كانت تكلم شباب وماخلت احد بالجماعه ماكلمته وتزوجت وأنأ لا

بسم الله الرحمن الرحيم ,..
السلام عليكم ..
والصلاة والسلام على محمد رسول الله ..
بنأت العنوان واضح ..
أنأ بتكلم بطلع كل اللي بقلبي ...
أول مره اقول اللي بقلبي ...
بنأت انا الحمدلله ماخلي صلاتي والاستغفار ماخليته والاذكار دايما والقران يوميا والتسبيح يوميا ..
وصلاة الليل الحمدلله مداوه عليها .. << وأسأل الله الثبات يارب ..
المهم اني يابنات كل البنات اللي معاي بنات عماني وعماتي وخالاتي تخلوا كلهم << طبعا مو كلهم كلهم لا قصدي اللي امشي معاهم كبري يعني ..
تخيلوا انهم يكلمون شباب ويلعبون عليهم .. وماخلوا احد ماكلموه ..
استانسوا بحياتهم ماخلوا شي ماسوه ..
شوفوا ..
حنا بنات واجد كلنا نتجمع وكل وحده تسولف شنو سوت ..
اللي تقول تعرفت ع واحد مصخرته ..!! واللي تقول خليت فلان لزقه ... والي تقول شفت فلان .. واللي واللي واللي ... الخ ..
أنأ بطعا ماحب اسوي كذا لاني بالاول اخاف ربي واخاف ع اهلي ..
وحده منهم شرت خط من ورى اهلها باسم هندي ..
ولعبت فيه لعب ماخلت احد مالعبت عليه ..
وعطت البنات كلهم وكل وحده لعبت ..
وطلعت مع شباب واعدتهم ..!! واللي عطاها هديه ..
تخيلوا لعبوا على عيال عمهم وعيال جماعتهم كلهم ... ماخلوا احد ماكلموه ..!
استانسوا وضحكوا معاهم .. وكم واحد بصراحه عرفهم صادهم ..
والله انهم ماهمهم ... لا صار لهم شي .!! العيال اللي كلموهم قالوا انتي فلانه بنت فلان هين اعلم علييج .. ولا سوا لهم شي ..
ماقص عليكم واقولكم اني احتريت ودي اسوي مثلهم ..
حرمت نفسي علشان رضى ربي ..
وبالاخير .. كلهم ملكوا ...........!!!!
كلهم يابنات كلهم تعرفون شنو يعني كلهم .....!!!
الا انأ ..!!
بقولكم موقفي اول شي ..
بشرتني اختي قالت فلانه ملكت .... انا فرحت لها والله .. ودقيت وباركت لها .. وبعدها بكم شهر .. امي قالتلي ترى فلانه ملكت .. هم فرحت والله .. ودقيت وباركتها ..
لحد الحين ماتضايقت ولا شي .. اختي قالتلي اظاهر الدور جايلج وحده ورى الثانيه ملكت ... استانست ..
وقعدنا فتره ولا تكملك الثالثه ... اصغر مني ب 3 سنين ..اهني تضايقت .. فلانه هذي لعبت حيل وخواتها يدون وتواعد .. ماشاء الله ..نصيبها ماشي ...
سكت باركتلها قلتي دوري راح يجي ...
تزوجت الرابعه ..!! وبعدها بسبوع الخامسه .. آآآآآآآآآآآآآآآآآآآآآآآآآآآآآآآآآآآآآآه ..
قلت قريب يجي دوري .. وادعي ..
وتجي السنه ورى السنه ...
السالفه من 2007 لحد الحين ماصار شي !!!!!!!
طبعا انا مادعيت حيل ولا استغفرت بسنه 2007 و2008 .. بديت بالحمله والتقرب اللى الله سنة 2009 ..
8تزوجوا البنات وحده ورى الثانيه ..
حتى صديقاتي اللي بالثانوييه كلهم تزوجوا .. رحت عرس هذي وعرس ذيك ..
جت 2009 ثلاث ارباع البنات اللي يصيرون لي ورفيقاتي ومن اللي اعرفهم ايام الدراسه تزوجوا سنة 2009 ..
انقهرت حيل كل مايجي عرس قلت هذي رفيقتي .. ابوي يقول ماشاء الله كل الناس صديقاتج ...
امي حست شوي .. شافت كل البنات اللي قدي واللي اصغ من من الجماعه تزوجوا تخيلوا يابنات كلهم تزوجوا كلهم والله كلهم واله ...
والله تحطمت .!!!
خلصت سنة 2009 وكل البنات تزوجوا بقى بس اللي املكات ..
سنة 2010 تحدد عروسهم كلهم ..!!
وأنأ .....!!!!!!
اانا اللي ماكلمت ....!!
انا اللي ماخليت صلاتي ... وماخليت ربي .. .!!
قعدت ..!!
والله حتى خالاتي يقولون حق امي اي احد يخطبها وافقي عليه ... ليش ..؟؟؟..
شفيني ..؟؟
مأقولكم محد خطبني .. الا الحمد لله خطبوني شكثر واكثر وحده فيهم .. بس ماصار نصيب ...
جدتي تقول حق امي البنات كلهم تزوجوا قعدت بنتج .. اي احد يخطبها وافقي عليه لاتقولين لا ..
أكابر قدامهم اقولهم عادي ماهمني ..
آآآآآآآآآآآآآآه وانا من داخل مت قهر ...
بالكليه نتجمع كلهم يتكلمون عن ازواجهم وانا احاول اغير الموضوع .. وكل وحده تقول يوه ذبحني النوم .. مانمت ياحظج ..!!
وتجيني وحده وتقول ماانصحج بالزواج العزوبيه حلوه ..!!
تخيلوا تخيلوا معاي .. نقعد بالكليه كل البنات تزوجوا واللي املكه .. وأنأ .................!!!
بكيت حيل ضقت والله ضقت خلاص ..
خايف خايفه من بكره ...!!
بنأت طلبتكم تكفون تكفون ماطلبتكم الا انا محتاجه ... تكفون ادعولي ادعولي ادعولي ..
ان ربي يزوجني ولد عمي ( ع ) وماتخلص السنه الا وانا ابيته تكفون ..
وانا احلف بالله ان اي وحده تدعيلي من قلبها لها دعوه باخر الله والله والله بس تكفوون تذكوني بدعائكم ..
والله اني ادعيلكم .
وأسفه ع الاطاله ..