كريم الشعر بعلبة وردي

السلام عليكم ورحمة الله وبركاته
شلونكم يا فراشات السعد
أكيد كلكم ما فهمتوا شي من العنوان علشان جذيه سمعوا السالفه من البدايه ( حبابه صايره)
جارتنا عندها اقارب في السعوديه يوم سافرت للسعوديه قعدت عند مرت أخوها تسولف علي الطيبه وتقوللي كنت قاعده جنب مرت أخوي وكانوا بناتها الصغار توهم غاسلين شعورهم قامت مرت أخوها وجابت علبة ورديه فيها كريم للشعر ينحط على الشعر بعد ما ينغسل من الشامبو تقول جارتنا والله يا ريحته تجيب العافيه قامت المره تاخذ بيدها وتمسح على شعورة بناتها وأنا في مكاني دايخه من ريحته إغلي ودتني عالم ثاني تقول جارتنا يوم جيت أبسأل المره قامت الله يسامحها وخشته تحت رجولها وجان تقولها آسفه هذا سر في العايله وما أبيج تعرفينه ( الله يسامحها السالفه ما تستاهل كل هالسريه )
المهم إن جارتنا الله يعافيها تقول ما خليت عطار ولا سوبر ماركت ما سألت عنه فيه لكن للأسف ما لقته والمشكله إن جارتنا ما تعرف تقرأ وهذا إللي زاد الطين بله فعاد انا فكرت فيكم وقلت ما يجيب علمه غير فراشات المنتدى هي تقول إن الكريم ما يوجد إلا في السعوديه فيا ليت إللي تعرف شي عنه تخبرني ولها الأجر إنشاء الله