قطع الكيك بالبسكويت روعه وراقي للتقديم

بسم الله الرحمن الرحيم
السلام عليكم
صباحكم /مسائكم فل وياسمين
اليوم جبت لكم قطع كيك مزينة بالبسكويت بصراحه روعه
وشئ راقي للتقديم وتغير فالكيك العادي وبيعجب الاهل والضيوف
واتمنى تعجبكم الوصفه وتطبقوها
المقادير:
كوب حليب
نصف كوب زيت
كوب سكر
2 حبة بيض
كوبين طحين منخول
ملعقة كبيره بيكن بودر
رشه خفيفه ملح
للتزين :
بسكويت ساده
لوز
كريمه مخفوقه او دريم ويب
شوكولاته
الطريقه:
نمزج البيض والسكر والزيت والحليب ونضربهم ضربا مبرحا خ
حتى يتضاعفو وماننسى رشة الملح
نمزج الطحين مع البيكن بودر ونضيفه على الخليط حتى يتجانسو مع بعض ونضعه في صينيه مدهونه ومرشوشه طحين
نحطها فالفرن لمده 25 دقيقه على نار متوسطه انا الحراره خليتها متوسطه 10 وخفضتها المده الباقيه
بهالطريقه اضمن نضوج الكيك جيدا وعلى مهله
شوفو كيف شكلها ام
ناخد سكر وماي ونعمل قطر بس يكون خفيف ونرشه على الكيكه من فوق
هذا البسكويت الساده اللي بزين بيه واللي جمبه لوز وحطيت عليه ماي حار عشان اشيل القشره بسهوله
هذا شكله بعد ماشلت عنه القشره
حطيته في منديل عشان انشفه من الماي
وحطيته فالزيت علشان احمره
البسكويت بخطوط مثل الصوره
هذا شكل البسكويت بعد ماخلصته
ناخد الكريمه ونحطها على الكيكه وندهنها كلها
بعد ماحمرنا اللوز فالزيت وخليناه برد شوي نطحنه شوي يكون خشن ونرشه فوق الكريمه
وناخد كل قطعه بسكويت ونحط عليها شوي من الكريمه مثل الصوره
ونبدء نرص قطع البسكويت المزينه على وجه الكيكه
وهذا شكلها بعد مارصيت كل القطع
وتقطع قطع صغيره على حسب قطع البسكويت
وهنا زينت الصينيه بشموع
وهذه بعد ماقطتها
اتمنى الوصفه تعجبكم اي استفسار انا جاهزه ودعواتكم لي الله يحقق اللي فبالي
منقول لاحلى فراشات