قصيد لبت تزوج زوجها عليها

قصيده لبنت تزوج زوجها عليها...!! السلام عليكم وحمة الله وبركاته
هذي قصيدة لوحدة الظاهر اسمها منيرة بعد ماتزوج عليها حبيبها
لكن القصيدة حلوة وعجبتني وحبيت تقرونها
اخليكم مع القصيدة
جاني الخبر يا صاحبي وأظلم الكون =
قدام عيني ثم نطقت الشهاده
على العموم أقولها ألفين مليون =
مبروك من قلب شكالك ابعاده
مبروك ولا يهمك سواليف وظنون =
من عاشق يهديك فرحة فؤاده
سو الفرح اليوم واٍبليس ملعون =
واٍللي يشب النار يجني رماده
أنا أول العالم على الصاله يلفون =
وأول معازيم الفرح والحداده
أبشر أبرقص على العرس بالهون =
وكلن يعبر فرحته بجتهاده
لو البلا برقصي يقولون مزيون =
المشكله بلقبن راح يفضح وداده
يوم العذارى في دخولك يغنون =
وعروستك بأحلى ثواني السعاده
كنت أتمنى بدالها والله أكون =
وأحط أنا كفي تحت راسك وساده
وشلون أبكتم صرختي يوم تمشون =
تكفى خذني للعروسه قلاده
حتى معازيم الفرح قاموا يمشون =
وأصبحت أنا وحدي بدون استفاده
وطفوا علي النور من غير يدرون =
قصر الفرح يا قبر ( منيره ) ومهاده
وصيتي لو جاك بنت وأنا عليك أمون =
تكفي سمها ( منيره ) قبل الولاده