بقوانين المدرسه لاتحدوني أستخدم معكم الوجه الثاني !!
أبله سميره تكلم حياة" بهمس بالكاد يسمع": ههه حليلها بعد لها وجه ثاني أشر من ذا ؟!!
أكتفت حياة بابتسامة سخريه وركت بكتفها ع الجدار..
أبله حسناء : لا بعد أنتظركم لين أشوف البلاوي،، شكلي بوريكم صدق الوجه الثاني أنا من دخل الشتاء وانا أنبه عليكم بس مافيه فايده ..
" وتكلم المعلمات" :يااللا يامعلمات الله يعافيكم فتشوا عليهم اللي بتلقونها مخالفه خذوا الجاكيت وقطوه قدام عيونها فالزباله !!
والمعلمات مالهم إلا يطيعونها تفاديا للكلام اللي ماله داعي ..
.
خلص الطابور بعد ثلث ساعه من التهزيء وتطليع الروح وقلة الحياء ..
توجهوا البنات لفصولهم والمعلمات لمكاتبهم أو لحصصهم
وبهذا بدا روتين اليوم المدرسي مثل كل يوم ..
*
فالحصة الرابعة بعد الفسحة ،،دخلت حياة غرفتهم وجهها منقلب أسود ،،
ودموعها تمشي فمجراها المعتاد اللي أنحفر بفعل عوامل الزمن..
توجهت لمكتبها بعد ماتعلقت عيون كل المدرسات عليها وبما فيهم سميره المشتركة
معها بنفس المكتب ..
جلست حياة على كرسيها بألم وكملت بكاها ..
سميره " تمسح بيدها على رأس حياة": م كاالعاده حسناء صح؟؟
وتغطي حياة وجهها بكفينها وتشهق بالبكاء..
خافت سميره مب عادة حياة تبكي بهالشكل..دموعها دايما تطلع بصمت مرير،،
لكن هالمره غير!!
سميره: حياتي بالله عليك وش فيك لاتروعيني عليك ..
حياة "بصوت متقطع" : حسبي الله ونعم الوكيل،، يارب مالي سواك أرتجي،،
ياا اارب
ناظرت سميره بنظره المدرسات اللي كانت عيونهم طايره من الموقف وقالت :
أول مره تشوفن أحد يبكي !!،،
وبعدها كلن لهى بحاله ..
وسميره حطت راس حياة فحظنها ومدتها بكل ماعندها من حب وحنان
وقالتلها كل كلمات الصبر اللي علمها زمانها..
بس شكل حياة اليوم فيها شي أكبر من كلام الصبر ..شي أكبر من الدنيا
كلها ..
سميره:حياة فديت قلبك قوليلي وش فيك يمكن أقدر أساعدك ..
حياة :.......
سميره : طيب مب عشان ترتاحين عشان أساعدك بس!!
وتمسح حياة دموعها بظهر كفها ..
حياة :آآآه ياسميره تعبت والله تعبت من هالعذاب ،، والله لو بيدي لذبح نفسي ورتاح ..
سميره: أستغفري ربك يالمهبوله .. ربك أرحم من إنه يتعبك ويعذبك ،، أنتي عارفه
ربي مايقدر عليك شي إلا هو خير لك سواء ظهر خيره ألحين أو بعدين ،،
حياة: الله كريم ..الله كريم
سميره: طيب قوليلي وش سوتلك هالعله ؟!
حياة : آآآآه حسبي الله عليها ،، عمري ماتوقعت يوصل بها الشر لهالشي ..
لاوبعد بنتها طالعتن بالخير كله جايبتها تشهد على شر أعمالها ،،
واللي يقهرني ويشب فقلبي ناار إن الحين الكل بيصدقها هي وبزرتهاواللي معها ..
والله ياسميره إن طلعت منها هالمره فهذي رحمه من رب العالمين ..
سميره: حياة عاد وش سوت والله خوفتني !!
وبدت حياة تتكلم لسميره وتقولها عاللي صار..
وهي تمسك دمعه وتسمح للثانيه بالنزول
تبلع آهة وتجر آهاات ..
حاولت سميره تدور لها مخرج لكن بالفعل المشكله غويصه ..
سميره: لاإله إلا الله .. صدقيني هذا ابتلاء من الله ،، هو قادر إنه يفرجه فغمضة عين
لكن يبي يشوف قوة إيمانك وصبرك ،،
حياة : يارب لك الحمد ولك الشكر كما يليق بجلال وجهك وعظيم سلطانك ..
سميره: طيب بتقولين لأهلك؟؟
حياة: ودي بس خايفه تزيد المشاكل واحنا تونا طالعين من سالفه ..
سميره: لاا لازم تقوليلهم لأن السالفه أكيد بتوصل للرجاجيل فيعرفون منك أحسن
من الناس ..
حياة: خلاص بحاول أقول لبندر ولانايف ..أستحي أقول لعمي ..
والله السالفه ماتنقال ..
\
:
" بعد ثلاث ساعات .. بعدما تصارع الوقت للخلاص "
\
:
جالس ع الأريكه فجناحه يتصفح جريدته المفضله ..
دخلت عليه زوجته دون لاتسلم .. حطت عبايتها "الفستان" على السرير
وراحت يم التسريحه تمسح طبقات الماكياج اللي صبغت بها وجهها ..
رفع عيونه بثقل ورجعها للجريده مره ثانيه ..
قالت : أف والله الواحد تعب من ذا الدوام ،، يبيلنا رحلة استجمام فأقرب فرصه..
قال زوجها وعينه بعدها ع الجريده : والله محد طقك على يدك عشان تداومين،،
الخير ترتعين فيه ليل نهار ومب محتاجه هالطفسه اللي تجيك آخر كل شهر " ياأبله حسناء(يتمسخر)"
حسناء : المسألة مب مسألة كم ألف .. أنا أروح أقضي وقتي ..تقدر تقول تسليه
والله لو أني مطاولتك أنت وعيالك كان قد طلعت لي قرون ..
أنت ماشوفك إلا وقت الغدا .. وعيالك خير شر ماشوفهم إلا لخلصت دراهمهم .
بس اليوم كان غير شكل " وتروح تجلس جنبه" ،، تصدق اليوم
حسيت بنشوه غير طبيعيه .. أخخ ياسالم لو تدري وش صار !!!
سالم"بملل" : مايحتاج أكيد سالفه جديده مع حياة!! " ويقوم يطلع من الغرفه " ومابي أعرفها
ولو سمحتي قولي لشغالاتك الحمير يحطون الغدا ..
حسناء" بصوت مقهور من الحركه": عادي ماتبي تعرف الأيام بتعرفك ..
والغدا الله لايهينك فيك لسان قلهم أنت ..
\
:
فبيت عبدالله ،، رجعت مهره من الكليه وبعد ماسلمت على أهلها
طلعت فوق تبدل ملابسها ..
مرت من غرفة غالية وقالت تدخل تستخف دمها شوي عليها..
دخلت عليها وحصلتها نايمه .. فاستغلت الفرصه لخفة الدم الحقيقية ،،
وتقرب منها وتمرر يدها بلطف على خدينها .
غاليه " بهمهمه" : ام بندر ريحني
وتزيد مهره الحركات ..
غاليه : يووه يالدب والله لتشوف..
مامسكت مهره نفسها ضحكت بصوت وقالت: ههه يابنت الذين تقولين لأخوي دب
وهو أرشق الرشقاء .. " وتضربها على راسها" قومي يامال العافيه ..حشى جراب نوم!!
غاليه " تفتح ببطء وتغطي نفسها زين ": لاحول ولاقوة إلا بالله .. ألحين وش مدخلك
الغرفه ..لاإحم ولادستور ..طيب فرضاً بندر كان عندي تدخلين علي كذا !!..
مهره: ياسلام أحلى وأحلى " وتغمز بعينها "
غاليه : هاها بايخه ..ممكن تضفين وجهك وتقضبين الباب لأن أنا طال عمري أبي
أنام.
مهره: هيه خبل أنتي تدرين الساعة كم ألحين؟
غاليه: أياً كانت مالك دخل..
مهره: تصدقين لو أنا مكان بندر كان طلقتك من زماان جدي .. ولامرَّه فحياتك جا من دوامه
ولقاك صاحيه!! أعوذ باالله .. ماقول إلا الله يعين وخيي ويصبره على مابتلاه .
غاليه: يطلقني فعينك يالحماره ،، أصلا ماتدرين هو مايستانس إلا لحصلني نايمه
مهره: ههه أغرب زوجين في العالم ..
غاليه: اجل وش على بالك مب نلعب أحنا.
مهره: ههه ،، طيب وش رايك تسويله مفاجأة وتصحين ألحين وتستقبلينه ..
غاليه: يوه مشوار لازم ألبس وأتزين ..لالا عجزانه ..
مهره: الحمد لله والشكر ،،لاجد غوالي وش اللي مصبره عليك لذلحين !!
غاليه : قلبه مصبره مشكلته يعشقني عاد وش أسويبه !!
مهره: يارب ترزقنا..
غاليه : أبداً عندك واحد يسوا ويستوي .
مهره : أقول وش رايك تكملين نومتك أحسن ..
وتطلع من الغرفه بسرعه دون لاتلتفت وراها ..
غاليه" بصوت": ههه ماينفع معك إلا كذا .. ناس ماتجي إلا بالعين الحمرا..
*
رجع الرجال من دواماتهم وحضرتلهم مهره وللحريم الغدا وبعد ماتغدوا كل توجه لمكانه
يطرح جنبه ..
نايف وسلطان ناموا طبعاً فملحقهم في السور..أماعبدالله وبندردخلوا الصاله مكان ماالحريم جالسين سلموا وقال عبدالله بعد ماتفقد الجالسين ..
عبدالله : وين حياة وغاليه؟؟
مزنه "أم نايف": حياة مانزلت تقول مالها نفس ،، وبنتك مهب من عوايدها
تنزل عالغدا ..
أم عبدالله " تكلم بندر" : وانت ماتعرف تشكم مرتك ،، أعوذ بالله منها ومن طبعها
حياتها كلها نوم يادافع البلا،،
ويطلع بندر لغرفته يتهرب من إسطوانة مابعد الغداء اليوميه ،،
دخل الغرفه وحصلها نايمه قرب منها كان بيصحيها ويعطيها كم كلمه
لكن ملامح وجهها الطفوليه اللي تزدااد عذوبه وقت ماهي نايمه
خلته يتراجع ..
غير ملابسه وإندس جنبها تحت البطانيه وغط فنوم عميق ،،
*
ماعرفت تنام ،، لها ساعه من حطت راسها لكن النوم مجافيها ..
دقت عليه جواله مايرد ،،
دقت مره ثانيه بعد مايرد ،،
وفالثالثه حصلته مغلق ..
إستهمت وزاد قلقها قلق ..
" الله يستر " قالتها مهره بعد ماوسوس لها الشيطان أنواع الوساويس ..
صبرت ربع ساعه ورجعت تدق عليه ..
الخط مفتوح ..
لكنه مارد
والثانيه مارد
الثالثه جاها صوته الدافي اللي ياما إحتواها وحسسها بالأمان ..قال :هلا والله
مهره : ممكن أعرف وش هالحركات!!..
......: وش حركاته يادافع البلا؟!
مهره : ادق عليك ماترد بعدين مقفل تبي يعني تطفشني !!
......: ههه ياناس تحبني..
مهره: هاها ماصخه ومرّه مالها داعي..
......: هاها حطي عليها ملح وسكر..
مهره : يوه عاد وينك فيه
.......: يعني ويني فيه فالجامعه
مهره: أها
.......: وقسم بالله إني فالجامعه ،، توني مخلص المحاظره وبركب سيارتي وبجيكم..
مهره : تصدق ماعرفت أنام عشانك مب فالبيت !!
......: الله أكبر اعترفت إنها تحبني
مهره : ههه وهو في أحد مايحب سليطين الدب
سلطان: ههه شكرا شكرا أخجلتم تواضعنا ..
مهره:ههه
سلطان: عااد صدق وش فيك مانمتي
مهره: مدري قلت اخاف تجي ولاتلقى أحد يحطلك الغدا وقعدت احاتي.. عاد تعرف إختك الكبيره
وفمقام أمك ..
سلطان: لحول أنتي وأختي الكبيره.. ترى بكرهك بسبة هالكلمه.. ترى كل اللي بينا سنه بالتمام والكمال ..
مهره: هيهيهي أتحداك كانت سنه وافيه أنت كم عمرك الحين؟
سلطان " بسخريه": عشرين !
مهره: هاشفت انا 21وونص وبعد نص سنه بدخل 22..
سلطان: أمرك عجيب ..أول مره اشوف حرمه تفرح بكبر سنها!!..
مهره:ام صح نسيت!! المفروض ماعلمك بسني الحقيقي ..خلاص أجل تراك أكبر مني بعشرين سنه ههه
سلطان: ههه يابعدهم كلهم ،، خلاص حبيبتي جهزي غداي وحطيه فالمكرويف ولاجيت
بقول للشغاله تجيبه لي ..
مهره: لاوالله ومن قالك إني أرضا الشغاله تمدك بشي!!
سلطان: ياربي يلوموني فاختي .. خلاص ربع ساعه وبكون عندك ..انتبهي تنامين
ترى بقول للشغاله تجيبلي الغدا وتغدا معي بعد .
مهره: هيهيهي جرب إنت بس ..ياللا فمان الله
سلطان : ههه الله يحفظك .
\
:
" عندما ودعت الشمس سماء الرياض "
\
:
" تصدقين صيته يقولون زارا منزل تخفيضات بالهبل غير طبيعيه تخيلي70%"
صيته: والله !! إي أكيد موسمهم عشان البضاعه الشتويه يتخلصون منها ..
وش رايك سلمى نتخاوا بعد العشا لليدي كنق دوم ،، خاطري أتشوبنق فيها ..
سلمى : ههه حلوه أتشوبنق ،، بس مادري مرتبطه اليوم
صيته : أحلى يامرتبطه ،، تواعدين من ورانا !!
سلمى : لاتطمني موعد بريء مع الأهل ..
صيته : أشوا كان ياويلك مني .. عالعموم أنا بروح إذ قدرتي كان أبيها وإذ ماقدرتي
موعدنا ع المسن الليل أوكيه ؟!!
سلمى :أوكيهين ولايهمك ..ياللا أجل تيك كير..
صيته: يو تو.. بااي.
سكرت من صديقتها وطلعت من غرفتها العاجيه الفخمه بكل ماتحتوي ..
لمسات رائعه فكل ركن من أركانها ،،
والعز طاغي على ملامحها ،،
نزلت تحت تدور امها وحصلتها جالسه ويا أختها فالصاله الأرضيه يتفرجون
على التلفزيون ..
صيته : مشاء الله غريبه موجوده فالبيت !!
امها : وش أسوي حيلي أحسه مهدود ومزاجي مب مره عشان أقابل الناس..
صيته : لالا مهدود مره وحده !!أكيد يبيلك لبنان صح ؟
أمها : عاد وش دراك توني أقول لأبوك اليوم يبيلنا رحلة إستجمام!!
أختها: هيه ايه يمه الله يخليك خلينا نسافر ملينا من جلسةالبيت..
صيته: تكفين حنان يااللي مطاولته أنتي وأمك ،، ماتنشافون إلا وقت النوم..
حنان: عاد أنتي اللي مشاء الله عليك 24ساعه حارسته..
صيته: الحمدلله شي أحسن من شي ،، صح ياحسناء !!
حسناء: أخصص صديقتك أنا تناديني بإسمي ،، حبيبتي صيته تراني أمك تذكري !
صيته " بميوعه":وش فيك ماما أمزح معاك !!
حسناء : أها على بالي بعد..
صيته: يمه ترى بروح اليوم لليدي تبون تروحون معي؟
حنان: إيه إيه بروح..
حسناء: خلاص أخذي أختك وخلي السواق يوديكم..
صيته: أف وأنا وين ماروح لازم أجر كلبتي وراي..
حنان: وجع ماكلبه إلا أنتي يالكلبه ..
صيته : الكلبه اللي تتبع الناس وين مايروحون ،، وهذا على مااعتقد من صفاتك الشخصيه الأبديه ..
حنان " شوي وتصيح": يمه شوفيها..
صيته : وع مب لايق الدلع كلش ..بقوم لاتبكين علينا صدق..
حنان:أحسن ضفي وجهك يالخايسه ..
قدها صيته بتقوم ..فقالت أمها ..
حسناء: يوه ياصيته فاتِّك حياة اليوم ..
حنان: إيه والله فاتك شكلها توب اليوم..
صيته بلامبالاه بحكيهم : ليه وش صار؟؟
حنان: يوه سالفه بتموت مانستها!!
صيته : وأنتي وش دخلك فالموضوع
حنان: ههه أنا أساس الموضوع أصلاً!!
صيته: وأكيد أمي مساعدتك ؟!
حسناء " بثقه": أكيد أصلا ماتقدر تسوي شي دون شوري..
صيته ضحكت بسخريه على حال اهلها وقالت:إذا كان رب البيت بالدفٌّ ضارب..فشيمة
أهل بيته الرقصٌ ..
وقامت بحسرتها على أهلها.. مشت وهي سرحانه فأحوال أمها اللي تستعصي كل يوم أكثر من اللي قبله ..
تكرسعت فالطاوله اللي عالطرف وكانت بتطيح لوما لحق عليها أخوها سلمان ..ناظرته بامتنان ولا نطقت بحرف ..
إستغرب سلمان منها مب من عادتها السكون.. ماعطا الموضوع قدر ودخل عند أمه يتقهوا..
\
:
فالمكتب جالس بجبروت واضح فملامحه ..
دخل عليه السكرتير حامد وقال: طال عمرك قاينا النهارده إنزار بخصوص توزيف
السعوديين ..السعوده ربنا يحفزك ..
سالم : الله ياخذهم لقينا سعوديين وقلنا لا..كل واحد زامٍ خشمه ويتشرط ..
حامد: بس طال عمرك أنت عمرك ماألتليش إنك عاوز توزف سعوديين والمحتاق حيرضا حتى لو خمسمية ريال .إنت بس نزل إعلان في القرانين وشوف الطلبات حتقيك إزاي .
سالم:لاه صدق تعال إجلس مكاني أحسن ..ماعاد بقى إلا هي ياحامد الزفت تجي تعلمني وش أسوي وش ماسوي !!
مارد حامد كنه متعود على هذي المسخره وعارف تالية مرادته في الكلام ..
سالم:إسمع حط أسماء عيالي سلمان وسعيد وحط لكل واحد راتب 7000ريال خلنا نسد حلوقهم كونهم يبعدون عنا ..
حامد: تحت أمرك يافندم .. تامر شي طال عمرك
سالم : إذلف وحالاً سو القرار وجيبه أوقعه .
\
:
" يبه وش رايك نودي التمر للمصنع يعلبونه؟؟ "
عبدالله : لا يابوك يبيله مصاريف اخاف مانوفيها..
نايف: وين الله يطولي فعمرك مابه مصاريف ولا شي والله مب فراحت جدتي
وأمي المسيكينه ..
عبدالله : صدقت لكن ....
نايف: خلاص شوف مارح نوديه كله .. بنودي إخلاص الحساء والسكري بس
والخشخاش والباقي يسوونه الحريم وش رايك ..
عبدالله : تم إتفقلي معهم وشف كم بيكلف وردلي خبر ..
نايف : أبشر نفداك لاتشيل هم انا اللي بتكفل به ..
عبدالله "بعد ثواني صمت": نايف ياولدي متى بتعرس وتريح قلبي؟؟
نايف: لاحول ولاقوة إلا بالله ..يبه كم مره قايلك الموضوع ذاه إنساه
ولاعاد تفتحه معي ..
عبدالله : يابوك والله مب هاين علي أشوف الشباب متزوجين وبعيالهم وأنت مرجهن
جنبي .. تقول توك عالعرس مهب توك ..وبندر ولد عمك كبرك وشف قدله سنه معرس .. وأنت عمرك بيصك 30 وانت ماحركت ساكن!!
نايف: إسمعني يبه وهذا الكلام آخر مره أقوله ..دامني مابعد فتحتلك المصنع
اللي أحلم به فتحرم علي مرةٍ أعرفها ..
\
:
فغرفتها تحاول تصحيه لها فتره .. وهو صاحي بس يحب يرفع ضغطها وينرفزها ..
غاليه : بندر يااللا عاد قوم والله طفشتني..
بندر" بدلع تحت البطانيه": مابي
غاليه: طيب قوم صل مب عشاني عشان ربك ..
بندر: كم الساعه ؟
غاليه: ياطويل العمر بعد ربع ساعه بيذن المغرب وانت بعدك ماصليت العصر!!
بندر" معصب": وجع وش فيك ماصحيتيني!!
غاليه " بزعل": إحلف لي سنه قاعده أصحيك وانت تتدلع علي .
راح بندر يتوضى ويصلى .. وغاليه بعد ماراح يتوضى نزلت تحت ..
كان جالس فالصاله جدتها وامها ومهره بنت عمها ..
غاليه: السلام عليكم
رد الكل السلام
مهره: بدري !! كان مانزلتي ..
وتناظرها غاليه بنظره ملغومه ..هي عارفه حركات مهره كالعاده تبي تعيد محاظرات
كل يوم ..
أم نايف : إيه تونا عْصِيرْ كان ماتزحزحتي!!
غاليه " تستهبل":وش أسوي قمت عشان أصلي ..ولالو الود ودي كان كملت نومتي
أم عبدالله: ياالله جارك من ردى الحظ ..أعوذ باالله منك ومن طبعك ..ولاالمرة الصاحيه
ماتسوي سواياك ..
مهره " بعباطه":ليه يمه وش فيها غوالي أنا عني أشهد إنها مرةٍ صاحيه ...
ام عبدالله:تخسي لاهب صاحيه والصحاة بعيد عنها .. المره السنعه لاجا رجلها
يلقاها في وجهه تعطيه غداه وتباريه وتقوم على سنعه ..
غاليه "تبي تنهي الموضوع الرتيب": أحلى يمه .. منتب سهله .. أجل كنتي
مدلعةٍ جدي الله يرحمه ..
أم نايف "تضحك": أوه ياحليلكم وش مدلعته .. إلا الدلع كانت هي ،، حتى يوم مات
مات فحظنها!! ..
أم عبدالله "بألم":هيها .. جعل كل هبوب تهب عليه جنه..إيه باالله يستاهل الدلع
من يوم ماراح راحت الدنيا معه ..
أم نايف: أفا ياخاله والله إنك الدنيا كلها الله لايحرمنا منك ..
فهاللحظه دق جوال غاليه ابتسمت بأريحيه وردت .. ومهره تسوي إنها تبي تاخذ الجوال
عشان تشوف من ..
غاليه " بغل": هاه
مهره درت إنه أخوها .. حركات غاليه ماتخليها..
مهره: هويتي إن شاء الله.. كم مره قايلتلك لاعاد تكلمين أخوي هالشكل ..
غاليه"تمد لسانها..وترجع تكلم":طيب لاتنفخ
- مابي.. إنزل أنت..
- يووه عجزانه وش على حسابك أنا طالعه نازله!!
- طيب.. الله يعيني على مابتلاني..
- مع السلامه
طول ماغاليه تكلم مهره تناظرها بحقد.. هي كم مره علمتها تغير أسلوبها في الكلام..
بندر مهما كان رجال يدور عالكلمه الحلوه !!
غاليه"تكلمها":خير فيه شيء
مهره"بهمس" :أبد سلامتك بس خيرتك بتعرفين قدره ..
غاليه :على تبن اللي يشوفك معذبته تعذيب!!
مهره: طيب عالأقل لاتكلمينه بهالطريقه قدامي ..
غاليه: شكالك هو؟!
مهره:لاماشكالي وعمره مارح يقول شيء بس أنا أفهم أخوي من نظرة عيونه
غاليه: ياهوه ..تعرفين لغة العيون بعد ..
مهره: تصدقين أصلا الشرهه مب عليك الشرهه علي اللي مضيع وقته معك..
بس صدقيني غاليه استهتارك فيه بيجيبلك سوالف أنتي في غنى عنها ..
ولاتجيني تشّكين بعدين ..
ماعجب غاليه الكلام اللي قاعده تسمعه .. يمكن من غرورٍ فيها .. أو يمكن لأن مهره دايما هي اللي توقفلها على أوراق حياتها اللاحياتيه ..أو يمكن لأنها ماتبي تعرف حقيقة نفسها مع
إنها مطمنه لحالها!! ..
قامت بخطوات سريعه وبأفكار تعيد نفسها.. وراحت يم المطبخ تسوي شاهي لزوجها..
\
:
"
\وقتي من بعدك عقيم /
لم كتبت علي الإحتراق مع بقاء اللهب!! ..
×"×"×
( إرتعاش) !!
حلمت بك
(جنون) !!
أفكر فيك
( سلام) !!
أن أنام دون أن أرتعش بك ..
×"×"×
أياحزني المعتوه !!
مللت حكاياتك
سئمت بقاءك
لاأريدك بين أضلعي
ألايكفيني الإحتراق مثل الخشب
مثل الحطب!!
أياصبري النافد !!
أين أنت
حلم أم أمل
تزورني مع كل لون شروق
وتتخلى عني عند عتمةٍ ليليةٍ !!
×"×"×
(سلام)!!
أن أنام دون أن أرتعش بي
"
\
( الله الله ربي لاأشرك به شيئا )
قرتها في منشورة بعنوان" أدعية الهم والحزن والكرب " دخلت بعمق رائع فقيعان قلبها ..
تنهدت بألم وحطت المنشوره تحت مخدتها وقامت بتنزل تحت ..
- السلام عليكم حياتي
قالها عمها اللي مع طلعتها واجهها عند باب غرفتها ،،
حياة "بإبتسامة حنونه تخفي وراها سيل من الأحزان": مرحبيتين ومسهلتين وقربتين الدار
عبدالله" يمسكها من يدينها ويدخلها الغرفه ويسكر الباب": هيه ترى حقوق الطبع محفوظه
بعلم أمي عليك ترى ههه..
حياة :ههه مربيتني إن ماسرقت من كلامها من بسرق منه؟!!
عبدالله: الله لايحرمنا منها ويطولنا بعمرها..
حياة: الله كريم
عبدالله:............
حياة: وش ذاليوم المبارك اللي بتزور مملكتي !!
عبدالله: حشا مب مملكه..إلا كهف ،، كل ماسألت عنك قالولي فغرفتها ،،يعني ماتعرفين انه ماتكتمل حياتي إلا بشوفتك !!
حياة" بحيا ": الله يرضى عليك،،والله توني بنزل إلا جيتني ...
عبدالله : طيب كليتي شي ؟
حياة: م لا..
عبدالله : أجل خلاص قلت لمهره تجيبلك أكل هنا ..
حياة "ت

انتظروني في الجزء القادم
اتمنى اشوف ارائكم
<<<<<<<<< اذا القصه موجوده سابقا ياليت ما تبخلون علي وتبلغوني

وين ردودكم الحلوه
او القصه ماعجبتكم

الجزء الثالث
\
:
جالسه فالصاله تتفرج عالتلفزيون تأكل بنتها دانه ذات السنه والنص ..
دق تلفونها وقامت ترد .. حصلتها أمها.. سلمت عليها وسألتها عن حالها
وحال ولداخوها.. وقعدت توصيها على عمرها مثل كل يوم .. وتعيد لها كيف
تستخدم إبر الإنسولين .. ولازم تحطها فالثلاجه كل يوم .. ولاتاكل تمر كثير ولاحلى كثير ولازم تنظم وجباتها..كل قواميس النهي تستخدمها كل يوم فمكالمتها لأمها ..
دخل عليها ومن شافها شاله التلفون ركض لها وإنقض عليها مثل الصقر
لما ينقض على فريسته ..خذا منها التلفون ولما تطمن إنها عمته نطل عليها السماعه وطلع لغرفته حتى من دون لايلتفت لبنيته ..
حاولت تبين طبيعيه يوم ردت تكلم امها ولاكن فيه شيء وبالفعل قدرت تمثل
الدور صح !!
\
:
" إحلف !! "
- وقسم بالله ياسعيد مايجيك مني إلا الصدق ..
سعيد : بعدي نفداه ..إيه ذي العلوم اللتي تسر الخاطر!
فيصل: ههه الله مير يسلمك..
سعيد: ههه..طيب متى قالولك نباشر؟؟
فيصل: قالوا متى ماحبيتوا ،، يقول المدير التنفيذي حنا اليوم المبارك اللي نوظف
فيه سعوديين من أبناء الوطن الغالي .. نحاول قد مانقدر نسعود كل الموظفين
ويبشرني إنه خلاص نسبة السعوده عندهم 100% .. ويقول خلنا نقدم ولو شي
بسيط لديرتنا ولعيالنا ..
سعيد: بيض الله وجيهم أشهد إنهم رجاجيل ..
فيصل: إيه والله بيض الله وجيهم ..
سعيد: ماتتخيل يابو فهد وش كثر تعنيلي هالوظيفه
فيصل: اللي يشوفك بتتوظف عسكري تراك تشغل ف كوفي !!
سعيد: والله لو إنه فراش عاادي أهم شيء أخلص من تسلطه .. ومع وظيفة الوزاره
الحمدلله نعمه .. ومثل ماقلت أخلص منه أهم شي!!
فيصل: ياسعيد تراه أبوك مهما كان وأنا ماشوفه تسلط تراه يبي مصلحتك فالأول
والأخير..
سعيد: هذا مايعرف إلا مصلحة نفسه .. عمري 27 سنه وماتذكر فيوم تنازل
وقالي كلمة ولاحتى حرف يحسسني إنه أبوي.. أصلاً قد قالها فوجهي
أنت مب ولدي .. ولاسلمان جعلني مابكيه عمره ماعصا شوري..
ويقول سبحان من خلاكم توم وطلعكم من بطن وحده !! ..
فيصل: حتى مهما كان هو أبوك ..مدامه ماعطاك فرصه تبر فيه بالفعل.. بِّر به فحكيك!!
سعيد: فيصل الله يرحم والديك من النار إرحمني من فلسفتك..إنت تدري إنت الوحيد
اللي أفضفض له باللي فخاطري فلو سمحت لاتحرمني من إني أتكلم على راحتي ..
فيصل" يصرف": ووالله ولقينا لنا زيادة دخل ياسُّعود.. بس تصدق خايف من كلام الناس
بيقولون قهوجي ذلحين مب قايلين يترزق الله !!
سعيد: يوه يافيصل والله لو بلاحي الناس عز الله شيبنا مازاد دخلنا!! ..
\
:
فوق ببيتهم بعد ماطلعت له الشاهي وتقهوا .. جلست تترجاه عشان يطلعها
لكنه يتعذر بالبرد وكسله يطلع فهالبرد ..
بندر: يابنت الحلال وين نطلع فذا البرد !!
غاليه : انت ووجهك وين برده ..الجو حلو مابه زود برد.. وبعدين ترانا بنجلس فالسياره بعد فالسياره برد ؟!!!
بندر: أنا بس من أحط رجلي برا يركبني مية جني .. يعني لاتحاولين..
غاليه: لا صدق !! هذا بس لطلعت معي!! ولالطلعت مع نويف ولاربعك
مشاء الله جنك ينحاشون ..
بندر: عليك نور.. يعني إفهميها ولاتخوين راسي ..
غاليه : م طيب ولاقلت ياحبيبي ياتاج راسي ياعمري وكل دنياي وش بتقول؟؟
بندر" متشقق":لا ذي فيها علوم .. نعنبو من ردك يابنت عبدالله .. قومي إلبسي عبايتك
غاليه : ههه .. أكبر مشكله في العالم الرجاجيل!!
بندر: هاه ترى ببطل
غاليه : لاويين تبطل أصلاً أنتو ملح الدنيا وسكرها و كل شي..
وفدقايق قليله جهزت غاليه بعد ماخطت عيونها اللوزيه بكحل زيتي ..
بعد مانزلوا قابلوا أهلهم وبما فيهم حياة ومهره اللي إنشبت لهم وطارت تجيب عبايتها
اما حياة تعذرت إنها تبي تجلس مع جدتها وخالتها اللي ماجلست معاهم اليوم وإكتفت بالإبتسامه ..
#
" شكثر مشتاق ياعمري
شكثر مشتاق لو تدري
أبوس عيونك الحلوه
وأحط يدك على صدري"
كان بندر مطول على صوت المسجل ويشر بكل حركه على صدره وعلى عيونه
حسب كلمات الأغنيه .. وغاليه مستانسه عليه .. أما مهره من حطها وهي تصارخ تبيه يسكرها..
مهره: بندر الله يخليك قفله .. الله يرحم والديك خاف ربك في السياره وماتدري
بنرجع البيت ولا لا..
بندر" يقصر عالمسجل": لحوول بدينا المحاظرات .. لو سمحتي لاتخربين علينا رومانسيتنا ..
مهره : لا لو سمحتوا رومانسيتكم لما ماكون معكم لكن لجيت معكم راعوا مشاعري
وخلوكم ذوق ..
غاليه : والله النشبه ..أصلاً وش جابك أعوذ بالله لاصقتن فيني وين ماروح تتبعني ..
مهره: يختي وش أسوي بنت عمي وبنت خالتي والأدهى والأمر مرة أخوي ..
بندر: عااد خلاص عطيتكم وجه .. وش تبون تتعشون ولانتقهوا فكوفي ولاناخذ سفري ..
غاليه : لاأحسن نتقهوا حرام نتعشا وحياة فالبيت أحس بتأنيب الضمير بعدين..
بندر: لاعاادي كانكم تبون تعشون نتعشا وناخذلها سفري ..
غاليه " تهمس له ":معك فلوس ولاترى مب لازم نسوي شي لاقهوه ولاعشا لاتشق على عمرك؟!!
بندر"بنفس الهمس":لاا ماعليك معي خير.."ويطول صوته"..هااه إخلصوا علي وين تبون
غاليه : أجل نروح ستار بكس ..وش رايكم؟
مهره " بشهقه":لا ستار بكس لا..تدرون صاحبه يهودي ويقولون من المتطرفين بعد!!
يصرف ريعه لخدمة مصالح إسرائيل ففلسطين ..
غاليه : صدق والله!!
مهره: إيه والله توني قاريتها قبل يومين فالنت
بندر: بعد فيهاا .. أجل ناخذلنا سفري ونروح البيت .. دججتوا لين قلتوا بس..
\
:
" عمي "
إلتفتله عبدالله بعد ماكان سرحان وإبتسمله بسمته المعتاده ..وقال: سم ياسلطان آمر..
سلطان : ههه وش فيك كني مروعك .. ووش آمر بعد !! ..لاشكلك رايحن فيها
..عمي تراني سلطان ..
عبدالله : ياخي تصدق أحسبك واحد أعرفه !!..أدري إنك سلطان يعني من؟!!
سلطان: ههه مدري..بس ماحب أحد يقولي سم أحسه واحد من الدكاتره يقعدنا
بسّم ويقومنا بسم ..
ورجع عبدالله لنفس واديه بعيد عن الدنيا ..ولاإستمع لأي كلمه من سلطان ..
سلطان : لاإله إلا الله .. ابو نايف .. وش فيك طال عمرك.. الدنيا هنا مب هناك !!
وعبدالله غارق فواديه ..
سلطان إستهم على عمه .. مب بالعاده يكون عمه هالشكل.. مهما كان عنده من
مشاكل يخفيها فداخله ويلبس قناع الراحه .. لكن هالمره القناع شكله تكسّر ..
سلطان " وهو يربت على كتفه" : ياعم الله يطولي فعمرك ويرضى عليك فيك شي؟!!
عبدالله " بعد مانتبه يحاول يجمع الباقي من قناعه": أبد سلامتك .. وش فيني مافيني
إلا العافيه ..
سلطان: مهب ظني ..
عبدالله : ريّح عمرك وانا أبوك مشاكل في المزرعه .. وقريب أن شاء الله ربك بيفرجها ..
سلطان: ليه عسى مب اللقح ؟؟
عبدالله : إلا ياولدي العمال يوم يلقحون وعشر لا.. ياتوقف على راسهم ولا مب هامهم..
سلطان : خلاص نفداك أنا بكره إن شاءالله بورحلهم وأعطيهم كلمتين يحرمون بعدها يتساهلون .
عبدالله :معااد ورى وش أقولهم ..ووش يقولهم ناايف وبندر.. يصلحون يوم ولايومين وبعدين يرجعون لنفس الموال ..
سلطان : يصير خير إن شاء الله ..
مشت على سلطان العله .. ولكن عند عبدالله ماخفي كان أعظم ..
كان سلطان بيفتح مع عمه موضوع يهمه ويبي ياخذ رايه فيه أو بالأحرى يستأذنه
بس من شاف حالته غير رايه وقال يأجله وقت ثاني ..
\
:
بعد مارجعت من الليدي طلعت غرفتها بعد ماقالت للشغاله تطلع الأكياس فوق ..
الساعه 11ألحين وموعدها مع صديقتها قرب ..
علقت عبايتها على الشماع .. وشغلت اللاب توب وراحت تبدل ملابسها على بال مايشتغل كمبيوترها ..
بعد عشر دقايق ..رجعت للابتوب وشبكت عالنت ..
فتحت صفحة المنتدى المشتركه فيه .. وإنفتحت صفحة المسن تلقائياً ..
ماحصلتها .. قعدت تتنقل بين أقسام المنتدى .. دخلت المنتدى الإسلامي مع إنه مابه
زود دين لكن هي تحب الإطلاع على كل شيء .. لقت أول موضوع " صل قبل أن
يصلى عليك " ..وعلى طول تذكرت إنها مابعد صلت العشاء لألحين ..
سوفت لنفسها بتصليها بعد ماتفتح منتدى الخواطر ..
فتحت المنتدى وشدها موضوع وحده نكها " حكاية ليل " وكانت بعنوان " الرقص على حافة السعاده!!" .. شدها الموضوع وفتحت الصفحه مع كم صفحه ثانيه لكتاب تتابعهم دوم وتتلهف لجديدهم.. وبعدها راحت توضا وتصلي عالساعه 12:15..
بعد ماصلت رجعت لصديقتها الصدوق ..
وحصلت سلمى قد جات وملت المسن ألوهات وياهوهات ..
إبتسمت صيته بفرح وحطت اللاب توب فوضعه المعهود فوق البطانيه على فخوذها..
*ماهقيت إن الفجر يقدرر يخون وقت الفجر!!: بسم الله عليه!!
*حبيبي إعذرني لو حطيتك بقلبي‘ "سلمى": منهو؟؟ "وجه التفكير"
*ماهقيت إن الفجر يقدر يخون وقت الفجر!!: كمبيوتري حبيبي إرتاع من كثرمارجيتيه ..
*حبيبي إعذرني لو حطيتك بقلبي‘: هيهيهيهي بايخه زي وجهك "وجه الغيظ"
*ماهقيت إن الفجر يقدر يخون وقت الفجر!!: " وجه الغيظ"
*حبيبي إعذرني لو حطيتك بقلبي‘: هااه وش علوم الطلعه ؟؟
*ماهقيت إن الفجر يقدر يخون وقت الفجر!!: الحمدلله زينه لوذالعله مهب معي كان..
*حبيبي إعذرني لو حطيتك بقلبي‘: ههه الله يعينك
*ماهقيت إن الفجر يقدر يخون وقت الفجر!!: آمين الله يفرجلي منها .. يووه ياسوسو فيها ثقالة دم وع مب طبيعيه..
*حبيبي إعذرني لو حطيتك بقلبي‘: ههه دبه تراهي أختك!!
*ماهقيت إن الفجر يقدر يخون وقت الفجر!!: لاوالله صدق ..طول ذالوقت إحسبتها بنت الجيران..
*حبيبي إعذرني لو حطيتك بقلبي‘: هيهيهيهي إلا هي فسنه كم ألحين ؟؟
*ماهقيت إن الفجر يقدر يخون وقت الفجر!!: م أظن إنها فثالث ثانوي..إلا فثالث ثانوي
أتذكر إن بينّا ثلاث سنين هي عمرها 18 وأنا 21..
*حبيبي إعذرني لو حطيتك بقلبي‘: اها يعني يالعجوز عمرك 21ألحين !!
*ماهقيت إن الفجر يقدر يخون وقت الفجر!!: خ تخيلي حتى أنتي "وجه الغيظ"!!
وسكتت سلمى فتره .. بعدين رجعت
*حبيبي إعذرني لو حطيتك بقلبي‘: صيته عيوني إعذريني دخل تروك ألحين مضطره أخليك
*ماهقيت إن الفجر يقدر يخون وقت الفجر!!: وأنتي مابعد سويتيله بلوك !!انا كم مره قايلتلك حرام إنك تضيفين رجال ماتعرفينه عندك ؟؟وكم مره قايلتلك إن هذا من الخلوه اللي نهى عنها الرسول عليه الصلاة والسلام ؟؟
*حبيبي إعذرني لو حطيتك بقلبي‘: ياإلهي بدت صيته كلامها اللي ماينتهي ..وياليته من زين الدين عندها .. تفرد عضلاتها علي!!
*ماهقيت إن الفجر يقدر يخون وقت الفجر!!: صح مب من زود الدين عندي ..لكن الواحد
يلزم حدوده .. والله ياسلمى كل ماقعدت أفكر أقول وش قدمنا فدنيانا.. ماقدمنا إلا المعاصي
والذنوب .. لاصلاةٍ على حلها ولاعبادةٍ على حلها ..
أرسلت صيته المسج وإنتظرت احد يرد عليها .. لكن بعد ثواني فقدت الأمل إن سلمى ترد
.. سكرت المسن نهائياً ورجعت لصفحات المنتدى اللي بالنسبه لها بيتها الثاني أو بالأحرى بيتهاالحقيقي .. رجعت لنفس الصفحه اللي شدتها .. كانت اول مره تشوف لها مشاركه فعليه
تشوفها دايم فالردود وكانت تعتبر ردودها من الردود المتميزه .. أعجبها إن يكون لها صفحه
خاصه مستقله بذاتها ..
"
هناك بعيداً عن اللاوجود ،،
في معمعة اللاهدوء واللاسكون ،،
أحاول أن أتمرن رقصاً على حافة السعاده !!
مخضبة ببقايا الألم
ومحملة بشتات الأمل
أرقص وأنتظر
أنتظر وأرقص
أرقص وأنتظر
،،،
،،
،
أنتظر يداً تنتزعني من بقاياي
وأنتظر قلباً يجمع أشلائي
وحلماً يسكن مساءاتي
يصرخ شوقا
يمطر حبا
يرعد هياماً
ويبرق عشقاً
،،
،
أقف وترمقني الفصول الأربعة بعينيها!!
أي إمرأة تحت جلدك ياإمرأه ؟؟!
شتاؤها دون أمطار
صيفها دون دفء
خريفها دون أشجار
وربيعها دون ألوان !!!
،،
،
هناك في معمعة الهدوء والسكون
أحاول أن أغتال صمتي
وأن أبدل جلدي
وأكسوه حريراً
وأملأه عبيراً
أحاول أن أسجنني فيني
وأسد فوهة براكيني
وأن أحكم جنوني !!
،،
،
هنا في رياح اللاهدوء واللاسكون
أحاول أن أتمرن رقصاً على حافة السعاده
أنتظر
وأنتظر
وأنتظر ،،
"
.
.
عجبت صيته الخاطره بشكل غريب .. حروفها لامست أعماق قلبها..حست إنها تحمل
الشيئ الكبير من مشاعرها ..
كانت كتابتها مب لذاك وماتحب تعرضها على أي كائن كان ..فإكتفت بالرد على الموضوع
بعد ماشافت الفايل الشخصي للعضوه .. وحصلتها من عمرها اللي زاد من إعجابها ..
فكتبت
( حروف قطعت شوارعي دون أن تستعلم عن لوحات مرور وغير مباليه بإشارات مرور كذلك هاأنت تعزفين بهمسك على أوتار الحكايات ،، وهاأنت ترسمين بأناملك أسطورة جميله ،،
لحظورك رونق جميل يغلفه عالم من الجمال ،،
ولحظورك عبق يفوح بشذاه ،،
ها أنا أسجل مواعيدا مع حروفك وأبتسم لإمتطاء هوائها ،،
حروفك لامست وجدي حد العمق..
شكراً لوجودك بيننا
أرجو أن تعذري قصور حرفي
تحياتي القلبيه أهديها لقلمك وروحك
ودمتِ لنا فيض عطاء لأعذب الكلام ،، وندى يبلل عروقنا يوقت الظمأ ،،
لكِ إبتسامه يخجل لها المطر
دمتِ ك إتساع سماء ،، )
\
:
" صباح آخر بنفس النكهه "
\
:
في الفسحه والفوضى تعم المدرسه .. الضحك والصوت يكسر الجدران ..
عند أحد الشلل المكونه من أربع بنات .. تقول وحده منهم إسمها رشا ..
رشا: حنان معليش ودي أسألك سؤال من عرفتك وانا ودي أقوله بس مستحيه ..
حنان : طيب إسألي عاادي .. من متى وأنتي تستحين؟ خابرتك فاصخة الحيا من زمان ههه
" ضحك دوى المكان"
رشا: لاصدق نفسي أعرف ليش أنتي فهالمدرسه؟ أقصد ليش مارحتي مدرسه أهليه!!
حنان: شوفي رشا..انا مقدر أستغني عن أمي..ماأعرف أروح مكان فيه عالم أختلط بهم إلا هي معي .. وحكوميه واهليه كلها وحده .. وكانه على النجاح بينجحوني غصب عنهم..
فاتن : عاشوا
وتناظر حنان صديقتها نوره اللي من جلست مانطق لسانها .. وعيونها مليانه بسوالف
حيره مالها اول ولاتالي ..
حنان: رشا ،فاتن ياللا لو سمحتوا هوونا .. خلص وقتكم..
رشا: لحوول طيب جاملينا شوي ...
فاتن: كذا عيني عينك لبخ بالوجه .. أهم شيء لاتسوون حركات مالها داعي
ترى العيون مفتحه كبر السماء عليكم!!
حنان: ههه فذمتك أحد يقدر يقولي شي!!!!
فاتن: ههه انا أشهد إنه لا..
حنان: أجل يااللا ظفوا وجيهكم..
بعد ماراحوا البنات ..
حنان: هااه وهذولا البنات وقلعناهم .. ممكن تقوليلي وش في حبيبتي زعلانه ..
نوره " بطيف إبتسامه": سلامت قلبك مافيني شيء.
حنان: شوفي نوره مارح أترجاك عشان تعلميني.. فلو سمحتي قوليلي
قبل لايصير شيء مب طيب..
نوره فخاطرها"أمحق أسلوب "
نوره: مم بس كنت أفكر فأبله حياة والتمثيليه اللي سويناها مع أمك..
حنان" تحط يدها على فم نوره": أص يامال البلا اللي يبلاك ..فضحتينا
الله يفضحك ..
نوره"إنفلتت أعصابها": أصلا انا الخبل اللي طاوعتكم .. ولاوش ذنبها المسيكينه نألف كلام ماله داعي.. مافكرت ربي بيبتليني فيوم من الأيام.. وش بيكون موقفي لدرت إن كل ذاه من تحت راسي!!
حنان:أيواه ياضمير..وانتي قلتيها من تحت راسك..يعني احنا مالنا دخل ..
يعني لو صار وصحى ضميرك بقوه وعلمتي إنتي اللي بتروحين في الرجلين ..
نوره: أصلا وش اللي حادني على ذا كله من البدايه . ولاكنت مرتاحه مالي
ومال مشاكلكم ؟!!
حنان: ههه عاد وش تقولين فالحب لالعب فحسبة الواحد !!
إلتزمت نوره الصمت ولسان حالها يقول " مالت عليك وعلى من يحبك .. وش ينحب فيك ياحسره .. الله يحييني لين آخذ غايتي منك وأصلح كل شيء تكسر .. يارب عجل بالفرج "
\
:
جالسه بعبايتها فصالة الإنتظار.. دقت على إخوانها يجونها .. سلطان مقفل جواله وبندر
يقول مشغول لراسه وثنين من الموظفين مستأذنين فلا يقدر يطلع ..
دقت على عمها وقالها إنه توه نازل الخرج ..
رجعت تدق على البيت وردت خالتها وقالتلها تكلم نايف ولاأحد يجونها قدلها ساعتين
من خلصت وهي ملطوعه ..
أيست مهره من حالها.. كل يوم على ذاالموال .. كل واحد ينطلها على الثاني .. تشوف الويل لجات تروح البيت .. كانت دايم تقولهم يجيبون سواق وهي اللي بتدفع راتبه من مكافأتها بحكم إنهم يتججون بإنهم مايقدرون يوفون راتبه .. يكفي الشغاله اللي لاطلبت رواتبها تهد حيولهم ..
لكن هم طبعا مارضوا إن الحرمه هي اللي تصرف عليه ..
\
:
فالبيت /
أم نايف بعد ماسكرت منها مهره ..دقت على نايف وحصلت جواله مقفل ..
شكل ماعنده شبكه عشان كذا يعطي مقفل ..
دقت أكثر من مره لكن بعده مقفل ..
دقت على بيت الجيران "
أم نايف: السلام عليكم
أم خالد: مرحبا ومسهلا عليكم السلام
أم نايف: ياالله حيّها..شخباركم وشخبار شايبك وعيالك
أم خالد:أبشرك بنعمه نشكر الله ونثني عليه ..وأنتي شعلومكم
أم نايف: علوم السهاله أبشرك..إلا ياأم خالد سواقكم موجود؟؟
أم خالد: لاوالله ياوخيتي راح مع الشايب لسوق الخضره
أم نايف: اها.. خلاص الله لايهينك
أم خالد: كانكم تبونه ضروري مايخالف بكلم أبو خالد يجي بسرعه
أم نايف: لاوالله ماتكلمينه.. تصبر لين يطلع أخوها..
أم خالد: من هي؟؟
أم نايف: مهره بنت عبدالرحمن..طالعه قدلها ساعتين وملطوعه هناك مابه أحد يجيبها ..
أم خالد" تبتسم لفكره مرت فبالها": أفا . . لا كللش إلا مهور ..خلاص بمرك انا وخالد ولدي وإركبي معنا ونروح نجيبها..
أم نايف: لا شدعوه ماله داعي كل ذاه ..مب أول مره تتأخر متعوده البنيه..
أم خالد: حرام إن نروح نجيبها..حشا ماخيبك وأنتي مكلمتني ..
أم نايف"بسذاجتها ورحمتها لبنت أختها": الله يخليلك عيالك ويعطيك العافيه..أشهد إنك ماتقصرين .. أجل خلاص مروني ونروح نجيبها ..
أم خالد: أبشري ..ه فمان الله ..بروح أنادي خالد
أم نايف: الله يحفظك ..
سكرت أم نايف وقالتلها خالتها ..
أم عبدالله : ومن بتروحين تجيبون ؟؟
إرتاعت أم نايف وقالت : بسم الله الرحمن الرحيم.. روعتيني نفداك ..
بنروح نجيب مهره .. كلمت العيال ومحد رد علي..قلت مانيب مخليه بنيتي
منلطعه كذا ..
أم عبدالله " بعباطه" : ومن أنتي وياه !!
أم نايف:خالد ولد الجيران .. بدال تسكاعه في الحاره خل نروح نجيب بنيتنا كون يجي منه فايده ..
أم عبدالله : هاروحي الله يستر عليك .. ولاتنسين تكلمين عمها ولاأخوها تعلمينهم
أم نايف " وهي تقوم": مااعليه ..إن شاء الله مب مخالفين ..
\
:
"بعد نص ساعه"
طلعت مهره من الكليه بعد ماكلمتها خالتها وقالتلها إنها عند الباب تنتظرها..
قابلتها عند الباب وودتها لين السياره..وطول ماهي تمشي تسألها مهره من اللي جاي
لكن ماردت عليها ... يوم وصلت مهره عند السياره صلبت ورصت على يد خالتها بقوه ..
جرتها خالتها بسرعه ودخلت هي وياها السياره ..
أم خالد" تغمز لولدها وبهمس": هاالله الله لاوصيك تمقل زين وأنا أمك ..!
وإبتسم خالد لأمه كنه يقول لاتوصين حريص
أم خالد: أرحبوا ياالله حيّهم
أم نايف: الله يحييك ويبقيك
أم خالد: شلونك يابنت عبدالرحمن ؟
مهره من ركبت وضعها غير طبيعي .. ودنياها غير الدنيا ..
أم نايف: الله يعطيكم العافيه ..تعبناكم معنا
أم خالد: إلا أنتي يامهره فصف كم ألحين ؟؟!!
مهره يوم سمعت " صف " ماغير تكتم ضحكتها..غيرت مودها شوي !!
أم خالد: لحوول وأنتي القطوه ماكلتن لسانك !!
وفهاللحظه دق جوال أم نايف ..يوم شافت الرقم خذت نفس عميق وردت بهمس بعد ماورت مهره الرقم..ومهره بدورها حست برعشه فكامل جسمها ..
- هلا
- الحمدلله
- إيه خلاص بس كنت أبيك تجيني نروح نجيب مهره
- لا خلاص جبناها
- جاتني أم خالد وولدها ورحنالها..
- لاحول ولاقوة إلا بالله .. وين تجينا.. تنزلنا فالشارع يعني ..
- خلاص إحنا عند الإشاره اللي قبل البيت ..
- عط عمرك الراحه .. فمان الله ..
\
:
" حليلك .. قدها تقول يامكه يامكه "
حياة: يانااس حبيلها .. فديت عمرها تكفين تعاليلنا اليوم ..مشتاقتلها الدبدبوبه
سميره: أمّا نجيكم كثري منها واملي منها خياش وقطيها فالبحر..
حياة: ياسخفك سموور والله إني صادقه .. آخر مره عهدك ببيتنا قبل سنه !!.. حرام عليك .. كل يوم أمي غاليه وخالتي يسألون عنك ..
سميره : تتكلمين كنك ماتعرفين الحال !! .. معليش حياة مابي أفتح الموضوع ماأصدق أجي المدرسه أفرج عن نفسي شوي ..
حياة : الله يسخره لك ولبنيتك ..
سميره : إلا ماقلتيلي.. قلتي لأحد من أهلك عن السالفه
حياة: إيه ياحليلك قلت لعمي ..
سميره: عمك مره وحده !!
حياة : أصلا أنا لألحين مب مصدقه إني قلتله !.. بس يوم شفته مدري شلون ضاعت علومي ..
سميره : طيب هاه وش قال ؟؟
حياة : تصدقين سميره .. حاولت أستشف من وجهه أي ردة فعل أو أي شيء ..والله إني أستحيت حسيت إني مكبره الموضوع على غير سنع !!
سميره : ههه يعني ماتعرفين عمك .. مهما كان الموضوع كبر الدنيا في نظركم مايساوي النمله عنده قدامكم .. مع إني متأكده إنه قاعد يطحن بداخله بس مايبي يحسسكم بعظم المشكله
.. يعني بإختصار مايبي يقولكم إنكم في مشكله ..
حياة " بإبتسامه طالعه من أعماق قلبها ": حليلك سمور اثرك تغزلين في عمي !!
سميره : ههه مالت عليك ذلحين ذا غزل .. لكن مقدر أنكر إني أموت فيه !
حياة " تضرب بيدها على صدرها وتشهق " : وجع بعد تموتين فيه .. هيه تراك غاليه ..
إلا خالتي لاتقربين صوبها ترى أثّور فيك ..
سميره : ههه حبيلك .. اللي يشوفك بعد شوي بعرسبه .. حبيبه تراني متزوجه يعني محصنه لاتنسين .. وحبي لعمك تراني أعده مثل أبوي وعمري مرح أنسى جمايله علينا
أنا ومويمتي ..
حياة : أشوا على بالي .. تعالي وش أخبار راشد
سميره " بحزن": ام الله يفك ضيقته ويفرج عليه ...
حياة: شكلكم من زمان مازرتوه صح ؟!!
سميره : خليها على الله بس .. من بيودينا ياحسره ..
حياة: انا كم مره معلمتك .. لابغيتوا شي بس عطونا ألو وهوا نكون عندكم ..
سميره : الواحد صار يستحي منكم ياحياة .. كل مابغينا شي كلمناكم .. ياوجه استح !!
حياة : طيب ماتبون تكلمون .. تعاقدي لأمك مع ليموزين يوديها ويجيبها ويركب معاها
حمّود ولد راشد مشاء الله معادهب صغير .. والواحد مايدري وش في الغيب..أمك معاها
السكر لاتطيح والله محد يدري عنها !!
سميره : ام بدرس الموضوع إن شاء الله ..بس الله يسعدك أبيك تروحين لها اليوم وتجيبينها هي وحمّود عندي .. لي حول الشهر ماشفتهم وصاحب السمو طبعاً ممنوع أفتح فمي

اعتذر لنقل القصه وهي موجوده في المنتدى بس عندي سؤال ليش لمى سويت بحث ماظهرت لي القصه

هلا حبيبتي عنوان انا اللي نقلتها اقول لك ليش لان الاسم اللي انا حاطته عنوان طويل ومقطع مو عادي فالبحث يطلع لك مطابق للاسم اللي انتي حاطته