قصيدة عن حبك

لعنبو قصة غرام كل ابوها كلمتين
ابتدينا عند احبك وانتهينا عند باي
تونا مامشينا فالهوى لوخطوتين
وانتها الموضوع كله حتى ماعرف وش خطاي
ونتهت قصّة حياتي بكل سهوله تحكمين
وين احبك؟وين اريدك؟وين ساكن في حشاي
يمكن انك ماوفيتي يوم جيتي تعشقين
ويمكن انك تحسبيني بتبعك من دون راي
ويمكن ااصلا ماعشقتي بس كنتي تلعبين
ويمكن انك ماوصلتي في هواك لمستواي
ويمكن اني ماعرفتك فالحقيقه وش تبين
ويمكن اني خنت نفسي..يوم اعطيتك وفاي
علميني فالهوى ياجاهله وش تعرفين
تعرفين انك غديتي (شي)يجري في دماي
علميني فالعطاء والتضحيه وش تفهمين
لعنبو حيك عشانك بعت اقرب اقرباي
كنت احطك في عيوني تسرحين وتمرحين
كنت اشيل هموم قلبك وارمي همومي وراي
كنت اطير من السعاده يوم اشوفك تضحكين
كنت ذايب في هواكي مثل سكر وسط ماي
كنت نايم فالعسل وارسم من الفرحه سنين
كنت اظنك قلب عاشق ماسكن وسطه سواي
ماوعيت الاوانتي في خفوقي تطعنين
ماوعيت الاوسيفك بالحشا....رايح وجاي
وردة ايه والله ورده بس عرفتي تجرحين
كل شي فيني جريح الافخامة كبرياي
ما تأثرت بغيابك --- ويش يعني دمعتين --!!؟؟
بكره انسى _ صدقيني _ وارجع بكامل -- قواي
ادري ان حنا - افترقنا -- بس ,, ابفهم حاجتين
علميني وش كسبتي -- !!؟ --وعلميني ’’ وش خطاي
اصلا الموضوع كله -- ما تعدى --- كلمتين
التقينا عند ( احبك ) ---!!,, وافترقنا عند ( باي)