كباب التمر حلى قهوة من أختراعي الكل أدمن عليه

مرحبا:
جايبة لكم حلى قهوة بسيط جدا و لذيذ و شكله حلو بعد و كانك تعبانة فيه...
المقادير سهلة و متوفرة:
تمر + زبدة + بسكوت شاي + بسكوت أعواد
الطريقة:
نطلع الفصم من التمر و نعبطه ( نعجنه ) .
نسيح الزبدة و نحطها على التمر و نعبط مرة ثانية زين الى ان تتكور عندنا.
نفتت بسكوت الشاي على العجينة و نعجن زين الى أن نحس أنه الزبدة ما عاد صارت واضحة..
نأخذ قطعة و نفردها بيدنا ثم نلبس عود السكوت بحيث نخلي طرف واحد له واضح ، و هكذا الى ان تنتهي الكمية..
نصفه في صحن مرشوش ببسكوت شاي مفتت علشان ما يلصق ثم نرشه من فوق بعد ببسكوت شاي مفتت ، و ندخله الثلاجة لمدة ساعة و كل ما طول في الثلاجة كان أحلى..
أنا لما سويته بقى منه و حطيته في الثلاجة لبكرة و فعلا كان طعمه أحلى ..
و بعدين طلعوه و مع دلة قهوة و بالهنا و العافية...