قيثارة الرومنسية وحلمها وحبها

امكن اكون متسرعة بس اكيد موعجولة
نفسي احط يدي على بطني واحكيله قصص
نفسي ارسم له حياته واقوله احلامي
يشاركني حبي لابوه
اضمه واشم ريحته
اجهز اغراضه وامسك يده باول خطوة
نفسي اكون ام لبنت ولاولد مايفرق
بس ابغى افرح زوجي زي ماهو احلى شيء بحياتي
نفسي اعطيه طفل واقوله هذي روحي وروحك
ماتتخيلون السبت كان اخر ايام التبويض
وجالسة دحين ابحث عن الاعراض
ههه اعرف بدري
بس نفسي ومشتهية اتوحم مهما كان الوحام صعب
شفت الدمية الزاحفة بسبيس تون وهبلت زوجي ابيها
كل مرة اروح تجمع سلفاتي ببيت عمي اخذ معايا حلاو وشيبس وبسكويت
دايم عمتي ام زوجي تقول ربي يفرح قلبك بولد ويجزيك خير على حنيتك
بكل لحظة افتح لاحد من الاطفال حلاوة اهمس لنفسي
ابغى ولدي يشبه فلانة بكذا ويشبه علان بكذا
صار فيني جنون اطفال حتى حلاو ولعب وبلونات عندي
اصعب الشيء ان زوجي مايعبر بس انا احس فيه
نفسه يكون اب ادعولي يابنات اني احمل ذا الشهر
والله هو حتى دوام ماداوم كله عشان ايام تبويضي
وجايب لي مسبحة عشان الاستغفار وحاط دعاء الاستغفار
بكل ركن عشان نستغفر الله
اعرف ان رحمة ربنا واسعة ولكل شيء حكمة
بس تكفون لاتنسوني من دعائكم