كرهت زوجي ومرت مستقبلي

جيتكم من الحيره متابعه لكم وقاصده فزعتكم
انا متزوجه لي سنه من تزوجت ماشفت يوم حلو معاه من يوم ملكنا وانا احس ان فيه شي غريب كل اللي حولي مكالمات ومسجات وانا سكتم بكتم يكلمني كني واحد من اخوياه اخبار علوم ويقفل
قلت يابنت ماعليه ماشفني ولا يعرفني كل من شاف جوالي استغرب مافيه شي صرت ما اوريه احد علشان يقالي عندي اسرار
نصحوني البنات اني اهتم بشكلي وبس الطبخ يجي بعد الزواج ماخليت شي ماسويته بنفسي خلطات وكريمات وكل شي طلعت ملاك احلويت كثيير والكل كان يقوله
تزوجنا وتم الزواج دلعته بقد ما اقدر حتى اول ليله سلمت له نفسي بكل اريحيه ( فاهمني )
كانت ايام ماعليها بس ماشفت الدلع اللي كان ببالي قلت يا بنت اصبري لكن المفاجاه يتوفى واحد من اخوانه جلسنا فتره وهو بديره وانا بديره علشان ضروفه وصبرت وقلت ماعليه متضايق علشان اخوه
بعدين جاء واخذني ورحت لاهله مدري وشفيهم علي كل ماقلت شي رمو علي نغزه استحملت وجاملت علشانه صرت احس انهم مايبوني لولدهم ليه مدري
بعدها بكم اسبوع راح سفره علشان العمل وتركني عند اهلي مع انه كان المفروض يعتذر علشاني توني عروس قلت ماعليه يابنت
ايام ماكنت عند اهلي كان يطول مايكلمني حسيت انه مو مهتم فيني
خلاص احس طابت نفسي منه كنت امووت عليه بس جاني وقت كرهت ما ابي اشوف وجهه
رجع من السفر وجاء عندنا بنات انا انحرمت منه شهور المفروض كان يعوضني على كل شي يبني بس للي باله قلت له ابيك تهتم فيني ولا حياته لمن تنادي
تعبت نفسيا صارت تجيني ضيقه اذا جاني
كرهت لا بعد حد
بس اذا راح من عندي اشتقت له وددي فيه
جلست فتره عند اهلي على اساسا اني تعبانه وانا فعلا كانت نفسيتي تعبانه وش اقول يابنات الطعنه جت بالصميم صار يتكلم فيني وهذي ماهي مره وكل شوي مرسلي احد يهزاني
انا تنرفزت انا يوم سافر ما ارسلت له احد وهو ماقدر يتحملني قلت خلاص طلقني كنت بنفسيه الله يعلم فيها
بعدها قلت انا تعبانه اتركني شوي كنت احاول اني ارجع مثل ماكنت بس والله عجزت مو بيدي كرهته
مرت شهور وانا عند اهلي وكنت طالبه الطلاق بعدها وقبل مايطلقني خطب غيري والمشكله اشوف الناس مستناسه لها اكثر مني العالم كلهم ينتظرون زواجه وهو بعد وصلني انه مرتاح ويبي يتزوج مع انه يرسلي انه يحبني مدري عجزت افهمه وعجزت افهم نفسي
متضايقه احس اني ضيعت مستقبلي او هو اللي ضيعني
انا للحين ماتطلقت بس احس رجعتي له صعبه احس بصير مالي قدر وخصوصا ان احس اهله مايبوني
مع انه والله متحرمتهم ولا اذكر اني غلطت عليهم بشي بس ليه يسون فيني كذا مدري
احس اني ضايعه