كاسات الصامولي بالدجاج روعه صور

رتان

14-03-2022 - 05:16 pm

بصراحه اعجبتني هاذي الطريقه وحبيت انقلها لكم
اول خطوه تجيبين الصامولي العادي انا كان طويل شوي قصيتهم لاربع اقسام زي منتو شايفين هنا
وبعد كذا تفرغينها بس القاعده تخلينها وتصفينها في صينيه تدخل الفرن
زي كذا

التعليقات (8)

رتان

14-03-2022 - 08:12 pm

والحين تحشينهابهالحشوه:
3 قطع من صدور الدجاج
الصامولي كان اربع حبات بس مقسمه لاربع
جزره متوسطه
بصله متوسطه ملعقتين مايونيز
فنجال شاي كريمة خفق
تحمسين البصل دقيقتين ومباشره حطي الدجاج المسلوق المنتف
واحمسيهم شوي وحطي الجزر واحمسيهم دقيقتين يادوب وحطي نص ماجي وبهاراتك المفضله
والحين حطي الكريمه وحركيهم وغطيهم 5 د ق
وطفي وحطيها في باديه واضيفيلها ملعقتين مايونيز
وراح تطلع بهالشكل:
والحين تحشين الكاسات الين تخلص الحشوه
وتحطين فوق كل وحده جبنه موزاريلا
(وممكن لو حبيتي نكهه أغنى تحطين كرافت شيدر)
وتصير بهالشكل:

رتان

14-03-2022 - 09:13 pm

والحين تدخلينها بالفرن يكون حار وتخلينها الين تذوب الجبنه بس مو اكثر
(التحمير مو مطلوب)
وتطلعلك بهالشكل
وطعمها بالمره طعم وسريعه ترى
وشكلها امور...
وبالعافيه
وهذي صوره ثانيه

smilehope

14-03-2022 - 10:14 pm

مره شكلها شهي مشكوره اختي على الطبخه الرائعه

جووود*

15-03-2022 - 12:16 am

شكله يجنن وسهل ولذيذ ان شاء الله بجربه
يعطيك العافيه

q_wg_j

15-03-2022 - 01:17 am

شكلها يجنن ويشهي يسلمو و

ام عبدالله999

15-03-2022 - 02:18 am

مشكوره اختي على هالطبخه ر وعه