كسرني موتك ومن بعدك ماذقت الراحه

السلام عليم ورحمه الله وبركاته
انا ياخواتي متابعه لكم من بعيد فكررت كثير اسجل معك لكن ترردت كثير
فجائني افتتاح قسم الارامل والمطلقات> الي انا انتمي له واتمنى تقبلوني بينكم
افتتاح هالقسم عطى كثير بنات المجال يضفضو عن نفسهم ويحسون بالراحه
والفراشاات مشااء الله مايقصرون بالمسانده لاخواتهم من عقل ودين وحكمه جزاهم الله الف خير
والله اني اقراء قصص البنات وتمر علي مواقف وتذكرر واحس بغصه ومرات تدمع عيوني من ققصكم
واحس بالمعاانه الي تعاانونها لاني مريت بنفس تجربتكم من 13 سنه
3سسنه وانا ماذق الرااحه فيها والله قصتي تدمع لهاا العين
ان شاء الله اسرد لها لكم كامله واتمنى تساعدوني بالي تقدرون عليه
من نصيحه من دعاء لاني بحاله مايعلم بها الا الله
انا كتبتها قبل وسويت باك سبيس وانمسح كل شي وكنت باهون من القهرر
وانا نزلت هالمقدمه عشان اتشجع واكتبها لاكن اليوم باكتبها بالورد وانزلها لكم
اشوفكم على خير
رجعت لكم
بسم الله ابدا
قصتي بدت من 13 سنه يوم كنت بالثاانوي عايشه مع اهلي بديرتنا وكل اقاربنا هناك
انا الكبيره بين 12 اخو واخت كنت انا مثلهم الاعلى والحمدلله الله منعم علي بالعقل والدين والاخلاق والجمال
كنا وقتها ما نعرف فيه التلفزيون ولا النت ولا الجوال وكنا عايشين مرتااحين ومبسوطيه
المهم ان فيه ولد عم امي يدور له عروس وهي لازم تكون من نفس القبيله
شارو عليه الناس كثير من البنات وكان هو موقااصره شي رغم اني عمري ماشفته بس من كلام الناس عنه
شارو عليه بوحده من عمااتي بس انها كانه اكبر منه هو 24 وهي 30
وماخذوها له الا انها مدرسسه يوم درا انها مدرسه هون قال ابيها مصونه بالبيت وكل الي تبيه اجيبه لها
راح كلم اعز اصحابه الي هو زوج عمتي الكبيره
قال تعبت وانا ادور مالقيت الي تنااسبني وعمتي هي وزجها ساكنين مع جدتي بالبيت
وحنا دايم نروح نسلم عليها ونقد عندها
المهم مره قلت لي عمتي روحي المطبخ وجيبي كاساات رحت وانا طالعه من المطبخ الا وجهي بوجه زوجها
راح هو لف وانا ركضت للصاله واسمه ينادي بنته الصغيره وسئلها منو هذي وقالت له هذي ملامح بنت فلان
راح زوج عمتي وكلم خالد الي هو ولد عم امي قال مالك الا ملامح بنت فلان
قال متاكد قال خذهاا ولاتفكر هذي الي تدور عليها
راح وكلم اهله ابوه كلم ابوي ووافق والخميس جاتناا امه مسيرر علينا انا اول مره اشووف هالمره
اول مره تجينا البيت وامي خلتني اجهز القهوه والشاهي وقلت البسي وتكشخي بنات خالتك بيجون <ضحكت علي عشان البس
لان امي تعرفني ماحب جمعات الحريم استتحي مره
جات المره وتفاهمت هي وامي على كل شي وحددو العرس بشهر 8 وحنا كنا بشهر 6
وعطتها المهر وكل شي من يومها حسيت امي تكرفني بالبيت ومناحيه الطبخ والتنظييف
وتخليني انا اديم اسوي الغداء لانه كان بالدور علي وعلى خواتي وامي كثره طلعاتها وكل مسئلها تقول بسير ولا عندي شغله بالسوق انتبهي للبيت لاخوانك سوي كذا وكذاا
تروح و ماتاخذني معها كانت تروح السوق وتجهز لي لعرسي
وتخبي الاغراض بالمخزن هذا كله وانا مدري
تاابع
............................
مرت الاياام واشوف النااس صارت تكثرر زيارتهم لنا وانا بالمطبخ اجهز القهوه والشااهي
اخلي اختي توديها وانا اطلع غرفتني كنت استحي حريم اول مره يجون وماعرفهم
وجاء شهر 8 ومابقى على عرسي الا اسبوع ونص والعروسه ماتدري
امي صارت تهتم بي كثير تحني راسي وتزيته اسبوعيا وكلمت خالتي هي اصغر خالتي
احبهاا موت جات من الرياض عشاني وقاامت تعطيني من هالكريماات والخلطات وانا اقول لهاا لا لان امي تهاوشني عندهاا
تقول عيب البنت تهتم بنفسها وهي صغيره <ياحليلي خلوني عروس وان احسب اني باقي صغيره
قالت خالتي لالا تخاافين انا كلمت امك وهي موافقه وخلاص صررتي عروس
انا كنت حاسه انه في شي مو مظبوط الوضع متغير وامي متغيرره ومن قالت صرتي عروس
مسكتها وسئلتها قلت حلفتك بالله ياخاله ايش فيه فيكم شي انتم متغيرين كثير شفيكم علي
اماانه لاتكذبين على ولا تراا بزعل منك ولا عاد اكلمك
سكت خالتي وتغير وجهها قامت تلفت تدور امي وانا قلت لها اماانه ياخاله قولي لي
قالت ياملامح انتي عروسه وعرسك الاثنين الجاي !!
انا حسيت بدووخ واحس قلبي قام ينبض بسرعه حسيت بحرارتي ترتفع وتنخفض
لساني انعقد مدري شااقول وهي تقول انسدحي انسدحي بجيب لك ماي
وقاامت تركض وتنادي امي وانا منسدحه احس الغررفه تددور فيني واقول انا اتزووج معقوله !!!
طيب انا صغيره كيف كيف اتزوج ومن بتززوج من الي زوجوني اياه ّّّّّّّّّ!!!!
وتجي امي وخالتي يركضون يشربوني ماء ويرشون على وجهي وتقول خالتي اول مره اشوف عروس
زعلانه انها ببتزوج ويضحكون ويسلفون يبون يبنون لي الووضع عاادي وانا ابي استووعب
جلسو عندي يسلوفون هذا قسمه ونصيب والمره مكانها بيت زوجها وحنا محنا دايمين لك و
قمت انا وقلت منهو الي بتزوجوني ايااها منهو الي رمتوني علييه هالرميه ولا علمتونيي
كيف يطااوعكم قلبكم تسوفيني كذاا >وابكي واششهق ميته خووف ابي اصحى من هالحلم
ابي اعيش طفولتي الي ماعشتها حراام عليكم الي تسوونه وامي تقول اسكت لايسمعك ابوك واخوانك وانا اصايح باعلى صوتي
وخالتي تهديني وقالت لامي خليني ابي اتفااهم معها !! مسكتني خالتي وعطتني السالفه من طق طق الى السلام عليكم
فهمتني اشياء كثير اشياء اول مره اسمعها امي ماكانت تعلمني شي كانت تستحي عشان كذا كلمت خاالتي وجلست معي طول اليل ونامت عندي
يتبع
..
يتبع
قالت لي خالتي انتي مو مغصووبه بس الولد مو قاصرره وسمعته طيبه واهله ناس معروفين ومحترمين
قالت استخيرري وشوفي والله من يومهاا وانا استخير واستخير
مرره مرتين وثلاث كل يوم ول ماستخرت احس براحه والبراكين الي داخلي تنطفي
فرحت خالتي يوم درت وقالت ان شاء الله بك يكتبلك الخير معه قمناا نجهز للعررس
نزلت جده انا وخالتي واخوي ودتني وصبغت لي شعري لاول مره بحيااتي وقصته لي
وقضت لي شغالات امي ماكنت تفهم فيها ويوم الاحد الي قبل العرس شلت جسمي وتنقششت
وجاء يوم العرس صاارت طاامه كبرى !!
كنت حاجزه كوفيره من جده تنزل لي ديرتنا لا ماعندناا وكوفيرات ويوم العرس تتصل عليها خالتي مااترد
تصل وتتصل ولا حيااء لمن تناادي !!اتصلت بعد ساعه لقت جوالهالاا مقفل !!
حسبي الله عليها خذت العربون وسحبت علي
جات خالتي تبي ترقع وش نبي فيها من زين مكيااجها انتي تسوين احلى منه ومن هالكلاام
حنا عندنا العرس كان يبدا من المغرب ويخلص 11تروح بيت زوجها على طوول لااتتشررع ولا يشوفها احد <ايام اول الحين كل شي موجود
المهم انا بغرفتي مصدومه كيف بتصلح وش بسوي احس شووي وببكي من القهر
قامت خالتي استشورت لي شعري ورفعتي لي من قدام الحمدلله شعري ناعم خلقه مو متعب
وحطت لي بروشات براسي وزبطته وسوت لي مكيااج مرره ناعم ولستني فستان سكرري شريناه من جده
طبعا ماكان فيه لاطرطه ولا زفه ولا مصوره الكلام هذا ماكان فيه
جات الساعه10 وانا مخلصه كل شي..
وكان خالد زوجي مستاجر شقه جمب بيت اهلي جدار بجدار
المهم طلعت لشقه وطلعت معي خالتي واختي الي اصغر مني ومرت خالي الكبيره ويوم دخلت شقتي
لقيت البلوناات والاضااءات ورود منثرره الى باب الغرفه واسمي واسمه على السرير بالورود الحمراء
وشموع وعلى الطوله كيكه وعصير <كله هذا خالتي سوته وانا ماادري الله لايحرمني منها
وجابت كمرا وجلست تصورني وتصورنا كلناا سوى المهم جات السااعه 11 الا اسمع بواري السيارات
والصيااح من الشاارع وكلهم قاامو يطلعوون مع الدرريشه وانا مككاني
قالوو جاء جاء ّ!!
وصصل ووصل
المعرس جاء !!
انا وقتها حسيت ارجولي انشلت وجهي قلب الوان حسيت الايام الي راحت خذتها لها لعب مافكرت بالزواج عدل
انشغلت مع خالتي وخواتي بالتقضيه والتجهيز وضحك والسوالف حسيت بحسااس غريب تجيني افكاار اول مره تجيني
انقلب وجهي وصررت اتنفسس بسرعه قلبي يخفق...
وباب الشقه فااتح اسمع اصووات النااس التصعد وتهل وضرب البواري يزداد ودخلت امي وجااء هو البنات راحو والبسو عبيهم
وطلعو!!!
طلعو وخلوني!!
واسمعهم بالصاله يبااركون وغطااريف وانا بالغرفه احس روحي بتطلع
يتبع
.................
يتببع
كنت انا بالغررفه انتظره حسيت حالي مكتومه ووعيوني بدت تدمع والمكيااج بيخرب ؛<هذا كان همي الوحيد
صرت بطرف فستااني امس دمووعي واحاول اهدي نفسي شوي شوي الا الصووات بدت تخخف
بدل ماكانو عشرره يبارون صرت اسمع صوت امي بس
لاوصيك عليهاا انتبهلها تراهاا غاليه عندنا سلمنااك اياها حاافظ عليها تراهاا اماانه <<يابعد قلبي يمه
واسمع صوته لاول مرره لاتوصين حريص الحين صارت مرتي على سنه الله ورسوله وبنتك بتعيش معززه مكرمه
وشوي الا اسمع تسكيره الباب
طرراخ!!
عرفت ان امي طلعت بغيت اصييح اقول وين بارروح معك
استنيني بالبس عبااتي ...
وانا ميته من الخوف ومعطيه ظهري للباب وجالسه اقطع بشعرري شوي الادخل وقفل الباب وراه
دخل علي رجال غريب ماعرف عنه شي غير اسمه لاعمري شفته ولا كلمته
ولا هو بعد
دخل سلم علي مارديت ...
شلونك ماارديت ...
الف مبروك <لاحيياء لمن تنادي...
قام يضحك وانا ملقيته ظهري راح علق بشته وجااء جلس جمبي على السرريرر <انا بغيت اطلع واخلي له الغررفه
قال اشفيك فيك شي !!
لايكون تعبانه ....مارديت ..
قام سحب الكرسي وحطه قدامي وجلس وجهي لوجهه...
وانا مدنقه قام رفع وجهي وحط عينه بعيني
اول مره
اول مرره اشوفه ويشوفني
هو تنح فيني قال مشااء الله تبارك الله
وانا يابنات مومصدقه انه هذا زوجي كان جميل جميل لايعد حد
قام مسك يديني كاانت بارده وتررجف خااف علي قال اشفي تعباانه نطقت وقلت لا
قال برخي لك المكيف ..
وقال جوعانه قلت لا قال انا جوعان وراح المطبخ وحظر العشاء الي بالفرن
وجاابه الغرفه وسحب لي الطاوله وجلس جمبي قال يالله نتعشااء وانا مسستحيه ومالي نفس قالت مابي
قال مو بكيفك يلا افتحي فمك ويضحك وانا ضحكت
قال لا خلاص شبعت من هالابساامه الي يطالعها مايجووع <الله يرحمك يابعد عمري
وطلع خلاني ابدل وهو راح بدل وكنت على السرير جاالسه وجاء وجلس جمبي ولحفني لاني كنت بردانه
ومسك يدي وحط عينه بعيني وقالي تراك صرتي زوجتي على سنه الله ورسوله يعني عرضي وشرفي
وانا بسعدك بكل الي اقدرر عليه والله لاعيشك احلى عيشه بدلع واحترمك واحط على راسي وعلى عيني وكلام
وهو يكلمني حسيت يعيونه تلمع كن فيها دموع
ر وانا اطالع فيه حسيت باخلاصه وصدقه حسيت بحنيه وطيبه...
وجلسنا لين اذن وحناا سؤالف سؤؤالف هو طبعاا اما انا بالقطااره ونمنا
هنا يبدا الشقااء ..
صبحنا اليوم الثاني على امي جات هي وخالتي البيت جابو الفطور
هو كان صاحي وانا نايمه دخلت علي خالتي قلت انتي للحين ناايمه الظهر اذان وتانتي ماتجهزتي
كان اهله مسوين غداء لنا والله وافز انا وياها
وتجهزت ولبست فستان بيج وسويت مكياج درجات البرونزي
وهو كان لابس وجااهز وكان يفطر مع امي بالصاله واول ماخلصت طلعت لهم
طلعو فيني لاهو ولا امي مبهري وامي جات وسلمت علي والف مبروك صباحيه مبارك
تعالي افطر مسويه فطورك الي تحببيينه وجلست معهم وافطر وكل مارفعت عيني
الا هو يطالعني انا استحيت وقمت
امي راحت هي وخالتي البنت يتجهزون للعزيمه
وانا ويااه قعدنا شوي ورحنا للغداء
يوم رحنا الا امت لا اله الا الله عندهم قلت لا ودني مابي انزل قال خلاص وصلنا
والله بالمحاايل لين نزلت..
ويوم دخلت الا الترحيب وسلمت على امه وابوه ورحت دخلت الصاله الي ملياانه حرريم
سلمت عليهم وجلست كلهم بعيبهم وطراحهم الا انا لابسه الفستاان وكلهم يطالعوني نظرات غريب
كنت صاابغه شعري بني وخصل بيج والفستان بيج والمكياج برونزي >كان شكلي شي حتى انا منصدمه من نفسي
شوي الا جو عماتي وسلم وباركو الا عمتي الي كان بيخطبها قبلي سلمت علي برود ولا باركت وراحت وجلست
انا استغربت شفيهاا..!!
وشوي الا الحمدلله جات امي وخالاتي وخوااتي بغيت امووت من الخوف جالسه مع نااس ماعرفهم
والي تخز والي يتكلمون فيني بمدري شنو وعمتي شغاله تشميق
سئلت خالتي قلت شفيها عمتي قالت لي كذا وكذاا
يتبع
........
المهم بختصر لكم قد مقدر
هو كان يشتغل بعيد عن ديرتنا ب200 كيلو
كان يداوم هناك ويجيني بالويك اند
كنا عاايشين احلى عيشه كان اذا جاني مانقعد نطلع نتمشى بجده ولا الرياض ونروح الجنوب
وعشوات برا وبالفنادق وتمشيات واذا كنت ابي السوق يقول استنى الاسبوع الجاي
ياخذني ينزلني احسن الاسواق ويعطيني 6 ولا 7 الاف ويقول قضي الي تبين لاتخلين شي بخااطرك
جاب لي تلفزيون بالبيت كنا انا وياه اول من دخل الدش بالبيت ديرتنا كلها مافيها الا القناه الاوله
جاب لي خدامه بالبيت تسااعدني رغم اني مو محتاجه مسااعده مرات اخليها عند اهلي
عشت معاه احلى سنه من عمري كان يعملني زي الطفله رغم ان عمري 18 وهو 25
ويوم تخررجت جاتني فتره تعبت دووخه ومغص وارجع بشكل مستمر خاف علي جاني من دوامه
ووداني المستشفى سوينا تحاليل وكشف
جات الدكتوره قالت مبروك مراتك حامل
3سنه وانا اتذكر نظراته يوم قالت له زوجتك حامل
الابتساامه الي شقت وجه عيونه الي تدمع حسيت الفرحه بعيوونه
يمسح عيونه بشماغه مو مصدق بيجيناا ولد ياملامح بيجينا ولد ويمسك يدي ويبوسها
ومرت الايام ودرست بالكليه وكنتحامل بالشهور الاخيره
جا زوجي ياخذني لاني نت تعباانه وعطا البواب البطاقه والبنات جالسين معي شله
وكلهم قالو ورينا زوجك نبي نشوف خالد وكل وحده شاافت تقول مشااء مشاء الله يحفظه الله يحميه
في وحده يوم مسكت بطاقته جالسه تطالع فيه بنظرات غريبه تتمعق وتطالع
وعطتني البطاقه ولا قالت شي اهلها زوجوها بالغصب لشيبه عمره فوق60
ويوم الثاني يوم جاء ياخني الا الكليه كلها برا تبي تشوف زوجي
ويوم طلعت الكل موقفين عند سيارته ينااظرون مع ان شكله مبهذل مو محلق وجيت ركبت
قال هو شفيهم هذولا >>كنه يستهبل مو داري انه حلو وقلت لا بس يبون يشفون زوجي حبيبي
قال الحمد لله على العقل..
يبنات كنت اطلع معه الاسواق البناات ينااظرون فيه بشكل مو معقوول حتى المتزوجات مع رجالهم
تطالع فيه شوي وتخش فيه وانا عادي ابرد ماعندي مع اني كنت اغار بس ماحاول اسوي قلق
حتى مره كنا بالسوق راح لصرافه يصرف وانا جالسه على الكرسي استنااه يوم سحب الفلوس
وهو جاي عندي كانت معه ورقه بحسابه قطعها وصلتين ورمااها الا جات وحده تقلبها تدور الرقم !!!
يتبع
مرت الايام وانا في الشهر الاخير
تعب زوجي علي صار يحس بصداع وحراره ترتفع وتنخفض
راح للمستشفى الي بدريتنا وعطوه ادويه قالو سخوونه عاديه انا كنت اقوله روح جده ولا الطايف
احسن لك هذولا ماعندهم سالفه قال لالا شغله عارضه وعدت مافيني الا كل خير
والحمدلله تمت ولاتي على خير وجبت بنت زي القمر تشبه ابوها سميناها لوجين
كان يحبها يعشقها يموت فيها لدرجه اني مرات اغيره منهاا
يلاعبها بالساعات ويطلع يشتريلها من البقاله بالكرااتين عصيرات وشكوليت
كان مايتغدى لين تجي هي وتتغدى شوي وتشبع صارت بنتي عمرها 9 شهور ..
جااء ذا اليوم الي صحيت فيه زوجي لصلاه الجمعه قام وتوضى وراح يصلي
يوم جاء وانا اجهز الغداء سمعت صوت الباب انفتح وانا بالمطبخ دخل هو قال الغداء جاهز قلت الحين احطه
وانا اجهز الغداء وبنتي بالصاله طلعت انا اديه دخلت الغرفه ادوره ماالقيته !!!!!
دورت بالمجلس بالصاله مالقيت
دخلت الحمام الله يعزكم الا هو طايح على جهه !
انا اطالع خالد خالد واقلبه واحبه للغررفه احاول اصحيه ماقدرت
وفتحت الدريشه الي على بيت اهلي ولا بسه طرحتي جلست اصايح باعلى صوتي وانادي
اهلي واخواني ياناس الحقوو علي الحقوني !!!!!
وجو اخواني وشالوه ووده المستشفى وانا ابكي ابي اروح معكم خذوني تكفون
تكفون مالي غيره خذوني الله يخليكم .. وابكي بصوت واشهق
وتجي عندي امي وخوااتي وخلاتي ويمسكوني ويهدوني..
وبنتي تصيح واختي ماسكتها شالوه ودوه المستشفى قالو ماعرفنا شفيه
جو اهله واخوانه المستشفى شالووه ووده الرياض يعالجونه